గొంతు విప్పిన గువ్వ - 18 Gontu Vippina Guvva 18 | సంచిక

గొంతు విప్పిన గువ్వ – 18

ఒక స్త్రీ సంపూర్ణ జీవన సంఘర్షణలను, ఆమె జీవనయానంలో ఎదురైన విభిన్న సంఘటనలను నేపథ్యంగా చిట్టి పొట్టి కథల సమాహారాన్ని ధారావాహికగా అందిస్తున్నారు ఝాన్సీ కొప్పిశెట్టి. ఉత్తమ పురుషలో సాగే ఈ ‘గొంతు విప్పిన గువ్వ’ పాఠకుని దృష్టికోణాన్ని అంచనాలను తారుమారు చేస్తూ విభ్రాంతికి లోను చేస్తుంది.

తమసోమా జ్యోతిర్గమయా…

I am in the process of becoming the best version of myself…

ఇండియా వచ్చినప్పుడల్లా తప్పనిసరిగా శ్రీశైలంలో బోళా శంకరుడి దర్శనం చేసుకోవటం ఆనవాయితీ.

నేను ఏ దేవాలయానికి వెళ్ళినా నా స్వార్థపు ప్రార్థనలు ఒక ఆర్డర్ ఆఫ్ ప్రయారిటీస్‌లో వుంటాయి..

అప్పట్లో నా ప్రార్థనల నిండా ఆయన, తమ్ముడు..

ఇప్పుడు ముందుగా అమ్మ, తరువాత పిల్లలు, ఆ పైన వాళ్ళ పిల్లలు..

ఇంకా ఆ పైన మనసుకు బాగా దగ్గరయిన ఎవరో ఒకరిద్దరు…

అంతకు మించి నాకు హృదయ వైశాల్యం లేదు.

స్వామివారి లింగం ముందు ఎక్కువసేపు నిలబడి విన్నపాలు చేసే అవకాశం వుండదు కనుక లైనులో వుండగానే కోరికల దండకం మొదలెట్టేస్తాను.

స్వామీ, అమ్మకు శతాయుః ప్రసాదించి జీవించి వున్నంత కాలం ఆనందంగా ఆరోగ్యంగా వుంచయ్యా. ఆయువు తీరినప్పుడు అమ్మకు సునాయాసమైన మరణం ప్రసాదించు తండ్రీ. నేను తన పక్కన లేనప్పుడు మటుకు తొందర పడకయ్యా…

పెద్దమ్మాయి మతాంతర వివాహానికి ప్రతిఫలంగా వాళ్ళకో కొంగ్రొత్త హైబ్రిడ్ పసిమొగ్గను ఇచ్చావు. వాళ్ళ కొత్త కాపురంలో కలతలు రేగకుండా నీ ముక్కంటితో కాయి శివయ్యా…

అమెరికాలో కోవిడ్ కేసులు కోట్లకు ఎగబ్రాకుతున్నాయి. మావారి గారాల బిడ్డ కుటుంబ సంరక్షణ భారం నీదేనయ్యా.

ఇంకేమున్నాయి నీ చల్లని చూపు ప్రసరించటానికి.

అన్నట్టు మరిచిపోయా…

నా మొద్దు బుర్రకు మంచి ఆలోచనలు తట్టి కలం పదును తేరేట్టుగా ఆశీర్వదించయ్యా.

ఇంకా…

ఇంకేముంటాయి… ఇంతవరకూ చాలులే.

అంతే.

గుట్టు చప్పుడు కాకుండా అవసరమైన వారికి నాకు తోచిన చిన్నా చితకా సాయం చేస్తా.. అది వేరే విషయం. కాని గర్భ గుడిలో భగవంతుని ముందు మోకరిల్లి ప్రార్థించే విషయంలో మటుకు నేను చాలా పీనాసిని.

ఎప్పుడూ నా, నా కుటుంబ పరిధిని ఒక్క అంగుళం కూడా దాటి పరోపకారపు ప్రార్థనలు చేయను. అసలు ఎవరైనా గర్భగుడిలో దేముని ముందు నిలబడి నా ఎదురింటి ఎల్లమ్మను చల్లగా చూడమని, పొరుగింటి పుల్లమ్మకు ఓ పాపను ప్రసాదించమని ఎలా ప్రార్థిస్తారో మరి..? అందుకు చాలా పెద్ద మనసు కావాలేమో. పైగా మరీ కోరికల చిట్టా పొడవైతే దేవుడు ఏమనుకుంటాడోనని నాకు కొంత మొహమాటం.

గుండెల మీద చెయ్యి వేసి చెప్పాలంటే నిజానికి నా కుటుంబ చట్రం దాటి కనీసం మొక్కుబడిగానైనా సర్వేజనాసుఖినోభవంతు అని ఆ భగవంతుని నా తోటి మానవుల శ్రేయస్సు కోసం ఎప్పుడూ మనసారా కాంక్షించింది లేదు.

