వేసవి వేడి తరుగుతూ-
విషాద వేడిని పెంచుతూ-
మరో క్రొత్త ఆశల పల్లకీ,
జూలు విదిలిస్తూ-
జూలై మాసం తయార్!!
నడకలేక-నడవలేక,
పెరుగుతున్న బరువు,
లేని తిండి అరుగుదల-
బరువు తరుగుదల.
రోడ్డెక్కితే పోలీస్ లాఠీ-
నూరు రూపాయల ఫైన్ తో టోపీ .
గృహమే కదా స్వర్గసీమ, ఆనాడు-
గృహం ఒక ఉష్ణమండలం నేడు!!
లాక్ పోయి- అన్ లాక్ మొదలై-
మానవజీవితం కుదేలై-
భవిష్యత్తు అగమ్యగోచరమై
తిష్ఠవేసిన భయం-
కనిపించని అభయం!!
భయానికి లాక్ వేసి-
దైర్యాన్ని అన్ లాక్ చేసి-
నిబంధనల నిబద్దతతో-
బ్రతుకు మీదతీపితో-
సాగే జీవనయానం
మన ముందున్న ప్రయాణం!!
సాగర్ రెడ్డిగారి పూర్తి పేరు పెనుబోలు విద్యాసాగర్ రెడ్డి. స్వంత ఊరు నెల్లూరు జిల్లా, నెల్లూరుపల్లి కొత్తపాళెం గ్రామము. ప్రాథమిక, ఉన్నత పాఠశాల విద్య నెల్లూరుపల్లి కొత్తపాళెంలోని ప్రాదమిక మరియు జిల్లాప్రజాపరిషిత్ పాఠశాలలో పూరి చేశారు. ఎన్ బి కె ఆర్ సైన్స్ అండ్ ఆర్ట్స్ కళాశాలలో ఇంటర్మీడియట్ నుంచి బికాం వరకు చదివారు. చెన్నై లోని విక్కీ ఇండస్ట్రీస్‌లో మార్కెటింగ్ విబాగంలో సేల్స్ ఎగ్జిక్యూటివ్‌గా పని చేస్తున్నారు. కవితా రచనలు ప్రవృత్తి. ఇప్పటి వరకు 400 కవితలు రచించడం జరిగింది.