నీకు చేతులెత్తి

[శ్రీ అక్షరం ప్రభాకర్ మానుకోట రచించిన ‘నీకు చేతులెత్తి’ అనే బాలగేయం పాఠకులకు అందిస్తున్నాము.]

పల్లవి:

నీకు చేతులెత్తి
నీకు చేతులెత్తి
నీకు చేతులెత్తి
దండం పెడతా..
కొట్టాకు సారు
నీ కళ్ళల్లోన
కోపం చూస్తే
మాకు బేజారు ॥ 2 ॥

మా అమ్మనాన్న
కన్న మిన్న
మీరూ.. మాస్టారు
మీ చేతుల్లోనా
బెత్తం చూస్తే
మా బతుకే చేజారు ॥ 2 ॥

॥ నీకు చేతులెత్తి ॥

చరణం:1

కొండంత అండ నీవే
నమ్ముకుంటిమి
మా కోటి ఆశలతో మిమ్ము చేరుకుంటిమి
॥ 2 ॥

మా అమ్మ నాన్న
కలలు ఏవో
కలలు గంటిమి ॥ 2 ॥
నీ కోపమేమో
అర్థం గాక పారిపోతిమి
॥ 2 ॥

॥ నీకు చేతులెత్తి ॥

చరణం 2:

మీ మాటలకు
ఒదిగిపోయే
ఒదుగులవ్వుతం
మీ పాఠాలకు
ఎదిగిపోయే
వెలుగులవ్వుతం ॥ 2 ॥

మీ పాటలకు పొంగిపోయి మురిసిపోతము ॥ 2 ॥
మా ఆటలల్లో
మాకు మేమే మరచిపోతము ॥ 2 ॥

॥ నీకు చేతులెత్తి ॥

చరణం 3:

మా పేరు పెట్టి పలకరించి
చేరదీస్తరు
మా బతుకు దెరువు
బాటలల్లో వెన్ను దడుతారు
మా వచ్చిరాని
చదువు నైనా ఓర్చుకుంటరు
పట్టుబట్టి మొద్దునైనా మార్చుతుంటరు

మీకు చేతులెత్తి
దండం బెడతా
తిట్టండి సారు ॥ 4 ॥

మీ కళ్ళల్లోన
ఆనందమే మాకు హుషారు ॥ 4 ॥

మా అమ్మ నాన్న
కన్న మిన్న
మీరూ మాస్టారు
మీ మాటల్లోన కోపమే
మా బతుకు రహదారు

॥ 4 ॥