నా చెలి!

సంజె పొద్దు పూసింది
ముద్ద మందార రంగులో
నా చెలి చెక్కిలి మురిసింది
పండు నేరేడు ఎరుపుతో
నా చెలి వయ్యారంగా నడిచింది
లేత మొక్కళి పాదారవిందాలతో
తన వాలు కనుల చూపుతో
నా చెలి జగత్తును సమ్మోహించింది
శ్వేత వర్ణ పరికిణి
గరిచిప్పల కంఠసరి
చిలకపచ్చ మురుగులు
మేలు జాతి రత్న కుండలాలు
నవలోహ వడ్డాణము
శోభించెను ఆమె రూపు పై
సన్నని లే-సూర్యోదయ రేఖలా
అప్పుడే రాలి పడిన పారిజాత పూవుల
అరుదైన సింధూర చందన పరిమళం
ఆమె ఆవరణం
పగటి పూట చంద్రుడు నిండు మబ్బులతో
రాత్రి నీడ సూర్యుడు మినుకు తారలతో
రాజ్యమేలరా తన గల గల మాటలతో
వడి వడిగా నా చెలి నా వైపు పరిగెత్తుకొస్తుంటే
నా గుండె జారి ఆమె శ్వాస అవ్వదా
పోయే నా ప్రాణానికి ఆమె రూపు ప్రాణమివ్వదా!

Savvy