జ్ఞాపకాల పందిరి-15 Gnapakala Pandiri 15 | సంచిక - తెలుగు సాహిత్య వేదిక

జ్ఞాపకాల పందిరి-15

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!”అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

నాన్నా… నాకు టైమ్ కావాలి…!!

జీవితం పుట్టుకతో మొదలై గిట్టడంతో పూర్తి అవుతుంది, ఇది అందరికీ జరిగే సహజమైన జీవన విధానం. అయితే చావు పుటుకల మధ్య అనుభవించే జీవిత దశలు అందరిలోనూ ఒకేమాదిరిగా వుండవు. భిన్న రీతుల్లో, విభిన్నమైన పద్దతుల్లో జరుగుతాయి. ఈ దశలు అన్నీ అందరికి తృప్తి నివ్వాలని లేదు, అలాగని అసంతృప్తిగా మిగలాలనీ లేదు! ఈ దశలవారీ జీవితంలో, ఒక్కో దశా, ఒక్కొక్కరిలో ఒక్కో విధంగా ఉండవచ్చు.

ఎవరి జీవితం అయినా బాల్య దశతోనే ఆ జీవితం ప్రారంభం కావాలి. అది అదృష్టవశాత్తు, తృప్తికరంగా గట్టెక్కగలిగితే, సులభంగా విద్యార్థి దశలోనికి, ఆనందంగా అడుగు పెట్టవచ్చు. ఈ దశ తల్లిదండ్రులకు ఒక పెద్ద సవాల్ లాంటిది. అది చిన్నపిల్లల ‘ప్లే స్కూల్’తో ప్రారంభం అవుతుంది. ఎక్కడ, ఎలా, ఎటువంటి బడిలో చేర్చాలన్నది పెద్ద చర్చనీయాంశం అయి కూర్చుంటుంది. దీనికోసం ఇంటిల్లిపాదీ, గంటల తరబడి తర్జనభర్జనలు. బడి, పరిసరాలు, రవాణా సౌకర్యం వంటి ప్రాథమిక అంశాల చర్చ ముగిసిన తర్వాత అసలు విషయం చర్చ తెరమీదికి వస్తుంది. అది ఆర్థిక వనరులకు సంబంధించిన విషయం! ఈ రోజుల్లో ప్లే-స్కూల్ ఫీజ్‌లు, సామాన్యుడికి అందుబాటులో లేవు. బహుశః సాధారణ కుటుంబాలు వాళ్ళ పిల్లలని ప్లే-స్కూల్‌లో వేసే ఆలోచనే చేయరేమో! ఆర్థికపరమైన ఇబ్బందులే దీనికి ప్రధాన కారణం కావచ్చు! అలా అని ప్రభుత్వ పాఠశాలలను తక్కువగా చూడడానికి వీలులేదు. ఉచిత విద్య అనేసరికి అదో రకమైన చిన్న చూపు! కానీ అనుభవజ్ఞులైన ఉపాధ్యాయులు అక్కడే ఉంటారన్న సంగతి చాలామందికి తెలియదు. కార్పొరేట్ బడులలో లభ్యమయ్యే విలాస వసతులు ప్రుభుత్వ పాఠశాలల్లో దొరకక పోవచ్చు. అందరూ ఆశించే ఆధునికత అక్కడ కనిపించకపోవచ్చు. కానీ చక్కని చదువు, క్రమశిక్షణ, నైతిక జీవన విధానం ప్రభుత్వ పాఠశాలల్లో మాత్రమే అందుబాటులో ఉంటాయి.

కానీ, గ్రామ పెద్దల ఆధిపత్యం, రాజకీయాల ప్రభావం, పర్యవేక్షణ లోపం ప్రభుత్వ పాఠశాలలను నిర్వీర్యం చేస్తున్నాయి. తల్లిదండ్రులు ప్రైవేట్ విద్యాసంస్థలను ఆశ్రయించడానికి ఇదొక ప్రధాన కారణం కావచ్చు! కారణం ఏదైనా విద్యారంగంలో పనికిరాని పెనుమార్పులు వచ్చి ఇటు విద్యార్థులను, అటు తల్లిదండ్రులను అయోమయంలో పడేస్తున్నాయి. కార్పొరేట్ విద్యాసంస్థలు దీనిని సులభంగా సొమ్ము చేసుకుంటున్నాయి. అసలు చదవడం ఎందుకు? చదువుకుని విజ్ఞానాన్ని సముపార్జించుకుని, దాని సహాయంతో జీవనభృతి కోసం అందివచ్చిన ఉద్యోగం సంపాదించుకోవడం, అందులో మళ్ళీ వృత్తి విద్యా కోర్సులు, అందులో మళ్ళీ పోటీపడి సీటు సంపాదించుకోవడం, లేదా నచ్చిన కోర్సులో సీటు లభ్యం కాకపోయినా వచ్చిన సీటుతో సంతృప్తిపడి, దాని ఆధారంగా జీవితంలో స్థిరపడడం! సమాజంలో ఇలాంటి వారి శాతమే ఎక్కువగా ఉంటుంది. ఇక రెండవ కేటగిరి ఏమిటంటే, సమాజంలో హోదా కోసం, హోదాలో వున్న భాగస్వామితో స్థిరపడడం కోసం. వీళ్ళ చదువులో సీరియస్‌నెస్ అసలే వుండదు. విద్యాసంస్థల్లో సమస్యలను సృష్టించేది కూడా ఇలాంటివారే! ఇక మూడవ వర్గానికి చెందినవారు, రాజకీయ పార్టీలకు అనుబంధంగా వుండే విద్యార్థి సంఘ సభ్యులు. వీళ్ళు చదువులో రాణించవచ్చు, రాణించకపోవచ్చు, విద్యార్థి సంఘాల మార్గ దర్శనంలోనే వీరి భవిష్యత్ జీవితం ఆధారపడి ఉంటుంది. అలా దేశంలోని అత్యున్నత స్థానాలను ఆక్రమించినవారూ వున్నారు.

ఈ నేపథ్యంలో… ఇంటెర్మీడియేట్ తర్వాత ఏమిటి పరిస్థితి? బయాలజీ గ్రూపా? గణితమా? ఆర్ట్స్ గ్రూపా? ఇక్కడ చదువుకునే పిల్లలకంటే, తల్లిదండ్రుల అభిరుచికి ప్రాధాన్యత పెరుగుతుంది. తక్కువ శాతం తల్లిదండ్రులు మాత్రమే పిల్లల ఇష్టానికే వదిలేస్తారు (ఒకో చోట ఈ ప్రయోగం దెబ్బతింటుంది, అది వేరే విషయం). ఎక్కువమంది తల్లిదండ్రులు తమ పిల్లల చేత ‘ఎంసెట్’ రాయించి, డాక్టర్‌నో, ఇంజనీర్‌నో చేసేయాలని ఉబలాట పడుతుంటారు. సహజమే, తప్పులేదు! కానీ అవి కాకుండా, ఐ.ఏ.ఎస్, ఐ.పి.ఎస్, ఐ.ఆర్.ఎస్. వంటి మరెన్నో ఉన్నతస్థానాలను అంది పుచ్చుకునే అవకాశాల గురించి అసలు ఆలోచించరు.

అంతెందుకు, మా ఇంట్లో విషయమే ఇక్కడ ప్రస్తావిస్తాను. నేను పిల్లల చదువు వాళ్ళ అభిరుచికి వదిలేసాను, కానీ నా శ్రీమతి కొడుకుని ఇంజనీర్‌ను చెయ్యాలని, కూతురిని డాక్టరు చేయాలని కలలు కన్నది. దానికి అనుగుణంగానే మా అబ్బాయి రాహుల్ కానేటి, మెకానికల్ ఇంజనీరింగ్ చేసి, అమెరికాలో ఎం.ఎస్. చేసి క్వాలిటీ ఇంజనీరుగా బోస్టన్‌లో స్థిరపడిపోయాడు. అతని ఇష్టం ఏది వున్నా కేవలం మా సలహా మేరకు జనగాం క్రీస్తు జ్యోతి ఇంజనీరింగ్ కళాశాలలో బి.టెక్-పూర్తి చేసాడు.

