సంభాషణం: డా. అమృతలత అంతరంగ ఆవిష్కరణ

సంచిక కోసం రచయిత్రి, సాహిత్యసేవకురాలు, విద్యావేత్త డా. అమృతలత గారితో డా. కె. ఎల్. వి. ప్రసాద్ జరిపిన ఇంటర్వ్యూ ఇది.

సాహిత్యసేవలో సహృదయిని డా. అమృతలత

సాహిత్యం వివిధ ప్రక్రియల్లో రాయడం వేరు, ఇతర సాహిత్యకారులను ప్రొత్సహించడం వేరు. తాము సాహిత్య సేవ చేస్తున్నామనుకునే వాళ్లందరూ పై రెండు లక్షణాలను కలిగివుండాలన్న నియమం ఏమీ లేదు. నిజమయిన సాహిత్య (భాషా) సేవ చేసే వాళ్ళు, తమ రచనావ్యాసంగాన్ని సైతం పక్కన పెట్టి ఇతరులను ప్రోత్సహించే దిశలో ఎక్కువ ఉత్సాహం చూపిస్తుంటారు. స్వంత ప్రచారానికి దూరంగా వుండి తాము చేయదలచుకున్న పనిని చేసుకుంటూ ముందుకు దూసుకు పోతుంటారు. అందులోనే వారు ఎంతో తృప్తిని పొందుతారు. అదిగో.. అలాంటి గొప్ప లక్షణాలున్న సహృదయని, కవయిత్రి, రచయిత్రి, సాహిత్యసేవకురాలు, విద్యావేత్త శ్రీమతి డా. అమృతలత గారు.

నిజామాబాద్‌ను కేంద్రస్థానంగా చేసుకుని కొన్ని విద్యాసంస్థలు నడుపుతూనే, సాహిత్యం పట్ల ఉన్న మక్కువతో అనేక సాహిత్యకార్యక్రమాలు నిర్వహిస్తూ,తన రచనావ్యాసంగాన్ని కొనసాగిస్తూనే ప్రతి యేటా ఎంపిక చేసిన ఉత్తమ రచయిత్రులకు/రచయితలకు అవార్డులు ఇచ్చి ప్రొత్సహిస్తున్నారు.

సంచిక అంతర్జాల పత్రికలో సంభాషణం కోసం అడిగినప్పుడు, సంతోషంతో ఒప్పుకుని, కేవలం మూడురోజుల్లో తన సమాధానాలు అందించిన క్రమశిక్షణ గల రచయిత్రి డా. అమృత లత గారు.

తన సాహిత్య ప్రస్థానం గురిన్చి డా. అమృతలత గారు ఏమంటున్నారో చూద్దాం….

ప్ర: అమృతలత గారికి, ‘సంచిక‘ అంతర్జాల పత్రిక పక్షాన స్వాగతం!

– నమస్కారం డాక్టర్ గారు.

ప్ర: మీరు సాహిత్యకారులు మాత్రమే కాకుండా, ప్రతిభావంతులైన తోటి సాహిత్యకారులను కూడా ఎంపికచేసి అవార్డులు ఇచ్చి ప్రొత్సహిస్తున్నారు. మీకు ఈ ఆలోచన ఎలావచ్చింది? దీని వెనుక నేపథ్యం వివరించండి.

– నాకు సాహిత్యమన్నా, లలితకళలన్నా చిన్నప్పటి నుండి చాలా ఇష్టం! ఆ రోజుల్లో కథలకు వారపత్రికల్లో విరివిగా పోటీలుండేవి.. ఆ పోటీల్లో గెలుపొందిన వాళ్ళ సంతోషాన్ని చూస్తే ముచ్చటేసేది… ‘ఎంత బాగా రాస్తే.. వాళ్లు అలా ఎన్నో వందల మందితో పోటీపడి, ఆ బహుమతులు తెచ్చుకోగలుగుతారు! ఎంత గ్రేట్’ అనిపించేది! నా చేతిలో పక్ష పత్రిక వున్నప్పుడు నేనూ కథల పోటీలు నిర్వహించాను.. వారికి హైదరాబాదులో బహుమతి ప్రదానం కూడా చేసాను… కానీ పత్రిక మూసేసాక.. ఎందుకో అశాంతిగా ఫీలయ్యాను.. సాహిత్యం అన్నా, లలితకళలు అన్నా ప్రాణం పెట్టే నేను.. స్తబ్దుగా వుండలేక.. అవార్డు గ్రహీతల ముఖాల్లో వెలుగుని చూడాలన్న ఉద్దేశంతో పదేళ్ల క్రితం అవార్డ్స్ నెలకొల్పాను.

ప్ర: సాహిత్య పరంగా అవార్డులు ఇవ్వడానికి మీరు ఏయే అంశాలను పరిగణనలోకి తీసుకుంటారు?

