జంతువుల పొడుపు కథలు-5

[బాలబాలికల కోసం జంతువుల పొడుపు కథలు అందిస్తున్నారు డా. కందేపి రాణీప్రసాద్. ఇది 4వ భాగం.]

ప్రశ్నలు:

41.
అన్నిటికన్నా పెద్ద పాము
కానీ విషముండదు
దీని పేరులో కొండ ఉన్నా
కానీ కదులుతుంది

42.
వరిచేలలో గింజలేరుకుంటూ
అద్దంలో అందం చూసుకుంటూ
ఇంటి చూరులో సంసారం
కిచ కిచ లాడుతూ విహారం

43.
నీటిలో నివాసం
రక్తం పీల్చటమే దాని పని
ఒక్కసారి పట్టుకుందా
వదలనే వదలదు మరి!

44.
రంగురంగుల కోక కట్టుకుంది
రాముని భార్య పేరు పెట్టుకుంది
వన్నె చిన్నెల ఈ అందాల
భామ ఎవరో చెప్పండి చూద్దాం?

45.
చీకట్లో తిరుగుతుంది
చీకట్లో తింటుంది
మిడిగుడ్లేసుకుని
మింగేలా చూస్తుంది

46.
అమ్మగారికీ, అయ్యగారికీ
దణ్ణం పెడుతుంది
ఏం చెప్పినా తల ఊపుతుంది
సంక్రాంతికి మేళంతో
ఇల్లిల్లూ తిరుగుతుంది

47.
గణపతిని మోస్తుంది
ముల్లోకాలూ తిరుగుతుంది
వలలు కొరికి
పావురాలను రక్షిస్తుంది

48.
నీటిలో ఈదులాడుతుంది
కళ్ళు తెరిచే నిద్రిస్తుంది
జలపుష్పాలనే పేరు గలది

49.
బారెడుతోక, బుంగమూతి
చెట్లెక్కి దూకటాలూ, అల్లరిచేష్టలూ
అయితేనేం రాములవారికి
ఈ సేనే సాయం చేసింది

50.
కాడి మోస్తుంది
పొలం దున్నుతుంది
గానుగ తిప్పుతుంది
బరువులు లాగుతుంది
రైతులకు మిత్రుడు

జవాబులు:

41.కొండ చిలువ 42. పిచ్చుక 43. జలగ 44. సీతాకోక చిలుక 45. గుడ్లగూబ 46. గంగిరెద్దు 47. ఎలుక 48. చేప 49. కోతి 50. ఎద్దు