ఇక అమ్మాయి నిహార కానేటి విషయం వచ్చేసరికి పరిస్థితి భిన్నంగా మారింది. అమ్మాయి తొమ్మిదో తరగతిలో ఉండగానే ఒక సంచలన నిర్ణయం ప్రకటించింది మా ముందు. అదేమిటంటే, తాను ఎట్టి పరిస్థితిలోనూ ఇంటర్ తర్వాత ఎం.సెట్. పరీక్ష రాయనని, తాను బయాలజీలో మాస్టర్స్ చేసి రీసెర్చ్ చేస్తానని తన దృఢ నిర్ణయంగా చెప్పేసింది. చిన్న పిల్ల తనకు ఈ వయసులో ఏమి తెలుస్తుందిలే అని నెమ్మది పడ్డాం. కానీ… తాను పదో తరగతికి వచ్చినప్పుడూ అదేమాట, ఇంటర్ పాస్ అయినప్పుడూ అదే మాట! అమ్మాయి ఆ దృఢ నిర్ణయానికి కారణం లేకపోలేదు. అమ్మాయి హనుమకొండలోని సెయింట్ పీటర్స్ హై స్కూల్‌లో చదివింది. అక్కడ కుమార్… అనే బయాలజీ మాస్టారు ఉండేవారు. ఆయన పాఠం చెప్పడం లోనే కాదు, క్రమశిక్షణలో పెట్టడంలోనూ, విద్యార్థులకు మార్గదర్శనం చేయడంలోనూ మంచి నైపుణ్యం గలవాడు. ఆయన ప్రభావం అమ్మాయి పసి మనసు మీద బాగా పడినట్లు అర్థమైంది. అయితే తల్లి తృప్తి కోసం, మాత్రమే ఆమె ‘ఎం.సెట్’ పరీక్ష రాసింది. అమ్మాయి సీరియస్‌గా తర్ఫీదు అయివుంటే మెడిసిన్‌లో గ్యారంటీగా సీటు వచ్చేదని నాకు అనిపించింది. అయినా నేను బాధపడలేదు, నా శ్రీమతి మాత్రం ఎవరైనా మెడిసిన్ చదూతున్న పిల్లలు కనపడితే కాస్త కూతురు విషయంలో బాధ పడుతుండేది.

అమ్మాయి ఇష్టప్రకారం, ఇంటర్ హనుమకొండలో స్నేహ జూనియర్ కాలేజీలో చదివింది. తర్వాత జెనెటిక్స్… ప్రధాన అంశంగా, హైదరాబాద్ లోని సెయింట్ ఆన్స్ డిగ్రీ కళాశాలలో (మెహిదీపట్నం) బి.ఎస్.సి.లో చేరి తానే హాస్టల్ సదుపాయం చూసుకుంది. ఇదే సమయంలో హాబీగా ఆకాశవాణి రెయిన్ బో..లో, రేడియో జాకీగా అప్పుడప్పుడూ చేస్తుండేది. డిగ్రీ అక్కడ పూర్తి అయిన తర్వాత మల్లారెడ్డి కాలేజీ కూకట్‌పల్లి లో పి.జి, పూర్తి చేసింది.

నిజానికి అన్నయ్య మార్గంలోనే అమెరికా వెళ్ళిపోయి అక్కడ ‘జెనెటిక్స్’లో రీసెర్చి చేయాలని అనుకునేది. కానీ మా బాబు అమెరికా వెళ్లేప్పుడు బేగంపేట్ విమానాశ్రయంలో నేను పడ్డ బాధ గమనించి తాను అమెరికా వెళ్లే ప్రయత్నం మానుకుంది. కేవలం నా సంతోషం కోసం తన కోరికను త్యాగం చేసింది. ఈ విషయంలో కూడా నేను ఇంకా బాధపడుతూనే వుంటాను, ఆమె ఉన్నత భవిష్యత్తును నేను అడ్డుకున్నానేమోనని!

ఇక పి.జి. కూడా అయిపొయింది కనుక ఉద్యోగ ప్రయత్నం చేయమన్నాను. పోటీ పరీక్షలకు సిద్దపడమని చెప్పాను.

అయితే.. తన మనసులోని అభిప్రాయం చెప్పడానికి తానూ ఎప్పుడూ నా దగ్గర వెనుకాడదు, భయపడదు కూడా! అందుకే… “డాడీ… నేను అప్పుడే ఉద్యోగం చేయను… నాకు కొంత సమయం కావాలి” అని చెప్పింది.

“దేనికోసం అమ్మా..?’’ అన్నాను.

“నేను… గ్రూప్-1 సర్వీసెస్‌కి, ఐ.ఏ.ఎస్.కి కోచింగ్ తీసుకుని పరీక్షలు రాస్తా” అంది.

“నువ్వు అంత కష్టపడగలవా?’’ అన్నాను.

“ప్రయత్నం చేస్తాను డాడీ…” అంది. ఆమె నమ్మకాన్నీ, పట్టుదలను, నేను నిర్వీర్యం చేయదలచుకోలేదు. అందుకే—

“చాలా సంతోషం అమ్మా… నీ ఉత్సాహాన్ని నీళ్లు కార్చే ప్రయత్నం నేను ఎప్పుడూ చేయను. నాకంటే ఉన్నతి స్థాయికి చేరుకుంటానంటే, అంతకు మించి ఈ తండ్రి ఏమి కోరుకుంటాడు? తప్పకుండా అలాగే నీ ప్రయత్నాలు నువ్వు చేయి, కానీ… ఒక షరతు…!’’ అన్నాను.

“షరతా…!! ఏమిటి డాడీ అది?’’ అంది ఆశ్చర్యంగా.

“ఏమీ లేదమ్మా… నువ్వు అనుకున్నవన్నీ4-5 సంవత్సరాల లోపు పూర్తి కావాలి. అందులో నువ్వు సక్సెస్ అయితే సంతోషమే! ప్రయత్నం ఫలించకపోయినా, నిరుత్సాహ పడకుండా, ముందు కష్టపడి ఎంతటి చిన్న ఉద్యోగంలోనైనా చేరిపోవాలి. అక్కడి నుండి ఎన్ని ప్రయత్నాలైనా చేసుకో. నీకు ఉద్యోగం వచ్చిన తక్షణం నీకు పెళ్లి ప్రయత్నాలు చేయాల్సిన బాధ్యత నాది” అన్నాను. దానికి కాస్సేపు ఆలోచించి-

“సరే, డాడీ, మీరు చెప్పినట్టే చేస్తాను, థాంక్స్ డాడీ…!!’’ అంది సంతోషంగా.

హైదరాబాద్‌లోనే కోచింగ్‍లో జాయిన్ అయింది. చాలా కష్టపడింది. శక్తికి మించిన శ్రమ చేసింది. రెండు సార్లు ప్రిలిమ్స్ అతి దగ్గరలో మిస్ అయింది. స్వయంగా అమ్మాయి శ్రమించిన విధానం చూసాను. ఇక ఆమె కష్టపడడానికి నా మనసు ఎంత మాత్రమూ అంగీకరించలేదు! ఒక శుభోదయన, హనుమకొండకు వచ్చినప్పుడు నా మనసులోని మాట ఇలా చెప్పేసాను –

“అమ్మా… నువ్వు ఇక ఎంత మాత్రమూ సమయం వృథా చేయొద్దు. వయసు దాటిపోతే ఉద్యోగాలు రావడం చాలా కష్టం, అందుచేత ఏదైనా కాలేజీలో లెక్చరర్ ఉద్యోగం కోసం ప్రయత్నం చేయి, లేదా పోటీ పరీక్షలకు సిద్దపడు, ఏ చిన్న ఉద్యోగం వచ్చినా ముందు అందులో జాయిన్ అయిపోవాలి” అని ఎంతో మృదువుగా విషయం విశ్లేషించి చెప్పాను. అమ్మాయి ఏమాత్రం నొచ్చుకోకుండా, “మీరు చెప్పినట్టే చేస్తాను డాడీ..!!” అంది.

విద్యారంగంలోనో, బ్యాంకింగ్ రంగంలోనో స్థిరపడుతుందని ఊహించాను. నిజానికి చాలా రకాల పోటీ పరీక్షలు రాసింది, కానీ ఎవరూ ఊహించని ప్రసార భారతిలో ప్రోగ్రాం ఆఫీసర్‌గా ఉద్యోగం సంపాదించుకుంది. తాను హాబీగా ‘ఆర్.జె’గా చేసిన ఆకాశవాణిలో ఆఫీసర్ కావడం గొప్ప మలుపు.

నేరెళ్ల వేణు మాధవ్ గారి చివరి రోజుల్లో ఇంటర్వ్యూ చేస్తున్న నిహార

అమ్మాయి నిహర – ప్రసార భారతిలో ఆరంగేట్రం చేయడంలో ముఖ్యంగా ముగ్గురు వ్యక్తులను గుర్తుంచుకోక తప్పదు. వీరు ముగ్గురూ వారి.. వారి.. స్థాయిల్లో సహకరించడంవల్లనే అమ్మాయి ప్రసారభారతిలో ప్రవేశించగలిగింది. వారే.. పూర్వ ప్రసార భారతి డైరెక్టర్ జనరల్ (ఆ స్థాయి పోస్టులో పనిచేసిన మొదటి తెలుగువాడు) శ్రీ ఆర్. వెంకటేశ్వర్లు గారు, అసిస్టెంట్ స్టేషన్ డైరెక్టర్ సి.ఎస్. రాంబాబు గారు, ఆత్మీయ మిత్రుడు, ఆకాశవాణిలో రిటైర్డ్ అనౌన్సర్ శ్రీ మడిపెల్లి దక్షిణా మూర్తి గారు.