– సాహిత్యంలో కేవలం ‘నవలలు’ రాసిన ‘సీనియర్’ రచయిత్రులకు మాత్రమే ‘అమృతలత అవార్డులు’ ఇవ్వడం జరుగుతోంది. ‘అపురూప అవార్డ్స్’ విషయంలో మాత్రం… సాహిత్యంలోని వివిధ ప్రక్రియల్లో ‘తమదైన ముద్ర’ వేసుకుని పేరు తెచ్చుకున్న సీనియర్ రచయిత్రులకు, యువ రచయిత్రులకు కూడా అవార్డ్స్ ఇవ్వడం జరుగుతోంది.

ప్ర: కవులకు, రచయితలకు అవార్డులు ఇచ్చే విషయంలో మీరు ఆయా రచయితల పేరు ప్రఖ్యాతులకి ప్రాధాన్యతనిస్తారా? లేక వాళ్ళు సృష్టించిన సాహిత్యానికి ప్రాధాన్యత ఇస్తారా?

– రచయితలకైనా, కళాకారులకైనా.. పుట్టుకతోనే వాళ్లకి అవార్డులు రావు! వాళ్ళ సాహితీ సృజనని బట్టో, కళా ప్రతిభని బట్టో వారికి పేరు ప్రఖ్యాతులు వస్తాయి.. వారిలో ఆ కళే లేకపోతే వారికి ఆ గొప్పదనం గానీ, అవార్డులు గానీ రావు కదా! విరివిగా రచనలు చేసి ఇప్పటికే పేరు ప్రఖ్యాతులు తెచ్చుకున్న సీనియర్ రచయిత్రులెంతో మంది వున్నారు..

మొదటిసారిగా నేను అవార్డ్స్ నెలకొల్పినపుడు అలాంటి వాళ్ళని పక్కనబెట్టి, కొత్తగా కలం పట్టుకున్న వాళ్లకి ఇస్తే – అప్పటికే ఎన్నో నవలలూ, కథలను రాసిన వాళ్ళని నిర్లక్ష్యం చేసిన వాళ్లమవుతాం కదా అని అన్పించింది. అలా అని ఎప్పుడూ లబ్ధప్రతిష్ఠులకే అవార్డులు ఇస్తూ వుంటే… యువతరంలోని మెరికల్లాంటి సృజనకారులకు ఆ అవకాశం దొరక్క వాళ్ళు డిజప్పాయింట్ అవుతారు కదాని అన్పించింది.

అందుకని చాలాసార్లు అవార్డ్స్ ఎంపికలో న్యాయనిర్ణేతలు ఈ విషయాలన్నీ పరిగణనలోకి తీసుకుని – అటు సీనియర్ రచయితలైనా, ఇటు జూనియర్ రచయిత్రులనైనా ఎన్నో విషయాల్లో బాలెన్స్ చేస్తూ ముఖ్యంగా వాళ్ళ సాహితీ సృజనని బట్టే.. ఎంపిక చేయాల్సి వస్తుంది.. నిజానికి న్యాయనిర్ణేతలకు ఇది ఒక రకంగా కత్తి మీద సాము లాంటిదే అవుతుంది. అయితే అవార్డులు రాని వాళ్లలో కూడా ఎందరో నిష్ణాతులున్నారు.. అందరికీ ఒకేసారి ఇవ్వలేం కదా!

కూతురు డాక్టర్ హిమచందన్ తో డాక్టర్ అమృతలత.

ప్ర: మీరు అవార్డుల విషయంలో, కేవలం కవయిత్రులు/రచయిత్రులకు మాత్రమే ప్రాధాన్యత ఇస్తున్నారు. అలాంటి నిర్ణయం ఎందుకు తీసుకోవలసి వచ్చింది?

– మహిళలకు అన్నింటా ప్రోత్సాహం కరువవుతోందన్న ఉద్దేశంతో చాలా ఏళ్లుగా నేను మహిళలకే పెద్దపీట వేసాను. అయితే జెండర్ వివక్షత వుండకూడదని చెప్తూ.. అవార్డ్స్ విషయంలో మగవాళ్లకు అన్యాయం చేస్తున్నానని అనిపించి… తర్వాతి రోజుల్లో రచయితలకు కూడా ‘అమృతలత అవార్డులు’ ఇచ్చాను.. ఆ పరంపరలో.. 2017లో కేంద్రసాహిత్య అవార్డు గ్రహీతలు డా. ఎన్.గోపి గారికి, అంపశయ్య నవీన్ గారికి, గత సంవత్సరం (2021) విహారి గారికి, రామా చంద్రమౌళి గారికి ‘అమృతలత అవార్డులు’ ఇవ్వడం జరిగింది.

(పై వరుస : పెద్దన్నయ్య జి. భూమారెడ్డి , పెద్ద వదిన లక్ష్మి , చిన్నన్నయ్య జి . రాజా రెడ్డి , చిన్న వదిన సుశీల – కింది వరుస : చెల్లి విజయ , పెద్దక్క పద్మ – తన ఒడిలో కూతురు సుకేశిని , బాపు ( నాన్న ) జి. హన్మంత్ రెడ్డి, చిన్నక్క : చిన్నవ్వ , ఆమె ఒడిలో కూతురు సుజాత, అమృతలత – 1962 లో చిన్నన్న పెళ్ళిలో ) – ఫోటో తీసింది : వై. నాగేశ్వర రావు.

