[డా. బాలాజీ దీక్షితులు పి.వి. రచించిన ‘నెరసిన ప్రేమ’ అనే కవితని పాఠకులకు అందిస్తున్నాము.]
అర్థం చేసుకొనే నీ కోసం
గడ్డాలు.. మీసాలు
నెరసి పోవచ్చు
వలపు ఆవిరులు
తలపు భావలలో
రగులుతూనే ఉంటాయి
నీ కోసం
వెన్నెల కాలాలు
కంటిముందే
కరిగిపోనూ వచ్చు
ప్రేమ మేఘాలు
వర్షిస్తూనే ఉంటాయి
నీ కోసం
రుతువులు రాగాల
పల్లకీ తీసుకొస్తూ పోతూ ఉండొచ్చు
నిత్య వసంతం
యవ్వన గీతం పాడుతూనే ఉంటుంది
నా నెరసిన ప్రేమ.. కూడా
వలపుల చకోరి ఎక్కడుందో.. అని
డా. బాలాజీ దీక్షితులు పి.వి. హోమియోపతి వైద్యునిగా, కవిగా, గెస్ట్ లెక్చరర్‌గా, వ్యక్తిత్వ వికాస నిపుణినిగా, కౌన్సిలింగ్ సైకాలజీస్ట్‌గా ఇలా ఎన్నో రంగాలలో విశిష్టత చాటుకున్నారు. డా. దీక్షితులు ఇప్పటి వరకు 58 జాతీయ,అంతర జాతీయ పరిశోధనా పత్రాలు ప్రచురించారు. ఇప్పటికి 10 పరిశోధనా సమావేశాలలో పాల్గొన్నారు, దాదాపు 90 తెలుగు రచనలు వివిధ పత్రికలలో ప్రచురితం అయినాయి. వీరి సేవ మరియు ప్రతిభను గుర్తించి యూనివర్సిటీ అఫ్ సోత్ అమెరికా డాక్టరేట్ 2016లో ఇచ్చింది. ఇవిగాక అనేక అవార్డ్స్, రివార్డ్స్ అనేక సంస్థలు అందించాయి.