జ్ఞాపకాల పందిరి-48

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

నేను పిసినారినా ఏమో…!!

సమాజంలో భిన్నమైన వ్యక్తులు, భిన్నమైన వ్యక్తిత్వాలను కలిగి వుంటారు. ఈ విభిన్నమైన మనస్తత్వాలు కొందరికి పుట్టుకతోనే ప్రాప్తిస్తే, మరి కొందరికి పరిసరాల ప్రభావాన్ని బట్టి, కుటుంబ నేపథ్యాన్ని బట్టి సంక్రమిస్తు ఉంటాయి. మంచి వ్యక్తిత్వము -మంచి మనస్తత్వం గల మంచి మనుష్యులను లోకం ఎప్పుడూ కొనియాడుతుంది. అందరూ ఇలాంటి సుగుణాలనే కలిగి వుంటారా? అంటే అది సాధ్యమయ్యే పనికాదు. అలా అయితే సమాజంలో మనం ఎదుర్కొంటున్న సమస్యలు ఎందుకుంటాయి? అయితే, అందరూ మంచి గుణాలతో మంచిగుండాలనే కోరుకుంటాం.

మంచి- చెడుల మధ్య స్వార్థం అనేది ఒకటి ముఖ్య భూమిక పోషిస్తుంది. ఒక కుటుంబంలోనే, ఎవరికివారు కేవలం తమకోసమే ఆలోచించడం, మిగతా వారిని పట్టించుకోకపోవడం జరుగుతుంటుంది. ఇలా కాకుండా మరి కొంత మంది, తమ త్యాగ గుణంతో ఎదుటి వారి సుఖం, సంక్షేమం కోసం లేదా యావత్ కుటుంబం కోసం తపన పడుతూ వుంటారు. అలాంటి వాళ్ళు తల్లిదండ్రులు కావచ్చు,అన్నదమ్ములు-అక్కాచెల్లెళ్లు కావచ్చు.

కుటుంబ బాంధవ్యాలు చాలా మట్టుకు కనుమరుగై పోతున్నప్పటికీ, ఇంకా పూర్తిగా ఆ పరిస్థితి రాలేదు అనడానికి ఇంకా కొన్ని ఉదాహరణలు మన ముందు కదలాడుతూనే వున్నాయి. ఆ జాబితాలో నాలాంటి వాళ్ళు కొందరు తప్పక ఉంటారన్నది నా నమ్మకం! తన సుఖాలూ – సౌఖ్యాలూ కొంత కాలం పక్కన పెట్టి కుటుంబం భవిష్యత్తు కోసం ఆరాటపడే వాళ్ళు ఇంకా వున్నారు.. అని చెప్పడానికే ఈ ఉపోద్ఘాతమంతా. ఎందుచేతనంటే ఈ.. మాత్రం కూడా లేకపోతే మొత్తం కుటుంబ వ్యవస్థ కుప్పకూలిపోయి, బంధుత్వాలూ-బాంధవ్యాలూ, క్రమంగా కనుమరుగయ్యే ప్రమాద పరిస్థితి ఏర్పడుతుంది. అంత మాత్రమే కాకుండా కుటుంబంలో అశాంతి ప్రబలి సుఖ- శాంతులు కరువయ్యే దుస్థితి ఏర్పడుతుంది. ఈ నేపథ్యంలో నా జీవితంలోని దీనికి సంబందించిన కొన్నిఘట్టాలను వివరించడం ద్వారా, ఇది ఏ కొద్దిమందికి ఉపయోగపడిన ఈ వ్యాసానికి ప్రయోజనం సిద్ధించినట్టే అవుతుంది.

నేను 1964 ప్రాంతంలో వైద్యరీత్యా పెద్దన్నయ్య మీనన్ దగ్గరికి హైదరాబాద్‌కు వెళ్లాను. అప్పటికి కొద్దీ సంవత్సరాల క్రితమే అన్నయ్యకు ఉద్యోగం రావడం వల్ల, అయన కూబ్ధీగూడలో ఉండేవాడు. ఆయన ఏ.జి. ఆఫీసులోనూ, వదిన నీటిపారుదల శాఖలో (పిక్చర్ హౌస్, లక్డి కాపూల్) పని చేసేది. వీరిద్దరి సేవల పుణ్యాన ఆరోగ్యవంతుడిని కావడమే కాకుండా కొన్ని జీవితసత్యాలను పరిశీలించడంతో పాటు, నా భవిష్యత్తు కోసం కొన్ని కఠినమైన నిర్ణయాలు తీసుకోవడం జరిగింది. అందులో మొదటిది అతి ముఖ్యమైనది ‘పొదుపు’. దీని విలువ, లోతుపాతులూ అంతగా అప్పట్లో అవగాహన లేకుండానే, పొదుపు విషయంలో నేను తీసుకున్న నిర్ణయాల గురించి ఇప్పుడు ఆలోచిస్తే చాలా ఆశ్చర్యం అనిపిస్తుంది. నేను పొదుపు విషయంలో అంత జాగ్రత్త పడడానికి కారణం వుంది. అది అన్నయ్య జీవితంలో నుండి తీసుకున్నదే!

