మేరే దిల్ మె ఆజ్ క్యా హై-2

ఈ భూమి ఇంత అందంగా ఎందుకుంది?

ఒకటి అడగాలని ఉంది.,
లేదా ప్రశ్నించాలనీ ఉంది
అసలు.,
ఈ భూమి ఇంత అందంగా.,
జీవితం మీద ఆశ అమాంతంగా
పెరిగిపోయేంతగా ఎందుకు అలంకరించబడింది?
ఎవరి కోసం?

మరి., వాళ్ళ ముఖాల్ని అధ్ధంలో చూపానో లేదో.,
వాళ్లంతా అధ్ధం ముందు
తమ కొత్త ప్రతిబింబాలని చూస్తూ.,
అలిగి కూర్చుండి పోయారు.

ఈ లోకంలో శత్రువులతో పైపైన కలిసిపోవచ్చు.,
కానీ కడకు మిత్రులే కదా హృదయాశ్రయం ఇచ్చేది?

ఈ భూమ్మీద కొద్ది మంది జీవితపు అదృష్టాన్ని ఏమని చెప్పాలి..,?
అనగనగా ఒక సీత ఉండేది సుమా., చెప్పాలంటే.,
ఎంత మంచిదని.. ఈ భూమి అంత సహన శీలి ఆ సీత.,!
మరి.,
ఆమె ఎంత కష్టాలపాలు చేయ బడిందో కదా.,?

ఈ భూమి మీద జాతి., జాతంతా
యుగాలుగా ., కొద్ది పాటి కారుణ్యం కోసం నిరీక్షిస్తూ
ఉండడం పెద్దగా ఆశ్చర్య పోవాల్సిన విషయం కానే కాదు సుమా.,!

నేనేమీ అవతార పురుషుణ్ణి కాను.,
ప్రవక్తను అంతకన్నా కాను
మరి నాకు ఈ అందమైన భూమిని వ్యాఖ్యానించేంత
గౌరవం ఎందుకు ఇవ్వబడిందో అర్థమే కాదు.

జీవితమంతా వనవాసంలో
గడిపేసాక.,
సిలువ మీద నాకు మృత్యువు దొరికిందని మీకు ఎలా చెప్పను?
ఇన్ని కష్టాలు.,కన్నీళ్లు ఉండగా కూడా.,
అసలు ఈ భూమి ఇంత అందంగా అలంకరించబడి.,
నాకు జీవితం మీద
అమాంతంగా ఆశ పెరిగి పోయేట్లు ఎందుకు కనపడాలి??

మూలం: సాహిర్ లుథియాన్వి
స్వేచ్ఛానువాదం: గీతాంజలి

గీతాంజలి

శ్రీమతి గీతాంజలి (డా. భారతి దేశ్‌పాండే) వృత్తిరీత్యా సైకోథెరపిస్ట్, మారిటల్ కౌన్సిలర్. కథా, నవలా రచయిత్రి. కవయిత్రి. అనువాదకురాలు. వ్యాస రచయిత్రి. ‘ఆమె అడవిని జయించింది’, ‘పాదముద్రలు’. లక్ష్మి (నవలిక). ‘బచ్చేదాని’ (కథా సంకలనం), ‘ప‌హెచాన్‌’ (ముస్లిం స్త్రీల ప్రత్యేక కథా సంకలనం), ‘పాలమూరు వలస బతుకు చిత్రాలు’ (కథలు), ‘హస్బెండ్ స్టిచ్’ (స్త్రీల విషాద లైంగిక గాథలు) ‘అరణ్య స్వప్నం’ అనే పుస్తకాలు వెలువరించారు. ‘ఈ మోహన్రావున్నాడు చూడండీ..! (కథా సంపుటి)’ త్వరలో రానున్నది. ఫోన్: 8897791964