ప్రోగ్రాం ఆఫీసర్‌గా ట్రైనింగ్ అవుతున్న నిహార

భర్త.. వినోద్, కూతురు ఆన్షితో… నిహార

ఇక్కడ చెప్పదలచుకున్నది ఏమిటంటే, చదువులో పిల్లలకు స్వేచ్ఛ ఇవ్వడం లేదా సరైన విధానంలో మార్గదర్శనం చేయడం కీలకం. అందరూ ఒకేరకమైన కోర్సులవైపు ఆకర్షింపబడకుండా, అసలు ఎలాంటి కోర్సులు మన పిల్లల భవిష్యత్తుకు ఆసరాగా నిలుస్తుందో ఆలోచించి, అవసరమైతే నిపుణుల దగ్గర సలహా తీసుకుని పిల్లల చదువు మీద దృష్టి పెట్టడం అవసరం. ఇక్కడ కొసమెరుపు ఏమిటంటే, మా చిన్నన్నయ్య, డా. కానేటి మధుసూదన్, ఆకాశవాణి -విశాఖపట్నం కేంద్రంలో అనౌన్సర్‌గా చేసేవారు. ఆయన ద్వారా అమ్మాయి మీద ఆకాశవాణి ప్రభావం పడకపోవడం ఆశ్చర్యకరం!

రెండోది – మా అమ్మాయికి చిన్నప్పుడు ఏ రేడియో కేంద్రం చూపించడానికి తీసుకువెళ్లానో, అదే ఆకాశవాణి-వరంగల్ కేంద్రంలో ఆఫీసర్‌గా పని చేయడం యాదృచ్ఛికమైనా, ఆనంద దాయకం!

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

Tags: Column Dr. K. L. V. Prasad Feature Gnapakala Pandiri Sanchika telugu magazine telugu online magazine telugu online magazines telugu sahityam telugu web magazine telugu-online-magazine telugu-webs-magazine కాలమ్జ్ఞాపకాల పందిరి డా. కె.ఎల్.వి. ప్రసాద్ఫీచర్సంచిక

1

sagar
July 19, 2020 at 7:07 am
పిల్లల అభిరుచికి తగ్గట్లుగా తల్లితండ్రులు వ్యవహరించాలన్న మీ అభిప్రాయం నూటికి నూరు శాతం నిజం సర్ . అలా కాకుండా తమ కోరికలను, పిల్లలమీద రుద్దాలనుకునే తల్లితండ్రులుచాలామంది ఈ విషయంలో తరువాత చాలా బాదపడ్డారు. మీ విషయంలో పూర్తిగా ఆమె నిర్ణయానికే వదలకుండా సమయం షరతు పెట్టడం, మీ నిర్ణయాన్ని ఆమె గౌరవించడం అలా ఇద్దరి నిర్ణయాలు మంచిదారిలో పయనించడం ఆనందించతగ్గ విషయం. మీ జ్ఞాపకాలతో ఎన్నొ అనుభవాలు పాఠాలుగ నేర్పినందుకు మీకు కృతఙ్ఞతలు సర్ .

Log in to Reply
1. 1.1
  
  డా.కె.ఎల్.వి.ప్రసాద్
  July 19, 2020 at 7:43 am
  సాగర్,
  మీ స్పందన కు
  ధన్య వాదాలు
  
  Log in to Reply
2

Shyam
July 19, 2020 at 7:21 am
ఇందులో విషయం మాత్రమే కాకుండా, చెప్పిన విధానం బావుంది. కూతురు జీవితపు మెట్లు యెక్కడం మరియు గమ్యం చేరటం అన్నది మీరు చేసుకున్న భాగ్యం మరియు దే వుడి కృప మాత్రమే కాదు తను చెసిన కృషి amogham.
God bless her

Log in to Reply
1. 2.1
  
  డా.కె.ఎల్.వి.ప్రసాద్
  July 19, 2020 at 7:41 am
  Thank you shyam
  For your
  Good words
  
  Log in to Reply
3

కుందావజ్ఝల
July 19, 2020 at 7:45 am
అనుకుంటాం గాని,అన్నీ మనం అనుకున్నట్టుగా జరుగుతాయేంటి?.
సహజంగా పిల్లల భవిష్యత్తు గురించి తలిదండ్రులు కలలు కంటారు, ఏవో ఊహించు కుంటరు,తాము సాధించంది పిల్లలచేత సాధించి తృప్తి పడాలని అనుకుంటరు.ఈ పరిస్థితి ఒక్కోసారి తీవ్రంగామారి పిల్లల జీవితంలో పనికి రాకుండా పోయే ప్రమాదం ఉంటుంది. జీవితంపై వారి కోర్కెలను,ఆలోచనలను మన్నిస్తూ, ఉండడం కొద్దిమంది parents మాత్రమే చేస్తరు.అదే మీరు చేసిన పని.ఇక్కడ మీ పిల్లల అవగాహనా శక్తి గూడా మీకూ వారికీ చక్కటి భవిష్యత్తునిచ్చింది.ఈ రోజుల్లో విశ్రాంత జీవితంలో పిల్లలు దగ్గర ఉండడం అరుదు,అందులో కూతుల్లుండడం అదృష్టం.మీరు అదృష్టవంతులు.

Log in to Reply
1. 3.1
  
  డా.కె.ఎల్.వి.ప్రసాద్
  July 19, 2020 at 8:31 am
  మూర్తి గారూ
  మీ స్పందన కు
  ధన్యవాదాలు
  
  Log in to Reply
4

Dr.Harika
July 19, 2020 at 7:52 am
Good morning sir,
That’s really helpful for us when parents give support to fulfill our goal which I got personally from my parents in spite of having negative pressure from relative mafia and society.
And it’s our responsibility to respect and obey parents conditions.

Log in to Reply
1. 4.1
  
  డా.కె.ఎల్.వి.ప్రసాద్
  July 19, 2020 at 8:33 am
  Harika
  Wonderful
  Response
  Thank you.
  
  Log in to Reply
5

గుజ్జు రాజు
July 19, 2020 at 7:57 am
గుజ్జు రాజు: పిల్లలను వారి అభిప్రాయాలకు అనుగుణంగా పెంచడం, వారి అభిప్రాయాలను గౌరవించి వారికి నచ్చిన హోదాలో స్థిరపడేలా ప్రోత్సహించడం నిజంగా అభినందనీయం. నా కొడుకు, కూతురు ఖచ్చితంగా ఓ డాక్టరో లేదా ఇంజనీరో అయి తీరాలని తల్లితండ్రులు ఒత్తిడి చేసి, ఎటువంటి ఉద్యోగంలో స్థిరపడకుండా ఉన్నవాళ్ళు మా కుటుంబంలో చాలామంది ఉన్నారు. పిల్లల అభిప్రాయాలకు విలువనిచ్చే తల్లిదండ్రులకు పిల్లలు కూడా ఎంతో విలువనిస్తారనడానికి మీరే సాక్ష్యం.. మరెందరికో ఎందరికో ఆదర్శం….

Log in to Reply
1. 5.1
  
  డా.కె.ఎల్.వి.ప్రసాద్
  July 19, 2020 at 8:35 am
  బాబూ
  మీ స్పందన
  బాగుంది.
  ధన్యవాదాలు.
  
  Log in to Reply
6

Challa jayapal Reddy
July 19, 2020 at 8:20 am
Baagundi sir….you are a successful father…..

Log in to Reply
1. 6.1
  
  డా.కె.ఎల్.వి.ప్రసాద్
  July 19, 2020 at 8:36 am
  Thank you
  Reddy garu.
  
