ఉచితమనే తాయిలం,
నాయకుల నాలుకపై..
నిత్యమూ నాట్యమాడే..
ఆకర్షణ మంత్రం!!
పదవీకాంక్షతో తహతహలాడి,
సాధ్యాసాధ్యాలను మరచి,
నాయకులు చేసే వాగ్దానాలను..
నెరవేర్చేందుకు దగ్గరి దారే-
ఈ ఉచితమనే అయస్కాంతం
ప్రజలకొరకు ప్రజలచే ఎన్నుకున్న-
ప్రజా ప్రభుత్వాలు చేసే వంచనే-
ప్రజలసొమ్ము, ప్రజలకొరకు,
ప్రజా సేవ పేరుతో పంపిణీ..!
అంతిమ భారం ప్రజలపై-
పదవీభోగం నాయకులకే!!
ఉచితాలకు ఆద్యులైన నాయకులే-
సముచితమా? అనుచితమా?
అన్న చర్చకు తెరతీయడమే-
అసలైన హాస్యా చిత్రం..
ప్రేక్షకులనే ప్రజలకు-
అర్థం కాని విచిత్ర చిత్రం!!
సాగర్ రెడ్డిగారి పూర్తి పేరు పెనుబోలు విద్యాసాగర్ రెడ్డి. స్వంత ఊరు నెల్లూరు జిల్లా, నెల్లూరుపల్లి కొత్తపాళెం గ్రామము. ప్రాథమిక, ఉన్నత పాఠశాల విద్య నెల్లూరుపల్లి కొత్తపాళెంలోని ప్రాదమిక మరియు జిల్లాప్రజాపరిషిత్ పాఠశాలలో పూరి చేశారు. ఎన్ బి కె ఆర్ సైన్స్ అండ్ ఆర్ట్స్ కళాశాలలో ఇంటర్మీడియట్ నుంచి బికాం వరకు చదివారు. చెన్నై లోని విక్కీ ఇండస్ట్రీస్‌లో మార్కెటింగ్ విబాగంలో సేల్స్ ఎగ్జిక్యూటివ్‌గా పని చేస్తున్నారు. కవితా రచనలు ప్రవృత్తి. ఇప్పటి వరకు 400 కవితలు రచించడం జరిగింది.