నేనేనా ఇంత స్వార్థపరురాలిని. నాలా మరెవరైనా వుంటారా.

“నేనింకా ‘నా’ నుండి ‘మా’ వరకే రాలేదు ‘మన’ అనుకున్నప్పుడే కదా ముందడుగు” అన్నారు కాళోజీ.

నేను ‘మా’ లోనే పాతుకుపోయి వెనుక బడిపోయాను.

అయితే ఈ సందర్భంలో అంతా ‘మన’ అనుకునే ఓ సర్వ జన శ్రేయోభిలాషి గురించి ఇక్కడ చెప్పాలి.

అతను వృత్తిలో దంతవైద్యులు. ప్రవృత్తిలో సాహిత్య ప్రియులు.

‘సహృదయ’ సంస్థ సేవకులు, సాహిత్య వారధులు.

కె ఎల్వీ ప్రసాద్ నామధేయులు.

ఈ రోజుకీ నా రచన ఏదయినా ప్రచురణ అయినా, నా రచనలకు సంబంధించిన సమీక్ష ఏదయినా వచ్చినా, నేను నా ఆనందాన్ని పంచుకునే తొలి సహృదయ వ్యక్తి, సాహిత్య మిత్రులు వారే.

స్వయంగా తానొక మంచి రచయిత.

ముఖ్యంగా నా కథలు కవితలకు చక్కటి శీర్షికలను సూచిస్తారు. నేను చేసిన చాలా రచనలకు నామకరణం వారే చేసారు.

రెండేళ్ళ క్రితం ఒక సారి నేను రాసిన ఒక కవితకు స్పందన రూపంలో వారి పరిచయ భాగ్యం కలిగింది. వరుసగా నేను పోస్ట్ చేసిన కవితలు చదవటం, కమెంటటమే కాకుండా నా కవితలు పత్రికలలో ప్రచురణకి పంపించమని నాకు వివిధ పత్రికల అడ్రసులు, మెయిల్ ఐడిలు పంపేవారు.

వివిధ పత్రికల్లో అచ్చయిన నా కవితలకు, కథలకు ప్రోద్బలం వారిదే.

నేను ఎంతో కొంత బాగానే రాస్తానని మిత్రులంటారు. మరి నాకెందుకో నేను బాగా రాస్తానన్న నమ్మకం ఇప్పటికీ కుదరదు. హనుమంతునికి తన శక్తి తనకు తెలియనట్లు నా పైన నాకు నమ్మకం లేకపోవటమో లేక అద్భుతంగా రాయటమంటే ఏమిటో బాగా తెలిసుండటమో… ఏది ఏమైనప్పటికీ నేనింకా రచనా వ్యాసంగంలో తొలి దశలోనే వున్నానని నా ప్రగాఢ విశ్వాసం.

నేను ఏమి రాసినా వారు మటుకు ‘మహాద్భుతం’ అంటారు.

నా దృష్టిలో బాగా రాసే కొందరి రచనలను నా రచనలతో పోల్చి చూపించి నా రచనలు ఎంత పేలవంగా వున్నాయో చూడమంటాను నేను.

వారేమో ఓ మోస్తరుగా రాసే రైటర్ల రచనలు చూపించి నేనెంత ఉన్నతంగా రాస్తానో నిరూపించి ఉత్సాహపరుస్తుంటారు.

అసలైతే వారు పోలిక వద్దంటారు. అంతగా పోల్చుకోవాలనే దుగ్ధ ఎక్కువగా వుంటే తాటిచెట్ల పక్కన నిలబడి చిన్నబోయే కన్నా బోన్సాయ్ పక్కన నిలబడి గర్వపడమంటారు.

నేను నూటికి మేటి అయిన పది మందితో పోల్చుకుంటే తను మిగతా తొంభై మందితో పోల్చి నేను ప్రామాణికంగా చూపెట్టిన పదిమందిలో నేనున్నానని నాలో నమ్మకాన్ని పెంపొందిస్తుంటారు.

అయినా నేను కన్విన్స్ కాలేను.

ఒక్కో సారి వారు నాపైనున్న వ్యక్తిగత అభిమానంతో నన్ను మెచ్చుకుంటున్నారేమోనని అపోహ పడుతుంటాను.

కాని వారు నన్ను మాత్రమే కాకుండా నాలాంటి చాలా మంది వర్ధమాన కవులను రచయితలను వయోలింగ భేదం లేకుండా వారి రచనలను ఆదరించి ప్రోత్సాహించటమే కాకుండా తనకున్న పలుకుబడితో పత్రికల వారికి ప్రచురణ కోసం నిస్వార్థంగా రెకమండ్ చేయటం నాకు ఆశ్చర్యాన్ని కలిగిస్తుంది.