  Log in to Reply
7

ఈత కోట సుబ్బారావు నెల్లూరు
July 19, 2020 at 8:37 am
అతిశయోక్తి కాదు కానీ, పులి కడుపున పులి బిడ్డ. బాల్యం లో ఒక మంచి దృక్పథం ఏర్పటం, స్వతంత్ర భావాలు అలవర్చుకోవ టం, తండ్రి గా స్నేహితులు గా. మీ దంపతులు వారిని ప్రోస్తాహించటం అభినందనీయం. పాప యువతరానికి ఆదర్శం గా ఉంటుంది.మీరు తల్లిదండ్రులు కు ఆచరణీయం. అభినందనలు సార్

Log in to Reply
1. 7.1
  
  డా.కె.ఎల్.వి.ప్రసాద్
  July 19, 2020 at 9:11 am
  సుబ్బారావు గారూ
  మీ ఆత్మీయ స్పందనకు
  ధన్యవాదాలు
  
  Log in to Reply
8

డా.కె.ఎల్.వి.ప్రసాద్
July 19, 2020 at 9:08 am
సార్ మీ రచన నాన్నా నాకు టైం కావాలి చాలా బాగుంది సార్, మీరు చెప్పినట్లుగా పిల్లల చదువులు వారి వారి ఇష్టాన్ని బట్టే వదిలేయాలి, వాల్ భవిష్యత్తు ను వాళ్లే ఏ మార్గంలో వెళ్ళాలన్నది ఓ లక్ష్యాన్ని ఏర్పర్చుకుంటారు, మీరు పిల్లల విషయంలో చాలా మంచి నిర్ణయం తీసుకున్నారు, అయినా మీ పిల్లలు చాలా తెలివైనవారు, మీ అబ్బాయి అమెరికాలో స్థిరపడడం బాగుంది, అతని చిరకాల వాంఛ నెరవేరింది, పాప నిర్ణయం కూడా బాగుంది, డాక్టర్ కాలేకపోయినా అంతకంటే గొప్ప పోస్ట్ లోకి వెళ్లి స్థిరపడింది,( రేడియో ) ఆకాశవాణిలో ఆఫీసరంటే మాటలు కాదు, ఆ అమ్మాయి జీవితం తిరిగి చూడనక్కరలేదు మీ పాపకు నా అభినందనలు తెలియజేయండి, మీరు ఏ సబ్జెక్టు మీదనైనా ఉన్నతంగా స్పష్టoగా రాస్తారు సార్ మీకు నా అభినందనలు🌹🌹👍👌

____రాయవరపు సరస్వతి
చోడవరం
విశాఖ జిల్లా.

Log in to Reply
1. 8.1
  
  డా.కె.ఎల్.వి.ప్రసాద్
  July 19, 2020 at 9:09 am
  సరస్వతి గారూ
  మీ స్పందన కు
  కృతజ్నతలు
  
  Log in to Reply
9

డా.కె.ఎల్.వి.ప్రసాద్
July 19, 2020 at 9:23 am
చాలా..బాగా రాస్తున్నారు.
ఏకబిగిన చదివించే శైలి.

__కుమారస్వామి.కె
హనంకొండ
🌳👌🍀

Log in to Reply
1. 9.1
  
  డా.కె.ఎల్.వి.ప్రసాద్
  July 19, 2020 at 9:24 am
  స్వామి గారూ
  మీ స్పందన కు
  థాంక్సండి
  
  Log in to Reply
10

డా.కె.ఎల్.వి.ప్రసాద్
July 19, 2020 at 9:29 am
మీ పిల్లలు ఇద్దరు మీకు అతి విలువైన ఆభరణాలు సర్. మీ సూచనలు వారు పాటించటం. వారు మంచి భవిష్యత్తు ను పొందటం వారి అదృష్టం. మీ ఇద్దరు పిల్లల కు నా అభినందనలు.. sir…💐💐💐💐💐💐💐

____రమేశ్.కుసుమ
హనంకొండ

Log in to Reply
1. 10.1
  
  డా.కె.ఎల్.వి.ప్రసాద్
  July 19, 2020 at 9:30 am
  రమేశ్
  నీ స్పందన కు
  ధన్యవాదాలు
  
  Log in to Reply
11

Sambasiva Rao Thota
July 19, 2020 at 10:43 am
డాక్టర్ గారూ !
పిల్లలను కనగలంగాని ,వాళ్ళ తలరాతలను రాయలేంకదా సార్ !
తానొకట తలిస్తే దైవం మరొకటి తలుస్తాడని అంటారు !!
అదే జరిగింది మన నిహారిక విషయం లో …!!
ఏది ఏమైనా నిహారికకు గౌరవప్రదానమైన , సంతృప్తికరమైన , సంతోషకరమైన జీవితాన్నే ప్రసాదంచాడు ఆ దేవుడు !!
గాడ్ ఈజ్ ఆల్వేస్ గ్రేట్ సార్ !!!🙏🙏🙏

Log in to Reply
1. 11.1
  
  డా.కె.ఎల్.వి.ప్రసాద్
  July 19, 2020 at 11:23 am
  రావు గారూ
  ధన్యవాదాలు
  
  Log in to Reply
12

nallanvnc9@gmail.com
July 19, 2020 at 10:55 am
Dear Doctor ji
Your article is a mixture propsoses and disposes. Man proposes God disposes
is a saying that we know. But here as an astonishment .Proposal and its successful achieve ment by your daugter Nihara , Discripts stron will and wish. A well begenning is half done
In telugu we say సంకల్పబలమె బలము
It also your belief ,proper nurishment and timely guidance helped her to be on her path rightly. Your well being and well doing made your choldren to get through all. స్వతంత్రభావాలను నింపుతూ
స్వయం నిర్ణయక శక్తులుగా తయారుచేస్తేవారే జాతికి కావలిసిన నాయకులవుతారు. మర్కట కిశోర న్యాయం పిల్లల పెంపకంలో అవసరం

Log in to Reply
1. 12.1
  
  డా.కె.ఎల్.వి.ప్రసాద్
  July 19, 2020 at 11:22 am
  చారి గారూ
  మీ విశ్లేషణ బాగుంది.
  ధన్యవాదాలు సర్
  
  Log in to Reply
13

Sarasi
July 19, 2020 at 11:04 am
అందుకే అంటారు పిల్లల్ని కనగలం కానీ వాళ్ళ తల రాతల్ని కనగలమా అని. పదప్రయోగం వినడానికి కాస్త అదోలా వున్నా అది వాస్తవం. అధివాస్తవం. నిహార చురుకైన పిల్ల. నన్ను హైద్రాబాద్ రేడియోలో ఇంటర్వ్యూ చేసినపుడే పసిగట్టేను. అమెరికా చదువుల గురించి ఒక్కొక్కరిదీ ఒక్కో అభిప్రాయం. మన స్వార్థం కోసం వాళ్ళ భవిష్యత్తు పాడుచేస్తామా అని కొందరూ, ఇండియా లో వుంటే పాడైపోతారా తల్లి దండ్రులతో కలసివుండని జీవితాలు ఎందుకని కొందరూ. ఇది సరైనది అని చెప్పలేము. ఏదైనా ప్రసాదు గారు నేను గతంలో కూడా చెప్పినట్లు పిల్లల్ని క్రమశిక్షణతో పెంచి, మంచి తండ్రి అనిపించుకున్నారు.

Log in to Reply
1. 13.1
  
  డా.కె.ఎల్.వి.ప్రసాద్
  July 19, 2020 at 11:19 am
  సరసి గారూ
  మీ స్పందన కు
  ధన్యవాదాలు.
  
  Log in to Reply
14

డా.కె.ఎల్.వి.ప్రసాద్
July 19, 2020 at 11:17 am
A right direction for right prospects…. congrats….

___SVLN Sarma
Hyderabad

Log in to Reply
1. 14.1
  
  డా.కె.ఎల్.వి.ప్రసాద్
  July 19, 2020 at 11:17 am
  Sarma garu
  Thank you
  
  Log in to Reply
15

డా.కె.ఎల్.వి.ప్రసాద్
July 19, 2020 at 11:27 am
Gnapakala pandiri Peru bagundi pattudala krushi unte manshi anukunnadi cherukuntadu anela undi

____కుసుమ కుమారి.ఎం
ఒంగోలు

Log in to Reply
1. 15.1
  
  డా.కె.ఎల్.వి.ప్రసాద్
  July 19, 2020 at 11:28 am
  కుసుమా
  నీ స్పందనకు
  ధన్య వాదాలు
  
  Log in to Reply
16

డా.కె.ఎల్.వి.ప్రసాద్
July 19, 2020 at 11:43 am
ెఇప్పుడంటే ఇన్ని ప్రైవేట్ పాఠశాలలు వచ్చినయ్ గాని పూర్వం లేవుకదా నేను డిగ్రీవరకునప్రభుత్వ సంస్ెథల్లొనే చదివిన.అసలువవిద్య వైద్యం రెండూ ప్రభుత్వరంగం లొనే ఉండాలె .ప్రైవేటు పాఠ శాలలకు గవాెఖానలకువకొట్లకు కొట్లువదొచి పెట్టటం కంటే ఆడబ్బుపెట్టి ప్రభుత్వసంస్థలను బలొపేతంచేయవచ్చు ప్రభుత్వం ఎందుకొ ఆపని చేయలేక పొతున్నది. ఇవాళ చాలా మందివతలిదండ్రులు పిల్లలు ఎంసెట్ రాయాలెఇంజినీర్ కావాలెనఅనుకుంటున్నమాట మీరన్నట్టి 100 శాతం వాస్తవమే.పిల్లల అభిరుచిని బట్టి చగువువకొనసాగాలనే మీమాట వాస్తవమూ అనుసరించదగ్గదీనూ .15 భాగం బాగుంది ప్రసాద్ గారూ!
—-రామశాస్త్రి

Log in to Reply
1. 16.1
  
  డా.కె.ఎల్.వి.ప్రసాద్
  July 19, 2020 at 11:45 am
  శాస్త్రి గారూ
  మీ స్పందన కు
  ధన్య వాదాలు
  
  Log in to Reply
17

Padmaja
July 19, 2020 at 1:28 pm
చక్కగా రాశారు …పిల్లల చదువుల విషయంలో నిర్ణయం వాళ్ళ నే తీసికొనివ్వాలి..మన వంతుగా ఏది మంచిదో చెప్పడం చేయాలి..