నేను పుట్టి పెరిగిన నిజామాబాదు జిల్లాలో మాత్రం ‘ఇందూరు అపురూప అవార్డుల’లో సింహభాగం రచయితలకు, ఇతర లలిత కళల్లోని పురుషులకు అవార్డులు ఇచ్చాను. ‘మీ జిల్లా వాడినైనా కాకపోతిని అపురూప అవార్డు అందుకొనగా!’ అంటూ నా ముందు కూనిరాగం తీసాడు ఓ సోదర రచయిత.

ప్ర: రచనా వ్యాసంగంలోకి ఎప్పుడు, ఎలా ప్రవేశించారు. దాని వెనుక నేపథ్యం ఏమిటి?

– తొమ్మిదో తరగతి చదువుతోన్న రోజుల్లో.. పృథ్వీరాజ్ చౌహన్‌పై ఒక దేశ భక్తి నాటిక రాసి, మాడపాటి హన్మంతరావు గారి ప్రశంసలను అందుకున్నాను.. హెచ్చెస్సీలో ‘బుర్రుపిట్ట బుర్రుపిట్ట తుర్రుమన్నదీ’ పాట పై పేరడీ రాసి.. ఆడపిల్లల మెప్పు పొందాను..

పీయూసీలో వరవరరావు గారి సృజన పత్రికలో ‘కూలి’ పేర ఓ కవిత రాసి ‘ప్రత్యేక బహుమతి’ పొందాను. బిఎలో ఎమెస్కో పాకెట్ బుక్స్ వారు ఉస్మానియా విద్యార్థుల కోసం వెలువరించిన ‘కతాంజలి-3’ లో ‘కన్నీళ్లతో కాలక్షేపం’ కథ ప్రచురింప బడింది.

నిలబడింది :అమృతలత, కూర్చున్న వారు అల్లుడు :వేణు: ఒడిలో చిన్న మనవడు:రోనన్; మధ్యలో పెద్ద మనవడు :మిలన్; కూతురు డా. హిమ చందన్

ఆ తర్వాత కొన్ని కథలు, ఒక నవల.. పురాణం సుబ్రహ్మణ్య శర్మ గారు ఎడిటర్‌గా వున్న రోజుల్లో ఆంధ్రజ్యోతి వార పత్రికలో ప్రచురితం అయ్యాయి. అనంతరం ఆంధ్రభూమి వీక్లీ లో పిల్లల కోసం రాసిన నాటికలెన్నో సీరియల్ గా ప్రచురింపబడ్డాయి. విద్యారంగంలో అడుగిడిన తర్వాత సాహితీ రంగానికి దూరమయ్యానని ‘అమృత్ కిరణ్’ పక్షపత్రికని ఓ రెండేళ్ల పాటు (1994 -1996) వెలువరించి, దాన్ని అనివార్య పరిస్థితుల్లో మూసివేయాల్సి వచ్చింది. ఆ పత్రికలో ‘అమృత వర్షిణి’ పేర రాసిన నా ఎడిటోరియల్స్ పాఠకుల మన్ననలు పొందాయి.

2013 నుండి అవార్డులు నెలకొల్పి గత పదేళ్లుగా నాకు చేతనైన రీతిలో నా సాహితీ సేవని కొనసాగిస్తూ తృప్తి పడ్డాను.

చాలా సంవత్సరాల తర్వాత ఇటీవల నాలుగైదు కథలు, మూడు వారాల క్రితం ‘నా ఏకాంత బృందగానం’ పేర నా సచిత్ర స్వీయ చరిత్ర రాసాను.

ప్ర: సాహిత్యపరంగా భాష/యాసలపై మీ అభిప్రాయం చెప్పండి.

– సాహిత్యం ఎప్పుడూ ప్రామాణిక భాషలోనే వుంటే అన్ని ప్రాంతాల వారికి అర్థమవుతుందని నా ఉద్దేశం.. ఎవరి ‘యాస’లో వాళ్ళు రాస్తే.. సాహిత్యానికి వున్న విస్తృత ప్రయోజనం దెబ్బతింటుందనీ, పాత్రల పరంగా యాసని చొప్పిస్తే ఫర్వాలేదు గానీ కథనం కూడా యాస లోనే రాస్తే… ఆ యాసేతరులకు అందులోని భావం అర్థం కాదనీ, ‘యాస’ కేవలం రేడియోలో, టీవీలలో వినడానికి బావుంటుందిగానీ.. చదవడానికి మాత్రం అడుగడుగునా స్పీడ్ బ్రేకర్‌లా అడ్డం పడుతుందని నా ఉద్దేశం!

ప్ర: సాహిత్యం వివిధ ‘వాదాలు‘ గా విడిపోవడంపై మీ అభిప్రాయం చెప్పండి.