మా కుటుంబంలో, బంధువుల్లో మొదట హైదరాబాద్‍లో కాపురం వున్నది మా పెద్దన్నయ్య. అందుచేత, బంధువులు స్నేహితులు ఎవరు ఏ పనిమీద హైద్రాబాద్‌కు వచ్చినా మొదట దిగేది ఈ ఇంట్లోనే. అన్నయ్య, స్టేషన్ కు వెళ్లి మరీ తీసుకు వచ్చేవాడు. ఆ జాబితాలో గల్ఫ్ దేశాలకు వెళ్లే వాళ్ల పాస్‌పోర్ట్ పనులు, నిరుద్యోగుల ఎంప్లాయిమెంట్ ఎక్స్చేంజ్ పనులు అధికంగా ఉండేవి. ఆ ఆఫీసులకు అన్నయ్య తన వెస్పా స్కూటర్ మీద వాళ్ళను తిప్పేవాడు. బంధువుల రాకపోకలు కూడా అధికంగానే ఉండేవి. ఈ నేపథ్యంలో ఆయన కొద్దిపాటి జీతం పదో తారీఖు లోపు అయిపోయేది. అప్పులు బాగా చేసేవాడు. జీతం రాగానే మొదలు అప్పులు తీర్చేసేవాడు. మళ్ళీ పరిస్థితి మామూలే. అయన ఏమి కష్టాలు పడేవాడో గానీ మాకు ఎలాంటి ఇబ్బందులు కలగనిచ్చేవాడు కాదు. ఆయన పరిస్థితిని కళ్లారా చూసిన నేను, అప్పటికి మెట్రిక్యులేషన్ కూడా చదవక పోయినప్పటికీ, “ఒక వేళ జీవితంలో ఏ చిన్న ఉద్యోగం చేసినా, రూపాయిలో కనీసం ఇరవై పైసలు రేపటి కోసం దాచుకోవాలి” అనే నిర్ణయం ఆ తెలిసీ తెలియని వయసులోనే తీసుకున్నాను. ఇది నా మస్తిష్కంలో చెరగని ముద్ర అయింది. నా జీవన యానంలో ప్రతి క్షణం నన్ను అప్రమత్తం చేస్తూనే వుంది. దీని ప్రభావం ఎదుటి వారి దృష్టిలో ‘పిసినారితనం’ గా రూపాంతరం చెందింది. అది నా తదుపరి జీవితానికి పూలపాన్పుగా మారుతుందని వాళ్ళు అప్పుడు ఊహించి వుండరు.

1982లో ఉద్యోగంలో చేరాను. 1983లో పెళ్లి అయింది. వెంటనే నా శ్రీమతి కాపురానికి రావడం జరిగింది. అయితే నా ఆర్థిక విధానం ఆమెకు ఆశ్చర్యాన్ని కలిగించేది ఎందుకంటే, ఇంట్లో టి.వి., రిఫ్రిజిరేటర్, క్లినిక్‌లో డెంటల్ చైర్ – ఇవన్నీ బ్యాంక్ లోన్‌తో కొనుక్కున్నవే. పోస్ట్ ఆఫీసులో చిన్న రీకరింగ్ డిపాజిట్, బ్యాంకులో చిన్న రీకరింగ్ డిపాజిట్, అప్పుడప్పడూ చిన్న మొత్తంలో ఇందిరా వికాస పత్రాలు, వీటికి తోడు ఇంటి అద్దె.. ఇలా జీతంలో 90 శాతం ఖర్చు పెట్టేయగా మిగతా సొమ్ముతో నెలాఖరు వరకూ బండి లాక్కొచ్చేవాళ్ళం. ఈ పరిస్థితికి నా శ్రీమతి అప్పుడప్పుడూ భయపడుతుండేది. తాను మాత్రం తనకోసం ప్రత్యేకంగా ఏమీ కావాలని అడిగేది కాదు. “కొద్దీ సంవత్సరాలు ఓపిక పడితే, సహకరిస్తే, ఆర్థికంగా నిలదొక్కుకుంటాము. అప్పటి వరకూ మామూలు జీవితానికి లోటు రానివ్వను.” అని సర్ది చెబుతుండేవాడిని. అలాగే ఆమె సహకరించింది. అప్పుడు నా జీతం వెయ్యి రూపాయలతో ప్రారంభం. వాటితోనే నా ఈ సర్కస్ అంతా. పోస్టల్ లైఫ్ ఇన్సురెన్సు, పి.పి.ఎఫ్ – అకౌంట్ ఇలా అన్నిరకాలుగా పొదుపు చేస్తుండేవాడిని. ప్రైవేట్ ప్రాక్టీస్ కాస్త మెరుగు పడడం, క్రమక్రమంగా జీతం పెరగడం ద్వారా ఆర్థికంగా కాస్త నిలదొక్కుకున్నట్టు అయింది. ఇద్దరు పిల్లలు పుట్టడంతో, అవసరాలు వాటికి అనుబంధంగా ఖర్చులూ పెరిగాయి. జాగ్రత్తగా ఇద్దరమూ డబ్బు – ఖర్చుల విషయంలో అప్రమత్తంగా ఉండడం వల్ల, దాని ఫలితం ఈ రోజున కనిపిస్తున్నది. ఎవరి కోసమైతే నేను పిసినారిగా ముద్ర వేయించుకున్నానో, వాళ్ళు మమ్మల్ని, మా సంపాదనను సద్వినియోగం చేసుకుని ఈ రోజున ప్రయోజకులు కావడం నా చిన్న పొదుపు మొత్తాల వల్లనే! నా జీవితంలో నేను సాధించిన ఘన విజయం ఇది!