Log in to Reply
1. 17.1
  
  డా.కె.ఎల్.వి.ప్రసాద్
  July 19, 2020 at 1:32 pm
  పద్మం
  నీ స్పందన కు
  ధన్యవాదాలు
  
  Log in to Reply
18

డా.కె.ఎల్.వి.ప్రసాద్
July 19, 2020 at 1:46 pm
Thallidandrula matalu vinna pillalu eppudukuda jeevitamlo ibbandulu Padaru ani naa nammakam 🌺💐🌹

____sriHari.K
HANAMKONDA

Log in to Reply
1. 18.1
  
  డా.కె.ఎల్.వి.ప్రసాద్
  July 19, 2020 at 1:47 pm
  శ్రీ హరి గారు
  మీ స్పందన కు
  ధన్యవాదాలు
  
  Log in to Reply
19

గుండెబోయిన శ్రీనివాస్
July 19, 2020 at 2:33 pm
పిల్లలకు స్వేచ్ఛ ఇవ్వడం లేదా సరైన విధానంలో మార్గదర్శనం చేయడం కీలకం. అందరూ ఒకేరకమైన కోర్సులవైపు ఆకర్షింపబడకుండా, అసలు ఎలాంటి కోర్సులు మన పిల్లల భవిష్యత్తుకు ఆసరాగా నిలుస్తుందో ఆలోచించి, అవసరమైతే నిపుణుల దగ్గర సలహా తీసుకుని పిల్లల చదువు మీద దృష్టి పెట్టడం అవసరం.

Log in to Reply
1. 19.1
  
  డా.కె.ఎల్.వి.ప్రసాద్
  July 19, 2020 at 2:46 pm
  శ్రీనివాస్
  మీ స్పందన కు
  ధన్య వాదాలు
  
  Log in to Reply
20

డా.కె.ఎల్.వి.ప్రసాద్
July 19, 2020 at 3:09 pm
బాగుందండీ..
మంచి ప్రోత్సాహం అందించిన మీరు..
మీ అమ్మాయి చాతుర్యం..
అమోఘం..💐💐🤗

______ఉమా గాంధీ
విశాఖ పట్నం

Log in to Reply
1. 20.1
  
  డా.కె.ఎల్.వి.ప్రసాద్
  July 19, 2020 at 3:10 pm
  ఉమ గారూ
  మీ స్పందన కు
  ధన్యవాదాలు
  
  Log in to Reply
21

డా.కె.ఎల్.వి.ప్రసాద్
July 19, 2020 at 4:10 pm
జ్ణాపకాల పందిరి బావుంది ..బాగా రాశారు ..అవసర మైనప్పుడు మార్గదర్శకం చేసినా ..మీ పిల్లలు స్వయం శక్తి తో ఎదిగి ప్రయోజకులయ్యారు ..సచిత్రo గా సరళం గా ఉంది ..మీ వ్యాసం ..అమ్మాయి కి మీకూ అభినందనలు ! 👍👏👏

_____శ్రీ కంట స్పూర్థి
కాకినాడ.

Log in to Reply
1. 21.1
  
  డా.కె.ఎల్.వి.ప్రసాద్
  July 19, 2020 at 4:12 pm
  మీ స్పందనకు
  ధన్యవాదాలు సర్
  
  Log in to Reply
22

Jhansi koppisetty
July 19, 2020 at 5:49 pm
చిన్నతనం నుండీ నీహార జీవిత దృక్పథం, స్వయం నిర్ణయం, వ్యక్తిత్వం గొప్పగా వున్నాయి. దానికి మీరు సహకరించి ప్రోత్సహించటం ఇంకా బావుంది. You are a successful happy father indeed😀😀

Log in to Reply
1. 22.1
  
  డా.కె.ఎల్.వి.ప్రసాద్
  July 19, 2020 at 6:04 pm
  Thank you
  
  Log in to Reply
23

డా.కె.ఎల్.వి.ప్రసాద్
July 19, 2020 at 6:03 pm
మీ అమ్మాయి మీద మీరు రాసిన కథనం , వర్ణన శైలి ఎప్పటి లాగే బాగుంది. ఈ కథలో నీతి నాకు చాలా ముఖ్యం ఎందుకు అంటే నేను కూడా ఒక ఆడపిల్లకి తండ్రిని కనుక.

____డా.డి.సత్యనారాయణ
హైదారాబాద్

Log in to Reply
1. 23.1
  
  డా.కె.ఎల్.వి.ప్రసాద్
  July 19, 2020 at 6:03 pm
  డాక్టర్ గారూ
  మీ స్పందన కు
  ధన్య వాదాలు.
  
  Log in to Reply
24

డా.కె.ఎల్.వి.ప్రసాద్
July 19, 2020 at 6:07 pm
కోరికలు ,ఆశయాలు ,లక్ష్యాలు
పిల్లలకు , వారిని గూర్చి పెద్దలకు ఉండవచ్చు.వాటిసాధనలో
వారి శ్రమను గమనించడం తగిన
సమయంలో తగు మార్గదర్శనము
చేయడం పెద్దల బాధ్యత. విచక్షణతో
వాటిని స్వీకరించిన వారు ప్రయోజకులవుతారు.దానికి మీ
అమ్మాయి సాక్ష్యం.అందరిసమష్టి
ప్రయత్నం తోపాటు అదృష్టాన్ని కూడా
నేను నమ్ముతాను.

___వజ్జల రంగాచార్య
హనంకొండ

Log in to Reply
1. 24.1
  
  డా.కె.ఎల్.వి.ప్రసాద్
  July 19, 2020 at 6:08 pm
  ఆర్యా,
  ధన్యవాదాలు.
  
  Log in to Reply
25

డా.కె.ఎల్.వి.ప్రసాద్
July 19, 2020 at 6:13 pm
జ్ఞాపకాల పందిరి-15 http://100.26.73.229/gnapakala-pandiri-15/ Parents should not insist their chilldren to read according to their wish. They can guide them. If children go aginst their wish, they have regrets through out their life. If they go according to their wish they lead a happy life. This is what your daughter did in her life.

___ponnada padma
Narasapur

Log in to Reply
1. 25.1
  
  డా.కె.ఎల్.వి.ప్రసాద్
  July 19, 2020 at 6:13 pm
  Thank you so much
  Padma garu
  
  Log in to Reply
26

హరి రెడ్డి తిప్పాన
July 19, 2020 at 6:26 pm
బాగుంది సార్… ప్రభుత్వ బడులలోనే క్రమశిక్షణ, చక్కని చదువు, నైతికత లభిస్తాయి అనేది వంద శాతం నిజమం సార్…. చాలా‌మంది తెలివైన పిల్లలు ఆర్దిక స్థోమత లేక చిన్న చిన్న ఉద్యోగాలలోనే జాయిన్ అయిపోతారు సార్… తల్లిదండ్రులుకు పిల్లలు ఎదిగే వరకు నచ్చిన కెరీర్ పొందే వరకు భరించగల స్తోమత ఉంటే, ఆ పిల్లలు అదృ వంతులే సార్…

Log in to Reply
27

డా.కె.ఎల్.వి.ప్రసాద్
July 19, 2020 at 6:48 pm
చదివాను …బాగుంది సార్… ప్రభుత్వ బడులలోనే క్రమశిక్షణ, చక్కని చదువు, నైతికత లభిస్తాయి అనేది వంద శాతం నిజమం సార్…. చాలా‌మంది తెలివైన పిల్లలు ఆర్దిక స్థోమత లేక చిన్న చిన్న ఉద్యోగాలలోనే జాయిన్ అయిపోతారు సార్… తల్లిదండ్రులుకు పిల్లలు ఎదిగే వరకు నచ్చిన కెరీర్ పొందే వరకు భరించగల స్తోమత ఉంటే, ఆ పిల్లలు అదృ వంతులే సార్…

____తి ప్పన హరి రెడ్డి
విజయవాడ

Log in to Reply
1. 27.1
  
  డా.కె.ఎల్.వి.ప్రసాద్
  July 19, 2020 at 6:49 pm
  రెడ్డి గారూ
  మీ స్పందన కు
  ధన్య వాదాలు
  