– చాలా ఏళ్లుగా సాహిత్యంలో రకరకాల మార్పులొచ్చాయి.. డిటెక్టివ్ సాహిత్యం, క్షుద్ర సాహిత్యం, కాల్పనిక సాహిత్యం, పాపులర్ సాహిత్యాలను పక్కనబెట్టి విశ్లేషిస్తే.. సాహిత్యంలో రకరకాల భావజాలాలు, వాదాలు తలెత్తి- ఉన్నోడిచే పీడింపబడే లేనోడి గురించి రాస్తే – అది విప్లవ సాహిత్యం, పురుషుడిచే పీడింబడే స్త్రేల గురించి రాస్తే – అది స్త్రే వాద సాహిత్యం, అగ్రకులాలచే పీడింపబడే దళితుల గురించి రాస్తే – అది దళితవాద సాహిత్యం… అలా నేడు రక రకాల వాదాల పేర సాహిత్యం వెలువడుతోంది. అయితే – పీడన ఏ రూపంలో వున్నా – దాన్ని గర్హించాలి! కేవలం వాదాలకే పరితమైతే… సాహిత్యానికున్న విస్తృత ప్రయోజనం దెబ్బతింటుంది. పరిధి కుంచించుకు పోతుంది. స్త్రీ వాద సాహిత్యమైనా అంతే! స్త్రీకి పురుషుడొక్కడే సమస్య కాదు. ఆమెకి… ఆమెతో ముడిపడిన సామాజిక, రాజకీయ, ఆర్థిక, మానసిక సమస్యలూ.. కొన్నిసార్లు తోటి స్త్రీలు కూడా ప్రధాన సమస్యలే! ఏ కులానికి సంబంధించిన వారైనా.. వారి ‘అకృత్యాలు’ మాత్రమే సమస్య కావాలి గానీ – కులం, మతం, ఉనికి, పుట్టుకలే ప్రధాన సమస్య కాకూడదు! హింసా ప్రవృత్తి, దుర్భుద్ధి ఉన్నవారికి.. డబ్బూ. హోదా, అధికారం వుంటే.. వాటితో బలహీనులను హింసిస్తూ అణగదొక్కుతారన్నది నిజం. అది ఏ కులంలోనైనా, ఏ మతంలోనైనా జరగొచ్చు. దాన్ని ఏ కులానికో, మతానికో ఆపాదించడం సరికాదు.

అన్యాయాలూ, అక్రమాలూ కేవలం పురుషులకో, అగ్రకులాలకో, మతాలకో అంటగడుతూ రచనలు చేయడంలో ఏ శాస్త్రీయ దృక్పథం వుందో, అది హేతువికి ఏ రకంగా నిలుస్తుందో సాహితీకారులు ఆలోచించాలి.

స్త్రీ – పురుషుల మధ్య, దళితులూ – అగ్రకులాల మధ్య, ముస్లిములూ, ముస్లిమేతరుల మధ్య ‘హెచ్చు తగ్గుల్లేని, సమ భావన’ కోసం కృషి చేయాలే తప్ప.. జాతుల పేర, కులాల పేర, మతాల పేర.. వైషమ్యాలు తలెత్తేలా సాహిత్యం వుంటే.. అది ఒకరి పట్ల మరొకరికి ద్వేష భావాలను నూరి పోసినట్లవుతుంది.

ఏ ఉద్యమానికైనా ఊపిరి పొసే అభినవ బ్రహ్మలు సాహితీకారులు! నాణానికి ఒక వైపే వీక్షిస్తూ.. మరోవైపు అలక్ష్యం చేయడం, వాదాల చట్రంలోనే ఇమిడిపోవాలనుకోవడం పాక్షిక దృష్టి అవుతుందే తప్ప సమ దృష్టి కాదు!

ఎవరింట్లో పుడ్తున్నాం అన్నది మన చేతుల్లో లేదు! మన చేతుల్లో లేని విషయాన్ని ప్రధానం చేసుకుని కులాల పేర, జాతుల పేర, మతాల పేర.. వైషమ్యాన్ని పెంచే సాహిత్యం కాకుండా – మానవీయ విలువలకి ప్రాధాన్యమిచ్చే సాహిత్యం రావాలన్నదే నా అభిమతం!

ప్ర: సాహిత్యపరంగా ‘ఆత్మకథ‘ల ప్రయోజనం ఏమిటి? ఎందుకు రాస్తారు?

– ఆత్మ కథలు చదవడం మూలంగా – సదరు రచయిత తన జీవితంలో సంభవించిన ఒడిదుడుకులను ఎలా తట్టుకు నిలబడ్డాడు, ఎలా నిలబడలేకపోయాడు… అపజయాల్లో ఎలా కుప్పకూలాడు, తిరిగి ఎలా పుంజుకున్నాడు, ఏ నిర్ణయం అతడి జీవితాన్ని ఎంతలా అతలాకుతలం చేసిందీ, చివరకి ఏది ఎలా అతడ్ని విజేతగా నిలబెట్టింది పాఠకులకు తెలుస్తుంది.అలాంటివి పఠితల్లో ఆత్మవిశ్వాసం నెలకొనేలా చేస్తుంది.