అన్ని విధాలా నాకు సహకరించిన నా శ్రీమతి అరుణ కానేటి

తరువాత మహబూబాబాద్ లోని ఆంద్రా బ్యాంక్ మిత్రులు ఇంటి స్థలాలు కొనుగోలు చేస్తూ నన్ను కూడా వారిలో ఒకరిగా చేర్చుకుని, నాకు స్థలం కొనుక్కునే అవకాశం కలిగించారు. ఆర్.డి.లు క్లోజ్ చేసి పదివేల మేరకు పెట్టుబడి పెడితే అది అమ్మినప్పుడు నా ఊహకు మించిన పెద్దమొత్తమే లభించింది. ఈ విషయంలో సహకరించిన నాటి ఆంధ్రా బ్యాంక్ మిత్రులు ప్రకాశరావు గారు, యాకుబ్ మియా, భుజంగ రావు, నరేందర్ రెడ్డి, తిరుమల రావు తదితరులకు నేనెప్పుడూ ఋణపడి వుంటాను.

మా వదినగారు శ్రీమతి శిరోరత్నమ్మ గారి సలహా మేరకు, సహాయం మేరకు శేరిలింగంపల్లిలో ‘డోయేన్స్ టౌన్‌షిప్’లో ఇల్లు కొనుక్కున్నాను. ఇంటికి నా శ్రీమతి అరుణ బ్యాంక్ ఉద్యోగినిగా లోన్ సద్వినియోగం చేసిన ప్పటికీ, అది బుక్ చేసుకోవడానికి, పొదుపు చేసుకున్న సొమ్ము ఉపయోగ పడింది. ఈ విషయంలో పాట లేకుండానే చిట్టీ సొమ్ము అందించి సహకరించిన స్వర్గీయ డా. నరసింహారెడ్డి గారినీ, చిట్టీ నిర్వాహకులు శ్రీ రాజ గోపాల్ గారినీ ఎన్నటికీ మరువలేను.

ఇలా మా ఇద్దరి పరస్పర సహకారం వల్ల, కొద్దిపాటి పొదుపు పనుల వల్ల, మా అబ్బాయిని చదువు కోసం అమెరికా పంపించగలిగాం, మాకు నివాసయోగ్యమైన ఇంటిని హన్మకొండలో నిర్మించుకోగలిగాం. పిల్లలిద్దరికే ఘనంగా పెళ్లిళ్లు చేయగలిగాము. గుంటూరుకు దగ్గరి గ్రామంలో వాయిదాల పద్దతిలో కొంత భూమి కొనుక్కోగలిగాం, ఇబ్రహీం పట్టణంలో కూడా వాయిదాల పద్ధతి మీద చిన్న ప్లాట్ కొనుక్కోగలిగాం. స్వంత కారులో తిరగ గలుగుతున్నాం. ఈ రోజున ఇద్దరం పదవీ విరమణ చేసినా ఆనందమయ జీవితాన్ని గడప గలుగుతున్నాం.

ఇదంతా నా గొప్పలు చెప్పుకునేందుకు కాదు. ప్రణాళికాబద్ధంగా జీవితాన్ని మలచుకుంటే, ఎలా బ్రతకొచ్చునో చెప్పడానికి మాత్రమే నా ప్రయత్నం. రాబడిని మించిన ఖర్చులు ఎప్పుడూ చేయలేదు. అత్యాశలకు పోయి, అనవసర ఖర్చులు చేసింది లేదు. దీనికి పిల్లలిద్దరూ మా ఆలోచనలకు అనుగుణంగా సహకరించడం నిజంగా మా అదృష్టమే! మా ఇద్దరి జీవితాలకూ అండగా, వెన్నుదన్నుగా నిలిచిన రాష్ట్ర వైద్య ఆరోగ్య శాఖకూ, స్టేట్ బ్యాంకు ఆఫ్ హైదరాబాద్ (ఇండియా) వారికీ మేము ఎప్పుడూ ఋణపడి ఉంటాము. జల్సా జీవితాన్ని దూరంగా పెట్టి, సాధారణ జీవితంతో, భరోసా గల భవిష్యత్తును నిర్మించుకోవడం పిసినారితనం అవుతుందా? ఏమో.. మీరే చెప్పాలి మరి..!

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
March 7, 2021 at 7:49 am
సంచిక సంపాదకవర్గానికి
ఇతర సాంకేతిక నిపుణుల కు
హృదయపూర్వక ధన్యవాదాలు .

