[డా. బాలాజీ దీక్షితులు పి.వి. రచించిన ‘నా రాధిక కోసం’ అనే కవితని పాఠకులకు అందిస్తున్నాము.]
నీ అడుగులతో
నామనసు అనురాగ మువ్వలగా
నీ చూపులతో
నా మనసు రెప్పల రవ్వల సవ్వడిగా
నీ నవ్వులతో
నా ఊపిరి చేసే నాట్యంలా
అల్లేసుకొని
అనునిత్యం ఎదురుచూస్తుంది.. నీ కోసం.. రాధిక
పలకరింపు లేని ఉషోదయంలా
నీ ప్రేమ మూగపోతే ఎలా
నేను నీకు ప్రత్యేకమో.. కాదో కానీ
ప్రేమ – ప్రణయం అనే బంధం
చెరపని.. లోకంలో
మనం అనుక్షణం
అనురాగమై.. పల్లవిస్తావా..
నా హృదయాన్ని ప్రేమతో
నీపై చిలకరిస్తా
డా. బాలాజీ దీక్షితులు పి.వి. హోమియోపతి వైద్యునిగా, కవిగా, గెస్ట్ లెక్చరర్‌గా, వ్యక్తిత్వ వికాస నిపుణినిగా, కౌన్సిలింగ్ సైకాలజీస్ట్‌గా ఇలా ఎన్నో రంగాలలో విశిష్టత చాటుకున్నారు. డా. దీక్షితులు ఇప్పటి వరకు 58 జాతీయ,అంతర జాతీయ పరిశోధనా పత్రాలు ప్రచురించారు. ఇప్పటికి 10 పరిశోధనా సమావేశాలలో పాల్గొన్నారు, దాదాపు 90 తెలుగు రచనలు వివిధ పత్రికలలో ప్రచురితం అయినాయి. వీరి సేవ మరియు ప్రతిభను గుర్తించి యూనివర్సిటీ అఫ్ సోత్ అమెరికా డాక్టరేట్ 2016లో ఇచ్చింది. ఇవిగాక అనేక అవార్డ్స్, రివార్డ్స్ అనేక సంస్థలు అందించాయి.