కులుకులు హంసలుగా
మువ్వలు ప్రేమ రవ్వలుగా
కన్నులు వెన్నల కలువలుగా
వంపులు ప్రణయ ధునిరేపే సెగలగా
ఎగసిపడే అందాలు
చెలరేగే వయ్యారాలు
చల్లే చందన సుగంధాలు
ఒడిసి పట్టాలనే … గోపికలకు
మాయా ఆనందాన్ని
భక్తి మాధుర్యాన్ని
మధువుగా పోస్తూ
వేణుగానం పాడుతున్నడా
గోపికా వల్లభుడు
అన్నట్టుంది
నా మానస బృందావనం
స్వప్నవేళన
డా. బాలాజీ దీక్షితులు పి.వి. హోమియోపతి వైద్యునిగా, కవిగా, గెస్ట్ లెక్చరర్‌గా, వ్యక్తిత్వ వికాస నిపుణినిగా, కౌన్సిలింగ్ సైకాలజీస్ట్‌గా ఇలా ఎన్నో రంగాలలో విశిష్టత చాటుకున్నారు. డా. దీక్షితులు ఇప్పటి వరకు 58 జాతీయ,అంతర జాతీయ పరిశోధనా పత్రాలు ప్రచురించారు. ఇప్పటికి 10 పరిశోధనా సమావేశాలలో పాల్గొన్నారు, దాదాపు 90 తెలుగు రచనలు వివిధ పత్రికలలో ప్రచురితం అయినాయి. వీరి సేవ మరియు ప్రతిభను గుర్తించి యూనివర్సిటీ అఫ్ సోత్ అమెరికా డాక్టరేట్ 2016లో ఇచ్చింది. ఇవిగాక అనేక అవార్డ్స్, రివార్డ్స్ అనేక సంస్థలు అందించాయి.