ఆత్మకథలు ఆనాటి సామాజిక, ఆర్థిక, రాజకీయ స్థితిగతులకి, సమాజంలో నెలకొన్న పరిస్థితులకు అద్దం పడతాయన్న అభిప్రాయంతోనే ఆత్మ కథలు రాస్తారనీ, రాయాలనీ నా అభిప్రాయం!

ప్ర: తెలుగులో మీకు నచ్చిన ఆత్మకథ గురించి చెప్పండి.

– కేవలం ఫోటోలను ఆధారం చేసుకుని అబ్బూరి ఛాయాదేవి గారు రాసిన ఆత్మ కథని తప్ప ఎవరి ఆత్మకథలూ చదవలేదు. అదీ కొండవీటి సత్యవతి గారు ఛాయాదేవి గారి ఆత్మకథ తాలూకు సాఫ్ట్ కాపీని పంపిస్తేనే… ఆ పుస్తకాన్ని చదవగలిగాను.

ప్ర: పాఠకలోకంలో వీటి ప్రభావం ఎట్లావుంటుంది?

– విజేతల ఆత్మకథలే కావు.. పరాజితుల ఆత్మకథలు కూడా పఠితలకు కొన్ని పాఠాలు నేర్పుతాయి! నిరాశావాదంతో నాలుగు రోడ్ల కూడలిలో నించుని ఎటు వెళ్ళాలో తెలియనప్పుడు కొన్ని ఆత్మకథలు.. కరదీపికల్లా ఉపయోగపడతాయి!

‘నా ఏకాంత బృందగానం’ పుస్తకావిష్కరణ సందర్భంలో

ప్ర: కథ, నవల, ఈ రెండింటిలో మీకు ఇష్టమయిన ప్రక్రియ ఏది? ఎందుచేత?

– ఇద్దరు పిల్లలున్నప్పుడు మీకు ఏ పిల్లోడు ఇష్టం అని అడిగితే ఏం చెపుతాం? ఇద్దర్నీ మనమే కనిపెంచుతాం కదా! నాకు రెండూ ఇష్టమే!

పుస్తకావిష్కరణలో మాట్లాడుతూ డాక్టర్ అమృతలత

ప్ర: అధికార భాషగా, బోధనా భాషగా తెలుగు అవసరం అని మీరు భావిస్తున్నారా? ఎందుచేత?

– ఎంతో మంది నిరక్షరాస్యులుగా వున్న దేశంలో.. తెలుగు ‘అధికార భాష’ గా కొనసాగించడం అత్యంత అవసరం! అయితే బోధనాభాషగా కేవలం తెలుగు మీడియంని మాత్రమే ప్రవేశ పెట్టాలనుకోవడం… విద్యార్థుల స్వేచ్ఛని హరించినట్టవువుతుంది! విద్యార్థులకి వాళ్లకి ఇష్టమైన మీడియంలో చదువుకునే పరిస్థితులను నెలకొల్పాలి. పొతే ఎవరు ఏ మీడియంలో చదివినా – ప్రథమ భాషగా తెలుగుకే పట్టం కట్టాలి!

ప్ర: తెలుగుభాష భవిష్యత్తు గురించి మీరు ఏమనుకంటున్నారు?

– ప్రపంచంలో ఒకప్పుడు ఎన్నో భాషలుండేవి. ఎవరికి వారు తమ భాషలను నిర్లక్ష్యం చేయడం మూలంగా – అవన్నీ మృత భాషలై,ప్రస్తుతం కేవలం 6912 భాషలు మాత్రమే మిగిలాయి. బ్రతుకు తెరువు కోసం మనం ఇంగ్లీష్,ఫ్రెంచ్, చైనీస్ లాంటి భాషలు ఎన్ని నేర్చుకున్నా- మాతృ భాషని అలక్ష్యం చేస్తే – కొన్నాళ్ళకి అది కూడా అంతరించిపోయిన భాషల్లో ఒకటిగా మిగిలిపోతుంది.

తన తీరిక సమయమంతా ఆటపాటల్లో, టీవీ, కంప్యూటర్స్, సెల్ ఫోన్స్ ముందు గడిపే పిల్లాడికి.. తెలుగు పట్ల అభిమానం కలగడానికి కేవలం స్కూలే కాదు – ఇల్లూ, మీడియా, సమాజం.. అందరూ నైతిక బాధ్యత వహించాలి.

ఇంటి విషయానికొస్తే – కొన్ని వేల రూపాయలను కొత్తబట్టలకు ఖర్చు చేసే మనం.. ఇంట్లో పట్టుమని పది పుస్తకాలైనా కొనివ్వం! కేవలం ఒక కప్పు టీ ఖరీదుతో లభించే దినపత్రికకైనా మనం డబ్బు వెచ్చించం!