ఈ సాహిత్య రంగంలో పాతుకు పోయిన సీనియర్ల సపోర్టు లేనిదే త్వరగా రాణించలేరని ఈ మధ్యే నాకు అర్థమయ్యింది. అయితే ఏ లాభాపేక్ష లేకుండా నిష్ణాతులైన సీనియర్లు నిష్కల్మష హృదయంతో ఇతరులకు పుష్ ఇవ్వటం చాలా అరుదు.

నీ తవికను కవితగా రూపుదిద్దుతాను.. మరి నాకేమిటి

నీ కథకు మంచి కొస మెరుపునద్దుతాను.. మరి నాకేమిస్తావు

నా పత్రిక/వెబ్ పత్రికలో నీ రచన వేస్తాను.. మరి నువ్వేం చేస్తావు

నీ రచనా వ్యాసంగం పైన మంచి సమీక్ష రాస్తాను.. బదులుగా ఏం ఇస్తావు

ఎక్కడో ఒకరిద్దరు తప్ప ఇక్కడందరిదీ “అయితే నాకేమిటట” వ్యవహారమే.

ముఖ్యంగా లేడీ రైటర్స్‌కి ఇది కత్తి మీద సామే. ఓ సాహితీవేత్త సాహచర్యమో, ఓ గురువుగారి కృపాకటాక్షమో, ఓ సహృదయ స్పాన్సరో, మంచి మిత్రులైన ఓ పత్రికానిర్వాహకులో వుంటే తప్ప స్వయంప్రభతో రాణించటం చాలా కష్టం.

ఇలాంటి సాహిత్య వాతావరణంలో పత్రికల వారితో తనకున్న సత్సంబంధాలను ఉపయోగించుకుని తనకన్నా బాగా రాస్తారని చెప్పి ఇతరుల రచనలను ప్రచురణ చేయించేందుకు శాయశక్తులా ప్రయత్నించే ప్రసాద్ గారు నాకెప్పుడూ అబ్బురమే.

నేను గమనించినది ఏమిటంటే ప్రసాద్ గారి ప్రొద్బల సహకారాలతో పైకెదిగిన కొందరు రచయితలు, కవులు వారిని తొక్కుకుంటూ పైకి వెళ్ళిపోవటం.

ఆశ్చర్యంగా అందుకు వారు బాధపడరు.

“నా పరిధిలో నేను చేయగల సాయం చేసాను… వాళ్ళ ప్రతిభతో వాళ్ళు పైకి ఎగబ్రాకారు” అంటారు.

అలా కీర్తి శిఖరం అధిరోహించాక కనీస కృతజ్ఞత చూపనవసరం లేదా అన్నదే నా బాధ.

ఒక కవయిత్రి తొలి దశలో ప్రసాద్ గారి సలహా సంప్రదింపులతో కేంద్ర సాహిత్య పురస్కారాన్ని సైతం అందుకుని ఆ తరువాత అసలు వారెవరో తెలియనట్లు ప్రవర్తించారని విన్నాను.

మరొకరు ప్రసాద్ గారి సాహిత్య సహాయం పొందీ వారు ఆహ్వానింపబడిన ఒక సాహిత్య సభలో కనీసం పలకరించకుండా అవమానించారని తెలిసింది.

ఇంకొకరు అక్షరాలు దిద్దించి సాహిత్య అరంగ్రేటం చేయించిన గురుతుల్యులైన వారిని పూర్తిగా మరిచి ఇప్పుడు మాటాడటమే మానేసారని తెలిసి జీర్ణించుకోవటం కష్టమైంది.

ఈ చేదు అనుభవాలను పాఠాలుగా గ్రహించకుండా ఇప్పటికీ వారు సాహిత్య సేవ పేరుతో ఇంకా ఇంకా వయోలింగ బేధం లేకుండా కొత్త రైటర్లకు తనదైన పద్దతిలో చేయూతనిస్తూ తోచిన సాయం చేస్తూనే వున్నారు.

ఈ సాహిత్య ప్రపంచంలో ఒకరిని చూసి ఒకరు అసూయ పడుతూ ఎవరినెలా తొక్కేయాలాని ఆలోచించే కుత్సిత బుద్ధుల మధ్య, ప్రతి రైటరును వివిధ పత్రికల ఎడిటర్లకు పరిచయం చేస్తూ తనకన్నా బాగా రాస్తారని చెప్పటంలో వారి హృదయ వైశాల్యం తెలుస్తుంది.

తాను రాస్తున్న పత్రికకే తనను మించిన మరో రైటరును పరిచయం చేసి తనకే పోటీని కొని తెచ్చుకోవటం వారి అమాయకత్వమో లేక వారి మితిమీరిన సాహిత్యాభిమానమో నాకిప్పటికీ అర్ధం కాదు.