Log in to Reply
2

sagar
March 7, 2021 at 8:01 am
ఖర్చును బట్టి పొదుపును నిర్ణయించకుండా, పొదుపునూ బట్టి ఖర్చును నిర్ణయించుకోమని మీ రచన నేర్పుతూంది సర్ . ఇలాంటివాటినీ పిసినారితనం అనుకునే వాళ్ళు రేపు మన దగ్గర లేకపోతే మనకు పైసా సాయం చేయరు. కాబట్టి అలాంటివాటిని పట్టించుకోవాల్సిన అవసరంలేదు. మీ అమూల్య సలహాలథో కూడిన రచనకు అభినందనలు మరియు ధన్యవాదములు.

Log in to Reply
3

డా కె.ఎల్.వి.ప్రసాద్
March 7, 2021 at 8:11 am
పిసినారితనం వేరు. నిర్మాణాత్మక స్వార్థం వేరు. మీది రెండోది. దీనివల్ల ఇతరులకు మేలు కూడా జరిగే అవకాశం వుంటుంది. మొదటిది దీనికి పూర్తిగా వ్యతిరేకం….బాగుంది…

—-మారుతీ కిరణ్
హైదరాబాద్.

Log in to Reply
1. 3.1
  
  డా కె.ఎల్.వి.ప్రసాద్
  March 7, 2021 at 8:12 am
  కిరణ్ గారూ…
  మీ స్పందన కు ధన్యవాదాలండీ.
  
  Log in to Reply
4

డా.కె.ఎల్.వి.ప్రసాద్
March 7, 2021 at 8:17 am
ఖర్చును బట్టి పొదుపును నిర్ణయించకుండా, పొదుపునూ బట్టి ఖర్చును నిర్ణయించుకోమని మీ రచన నేర్పుతూంది సర్ . ఇలాంటివాటినీ పిసినారితనం అనుకునే వాళ్ళు రేపు మన దగ్గర లేకపోతే మనకు పైసా సాయం చేయరు. కాబట్టి అలాంటివాటిని పట్టించుకోవాల్సిన అవసరంలేదు. మీ అమూల్య సలహాలథో కూడిన రచనకు అభినందనలు మరియు ధన్యవాదములు.

—–సాగర్ రెడ్డి
చెన్నై.

Log in to Reply
1. 4.1
  
  డా.కె.ఎల్.వి.ప్రసాద్
  March 7, 2021 at 8:18 am
  ధన్యవాదాలు
  సాగర్.
  
  Log in to Reply
5

Shyam
March 7, 2021 at 8:20 am
Planning and vision always pays in the life. Spending for needs and avoiding luxuries is best mode for saving as you did. Having reached your destination successfully now reap the harvest and cherish the balance life by fulfilling the long pending enjoyments ,if any.
However, congratulations. Now both of you are secured and we wish you relinquish the insecurity which you had had by childhood life that you have witnessed . Life is the best teacher for all but you have to learn the lessons. I too undergone similar life .
Finally, though we retired peacefully after reaching goal, now there is hollowness. No goals to achieve. Game is over. All the players left the turf. Spectators gallery empty. We stand with trophies in hands, eyes moisturized, heart is full with contentment. THATS LIFE, SUCCESSFUL.

CONGRATS DR KLV

Log in to Reply
1. 5.1
  
  డా కె.ఎల్.వి.ప్రసాద్
  March 7, 2021 at 10:51 am
  Thank you
  Shyam.
  
  Log in to Reply
6

డా కె.ఎల్.వి.ప్రసాద్
March 7, 2021 at 8:39 am
కష్టాలకోర్చుకున్ననే సుఖాలు దక్కును….!

——-శర్మ
హైదరాబాద్.

Log in to Reply
1. 6.1
  
  డా కె.ఎల్.వి.ప్రసాద్
  March 7, 2021 at 8:41 am
  ధన్యవాదాలు
  
  Log in to Reply
7

Ch S N Murthy
March 7, 2021 at 10:50 am
జీవితంలో పొదుపు అందరికి అవసరం. ప్రణాళికభద్ధంగా ఖర్చు చేస్తూ ఆదా చేయడం వాళ్ళ భవిష్యత్తు అవసరాలకు ఉపయోగ పడుతుంది. ప్రభుత్య ఉద్యోగాల్లో ఉన్నవాళ్ళకి ఉద్యోగం భద్రతా ఆదాయ హామీ ఉంటుంది. కానీ ప్రైవేటు ఉద్యోగాలు చేసేవారికి, తరుచు ఉద్యోగాలు మారాల్సి వస్తుంది. ఈ రోజుల్లో చాలామంది ప్రైవేట్ ఉద్యోగస్తులే.జీతం వచ్చినప్పుడు ఆదాచేసుకుంటే జాబు మారున్సప్పుడు తిరిగి జాబు వచ్చేదాకా ఉపయోగ పడుతుంది. సర్దుకుని సంసారం సాగిస్తే ఉన్నప్పుడు సుఖ పడవచ్చు. అంతేకాని ముందుజల్సాలకు అలవాటు పడితే కష్టాలు తట్టుకోలేరు. డబ్బు ఆదా చేసుకుంటే వృద్ధప్యంలోను, ఆరోగ్య సమస్యలు వచ్చినప్పుడు అత్యవసర పరిస్థితుల్లోనూ అక్కరకు వస్తుంది.
మరొక్క సూచన : రోజువారీ ఖర్చులు రాయడం అలవాటు చేసుకుంటే ప్రతి నెల ఆ పద్దు చూసుకొని అనవసరమైన ఖర్చులు మానుకోవడం గాని తగ్గించడం గాని చేసుకోవడానికి వీలుంటుంది.

