స్వాధీనత Swaadheenata | సంచిక - తెలుగు సాహిత్య వేదిక

స్వాధీనత

ఆలోక్ బోస్ బెంగాలీలో రచించిన ‘స్వాధీనతా’ అనే కవితకి కుల్‌దీప్ శర్మ హిందీ అనువాదం ఆధారంగా తెలుగులోకి అనువదించి అందిస్తున్నారు కస్తూరి మురళీకృష్ణ.

వనితల దేహాలు ఆత్మాభిమాన రక్షణ జ్వాలల్లో (జౌహార్) దగ్ధమవుతూన్నాయి
తోడేళ్ళు అప్పుడూ మౌనంగా వున్నాయి

అక్బర్ మహానుభావుడని నేర్పించారు…
అలాంటప్పుడు అతడిని వ్యతిరేకించిన రాణా ప్రతాప్ ఎవరు?

వీధుల్లో శవాలగుట్టలు ఏర్పడుతున్నప్పుడు
మహాత్ముడు మౌనంగా వున్నాడు
మనకు స్వాతంత్ర్యం ఇప్పించింది గాంధీ అని చదువు చెప్పారు
మరి ఉరికంబాన్ని కౌగలించిన యువకిశోరాలెవరు? వారెందుకు ప్రాణాలను త్యాగం చేశారు?

గాంధీజీ పాలుతాగిన మేకను కట్టేసిన తాడు ఇంకా భద్రంగా వుంది…
ఖుదీరాం -భగత్ సింగ్‌ల ప్రాణాలు తీసిన ఆ ఉరి తాడు ఎక్కడుంది??

దేశ దుస్థితి చూస్తూ సుఖంగా నిద్రించలేను,
ముఖం నిండా ముసుగేసుకుని రోదించలేను
ఎన్నివేల జన్మలు ఉరితాళ్ళపై వ్రేలాడేయో, ఎన్ని కోట్ల ప్రాణాలు తుపాకీ గుళ్ళకు ఆవిరయ్యాయో
చరఖా స్వాతంత్ర్యాన్ని తెచ్చిందన్న అనృతం వింటూ భరించలేను.

కస్తూరి మురళీ కృష్ణ

1

డా.కె.ఎల్.వి.ప్రసాద్
August 15, 2020 at 8:32 am
నిజ స్వరూప స్వాతంత్ర్యాన్ని
కవితలో నిజాయితీగా చూపించారు.
అసలు కవికి,అనువాద కవికి
ఈ కవిత అందించిన,దైర్యం గొప్పది
అభి నందిన్చ దగ్గ దీను.

Reply
2

Vasanth
August 15, 2020 at 10:55 am
ఆలోచించ వలసిన విషయం

Reply
3

Gauthami
August 15, 2020 at 4:15 pm
Very nice. Gandhi was a crowd puller athani aasayam bratiki vundadaani ki kaaranam ade. Others were warriors like uyyaalavada. All fought with British but their ways different. Akbar was just a king, history never described him that he was freedom fighter. Kaani kavitha lo emotion vundi. anduke aalochimpajesindi.

Reply
4

పుట్టి . నాగలక్ష్మి
August 15, 2020 at 11:13 pm
మంచి ప్రశ్నలను సంధించి, ఆలోచనను రేకెత్తించిన కవిత..

Reply
5

ఆనందరావు పట్నాయక్
August 16, 2020 at 11:07 am
బెంగాళీలు రేపటి విషయాన్ని ఈ రోజే ఆలోచిస్తారట.మూలాలు పోనీవకుండా అనువాదం అన్పించేట్లు కాకండా మంచి కవితను అందించిన మురళీకృష్ణగారికి అభినందనలు.తెలుగులో తొలి డైనమిక్ వెభ్ పతత్రిక పేరు నిలబెడుతున్నందుకు శిభాభినందనలు.

Reply