[శ్రీ సి.హెచ్. ప్రతాప్ గారి ‘పరమాత్మ కాలాతీత తత్వం’ అనే రచనని అందిస్తున్నాము.]
పరమాత్మ తత్త్వం భౌతికమనసుకు అందని, శాశ్వత చైతన్యస్వరూపం. ఆయనే ఆదిమధ్యాంత రహితుడు – ఆయన్ను కాలానికీ, స్థలానికీ పరిమితుడిగా చూడలేం. కారణం, ఆయనే కాలానికి సృష్టికర్త.
“కాలం అనంతం. అనాది మాత్రమే అంతమవుతుంది.” ఈ వాక్యం పరమాత్మ తత్త్వాన్ని సమగ్రంగా వివరిస్తుంది. ఎందుకంటే, పరమాత్మ అనేది ఒక అనాది శక్తి. కాలం ప్రవాహానికి అధిగమ్యుడు. ఆయనకు పుట్టుక లేదు; అందువల్ల పుట్టినరోజు అనే సంభావన కూడా లేదు.
భగవంతుని స్వరూపాన్ని శివుని పేర్లలో మనం చూస్తాము – ‘స్వయంభూ’, ‘ఆత్మభూ’. అంటే ఆయనే తన్ను తానే స్వయంగా కలిగినవాడు. ఆయనకు బాహ్య కారణం లేదు. ఈ తత్త్వం వేదాంత సారము. ఉపనిషత్తులు కూడా ఆయన్ను ‘అజః, అవ్యయః, నిత్యః’గా వర్ణించాయి.
పరమాత్మ సర్వవ్యాపి. అందుకే ఆయన్ను పయనించాల్సిన అవసరం లేదు. సర్వత్ర వ్యాప్తి ఉన్నవాడికి కదలిక అప్రాసక్తం. ఇది నిశ్చలత్వం అనే గుణాన్ని తెలుపుతుంది – నిత్యమైన సమస్థితికి, చలనం అవసరం లేదు. ఈ స్థితినే సాధించాలనే తపనే మానవజీవితంలో సాధనల లక్ష్యం.
నిర్వాణ షట్కమ్ లో ఆది శంకరాచార్యులు ఇలా ప్రకటించారు:
న మే ద్వేష రాగౌ న మే లోభ మోహౌ
మదో నైవ మే నైవ మాత్సర్య భావః।
న ధర్మో న చార్థో న కామో న మోక్షః
చిదానంద రూపః శివోఽహం శివః॥
ఈ శ్లోకంలో ‘చిదానంద రూపః శివోఽహం’ అని చెప్పడం ద్వారా పరమాత్మ తాను శుద్ధ జ్ఞానమూ, శాశ్వత ఆనందస్వరూపుడని స్పష్టంగా తెలియజేస్తున్నాడు. ఆయన్ని ధర్మార్థకామమోక్షాల పరిమితుల్లో చూడలేం. ఆయన్ను కాల పరిమితుల్లోనూ చూడలేం.
మరొక శ్లోకంలో ఆదిశంకరులు పరమాత్మ యొక్క ఆత్మస్వరూపాన్ని, ఆది మధ్యాంత రహిత తత్వాన్ని చక్కగా అభ్వర్ణించారు.
న మే జన్మ మృత్యుః న మే బంధనాః
పితా నైవ మే నైవ మాతా న జన్మః॥
ఇది మానవ జన్మరేఖలకు అతీతమైన ఆత్మస్వరూపాన్ని వివరించే తత్త్వం. ఇదే మన వ్యాసంలోని మూలకథనం – పరమాత్మకు పుట్టుక లేదు, మరణం లేదు, కాబట్టి పుట్టినరోజు అనే భావనే లేదు.
పరమాత్మను సర్వవ్యాపిగా, నిశ్చలునిగా, స్వయంభూగా వేదాలు వర్ణించాయి. ఆయనకు పయనం అవసరం లేదు, ఎందుకంటే ఆయన ఎప్పటికప్పుడు సర్వత్రా ఉన్నవాడు. కదలిక అవసరం లేని స్థితికి మాత్రమే నిశ్చలత్వం చిహ్నం.
భగవంతుడు భక్తులను అనుగ్రహించాలని భావించినప్పుడు తనను తానే అవతార రూపంగా వ్యక్తీకరిస్తాడు. అయితే అది ఆయన నిజమైన స్వరూపం కాదు – అది భక్తుల పట్ల కరుణకు ప్రతీక. ఈ అవతారాలు వ్యక్తిత్వపు ప్రతీకలు కాదు, ఆయన అవ్యక్త స్వరూపపు పరిమిత వ్యక్తీకరణలు మాత్రమే.
అతడు అవ్యక్తుడు, అవినాశి, త్రికాలజ్ఞుడు. సృష్టి-స్థితి-లయ అనే త్రిగుణాత్మక ప్రక్రియకు ఆయనే అధిపతి. ఆయనను రూపంగా కాక తత్త్వంగా అన్వేషించేటప్పుడు మన ఆధ్యాత్మిక పయనం ప్రారంభమవుతుంది