Log in to Reply
1. 7.1
  
  డా కె.ఎల్.వి.ప్రసాద్
  March 7, 2021 at 2:48 pm
  మూర్తి గారు
  చాలా బాగుంది
  మీ విశ్లేషణ.
  ధన్యవాదాలండీ.
  
  Log in to Reply
8

బాపూజీ కానూరు
March 7, 2021 at 1:43 pm
ఖర్చు తగ్గించడం (Saving), పొదుపు చేయడం (savings) పదాలకు అర్థశాస్త్రంలో వేర్వేరు అర్థాలున్నాయి. మొదటిది దాని వలన వ్యక్తి నికర ఆస్తులు పెరిగితే రెండో దాని వలన ఆస్తులలో ఒక భాగం సాధారణంగా పొదుపు భాగం పెరుగుతుంది. పొదుపును దీర్ఘకాలంలో నది (ప్రవాహం) మాదిరిగా, స్వల్ప కాలమైతే చెరువు (ప్రవాహం లేనిది) గా పేర్కొనవచ్చు.

పొదుపుకు పెట్టుబడికి సన్నిహితమైన సంబంధం ఉంది. వస్తుసేవలకై ఖర్చు చేయకుండా పొదుపు ఉంచబడిన డబ్బు పెట్టుబడికి దోహదపడుతుంది. అదే సమయంలో పొదుపు కాకుండా ఖర్చు చేయబడిన వినిమయం వలన వస్తుసేవలకు డిమాండు పెరిగి మూలధనం పెరుగుతుంది తద్వారా ఆర్థికవృద్ధి జరుగుతుంది. కాబట్టి పొదుపు అనేది ఆర్థికవ్యవస్థలో రెండు రకాలుగా ప్రభావితం చేయగలుగుతుంది.
మీ పొదుపు సూత్రం నేటి తరానికి ఎంతో అనుసరనీయ మార్గం. బ్యాంకు వడ్డీలు పూర్తిగా తగ్గిన రోజుల్లో వివిధ రకాలుగా పెట్టుబడులు పెట్టవలసిన సమయం ఆసన్నమైంది. సినీ నటుడు శోభన్ బాబు భూమి పై పెట్టుబడి పెట్టాలి.ఐలా పెడితే ఎప్పటికీ నష్టపోరు అని చెప్పేవారట.ఆయన్ని సహ నటులు పీనాసి అని అనే వారట. అలాగే షేర్లు లో పెట్టుబడి పెడితే జాతి నిర్మాణానికి పెట్టుబడి పెట్టినట్టే అని చెప్పే వారన్ బఫేట్ ను కూడా చాలా మంది పీనాసి అనేవారట. ఎవరేమనుకున్నా మనకున్న వనరులను సద్వినియోగం చేసుకుంటూ రేపటి కి కొంత మిగల్చడం ఎంతైనా అవసరం. మీ అనుభవం నేటి తరానికి ఒక పాఠం.

Log in to Reply
1. 8.1
  
  డా కె.ఎల్.వి.ప్రసాద్
  March 7, 2021 at 2:46 pm
  బాపూజీ గారూ
  మీ విశ్లేషణ అద్భుతంగా వుంది.
  ధన్యవాదాలండీ.
  
  Log in to Reply
9

డా కె.ఎల్.వి.ప్రసాద్
March 7, 2021 at 2:42 pm
చూడటానికి పొదుపు చిన్నగా కనిపించినా అవసరం వచ్చినప్పుడు కల్పతరువై ఆదుకుంటుంది. ప్రణాళికాబద్ధంగా ఆర్థిక వనరులను క్రమబద్ధీకరించినప్పుడే మనం పిల్లల బంగారు భవిష్యత్తుకు చక్కటి బాటలు. వేయగలుగుతాం. అభినందనలు.

—–జి.శ్రీనివాసాచారి
కాజీపేట.

Log in to Reply
1. 9.1
  
  డా కె.ఎల్.వి.ప్రసాద్
  March 7, 2021 at 2:46 pm
  చారి గారూ…
  మీ స్పందన కు ధన్యవాదాలండీ.
  