వారిని చూసైనా ఇప్పుడిక నన్ను నేను సవరించుకోవాలి.

సర్వేజనాసుఖినోభవంతు అని గొంతెత్తి మనసారా కోరుకోగలిగేంతగా నేను ఎదగాలి.

నాలోని చీకటిని తొలగించుకుని వెలుతురులోకి పయనించాలి.

(మళ్ళీ కలుద్దాం)

ఝాన్సీ కొప్పిశెట్టి

ఈ రోజుల్లో హైటెక్ వేగంతో నవలలు, కథలు, కవిత్వం, సమీక్షలు రాస్తున్న రచయితల్లో శ్రీమతి ఝాన్సీ కొప్పిశెట్టి ముందు వరుసలో ఉంటారు. ఇప్పటి పాఠకులకు ఝాన్సీగారు కొత్త రచయిత్రి కానీ ఆవిడ యుక్త వయసులోనే రచించిన కథలు, కవితలు వివిధ పత్రికలలో వెలువడ్డాయి. కొన్ని వ్యక్తిగత కారణాల వలన మధ్యలో వారి రచనా వ్యాసంగానికి గండి పడింది. తిరిగి గత రెండేళ్ళుగా మళ్ళీ కలం పట్టిన ఝాన్సీగారి అనేక కథలు కవితలు వివిధ పత్రికల్లో అచ్చయ్యాయి. వీరి కథలు, కవితలు ప్రతిలిపిలో అనేక బహుమతులు గెలుచుకున్నాయి. వీరు హైదరాబాదుకు చెందిన వారైనప్పటికీ ప్రస్తుత నివాసం ఆస్ట్రేలియా. తెలుగు సాహిత్యం పట్ల అమిత ప్రేమ ఉన్న ఝాన్సీగారు ఆంగ్లంలో కూడా పట్టభద్రులు. 2019లో ముద్రితమైన ‘అనాచ్చాదిత కథ’ అనే వీరి తొలినవల అసంఖ్యాక పాఠకుల అభిమానం చూరగొని అంపశయ్య నవీన్ గారి ప్రత్యేక బహుమతిని పొందినది. వీరి రెండో నవల ‘విరోధాభాస’.

1

Jhansi koppisetty
December 6, 2020 at 8:44 am
సూపర్బ్ ఝాన్సీ గారు 👏👏👏👏👏చాలా సంతోషం గా ఉంది గురువర్యుల గురించి వ్రాసిన వ్యాసానికి నా మొదటి పలకరింపు కావడం నా అదృష్టం గా భావిస్తున్నాను 🙏🙏🙏🙏అలా సహాయ సహకారం దిద్దుబాట్లు మోరల్ సపోర్ట్ ఎదుటి వారి నుండి ఏమీ ఆశించకుండా నేను కవితలు వ్రాయడానికి పునాది రాయి ని గట్టి పరచిన వ్యక్తి నా కవిత ల ప్రస్థానానికి చిరునామా నేను వ్రాయగలననే నా కంటే ఎక్కువ ధీమా వ్యక్త పరచిన వ్యక్తి,సాహితీ లోకంలో నాకంటూ ఒక స్థానాన్ని పదిల పరచిన వ్యక్తి, నాకు జాతీయ అవార్డు స్థాయి కి తీసుకొచ్చిన వ్యక్తి సహృదయ సుస్సంపన్న పరోపకారి గురించి మీరు ఎంతో సహృదయంతో వివరణాత్మకంగా ఆయన గురించి విశ్లేషణాత్మకంగా తెలియ పరచటం నాకు చాలా చాలా ఆనందాన్ని కలగ చేస్తున్నది. నిజం గా ఇతరుల నుండి ఏమీ ఆశించకుండా తిరిగి ఇంత ఉపకారం చేస్తున్నారు మీ ఋణం ఎలా తీర్చు కోవాలి అంటే తిరిగి మరో పత్రిక కు డైలీ వ్రాయడమే నాకిచ్చే గురు దక్షిణ అనే ఆయన ఔచిత్యం గర్వించదగినది .జీవితంలో ఇలాంటి వ్యక్తులు చాలా అరుదుగా ఉంటారు.
అలాంటి వ్యక్తి ని పరిచయం చేసిన ఆ భగవంతునికి సదా కృతజ్ఞతలు తెలుపుకుంటూ ఆయన సకుటుంబం సదా సంతోషాల సంగమం లో తేలియాడాలని కోరుకుంటుంటాను.ఆయన సహాయ సహకారాలు పొంది మరవటం అనే కృతఘ్నుల చర్య అమానుషం.
ఏది ఏమైనా నా మనసులోని మాటలను చక్కని
వ్యాసంతో అభినందనల హారంగా ప్రసాద్ సార్ గారి మెడలో వేయటం చాలా చాలా సంతోషం గా ఉంది .శుభ శుభదయాన చక్కని వ్యక్తి గురించి చల్లని మాటలు పలికిన మీ గువ్వ కు హృదయపూర్వక శుభాకాంక్షలు శుభాభినందనలు హాట్సాఫ్ యు ఝాన్సీ గారు 💐🎊💐🎊💐🎊💐🎊💐🎊❤

