జంతువుల పొడుపు కథలు-9

[బాలబాలికల కోసం జంతువుల పొడుపు కథలు అందిస్తున్నారు డా. కందేపి రాణీప్రసాద్. ఇది 9వ భాగం.]

ప్రశ్నలు:

81.
క్వాక్ క్వాక్ అని అరుపులు
బుడి బుడి బుల్లి అడుగులు
ప్రతి రోజూ బంగారు గుడ్లు

82.
పరుగులో ప్రథమస్థానం
నడకలో ఉట్టిపడే రాజసం
పాలిచ్చి పెంచే క్షీరదం
కాలిగోళ్ళు మనిషికి హారం
ఎవరిది చెప్పండి పిల్లలూ!

83.
అడవి అంతటికీ రారాజు
గుహలో ఉంటుంది, గర్జిస్తుంది
జూలు విదిల్చి పంజా విసుర్తుంది
ఎవరో గుర్తించండి పిల్లలూ!

84.
పచ్చిరక్తం పసందుగా తాగుతుంది
మాయావిలా మంచంలో దాక్కుంటుంది
ఆర్థ్రోపోడా వర్గానికి చెందిన పరాన్నజీవి

85.
రెండు జతల పల్చని రెక్కలు
నీంఫ్ లనే పేరుగల లార్వాలు
అతుకులు గల ఆరు కాళ్ళు
చాలా వేగంగా ఎగిరే కీటకాలు

86.
వీపు మీద బరువు మూట
కానీ కూలీ కాదు
అడుగులో అడుగు వేసి నడక
కానీ పెళ్ళికూతురు కాదు

87.
పంటల్ని నాశనం చేసే పురుగు
అర్థరాత్రిళ్ళు అరిచే క్రిమి
శీతల రక్తం కలిగిన కీటకం

88.
చీటికి మాటికి పరుగులు పెడుతుంది
అలికిడయ్యిందా అదిరి పడుతుంది
తాబేలుతో పోటి పడిందా ఎప్పుడూ ఓడిపోతుంది

89.
చేపలను తింటుంది
తెలివిలో మేటి ఇది
మనుషులతో స్నేహం చేసి
ప్రదర్శనలను ఇస్తుంది

90.
కొమ్మమీంచి కొమ్మమీదకు
ఎగురుతుంది, దుముకుతుంది
కానీ ఇది కోతి కాదు
విసనకర్ర రెక్కలున్న పాకే జీవి
రెప్టీలియా విభాగానికి చెందింది
ఇది ఏమిటో తెలపండి?

జవాబులు:

81. బాతు 82. పులి 83. సింహం 84. నల్లి 85. తూనీగ 86. తాబేలు 87. కీచురాయి 88. కుందేలు 89. డాల్ఫిన్ 90. డ్రాకో (ఎగిరే బల్లి)