  Log in to Reply
28

డా.కె.ఎల్.వి.ప్రసాద్
July 19, 2020 at 6:57 pm
సర్
పిల్లల చదువు విషయం లో తల్లిదండ్రుల జోక్యం ఎంతవరకు ఉండాలో బాగా చెప్పారు..
మీ అమ్మాయి వ్యక్తిత్వం నాకు బాగా నచ్చింది సర్

.____కళా వతి.కె
హైదారాబాద్

Log in to Reply
1. 28.1
  
  డా.కె.ఎల్.వి.ప్రసాద్
  July 19, 2020 at 6:58 pm
  అమ్మా
  ధన్య వాదాలు
  
  Log in to Reply
29

Aruna Gujju
July 19, 2020 at 7:29 pm
Chala baga cheparu bavagaru pillala meeda mana ashayalu ruddakudadani vala ishtanike vadileyalani mee anubhavalu maku machi margadarshakanga vunayi.ikapothe meeru anatu ivalti rojulo play school laki chala dabbulu karchu chestunaru netti thallithandrulu memu daniki virudam chadive pillalu ekadaina chaduvutaru,emaina mee ghnapakala pandiri chala bagundi netti thallithandrulu ki adharsham margadarshakam sir

Log in to Reply
1. 29.1
  
  డా.కె.ఎల్.వి.ప్రసాద్
  July 19, 2020 at 7:40 pm
  అమ్మా..అరుణా
  మీ స్పందన
  ఆత్మీయంగా వుంది.
  మీకు ధన్యవాదాలు
  
  Log in to Reply
30

డా.కె.ఎల్.వి.ప్రసాద్
July 19, 2020 at 7:37 pm
Conclusion is effective.
Message originated.
Need of the hour.
…..
…..
I t would have been
More effective if the
Entire script is developed
With few more relevant
anecdotes

___అనీల్ ప్రసాద్
హనంకొండ

Log in to Reply
1. 30.1
  
  డా.కె.ఎల్.వి.ప్రసాద్
  July 19, 2020 at 7:37 pm
  అనీల్
  మీ స్పందన కు
  ధన్యవాదాలు
  
  Log in to Reply
31

డా.కె.ఎల్.వి.ప్రసాద్
July 19, 2020 at 7:43 pm
[19/07, 19:32] Srinivasachari G: మీరు మీ జీవితంలో జరిగిన సంఘటనలను చెప్పే విధానం అద్వితీయం.అభినందనలు
[19/07, 19:40] Srinivasachari G: నా పిల్లల విషయంలో వారికి పూర్తి స్వేచ్ఛ ఇచ్చాను. బాబు ఇంటర్మీడియట్ తర్వాత ఎంసెట్ రాయకుండా డిగ్రీ, తర్వాత ఎం.యస్.సి.కంప్యూటర్ కోర్సు తీసుకుని ప్రథమ శ్రేణిలో ఉత్తీర్ణుడై, పెళ్ళైన తర్వాత, అనుకోకుండా అమెరికా వెళ్లి, అక్కడే స్థిరపడ్డాడు.

అమ్మాయి ఇంటర్మీడియట్ తర్వాత బి.కాం. (నేను డిగ్రీ చేసిన ఆర్ట్స్ అండ్ సైన్సు కళాశాల, హన్మకొండ) లో చదివి న తరువాయి వివాహం చేశాము. ఇద్దరు పిల్లల తల్లి అయిన పిదప యం.బి.ఎ. చేసి చైతన్య పి.జి.కళాశాల హన్మకొండ లో అసిస్టెంట్ ప్రొఫెసర్ (కామర్స్) గా పనిచేస్తున్నది. ఈ మధ్య పి.హెచ్.డి. పరిశోధనా పత్రం సమర్పించింది.

____జి.శ్రీనివాసాచారి
ఖాజీపేట

Log in to Reply
1. 31.1
  
  డా.కె.ఎల్.వి.ప్రసాద్
  July 19, 2020 at 7:44 pm
  చారి గారూ
  మీ స్పందన కు
  ధన్య వాదాలు
  
  Log in to Reply
32

చిట్టె మాధవి
July 19, 2020 at 7:47 pm
పిల్లల అభిరుచికి తగ్గట్లు వాళ్ళు జీవితంలో స్థిరపడితే సంతోషమే సర్..ఒక్కోసారి కుదరదు..కొద్దిమందికి
మీ పిల్లలు ఇద్దరూ చక్కగా స్థిరపడ్డారు.ఒకరు పెద్దల అభిరుచి మేరకు….మీ అమ్మాయి తన ఇష్టం ప్రకారం…అది మీ అదృష్టం సర్.మీ అమ్మాయి చిన్నప్పుడు విజిట్ చేసిన రేడియో స్టేషన్ లోనే జాబ్ రావడం..ఎంతో విశేషం..చక్కని కుటుంబం సంతోషకరమైన జీవితం ఇంతకన్నా కావాల్సింది ఏముంది సర్ జీవితంలో…బాగున్నాయి సర్ మీ జ్ఞాపకాలు

Log in to Reply
1. 32.1
  
  డా.కె.ఎల్.వి.ప్రసాద్
  July 19, 2020 at 8:28 pm
  మాధవి గారూ
  మీ స్పందన కు
  కృతజ్నతలు.
  
  Log in to Reply
33

డా.కె.ఎల్.వి.ప్రసాద్
July 19, 2020 at 8:25 pm
Bagundi Doctor garu mee abhiprayamto ekeebhavistanu.

___అ .విజయ లక్ష్మి
హైదారాబాద్.

Log in to Reply
1. 33.1
  
  డా.కె.ఎల్.వి.ప్రసాద్
  July 19, 2020 at 8:26 pm
  డాక్టర్ గారూ
  మీ స్పందన కు
  ధన్యవాదాలు
  
  Log in to Reply
34

బి.జానిభాష
July 20, 2020 at 1:39 am
ఈరోజు కి కూడా చాలా మంది తల్లిదండ్రులు తమ పిల్లల అభిప్రాయం తెలుసుకోకుండా తమ ఇష్టాలను( డాక్టర్, ఇంజనీర్ అవ్వాలని) పిల్లలపై రుద్ది వారిని చిన్నప్పటి నుంచే జైలు లాంటి ప్రైవేటు హాస్టల్స్ లో వేసి బలవంతపు చదువులు చదివిస్తున్నారు సర్.
ఈ విషయం మీ పిల్లలు అదృష్టవంతులు సర్…. మీరు వారికి ఇష్టమైన చదువులు చదువుకునే స్వేచ్ఛ కల్పించినందుకు.
అబ్బాయి అమెరికా వెళ్ళుతున్నప్పుడు తండ్రి గా మీ ఆవేదన అర్థం అవుతుంది సర్.
మీ జీవితంలో జరిగిన సంఘటనలు మాలాంటి వాళ్ల కు మార్గదర్శకం సర్….మీ జాని

Log in to Reply
1. 34.1
  
  డా.కె.ఎల్.వి.ప్రసాద్
  July 20, 2020 at 8:28 am
  జానీ బాబూ
  మీ స్పందన కు
  ధన్యవాదాలు
  
  Log in to Reply
35

డా.కె.ఎల్.వి.ప్రసాద్
July 20, 2020 at 5:17 am
ఈ రోజు మీ ఙాపకాలపందిరి బాగుంది సార్. మీ పిల్లలిద్దరూ కొంత వారి ఇష్టప్రకారం కొంత మీకు నచ్చినట్లు ముందుకు పోయి ఒక మంచి స్ధాయిలో స్ధిరపడినందుకు చాలా సంతోషం. మాకు ఒక్కతే అమ్మాయి. 8th వరకు మామూలుగా చదివేది. 10th తర్వాత సివిల్స్ కు ప్రిపేర్ అయేట్టు చదవమని అందరూ ఇంజనీరింగ్, డాక్టర్ కోర్సులకే పోవాలా అన్నాను. తనేమి అనకుండా ఇంటర్ లో MPC, B.Tech చేసి ఇక్ ఫై యూనివర్శిటీ నుంచి MBA పూర్తి చేసి TCS లో జాబ్ చేస్తుంది.మంచి పొజిషన్ లో ఉంది. సంతోషం. మీ ఙాపకాలపందిరితో నా ఙాపకాలపందిరిని పరుచుకునే అవకాశం కల్పించినారు. ధన్యవాదాలు సార్.🙏 మీ పిల్లలకు శుభాకాంక్షలు, శుభాశీస్సులతో…💐👏

_____విద్యాదేవి.ఆకునూరి
హనంకొండ

Log in to Reply
1. 35.1
  
  డా.కె.ఎల్.వి.ప్రసాద్
  July 20, 2020 at 5:19 am
  అమ్మా
  మీ అమూల్య
  స్పందనకు
  ధన్యవాదాలు
  