……మొహమ్మద్ అఫ్సర్ వలీషా

Reply
1. 1.1
  
  Jhansi koppisetty
  December 6, 2020 at 3:03 pm
  Thanks a lot valishaa😍😍…. I understand your respect for him and your happiness and excitement after reading this episode by your so quick response dear…
  
  Reply
2

Navneeth
December 6, 2020 at 9:08 am
Yes
I have got enlightenment very early in this writers world.
Beside, when I go to temple ( being atheist) I never prayed God . I only suggest him , if you are there please take care of everyone in this world.

Reply
1. 2.1
  
  Jhansi koppisetty
  December 6, 2020 at 3:00 pm
  That’s nice of you brother….Atleast you pray to God to take care of everyone in this world unlike me😃😃😃
  
  Reply
3

మంజు
December 6, 2020 at 10:00 am
ప్రసాద్ గారి మంచితనమది… బాగా రాశారు మీరు… ఏరు దాటి తెప్ప తగలేసే రకాలు చాలామందున్నారు.

Reply
1. 3.1
  
  Jhansi koppisetty
  December 6, 2020 at 3:04 pm
  ధన్యవాదాలండీ మంజుగారూ🙏🏻🙏🏻
  
  Reply
4

Mannem sarada
December 6, 2020 at 10:06 am
వున్నది ఉన్నట్లు నిర్మొగమాటం గా చెప్పడంలో నీకు నీవే సాటి ఝాన్సీ, ప్రసాద్ గారి గురించి చాలా బాగా చెప్పావు. స్వలాభాపేక్ష తో నిండిన ఈ లోకంలో ఈ గాయాలు తప్పవు. ఇరువురికి అభినందనలు !

Reply
1. 4.1
  
  Jhansi koppisetty
  December 6, 2020 at 3:06 pm
  Thank you శారదక్కా… నేను సాయం పొందిన నలుగురికీ ఇలా అక్షరాలతోనైనా కృతజ్ఞతలు చెప్పుకుందామని ఈ గువ్వ గొంతు ద్వారా నా ప్రయత్నం…
  
  Reply
5

రూప రుక్మిణి. కె
December 6, 2020 at 10:37 am
Very nice…👌👌👌

Reply
1. 5.1
  
  Jhansi koppisetty
  December 6, 2020 at 3:07 pm
  Thank you రూపా డియర్💖
  
  Reply
6

sagar
December 6, 2020 at 10:48 am
మేడం ప్రసాద్ సర్ గురించి బాగావర్ణించారు. నిజమే వారిసలహాలతో ప్రవృత్తిని ఇష్టపడే వారి శిష్యపరమాణువులో నేనూ ఒకడిని. ముఖపుస్తకంలో ఒకగ్రూప్ లో నేను వ్రాసిన చిన్న కవితతో ప్రసాద్ సర్ గారు నన్నుప్రోత్సహించడం కొంతమందిని పరిచయం చేయడం లాంటివి చేశారు. అందుకు ఉదాహరణ మీ తో నా పరిచయం, మరియు సంచిక పత్రికలో నా కవితలు. రెండు పరిచయాలు వారు చేసినవే. అంతేకాక నేను వ్రాయడం మొదలెట్టినప్పుడు మీకు లాగె నాకు కూడ శీర్షిక ఎంపిక బారం వారిదే. ఇప్పటికీ అక్షరదోషాలు, పదదోషాలు సరిద్దేదివారే. మీ రచనతో వారిని ఇక్కడ అబినందించడం సంతోషం. మీకు ధన్యవాదములు మేడమ్

Reply
1. 6.1
  
  Jhansi koppisetty
  December 6, 2020 at 3:14 pm
  సాగర్ గారూ, మీ స్పందనకు ధన్యవాదాలండీ… ఈ ఎపిసోడ్ మనందరి తరపున ప్రసాద్ గారికి కృతజ్ఞతలు తెలుపుకోవటానికే…
  
  Reply
7

Sambasivarao Thota
December 6, 2020 at 11:29 am
Jhansi Garu!
Saadhaaranangaa gullo ekkuvamandi meelaage devudni poojisthaaru !!
Ika Dr.Prasad gaari vishayaanikosthe,aayana Chaalaa mandini prothsahisthaaru,uttejaparusthaaru,..
Aayanaku Chaalaa mandi shishya paramaanulu vunnaaru..
Varilo nenokadinani cheppadaaniki garvapaduthuntaanu…
Idi nizam…
Meeku Abhinandanalu Jhansi Garu…
🙏🙏🙏