తెలుగు భాషని తల్లి దగ్గరే నేర్చుకున్న విద్యార్థికి – ఇంట్లో చదవడానికి ‘పుస్తకాలు’ వుండాలి. వాటిని మనం పిల్లలతో చదివించాలి.

పట్టు చీరల్లాంటివి పరాయి భాషలైతే.. అమ్మ మెత్తటి చీరలాంటిది మన మాతృభాష.

అలాంటి మన మాతృ భాష మనం పరిరక్షించుకోలేకపోతే- ‘అబ్బో! తెలుగా? రాయడం కష్టం!’ అనుకునే విద్యార్థులనే చూస్తాం!

అందుకే ఇలాంటి దుర్గతి నుండి మన తెలుగు భాషని పరిరక్షించుకునే దిశగా – తల్లిదండ్రులూ, స్కూళ్ళూ, అన్ని పత్రికలూ కృషి చేయాలి!

చక్కని సమాచారం అందించిన మీకు దన్యవాదాలు మేడం.

– ధన్యవాదాలు డాక్టరు గారు.

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా. కె.ఎల్ వి ప్రసాద్
April 1, 2022 at 6:36 am
సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు.
—డా కె.ఎల్.వి.ప్రసాద్
హన్మకొండ జిల్లా.

Log in to Reply
1. 1.1
  
  Dr.Amruthalatha
  April 1, 2022 at 5:43 pm
  నా ఇంటర్వ్యూని ప్రచురించిన సంపాదకులకు , నన్ను ఇంటర్వ్యూ చేసిన ప్రముఖ వైద్యులు , రచయిత డాక్టర్ కె.ఎల్.వి.ప్రసాద్’కానేటి’ గారికి నా ధన్యవాదాలు సమర్పించుకుంటున్నాను.
  
  Log in to Reply
  1. 1.1.1
    
    డా. కె.ఎల్ వి ప్రసాద్
    April 2, 2022 at 2:59 pm
    ఇన్టర్వ్యూ చేసే అవకాశం కల్పించిన
    మీకు హృదయపూర్వక ధన్యవాదాలండీ
    -డాక్టర్ కె.ఎల్.వి.ప్రసాద్
    హన్మకొండ.
    
    Log in to Reply
2

Rajendra+Prasad
April 1, 2022 at 8:49 am
మీ ప్రశ్నలు బాగున్నాయి. ఆమె సమాధానాలు బాగున్నాయి. అభినందనలు సర్
– రాజేంద్ర ప్రసాద్

Log in to Reply
1. 2.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  April 1, 2022 at 11:59 am
  ధన్యవాదాలండీ.
  
  Log in to Reply
3

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
April 1, 2022 at 2:22 pm
Informative, interesting interview, hat’s off to you 🙏🙏
—–Dr.V.Laxman
Gen.physician
Karimnagar.

Log in to Reply
1. 3.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  April 1, 2022 at 2:22 pm
  Thank you
  Somuch doctor garu.
  
  Log in to Reply
4

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
April 1, 2022 at 2:24 pm
Aame oka అద్భుతం
—-Dr.Anjani Devi
Kalyani nursing home
HANAMKONDA.

Log in to Reply
1. 4.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  April 1, 2022 at 2:25 pm
  ధన్యవాదాలండీ.
  
  Log in to Reply
5

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
April 1, 2022 at 2:28 pm
Excelent questions
Excellent answers
—shyam kumar.chagal
Nizamabad.

Log in to Reply
1. 5.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  April 1, 2022 at 2:29 pm
  Thank you friend.
  
  Log in to Reply
6

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
April 1, 2022 at 2:32 pm
శుభోదయం డాక్టరు బాబూ.అమృతలత గారిని గురించి ఆవిడ అంతరంగాన్ని ఆవిష్కరించిన తీరు అధ్భుతం.మీరుప్రారంభంలో వ్రాసిన కొన్ని విషయాలు నాకు చాలా వర్తిస్తాయి .నేనూ కూడా వటవృక్షం నీడన నా సృజనని పక్కకు పెట్టి గురువుగారికి సేవలందించానూ ఇప్పటికీ అదే!
—హైమవతి భీమన్న
హైదరాబాద్.

Log in to Reply
1. 6.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  April 1, 2022 at 2:33 pm
  అమ్మా
  మీ స్పందనకు ధన్యవాదాలు .
  
