[డా.టి.రాధాకృష్ణమాచార్యులు రచించిన ‘నిఘంటువు’ అనే కవితని పాఠకులకు అందిస్తున్నాము.]
పదాలు శబ్దాలెన్నో
కొత్త కొత్తగా జతగట్టే మైదానం
సాంకేతిక యుగంలో ప్రపంచ అక్షరమాల
మారిన అర్థాలతో వాడుక మాటలన్నీ
బహుళార్థక ప్రయోజన యోచనలో
శబ్దించే మౌనం నిఘంటువు
మేధ తపన కురిసిన చెమట వాన
నిఘంటువు
మాటల మూటను విప్పి హూందాగా
ముగ్గులోకి దింపే కొత్త ప్రక్రియ
మాటలు కొన్ని పేజీల్లో భద్రం
మరికొన్ని మన గుండెల్లో
భాష పొదిగిన పదాలు
శబ్దాలు మోసే అర్థాలు బహు తీపి
మాట్లాడే చెట్టు రెక్కలుగా
భాషా సాహిత్యాల బతికించే మనిషి కళ
యాక్సెషన్‌లో నిలబడి గెలిచే మొబైల్ డిక్షనరీ
డా.టి.రాధాకృష్ణమాచార్యులు సీనియర్ వైద్యులు, ప్రముఖ కవి,రచయిత, అనువాదకులు, సమీక్షకులు.
5 సంకలనాలు తెలుగు కవిత్వంలో 1999 నుండి కరీంనగర్ నుండి పబ్లిష్ చేశారు. నలిమెల భాస్కర్ ‘సాహితీ సుమాలు’ వివిధ భారతీయ భాషల్లోని సాహితీవేత్తల పరిచయ సంకలనాన్ని “The Speaking Roots” Title తో ఆంగ్లంలోకి అనువాదం చేసినారు.