Reply
8

Lakshminarayana Rao Bitra
December 6, 2020 at 2:45 pm
పరోపకారాయ ఫలంతి వృక్ష:
పరోపకారాయ దుహంతి గావ:
పరోపకారాయ బహంతి నద్య:
పరోపకారార్ధం ఇదం శరీరం

Reply
1. 8.1
  
  Jhansi koppisetty
  December 6, 2020 at 3:18 pm
  లక్ష్మీ నారాయణ గారూ…🙏🏻🙏🏻🙏🏻
  
  Reply
9

Jhansi koppisetty
December 6, 2020 at 3:18 pm
సాంబశివరావు గారూ, ధన్యవాదాలండీ… చాలామంది నాలాగే ప్రార్ధిస్తారంటే కొంత రిలీఫ్ గా వుంది.. నేను మాత్రమే అన్న బాధ నుండి కొంత విముక్తి కలిగింది…

రానురాను ప్రసాద్ గారి శిష్యబృందం దినదిన ప్రవర్ధమానమవుతోంది😃😃😃

Reply
10

Jhansi koppisetty
December 6, 2020 at 3:32 pm
ముందుగా ప్రసాద్ గారి ఉన్నత వ్యక్తిత్వానికి వందనం,🙏🏻

మోసం దగా ఎక్కడైనా ఉంటాయి సాహిత్యరంగంలో ఇంకా కొంచెం ఎక్కువే మేధావులు కదా మరి, నిఖార్సైన నీలములోకటో రెండో, మిగతావన్నీ తళుకు బెళుకు లే సుమా!

ఎదురుగా నిలబడి చెబుతున్నారా అన్నట్టుగా ఉన్న అనుభవ సారాలు, భావగార్బితమైన తమరి వాక్య పొందికలు పురాగా వినకుండా వదలవుగా ఇంకేమీ కావాలి మీ ప్రతిభకు తార్కాణాలు?

……Saleem Mohammad

Reply
11

Jhansi koppisetty
December 6, 2020 at 3:35 pm
ప్రసాద్ గారి లాంటి వాళ్ళు చాలా అరుదు ! చాలా బాగా రాసారు ! అభినందనలు…

…..Renuka Ayola

Reply
12

చిట్టె మాధవి
December 6, 2020 at 3:41 pm
ప్రసాద్ సర్ వారి యొక్క నిస్వార్థ సాహితీ ప్రోత్సాహం మీతో పాటూ నాకూ లభించిన వరం ఝాన్సీ.చాలా చాలా మంచి వ్యక్తి.ఇలాంటి వారు చాలా అరుదు.నాకు జొన్నలగడ్డ మార్కండేయుల వారు మరియు డా౹౹ప్రసాద్ సర్ గారూ ఇరువురూ నాకు fb లోకి వచ్చినప్పుడు నుండీ ఇప్పటికీ నాకు మార్గనిర్దేర్శకులు..
జొన్నలగడ్డ వారూ ఈమధ్యనే కాలం చేయడం నాకూ తీరని వ్యధను మిగిల్చింది..ఇలాంటి ఉన్నత వ్యక్తిత్వం ఉన్నవారు చాలా అరుదు.అలాంటివారి ఆశీస్సులు..నిర్దేశాలు మనకు లభించిన అదృష్టం గా నేను భావిస్తున్నాను.
మీరు సర్ గురించి చాలా బాగా వ్రాశారు. నేటి వాస్తవాలను ప్రస్ఫుటంగా తెలిపారు.కంగ్రాట్స్ జాన్సీ💐💐💐

Reply
1. 12.1
  
  Jhansi koppisetty
  December 6, 2020 at 5:53 pm
  Thank you మాధవీ…. మీరు చెప్పింది చాలా నిజం… It’s true dear💖
  
  Reply
13

Jhansi koppisetty
December 6, 2020 at 5:54 pm
మీరు చాలా అదృష్టవంతులు అక్కా….
ఓ నిస్వార్థ చేయి మిమ్మల్ని పట్టుకుంది అక్షర ఆలంబనకు…..

…..Sudha Murali

Reply
14

Chatrapathi yaddanapudi
December 6, 2020 at 8:20 pm
గొప్ప వ్యక్తిని గురించి పరిచయం చేశారు.. చాలా ఆనందంగా ఉంది ఆయన గురించి తెలుసుకోవడం.. tqq

