వారాల ఆనంద్ రచించిన 7 చిన్న కవితలను పాఠకులకు అందిస్తున్నాము.
~~
1) అర్థించానో ప్రేమించానో
నీ ముందర నిలబడ్డాను
నన్ను నేను తెలుసుకున్నాను
~ ~
2) ప్రేమ రూపానివో స్నేహ దీపానివో
దారిలో ముళ్లకంపను తొలగించావు
నా చూపును సవరించావు
~ ~
3) వచ్చినట్టే వచ్చి, వెళ్లినట్టే వెళ్తావు
ఎంతకూ రావు ఎప్పుడూ వెళ్లవు
ఇంతకూ ఎవరు నువ్వు
~ ~
4) వెతికి విసిగి పోయా
ఎదురు చూసి అలిసి పోయా
వినిపించవు కనిపించవు, ఏడిపిస్తావు
~ ~
5) నేనేమిటో నాకు తెలీదు
నువ్వేమిటో నీకు తెలీదు
మనం కలిసేదెన్నడు తెలిసే దెన్నడు
~ ~
6) నడిచీ నడిచీ కూలిపోయా
ఏడిచీ ఏడిచీ కరిగి పోయా
కరగకుండా ఉండలేను శిలలా నిలబడలేను
~ ~
7) నవ్వుల్లో నజరానాల్లేవు
కళ్ళల్లో ఆకాంక్షల ఛాయల్లేవు
ఇద్దరి నడుమా మబ్బుల్లేవు
కేంద్ర సాహిత్య అకాడెమీ అనువాద పురస్కార గ్రహీత
8 Comments
కొల్లూరి సోమ శంకర్
కరగకుండా వుండలేను…శిల లా నిలబడలేను
-డాక్టర్ నలిమెల భాస్కర్
కొల్లూరి సోమ శంకర్
ఇద్దరి నడుమా మబ్బుల్లేవ్ – మస్తగా చెప్పారు
– కొండపల్లి నిహరిణి
కొల్లూరి సోమ శంకర్
ఆఖరిది అక్కర్లేకుంటే అన్నిటిలో క్రమం ఉంది
–డాక్టర్ గండ్ర లక్ష్మన్ రావు
కొల్లూరి సోమ శంకర్
…డాక్టర్ విష్ణు వందన
కొల్లూరి సోమ శంకర్
మినీ కవితలు భావగర్భితంగా ఉన్నాయి సార్
–గుడిపల్లి నిరంజన్
కొల్లూరి సోమ శంకర్
ఇంతకూ ఎవరు నువ్వు భావోద్వేగం బాగుంది కవితల్లో
– డాక్టర్ రాధాకృష్ణమాచార్య
కొల్లూరి సోమ శంకర్
చిన్న కవితలు బాగున్నాయి
– దాస్యం సేనాధిపతి
కొల్లూరి సోమ శంకర్
చాలా బాగున్నాయి సార్…
– పుల్లా రామాంజనేయులు, కర్నూల్