  Log in to Reply
10

డా కె.ఎల్.వి.ప్రసాద్
March 7, 2021 at 2:54 pm
బాగుంది ప్రసాద్ గారూ.మనతరం చిన్నప్పుడు ఆర్థిక ఇబ్బందులు పడిన వాళ్ళు కనుక ముందు జాగ్రత్త తో మన పిల్లలు అలా అవస్థ పడకూడదని పొదుపు మంత్రం పఠించటం వలనే వృద్ధాప్యం లో ఇబ్బంది పడకుండా ఒకరి మీద ఆధారపడకుండా ఉన్నాం.కానీ ఈ తరం పిల్లలు తల్లి తండ్రులను ATM కార్డులు గా భావించి పెరగటం మూలాన లక్షల జీతాలు వచ్చినా అప్పులపాలౌతున్నారు.మంచి విషయాన్ని ప్రస్తావించారు.

—–శీలా సుభద్రాదేవి
హైదరాబాద్.

Log in to Reply
1. 10.1
  
  డా కె.ఎల్.వి.ప్రసాద్
  March 7, 2021 at 2:55 pm
  మేడం….
  ధన్యవాదాలండీ.
  
  Log in to Reply
11

Bhujanga rao
March 7, 2021 at 3:35 pm
జ్ఞాపకాలపందిరి 48 లో సుమారు 35 సంవత్సరం లో కొనుగోలు చేసినటువంటి ప్లాట్, మా సమాచారం ద్వారానే తీ సుకున్నట్టు ఈ ఎపిసోడ్ ద్వారా తెలియ చేయటం నిజంగా మా అదృష్టం. నేను మీకు బ్యాంకర్ గా కాకుండా ,మీ patient ని కూడా. నేను వ రంగల్ వచ్చిన తదుపరి మీరిచ్చిన సమాచారంతో ఈ రోజు వరకు కూడా ఎందరో డాక్టర్స్ వద్ద చికిత్స తీసు కుంటున్నాము ధన్యవాదములు సర్.
మీరు ఒకానొక టైంలో రోజు వారీ ఖర్చులు డైరీలో వ్రాసుకొని,తీరు క సమయాల్లో వాటిలోని అనవసర మైన ఖర్చులు గుర్తించి తగ్గించుకోమని మంచి సలహా ఇచ్చారు.మీరు ఒక డాక్టర్ గా ,మంచి స్నేహితుడుగా లభించడం మా అదృష్టముగా భవిస్తూ,మీ అమూల్యమైన సలహాలు స్వీ కరిస్తూ అప్పటికి,ఇప్పటికి మీ మెప్పుడు మీకు ఋణపడి వుంటాము సర్.

Log in to Reply
1. 11.1
  
  డా కె.ఎల్.వి.ప్రసాద్
  March 7, 2021 at 7:04 pm
  రావు గారూ
  మీ స్పందన కు ధన్యవాదాలండీ.
  
  Log in to Reply
12

డా కె.ఎల్.వి.ప్రసాద్
March 7, 2021 at 7:03 pm
Mee article chaduvuthunte Daddy gurthocharu chinnanagaru.Daddy kuda meelane aalochinchevaru.Assets ekkuva lekapoyina maaku secured life icharu.Mummy Daddy iddaru kuda valla kosam emi karchu pettevaru kadu.Ippudu memu maa pillalu kosam meelane savings chesthunnamu.

—–Bulli.
Rajahmundry.

Log in to Reply
1. 12.1
  
  డా కె.ఎల్.వి.ప్రసాద్
  March 7, 2021 at 7:04 pm
  Thank you Bulli.
  
  Log in to Reply
13

SANGEETHA
March 7, 2021 at 7:05 pm
ధనం మూలం ఇదం జగత్ . ఎలా ఆదా చేయాలో బాగా చెప్పారు గురువు గారు.

Log in to Reply
1. 13.1
  
  డా కె.ఎల్.వి.ప్రసాద్
  March 7, 2021 at 7:10 pm
  సంగీతం..
  నీ స్పందన కు ధన్యవాదాలు.
  
  Log in to Reply
14

డా కె.ఎల్.వి.ప్రసాద్
March 7, 2021 at 7:09 pm
మీజ్ఞాపకాలపందిరి48 వ భాగం చదివిన.
మీ జ్ఞాపకాలకంటే ముందర మీరు ఇచ్చే లీడ్ ఉపోద్ఘాతం వంటిదిచాలా బాగనిపిస్తుంది నాకు..మన పూర్వులు చెప్పే వారు దుప్పటి ఎంత వుంటే అంతే కాళ్ళు చాపుకొవాలని.
పూర్వం లొ ప్రతివాడికీ ఈఆలొచన ను పెద్దలు పిల్లలలొ Inculcate. చేసేవారు.నా జీతం నేను చేరినప్పుడు 98/- 80+10+8
98 లొ 20 రూపాయలు పొస్ట్ ఆఫీస్ లొ?సేవింగ్?అకౌంట్ ల వేసుకునే వాడిని .తరువాత రాను రాను జీతం 9000 ఐనప్పుడు 99 రూ.మిగిలేవికావు డబ్బుకు బర్కత్ ఉండేది ఆరొజుల్లొ..మీ కు అభినందనలు సర్
—రామశాస్త్రి

Log in to Reply
1. 14.1
  
  డా కె.ఎల్.వి.ప్రసాద్
  March 7, 2021 at 7:10 pm
  శాస్త్రి గారు
  ధన్యవాదాలండీ .
  