  Log in to Reply
36

డా.కె.ఎల్.వి.ప్రసాద్
July 20, 2020 at 5:22 am
Very motivated. The way you brought up children and guided them.. same time respected their ideology .very good and helpful message.👏👍

___Dr.Jhansi Nirmala
Hyderabad

Log in to Reply
1. 36.1
  
  డా.కె.ఎల్.వి.ప్రసాద్
  July 20, 2020 at 5:23 am
  Dr.jhansi
  Thank you
  So much
  
  Log in to Reply
37

డా.కె.ఎల్.వి.ప్రసాద్
July 20, 2020 at 11:45 am
మీ జ్ఞాపకాల పందిరి బాగుంది. కాదు…కాదు ఆత్మావలోకనం

___శ్రీ రంగ స్వామి
హనంకొండ

Log in to Reply
1. 37.1
  
  డా.కె.ఎల్.వి.ప్రసాద్
  July 20, 2020 at 11:46 am
  స్వామి గారు
  మీ స్పందన కు
  ధన్య వాదాలు
  
  Log in to Reply
38

డా.కె.ఎల్.వి.ప్రసాద్
July 20, 2020 at 10:43 pm
పిల్లలు వారి మనతత్వము, పెద్దలు, తల్లిదండ్రులు వారి ఆలోచనలు పిల్లల చదువుల.. విషయములో,ఇప్పటి సర్కార్ బడి, కార్పొరేట్ స్కూల్ వైవిధ్యం,తల్లిదండ్రుల ఆలోచన సరళి, పిల్లలు వారి స్వంత ఆలోచనలు, అని కొట్టి పారేసే విధం, అన్ని చక్కగా చెప్పారు. ముఖ్యంగా మీ పిల్లల మీద మీరు చూపిన శ్రద్ధ, వారి ఆలోచన సరళిని గౌరవిoచి మీరు నడిపిన విధానం, మంచిగా అనిపించింది. ప్రతి తల్లిదండ్రులను ఆలోచింప చేస్తుందని నా నమ్మకం.

___ప్రొ.రవి కుమార్
హనంకొండ.

Log in to Reply
1. 38.1
  
  డా.కె.ఎల్.వి.ప్రసాద్
  July 20, 2020 at 10:44 pm
  బ్రదర్
  మీ స్పందన కు
  ధన్య వాదం లు
  
  Log in to Reply
39

G.Girijamanoharababu
July 21, 2020 at 8:31 am
ఈ రోజు మీ జ్ఞాపకాల పందిరి చదవటం మొదలు పెట్టగానే వెంటనే ఎందుకో తిలక్ గుర్తొచ్చాడు … బహుశా జీవితం గురించిన ప్రసక్తి తో మొదలు పెట్టారు కదా !!
“ చావుపుట్టుకల మధ్య సందేహంలాంటి జీవితం .. “ అన్న ఆయన మాటలు అక్షర సత్యాలు .. మన జీవితాలు మనచేతుల్లో లేవు అనడానికి మన జనన మరణాలే సాక్ష్యాలు … వేరే ప్రమాణాలే అవసరం లేదు …
ఇక్కడే మొదలౌతుంది మన మనుగడకు సంబంధించిన ప్రణాళిక .. పరిస్థితులు కలిసిరావచ్చు , రాకపోవచ్చు వాటిని అధిగమించే మానసిక శక్తిని మనమే సాధించుకోవాలి … మీ వ్యక్తిగత జీవితం లో మీరు విజయం సాధించారు .. వాటి సమస్యలన్నీ మీకు తెలుసుగనుక చాలా జాగ్రత్తగా పిల్లల్ని పెంచాలన్న మీ సంకల్పానికి సరిగ్గా పిల్లలూ స్పందించారు … వాళ్ళకు స్వేచ్ఛ ఇస్తూనే దాన్ని దుర్వినియోగం చేసుకోకుండా మీరు జాగ్రత్తపడటం సత్ఫలితాన్నిచ్చింది .. మీరు జాగ్రత్తపడటం కూడాపిల్లలకు తెలియకుండానే వాళ్ళ అభిప్రాయాలను గౌరవించడం మీరు నెరవేర్చిన బాధ్యత.. అంతేగాకుండా చిన్ననాటినుండే అమ్మానాన్నలను దగ్గరనుండి పరిశీలించేవారుగనుక పిల్లలకూ బాధ్యత తెలిసివచ్చింది .. తల్లిదండ్రుల ప్రవర్తనే వాళ్ళకు ఆదర్శం కాబట్టి , వాళ్ళే రోల్ మోడల్స్ కాబట్టి మీ నిబద్ధత తెలియకుండానే స్వీయ నిర్ణయాలు కూడా ఆలోచించి తీసుకోగలిగారు .. వారి అభిప్రాయాలను తల్లిదండ్రులు తప్పక గౌరవిస్తారనుకున్నప్పుడు పిల్లలు కూడా ఎంతో జాగ్రత్తగా నిర్ణయాలు తీసుకుంటారనడానికి మీ పిల్లలే ప్రమాణం .. అర్థవంమైన స్వేచ్ఛ ఎప్పుడూ విజయం దిశగానే సాగుతుందనడానికి వాళ్ళ జీవితాలే ఉదాహరణాలు … అయితే కాలంకలిసి రాకపోతే కొన్ని ఇబ్బందులు రావచ్చు .. సమర్థమైన స్వయం నిర్ణయాలు తీసుకొని క్రమశిక్షణ లో జీవితాన్ని మలచుకునేవారు వాటిని ధైర్యంగా ఎదిరించి విజయం సాధిస్తారు ..
మీరు నేటి భాగం లో విద్యా సంస్థల గురించి విపులంగానే ప్రస్తావిస్తూ ప్రభుత్వ విద్యాసంస్థల విషయం లో బాధను వెలిబుచ్చారు .. కాని దౌర్భాగ్యమేమంటే మన పాలకులకు ప్రభుత్వ సంస్థలను నిర్వీర్యపరచడం , నిస్సారసంస్థలుగా నిలబెట్టడమే ధ్యేయమైంది .. కారణాలు వెతకాల్సిన అవసరం లేదు ..లక్ష ఉన్నాయి … వాటిని గురించి ఎంత తక్కువగా మాట్లాడితే అంత ఆరోగ్యం ..
మా జ్ఞాపకాల తో బాటు సామాజికాంశాలను జోడించటం చాలా బాగుంది .. అభినందనలు డాక్టర్ గారూ !!!

Log in to Reply
1. 39.1
  
  డా.కె.ఎల్.వి.ప్రసాద్
  July 21, 2020 at 10:59 am
  గురువు గారూ..
  మీ విశ్లేషణాత్మక స్పందన
  వివరణ
  చాలా బాగున్నాయి.
  ధన్య వాదాలు.
  
  Log in to Reply
40

డా.కె.ఎల్.వి.ప్రసాద్
July 21, 2020 at 5:08 pm
Namaste klvgaru meegnapakala san chuka cha dev any nijame pillamanasulo emundu thulusuki neraverche thallithandrulu leruyendukanti maa elder son wanted to take bipc n prepare to become doctor but my under the advice of niece forcedly joined him in mpc though he is a principal by profession hence my son troubled and completed his btech.

___నాగ లక్ష్మీ కా మే శ్వరి
విజయవాడ

Log in to Reply
1. 40.1
  
  డా.కె.ఎల్.వి.ప్రసాద్
  July 21, 2020 at 5:09 pm
  కామేశ్వరి గారూ
  మీ స్పందన కు
  ధన్య వాదాలు
  
  Log in to Reply
41

డా.కె.ఎల్.వి.ప్రసాద్
July 21, 2020 at 5:27 pm
Gd Aftn Doctor garu.
Your daughter although well settled in the life, nither fulfilled her desire of becoming a research scholar nor her mother’s dream to see her as a doctor. All this may be because you persuaded her to join some employment to enable you to discharge your social responsibility.
Finally it is the destiny which will prevail.