Reply
1. 14.1
  
  Jhansi koppisetty
  December 7, 2020 at 4:31 am
  ధన్యవాదాలండీ ఛత్రపతిగారూ…
  
  Reply
15

డా.కె.ఎల్.వి.ప్రసాద్
December 6, 2020 at 9:31 pm
సాయం అందుకు న్న వారు,
కృతజ్నతలు చెప్పడం కొందరికి అలవాటు.కొందరికి
ఆ..సంప్రదాయం వుండ దు.దానిని ఆశించడం కూడా సబబు కాదేమో కూడా!అలా ఆశించే వారు
యేమీ చేయకుండా వుంటేనే మంచి దేమో!
ఝాన్సీ గారు…వ్రాసిన అంశాలు నన్ను ఆకాశానికి
ఎ త్తె శాయి.అదివా రి అభిమానానికి నిదర్శనం.
నేను ఎవరికి..యేదీ చేసినా..సాహిత్యం పట్ల నాకున్న అపారమైన అభిరుచే కారణం.ఇది నా స్వార్ధమే తప్ప మరోటి కాదు.శ్రీమతి ఝాన్సీ గారికి
హృదయ పూర్వక ధన్యవాదములు.

Reply
16

సిహెచ్.సుశీల
December 7, 2020 at 10:09 am
గుడిలో ‘ నా‘ ‘నా‘ అని మనందరం ప్రార్ధించే నిజాన్ని నిర్భయంగా, నిజాయితిగా చెప్పిన ఝాన్సీ గారికి అభినందనలు. ప్రసాద్ గారి వంటి అపురూపమైన, అరుదైన వ్యక్తిత్వం మున్న గొప్ప వ్యక్తి గురించి కృతజ్ఞతలు తెలియజేయడం మరింత బాగుంది.

Reply
1. 16.1
  
  Jhansi koppisetty
  December 7, 2020 at 12:08 pm
  అయితే అందరూ నా నా అనే ప్రార్ధిస్తారంటారా సుశీలగారూ😀😀😀
  మీ స్పందన నాకెతో ఆనందాన్ని ఇచ్చింది…Thank you
  
  Reply
17

Jhansi koppisetty
December 7, 2020 at 12:06 pm
మన అందరి మనస్సుల్లో డాక్టర్ గారికి ఉన్న స్థానం గూర్చి మన అందరి తరుపున రాసినందుకు ధన్యవాదాలు మేడం… మీరు చెప్పినవి వారి గూర్చి అక్షర సత్యాలు.ఇతరులు ఎదగాలనే వారి ,వారి అన్నదమ్ముల మంచి మనసుకి నేను ఎప్పుడూ నమస్కరిస్తూనే ఉంటాను.సర్ పరిచయం నా సాహితీ ప్రయన్నాన్నే మార్చివేసి ఉన్నత మార్గం వైపు తిప్పింది.వారికి కృతజ్ఞతలు చెప్పడం,వారి చూపిన బాటలో నడవడం కన్నా ఏమి చేయగలం అనిపిస్తుంది. వ్యక్తిగత స్వేచ్ఛ ఇస్తూనే మార్గదర్శనం చేసే వారంటే నాకెంతో గౌరవం.ఇంకా రాస్తే సర్ కోప్పడతారేమో…ఝాన్సీ మాం…చాలా చాలా చక్కగా గురుదక్షణ ఇచ్చారు.ఇందులో మీ ఉన్నత వ్యక్తిత్వం కూడా దొత్యకమౌతుంది.మీకూ శుభాభివాదాలు🙏💐💐💐

…….నాగజ్యోతి

Reply
18

డా కె.ఎల్.వి.ప్రసాద్
December 7, 2020 at 12:08 pm
మన అందరి మనస్సుల్లో డాక్టర్ గారికి ఉన్న స్థానం గూర్చి మన అందరి తరుపున రాసినందుకు ధన్యవాదాలు మేడం… మీరు చెప్పినవి వారి గూర్చి అక్షర సత్యాలు.ఇతరులు ఎదగాలనే వారి ,వారి అన్నదమ్ముల మంచి మనసుకి నేను ఎప్పుడూ నమస్కరిస్తూనే ఉంటాను.సర్ పరిచయం నా సాహితీ ప్రయన్నాన్నే మార్చివేసి ఉన్నత మార్గం వైపు తిప్పింది.వారికి కృతజ్ఞతలు చెప్పడం,వారి చూపిన బాటలో నడవడం కన్నా ఏమి చేయగలం అనిపిస్తుంది. వ్యక్తిగత స్వేచ్ఛ ఇస్తూనే మార్గదర్శనం చేసే వారంటే నాకెంతో గౌరవం.ఇంకా రాస్తే సర్ కోప్పడతారేమో…ఝాన్సీ మాం…చాలా చాలా చక్కగా గురుదక్షణ ఇచ్చారు.ఇందులో మీ ఉన్నత వ్యక్తిత్వం కూడా దొత్యకమౌతుంది.మీకూ శుభాభివాదాలు🙏💐💐💐

——–నాగ జ్యోతి శే ఖర్
కాకినాడ.