  Log in to Reply
15

మొహమ్మద్. అఫ్సర వలీషా
March 7, 2021 at 7:45 pm
చాలా మంచి సూచనలతో కూడిన ఈ ఎపిసోడ్ అందరికీ స్ఫూర్తి దాయకం ఆదర్శ పూరితం సార్ .అక్షరాలా నిజం మీరు పాటించిన పొదుపు పధకం.ఆనాటి పొదుపుతో కష్టాల నావలో తేలినా అది ఈనాడు సుఖాల తీరం చేసి సంతోషాలలో తేలియాడిస్తున్నది సార్. అందరికీ ఉపయోగపడే వ్యాసాన్ని అందచేసిన మీకు హృదయపూర్వక ధన్యవాదాలు కృతజ్ఞతలు శుభాకాంక్షలు శుభాభినందనలు సార్ 💐🙏💐🙏💐🙏💐🙏💐🙏💐

Log in to Reply
1. 15.1
  
  డా కె.ఎల్.వి.ప్రసాద్
  March 7, 2021 at 8:05 pm
  అమ్మా….
  నీ సహృదయ స్పందనకు ధన్యవాదాలు
  
  Log in to Reply
16

డా కె.ఎల్.వి.ప్రసాద్
March 8, 2021 at 8:34 am
నేను మా అమ్మమ్మ గారు దగ్గర పెరిగాను. మీ కథ ఆవిడను మళ్ళి గుర్తు చేసేటట్లుగా ఉంది. ఏ వంటింట్లో అయితే ఉప్పు , అగ్గిపుల్ల తక్కువ గా వాడతారో ఆ ఇంట్లో లక్ష్మి నిలుస్తుంది, అనేవారు.
నాకు ఎప్పుడు అర్థమయ్యేది కాదు. కాలక్రమేణా, అర్థం అయ్యింది. మీ కథ నా అమ్మమ్మ శ్రీమతి. రమణమ్మ గారిని గుర్తు చేసింది సర్.

——డా.డి.సత్యనారాయణ
హైదరాబాద్.

Log in to Reply
1. 16.1
  
  డా కె.ఎల్.వి.ప్రసాద్
  March 8, 2021 at 8:35 am
  మీ స్పందన కు ధన్యవాదాలండీ
  డాక్టర్ గారూ.
  
  Log in to Reply
17

Sambasivarao Thota
March 8, 2021 at 9:48 am
Prasad Garu
Podupu Vishayam lo meeru aacharinchina vidhaanam harshaneeyam..
aacharaneeyam..
Neti podupe repati sukhamaya jeevithaaniki punaadi ….ani theliyajeshina mee vyaasam chaalaa Baagundandi..
Meeku Abhinandanalu mariyu Abhivandanalu 🙏

Log in to Reply
1. 17.1
  
  డా కె.ఎల్.వి.ప్రసాద్
  March 8, 2021 at 10:08 am
  Thank you sir
  
  Log in to Reply
18

డా కె.ఎల్.వి.ప్రసాద్
March 8, 2021 at 10:06 am
Good morning sir, this episode of your life and the lessons of economics and the disciplined life with a vision and your attitudes of gratitude are wonderful…🙏❤️❤️

—–Nakka sudhakar
Hyderabad.

Log in to Reply
1. 18.1
  
  డా కె.ఎల్.వి.ప్రసాద్
  March 8, 2021 at 10:06 am
  Thank you sir
  
  Log in to Reply
19

Jhansi koppisetty
March 8, 2021 at 5:30 pm
పెద్దల పొదుపే పిల్లల బంగారు భవిత….
ఇది అక్షరాలా నిరూపించిన జీవితం మీది….అభినందనలు💐💐

Log in to Reply
1. 19.1
  
  డా కె.ఎల్.వి.ప్రసాద్
  March 8, 2021 at 6:57 pm
  పొదుపు అక్షరాలు రాసి
  స్పందించిన మీకు ధన్యవాదాలు.
  
  Log in to Reply
20

డా కె.ఎల్.వి.ప్రసాద్
March 8, 2021 at 10:05 pm
Really appreciate your future planning and success more over the support given by vadina Aruna garu is very much appreciated . Very good message to middle class people. 💐💐🙏

——-Dr.Jhansi nirmala.
Canada.

Log in to Reply
1. 20.1
  
  డా కె.ఎల్.వి.ప్రసాద్
  March 8, 2021 at 10:06 pm
  Amma
  Thank you somuch.
  
  Log in to Reply
21

డా కె.ఎల్.వి.ప్రసాద్
March 9, 2021 at 12:29 pm
🙏

మీరు సంపాదన లోనే పొదుపు కాదు. ఎక్కువ కష్టపడకుండా కూడా పొదుపు గా కష్ట పడ్డారు అని కూడా అనవచ్చు. వృధా ఖర్చు వలన అధికంగా శ్రమ పడాల్సిన అవసరం కూడా ఉంది…

——-శ్రీనివాస్
హైదరాబాద్.