____సూర్య నారాయణ రావు
హైదారాబాద్.

Log in to Reply
1. 41.1
  
  డా.కె.ఎల్.వి.ప్రసాద్
  July 21, 2020 at 5:28 pm
  రావు గారూ
  మీ స్పందన కు
  ధన్యవాదాలు సర్
  
  Log in to Reply
42

డా.కె.ఎల్.వి.ప్రసాద్
July 21, 2020 at 7:51 pm
పిల్లలకు సరైన సమయంలో మార్గదర్శిగా నిలిచి వారిని సరైన మార్గంలో నడిపించే తల్లిదండ్రులు వారి జీవితాలు ధన్యం

___డా.శంకర్ లాల్
హైదారాబాద్.

Log in to Reply
1. 42.1
  
  డా.కె.ఎల్.వి.ప్రసాద్
  July 21, 2020 at 7:51 pm
  సొదరా
  నీ స్పందన కు
  ధన్య వాదాలు
  
  Log in to Reply
43

డా.కె.ఎల్.వి.ప్రసాద్
July 22, 2020 at 7:16 am
ఎంత అదృష్టం మీది అనలా లేక మీ పుణ్యఫలం అనలా ఇద్దరూ వజ్ర లను పొందారు 🙏🏻🙏🏻

____భూమెశ్వర్.ఎం
నిజామాబాద్

Log in to Reply
1. 43.1
  
  డా.కె.ఎల్.వి.ప్రసాద్
  July 22, 2020 at 7:17 am
  మిత్రమా
  మీ స్పందన కు
  ధన్య వాదాలు.
  
  Log in to Reply
44

రమాదేవి బాలబోయిన..మృదువిరి
July 22, 2020 at 8:28 am
పిల్లల చదువు…భవిష్యత్తు…కెరీర్ ..ఇవి ప్రస్తుతం మేము ఎదుర్కుంటున్న సవాల్ లు…పిల్లల అభిరుచికే వదిలేస్తే కూడా ఇబ్బందులు ఎదుర్కోవలసి వస్తోంది…పిల్లలు కూడా చాలా బర్డెన్ ఫేస్ చేస్తున్నారు….మీ అనుభవాలు ,పంచుకున్న విధానం బాగుంది సర్ …ఇప్పటి మా బాధ్యతను గుర్తుచేసేటట్లుగా

Log in to Reply
1. 44.1
  
  డా.కె.ఎల్.వి.ప్రసాద్
  July 22, 2020 at 10:37 am
  అమ్మా
  మీ స్పందన కు
  ధన్య వాదాలు
  
  Log in to Reply
45

Mannem sarada
July 22, 2020 at 10:13 am
తగినంత స్వేచ్ఛతో స్వయంనిర్ణయం తీసుకునే శక్తిని ఇస్తూనే ప్రేమతో కూడిన పర్యవేక్షణ తల్లిదండ్రులు చేస్తున్నప్పుడు పిల్లలు సరైన దారిలో నే వెళ్తారనడానికి మీ అమ్మాయి నిదర్శనం, అభినందనలు

Log in to Reply
1. 45.1
  
  డా.కె.ఎల్.వి.ప్రసాద్
  July 22, 2020 at 10:35 am
  శారద గారూ
  మీ స్పందన కు
  ధన్యవాదాలు.
  
  Log in to Reply
46

డా.కె.ఎల్.వి.ప్రసాద్
July 22, 2020 at 2:10 pm
నాకు అనిపిస్తుంది మా సోదరి గూర్చి ఎప్పుడు చదివిన ఈ కొద్దీ కాలంలో నేను గమనించిన దాన్ని బట్టి తను మీకు అసలుసిసలు ప్రతిబింబం.వ్యక్తిత్వంలో మీ స్థిరత్వం,చక్కటి నిర్ణయాలు సరైన సమయానికి తీసుకోవడం,ఆ పట్టుదల అచ్చంగా మీవే. ఇక తన విద్య విషయంలో మీరు పాటించిన సానుకూలత ఇప్పటి తరం తల్లి దండ్రులు అయిన మాకు ఒక సూచి. మీ మాటను నిలబెట్టి తన సామర్ధ్యాన్ని నిలుపుకున్న మీ పాప ఈ తరం యువత కు ఆదర్శం.సరైన ఇంటి వాతావరణం ఉంటే పిల్లలు ఎంత చక్కగా ఎదుతారో,అనుకున్న దాంట్లో ఎలా రాణిస్తారో మీ ఈ అనుబంధాల జ్ఞాపకం వివరిస్తుంది.గ్రూప్స్ కు ఎంత కష్ట పడాలో, ఎంత విజ్ఞానం కావాలో,మరెంత మనో ధైర్యం కావాలో…అవన్నీ నిహారా గారిలో సమృద్ధిగా ఉన్నాయి.తను ఎంచుకున్న లక్ష్యానికై తను పడ్డ శ్రమ ఖచ్చితంగా ప్రేరణాత్మకంగా ఉంది.సమాజం ఒక మంచి సివిల్ సెర్వెంట్ ని మిస్ ఐ నప్పటికీ…వారు ఎంచుకున్న రేడియో రంగం యొక్క ముఖ్యోద్దేశం కూడా సమాజ హితమే కాబట్టి వారా దిశగా ముందుకు పోతుండడం సంతోషించ దగిన విషయం.వారికి,అలాంటి ఆణిముత్యాల వంటి పిల్లల్ని కన్న మీకు హార్ధిక శుభాకాంక్షలు. చాలా మంచి జ్ఞాపకాన్ని పంచుకున్నారు సర్💐🌹🙏

____డి.నాగ జ్యొతి
కాకినాడ.

Log in to Reply
1. 46.1
  
  డా.కె.ఎల్.వి.ప్రసాద్
  July 22, 2020 at 2:11 pm
  అమ్మా
  మీ వివరణాత్మక
  స్పందన అద్భుతం
  ధన్యవాదాలు
  
  Log in to Reply
47

Dr. O. Nageswara Rao
July 22, 2020 at 2:16 pm
Very nice Gnapakalu 15th Article written by Dr. Klv Prasad garu.
Really you have taken very good Decisions towards children n Co ordination with wife and husband is more important.
You got very lovely wife n most Co operative then only as a head of the family can achieve what he wants or dreams.
Automatically children will follow the same. In your life also without any problems, reached your goals with the obedience of your children.
Any how both are in good position small n happy family .
According to your taste your son is in US it is little bit. But regarding Nihara , you are more happy because her professional job is yours own Lovely n enjoying daily life.
Thanks a lot for your Gnapakalu, it may helpful to new families.

Log in to Reply
1. 47.1
  
  డా.కె.ఎల్.వి.ప్రసాద్
  July 22, 2020 at 2:43 pm
  Thank you
  Bro.Rao
  For your
  Good words.
  
  Log in to Reply
48

డా.కె.ఎల్.వి.ప్రసాద్
July 22, 2020 at 6:09 pm
Not only education, health services and even IAS, IPS services are also deteriorating due political interference and personal interests.
Half of the matter is a repetition of earlier essays

___CH S N Murthy
Hyderabad

Log in to Reply
1. 48.1
  
  డా.కె.ఎల్.వి.ప్రసాద్
  July 22, 2020 at 6:10 pm
  Thank you
  Murthy garu.
  
  Log in to Reply
49

డా.కె.ఎల్.వి.ప్రసాద్
July 22, 2020 at 7:12 pm
సార్ నమస్తే!నిహారిక AIRలో ఆఫీసరు కావటం సంతోషం.మొత్తం మీద భవిష్యత్తును గొప్పగా తీర్చి దిద్దుకోవాలన్న పట్టుదల ప్రతి యువతకు కలగాలి.అది ఆమెలో మెండుగా వుంది.సివిల్స్ లో రాణించక పోయినా ఆమెకు ఇష్టమైన ఫీల్డులో స్థిరపడడం దైవ సంకల్పం.

___బొందల నాగేశ్వర రావు
చెన్నై.

Log in to Reply
1. 49.1
  
  డా.కె.ఎల్.వి.ప్రసాద్
  July 22, 2020 at 7:13 pm
  రావు గారూ
  మీ స్పందన కు
  ధన్యవాదాలు
  
  Log in to Reply
50

Neelima
July 23, 2020 at 6:56 am
డాక్టరుగారు..

ఎప్పటిలానే మీ వివరణ బావుంది.
10th, ఇంటర్ తర్వాత పిల్లలు తలిదండ్రుల కు ఎందులో జాయిన్ అవ్వాలి అనేది ఒక పెద్ద సమస్య.. కొందరు పిల్లల అభిరుచి కి గౌరవమిచ్చి వాళ్ళకి నచ్చినది చేస్తారు.. అది పిల్లలకి సంత్రుప్తినిస్తుంది.. కొందరు పెద్దలకు నచ్చినది చెయ్యాలి అంటారు.. ఆ పిల్లలకి జీవితాంతం వాళ్ళకి నచ్చినది చేయలేకపోయామనే ముల్లు గుచుకుంటూనే వుంటుంది..
దీని ద్వారా మీరు పెద్దలు ఎంత వరకు పిల్లల ఆలోచనలకు విలువనివ్వాలి అనే విషయం చాలా బాగా తెలియజేసారు..
అభినందనలు..

Log in to Reply
1. 50.1
  
  డా.కె.ఎల్.వి.ప్రసాద్
  July 23, 2020 at 10:47 am
  నీలిమ గారూ
  మీ స్పందన కు
  ధన్యవాదాలు
  
  Log in to Reply