Reply
19

Jhansi koppisetty
December 7, 2020 at 12:58 pm
చాలా చక్కని అభివ్యక్తీకరణ మీ అంత బాగా మాకు వ్యక్తం చేయడం రాదేమో గాని మా మనసులో కూడా సార్ కి ఎలాంటి స్థానమే ఉంది నలుగురిని ప్రోత్సహించే ఇటువంటి గొప్ప మనసున్న వారు వారి సుగుణం వాడిపోని కుసుమం… మంచితనం అనే సువాసనలు వెదజల్లుతూ వారి చుట్టూ ఉన్న వాళ్ళని కూడా వారిలా మార్చేలా చేస్తుంది🙏🙏🙏👌👏🌱🌷

…..రమాదేవి బాలబోయిన

Reply
20

డా కె.ఎల్.వి.ప్రసాద్
December 7, 2020 at 3:01 pm
ఝాన్సీ మేడం నమస్కారం
మిత్రులందరూ తెలిపినట్లుగా….
మా అందరి మనసులో డాక్టర్ గారి
మంచితనం… స్వార్థం ఎరుగని మంచి మనసు గురించి చాలా చక్కగా వివరించారు… మీకు చాలా చాలా ధన్యవాదాలు🙏
ఎప్పటి పరిచయం సార్ తో…. …. దాదాపు 30 సంవత్సరాల నుండి
మా వారు.. డాక్టర్ గారు స్నేహితులు…ఎన్నోసార్లు నా దంత సమస్యలకు పరిష్కారం చూపారు
2 సంవత్సరాల క్రితం యూఎస్ లో ఉన్నప్పుడు దంత సమస్యలతో బాధపడుతుంటే డాక్టర్ గారికి ఫోన్ చేస్తే… తగిన మందులు రాసి ఆ సమస్యను పరిష్కరించారు… డాక్టర్ గారి గురించి ఎంత చెప్పినా తక్కువే…. నవ్వుతూ ఎంతో ఆత్మీయంగా మాట్లాడతారు..
నేను… ఈ చిరు కవితలు రాయడానికి డాక్టర్ గారి ప్రోత్సాహమే…. తప్పులను సవరించి శీర్షికలను కూడా సూచించేవారు…. రాయగలవు
అంటూ ప్రోత్సహిస్తూనే ఉంటారు
డాక్టర్ గారు సహాయ సహకారాలను ఎప్పుడు మరువలేను…. ఈ సందర్భంగా డాక్టర్ గారికి ధన్యవాదాలు తెలియజేసుకుంటున్నాను🙏
ఏమీ ఆశించకుండా ఇతరులకు సహాయం చేసే గుణం కొందరికకే ఉంటుంది…… ఆ కొందరిలో డాక్టర్ గారు ఒకరు🙏

—-కె.కళా వతి
హైదారాబాద్ .

Reply
21

Jhansi koppisetty
December 7, 2020 at 7:28 pm
chaalaa baagundi ee segment!

……Afsar Mohammad

Reply
22

Jhansi koppisetty
December 7, 2020 at 7:29 pm
వారెవరో కానీ నిజంగా గొప్ప మనసు కలవారు 🙏🙏🙏

…. Gorantla Saheb Peera

Reply
23

Jhansi koppisetty
December 7, 2020 at 7:31 pm
ఇవాల్టికి చదవగలిగాను డియర్…
అభినందలు వారికి,మీకు

….Virinchi Laxmi

Reply
24

Jhansi koppisetty
December 7, 2020 at 7:32 pm
చాలా బాగా రాశారు

…మంజు యనమదల

Reply
25

Jhansi koppisetty
December 7, 2020 at 7:33 pm
ఏమి కామెంటాలో ఏమి తెలియటం లా…?
ప్రసాద్ గారికి మాత్రం 💐💐

…..Rama devi Yenumula

Reply
26

Jhansi koppisetty
December 7, 2020 at 7:34 pm
ఇలా కూడా ఉంటుందా….సాహిత్య లోకం లో..🙄 ఇంత స్వార్థం ఉంటుందా…కాస్తో కూస్తో విన్నాను కానీ…చదివాకే తెలిసింది…బాగా రాసారు..
ఇలాంటి లోకం లో నిస్వార్థం కలిగిన ప్రసాద్ గారికి నమస్సులు.💐💐💐

…..శిరీష శ్రీభాష్యం

Reply
27

బసవరాజు వేణుగోపాల్
December 9, 2020 at 11:48 am
డాక్టరు గారిచ్చే ప్రోత్సాహాన్ని, వారి ఔదార్యాన్ని చక్కగా ఆవిష్కరించారు.Dr.Prasad గారికీ మీకూ శుభాకాంక్షలు👍👍👌👌💐💐

Reply
28

saadhana
December 9, 2020 at 11:56 pm
ప్రసాద్ గారి లాంటి గురువు దొరకడం మీ అదృష్టం అండీ. చాల బాగా రాస్తున్నారు. 🙂

Reply