Log in to Reply
1. 21.1
  
  డా కె.ఎల్.వి.ప్రసాద్
  March 9, 2021 at 12:30 pm
  ధన్యవాదాలు
  శ్రీనివాస్.
  
  Log in to Reply
22

డా కె.ఎల్.వి.ప్రసాద్
March 10, 2021 at 5:26 am
Dr gaaruu,your life story is inspiring one.I recollected my past-It was similar to your elder brother’s almost.We have no right to ignore the necessity of our immediate dependents.Inthis aspect you had followed right path.No one can say you are a ‘pisinari’ —vidyarthi .v.r

Log in to Reply
1. 22.1
  
  డా కె.ఎల్.వి.ప్రసాద్
  March 10, 2021 at 5:26 am
  Thank you
  Somuch sir.
  
  Log in to Reply
23

డా కె.ఎల్.వి.ప్రసాద్
March 10, 2021 at 12:09 pm
మంచిగుణమైన పొదుపును మీ
అన్నయ్యగారినుండిగ్రహించడం మీ
వివేకానికి గుర్తు ,మీపొదుపుసూత్రాన్ని
వ్యతిరేకించకుండాశ్రీమతి సహకరించడం లక్కు(అదృష్టం)
చెప్పినట్లువిని పిల్లలు చదువుకోవడం,
జాగలు ,ఇండ్లు ,ప్లాట్లు సంపాదించ
డం మీ భాగ్యం. సంపద సద్వినియోగ
మైనపుడే సంసారం సుఖంగాఉంటుం
ది. సతీసుతులు సంతోషిస్తారు.
సమాజం సద్గృహస్తునిగాగుర్తిస్తుంది
ఇదిమీజీవితరచన ,అర్థంచేసుకుంటే
లాభపడతారు.

—-వజ్జల రంగాచార్య.
హనంకొండ.

Log in to Reply
1. 23.1
  
  డా కె.ఎల్.వి.ప్రసాద్
  March 10, 2021 at 12:09 pm
  మీ స్పందన కు ధన్యవాదాలండీ
  
  Log in to Reply
24

డా కె.ఎల్.వి.ప్రసాద్
March 11, 2021 at 5:28 am
మీ ఙాపకాలపందిరి బాగుంది సార్. మీది పిసినారితనం కాదు చక్కని,ప్రణాళికతో కూడిన ముందుచూపు. అందుకే ఇప్పుడు హాయిగా, తృప్తిగా జీవించగలుగుతున్నారు.అంతకుమించిన ఆనందం ఏముంటుంది. 👌🙏

—–డా. ఆకునూరు విద్యా దేవి
హనంకొండ.

Log in to Reply
1. 24.1
  
  డా కె.ఎల్.వి.ప్రసాద్
  March 11, 2021 at 5:28 am
  అమ్మా
  మీ స్పందన కు ధన్యవాదాలండీ
  
  Log in to Reply
25

డా కె.ఎల్.వి.ప్రసాద్
March 11, 2021 at 6:36 pm
ప్రణాళికా బద్దమైన జీవితం ఎప్పుడూ సుఖశాంతులను అందిస్తుంది అనేదానికి ఛక్కని ఉదాహరణ ఇది.అభినందనలు!👌👌👌👌💐💐💐💐👏👏👏👏👏👏

పెబ్బిలి హైమవతి
విశాఖ పట్నం.

Log in to Reply
1. 25.1
  
  డా కె.ఎల్.వి.ప్రసాద్
  March 11, 2021 at 6:37 pm
  మీ స్పందన కు ధన్యవాదాలండీ
  
  Log in to Reply
26

డా కె.ఎల్.వి.ప్రసాద్
March 19, 2021 at 7:31 am
మీ ఆర్థిక క్రమశిక్షణ , ప్రణాళిక great …..

ఇది అందరూ తప్పక పాటించాల్సిన విషయం …..

ఇద్దరు ఎంప్లాయిస్ అయి ఉండి ఆర్థిక క్రమశిక్షణ లేక ఇబ్బంది పడ్డ వారిని చాలా మందిని చూసా …

నేను కూడా ఇంకాస్త పొదుపరి(పిసినారి) కావాలేమో ..😌

——–శ్రీ ధర్ రెడ్డి
హన్మకొండ.

Log in to Reply
1. 26.1
  
  డా కె.ఎల్.వి.ప్రసాద్
  March 19, 2021 at 7:36 am
  మీ సహృదయ స్పందనకు ధన్యవాదాలు
  
  Log in to Reply
27

డా కె.ఎల్.వి.ప్రసాద్
March 19, 2021 at 11:33 am
అప్పు అంటే రేపటి సంపాదను ఈ రోజు ఖర్చు చేయడం
పొదుపు అంటే రేపటి అవసరాల కోసం ఈ రోజు సంపాదన దాచిపెట్టడం
పొదుపు వేరు పిసినారి తనం వేరు అవసరమైన ఖర్చు చేయక పోవడం పిసినారి తనం

——–నిధి
హన్మకొండ.

Log in to Reply