  Log in to Reply
7

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
April 1, 2022 at 2:35 pm
Meeru interview chasina vidanamu chala bagundi. దేశ భాష లందు తెలుగు లెస్స . మాతృ భాష ను మించినది ఏ ది లేదు.
—–జయ.అలెగ్జాండర్
అమెరికా (హైదరాబాద్)

Log in to Reply
1. 7.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  April 1, 2022 at 2:36 pm
  అమ్మా
  మీ స్పందనకు ధన్యవాదాలండీ
  
  Log in to Reply
8

శీలా సుభద్రాదేవి
April 1, 2022 at 3:10 pm
సాహిత్యం లో అనేక వాదాలు గురించి అమృతలతగారు నిర్మొహమాటంగా తన అభిప్రాయం చెప్పటం బాగుంది.ప్రసాద్ గారు అమృతలతగారి మనసులోని మాటల్ని వెలికితీసే ప్రశ్నలు వేసి ఆమె అంతరంగాన్ని ఆవిష్కరించేలా ఇంటర్వ్యూ చేసారు.అమృతలతగారికీ , కెఎల్వీ ప్రసాద్ గారికీ మనసారా అభినందనలు

Log in to Reply
1. 8.1
  
  డా. కె.ఎల్ వి ప్రసాద్
  April 1, 2022 at 4:40 pm
  మేడం
  మీ స్పందనకు
  ధన్యవాదాలు.
  
  Log in to Reply
9

Bhujanga rao
April 1, 2022 at 3:38 pm
సాహిత్య రంగంలో సహృదయిని డాక్టర్. అమృతలత అంతరంగాన్ని ఆవిష్కరించిన తీరు బాగుంది,వారి సమాధానాలు బాగున్నాయి.వారిని పరిచయం చేసిన మీకు మరియు డాక్టర్. అమృతలత గారికి హృదయపూర్వక నమస్కారములు.🙏

Log in to Reply
1. 9.1
  
  డా. కె.ఎల్ వి ప్రసాద్
  April 1, 2022 at 4:41 pm
  ధన్యవాదాలండీ
  భుజంగరావు గారూ.
  
  Log in to Reply
10

డా. కె.ఎల్ వి ప్రసాద్
April 1, 2022 at 4:39 pm
అభినందనలమ్మా! భాష-యాస మీద మీ అభిప్రాయం అధ్భుతం. మీ సాహితీ ప్రస్థానం అమోఘం.
–అనసూయ కన్నెగంటి
హైదరాబాద్.

Log in to Reply
1. 10.1
  
  డా. కె.ఎల్ వి ప్రసాద్
  April 1, 2022 at 4:39 pm
  ధన్యవాదాలండీ
  
  Log in to Reply
11

డా. కె.ఎల్ వి ప్రసాద్
April 1, 2022 at 4:43 pm
వాదాలు..పీడితులు గురించి మీ అభిప్రాయం 👏👏👏👏👏 హాట్సాఫ్ జీ.. ఎవరు ఎవరిని పీడించినా అది పీడనే.. అందరూ ఖండించ వలసిందే.. వాటికీ వాదాలు అంటగడితే మిగిలిన వర్గాలు ఎందుకు పట్టించుకుంటారు..🎁🎁సిరిగిరి మల్లిక్.

Log in to Reply
1. 11.1
  
  డా. కె.ఎల్ వి ప్రసాద్
  April 1, 2022 at 4:43 pm
  ధన్యవాదాలండీ.
  
  Log in to Reply
12

డా. కె.ఎల్ వి ప్రసాద్
April 1, 2022 at 4:45 pm
Mee manobhavalu chakkaga vivaricharu
–కామేశ్వరి.దుర్వాసుల

Log in to Reply
1. 12.1
  
  డా. కె.ఎల్ వి ప్రసాద్
  April 1, 2022 at 4:45 pm
  ధన్యవాదాలండీ
  
  Log in to Reply
13

డా. కె.ఎల్ వి ప్రసాద్
April 1, 2022 at 4:47 pm
Wonderful Interview
—sammeta vijaya.

Log in to Reply
1. 13.1
  
  డా. కె.ఎల్ వి ప్రసాద్
  April 1, 2022 at 4:47 pm
  Thank you
  
  Log in to Reply
14

బిందుమాధవి
April 1, 2022 at 4:52 pm
అన్ని కోణాలు స్పృశించిన ఇంటర్వ్యూ ఇది. అమృతలతగారిలాంటి బహుముఖుల అభిప్రాయాలు వెలికితియ్యటానికి అవసరమైన ప్రశ్నలు రూపొందించిన ప్రసాద్ గారికి అభినందనలు.
మాతృ భాష పరిరక్షణకి అమృతలత గారు సూచించినట్లు ఇంట్లో అందుకు సంబంధించిన పత్రికలు ఇంట్లో అందుబాటులో ఉండాలి. పక్కన కూర్చుని పది నిముషాలు వాళ్ళ చేత చదివించాలి.

మాండలికం లో రాస్తే చదివేవారికి అసౌకర్యం అనేదే నా అభిప్రాయం కూడా! రాసే భాష ఎప్పుడూ ప్రామాణికమైనదే అయ్యుండాలి

Log in to Reply
1. 14.1
  
  డా. కె.ఎల్ వి ప్రసాద్
  April 1, 2022 at 5:47 pm
  ధన్యవాదాలండీ.
  
