కాంస్యపు లోహముతో చేసి,
దాబు దర్పం కలగలసి,
నడిచే దారినీ ఆక్రమించి..!
ప్రతిష్ఠాత్మకంగా ప్రతిష్టించిన,
ఎన్నో విగ్రహాలకు తొడిగే,
తాత్కాలిక ముసుగు..
ఓ మహా నాటకం!!
పేరుకేమో ఎన్నికల నియమావళి,
అడుగడుగునా ఉల్లంఘనతో,
అదో హాస్య ముక్తావళి!!
బ్రతికిఉన్న నాయకులు
చేసే విన్యాసాలకు..
ప్రాణంలేని విగ్రహాన్ని
సాకుగా చూపే పరిణామం,
అర్థం లేని వ్యవహారం!!
విగ్రహాల ముంగిటే,
పారే ధన ప్రవాహం,
విచిత్ర నియమావళిని-
ఎద్దేవా చేసి నవ్వుతోంది!!
సాగర్ రెడ్డిగారి పూర్తి పేరు పెనుబోలు విద్యాసాగర్ రెడ్డి. స్వంత ఊరు నెల్లూరు జిల్లా, నెల్లూరుపల్లి కొత్తపాళెం గ్రామము. ప్రాథమిక, ఉన్నత పాఠశాల విద్య నెల్లూరుపల్లి కొత్తపాళెంలోని ప్రాదమిక మరియు జిల్లాప్రజాపరిషిత్ పాఠశాలలో పూరి చేశారు. ఎన్ బి కె ఆర్ సైన్స్ అండ్ ఆర్ట్స్ కళాశాలలో ఇంటర్మీడియట్ నుంచి బికాం వరకు చదివారు. చెన్నై లోని విక్కీ ఇండస్ట్రీస్లో మార్కెటింగ్ విబాగంలో సేల్స్ ఎగ్జిక్యూటివ్గా పని చేస్తున్నారు. కవితా రచనలు ప్రవృత్తి. ఇప్పటి వరకు 400 కవితలు రచించడం జరిగింది.