  Log in to Reply
15

P.Vijaylakshmi Pandit
April 1, 2022 at 5:40 pm
అమృతలతగారితో సంభాషణ ఆకట్టుకుంది
వివిధ “వాదాల”పై మీ ప్రశ్నకు ఆమె జవాబులు
బాగున్నాయి
“ స్త్రీకి పురుషుడు ఒక్కడే సమస్య కాదు..ఆమె చుట్టూ ఉన్న రాజకీయ ఆర్థిక ………….
——————————-
కులము మతము ఉనికి పుట్టుక సమస్యకాకూడదు” ఇది నిజం

Log in to Reply
1. 15.1
  
  డా. కె.ఎల్ వి ప్రసాద్
  April 1, 2022 at 5:48 pm
  స్పందనకు
  ధన్యవాదాలు మేడం.
  
  Log in to Reply
16

G. S. Lakshmi
April 1, 2022 at 8:29 pm
చక్కటి ఇంటర్వ్యూ. 👏👏

Log in to Reply
1. 16.1
  
  డా. కె.ఎల్ వి ప్రసాద్
  April 1, 2022 at 9:56 pm
  ధన్యవాదాలండీ.
  
  Log in to Reply
17

డా. కె.ఎల్ వి ప్రసాద్
April 1, 2022 at 9:55 pm
KLV garu manchi Q adigaru chakaga kluptamga anni points cover ayettu. Interview chala bagundi ne Answers kuda ento deep & detailga unai. Bashakosam enta kasta padatavo really heart touching Amruth. Hats off Devi Bless U Good Health Deary 🥰♥️🌺Geetha.Geddam.

Log in to Reply
1. 17.1
  
  డా. కె.ఎల్ వి ప్రసాద్
  April 1, 2022 at 9:56 pm
  Thank you andee.
  
  Log in to Reply
18

డా. కె.ఎల్ వి ప్రసాద్
April 1, 2022 at 9:58 pm
గొప్ప పరిచయం అమ్మా.. మీరు అనుకున్న ఎన్నో విషయాలను క్రమ క్రమంగా సాధించారు.. ఇక ముందు ముందు సమయాన్ని మరిన్ని రచనలు చెయ్యడానికి వినియోగించండి..💜💜
–సమ్మెట ఉమాదేవి

Log in to Reply
1. 18.1
  
  డా. కె.ఎల్ వి ప్రసాద్
  April 1, 2022 at 9:58 pm
  ధన్యవాదాలండీ.
  
  Log in to Reply
2. 18.2
  
  డా. కె.ఎల్ వి ప్రసాద్
  April 2, 2022 at 9:02 am
  నేను తలపెట్టిన పనులను సఫలీకృతం చేసుకోవడానికే
  నా అరవయ్యేళ్ల జీవితం గడిచిపోయింది.
  
  అందులో ఓ రెండేళ్లు ‘ అమృత్ కిరణ్ ‘ పక్ష పత్రిక ని నడిపాను.
  
  ఏదో అడపాదడపా తప్ప సాహిత్యం వైపు నా దృష్టి అంతగా పెట్టలేదు.
  
  గత పన్నెండు సంవత్సరాలుగా అవార్డ్స్ ఫంక్షన్స్ మొదలయ్యాయి.
  
  కరోనా కాలంలో నా పనులకు తీరిక దొరికి నా స్వీయ చరిత్ర రాసాను..
  
  నిజం చెప్పాలంటే –
  
  ‘సమయం దొరకడం లేదు’ అని చెప్పడం కేవలం ఆత్మ వంచనే అవుతుంది.
  
  పట్టుపట్టి కూర్చుంటే … మూడు రోజులకో కథ రాయగలను ..
  
  కారణం ఏమిటో తెలీదు గానీ .. నా రచనల మీదే నేను దృష్టి పెట్టలేదు …
  
  ఇప్పుడు నేను రచనలు చేయాలంటే ..
  ఈ తరానికి చెందిన కథలూ , ఈ సామాజిక నేపథ్యం లోనే రాయాలి.
  
  నా డెబ్భయ్యేళ్ళ వయసులో.. ఇప్పుడు ఈ తరం పిల్లల్ని పరిశీలించాలి…
  ఆ కోణంలోనే రాయగలగాలి !
  
  మీరు చెప్పారని ..
  ఆ నేపథ్యంలో ఒక నవల రాయడానికి ప్రయత్నిస్తాను ఉమా !
  –అమృత లత.
  
  Log in to Reply
19

డా. కె.ఎల్ వి ప్రసాద్
April 1, 2022 at 9:59 pm
Very impressive andi.. చాలా మంచి విషయాలు చెప్పారు 👌👌🙏🙏
-ఇందిరా రావ్.ఎస్

Log in to Reply
1. 19.1
  
  డా. కె.ఎల్ వి ప్రసాద్
  April 1, 2022 at 10:00 pm
  ధన్యవాదాలండీ
  
  Log in to Reply
20

డా. కె.ఎల్ వి ప్రసాద్
April 1, 2022 at 10:02 pm
మీ అభిప్రాయాలన్నీ అపురూపమే… మీ సాంగత్యం లో మీ గురించి ఎంతగానో తెలుసుకున్నాం. దేవుడు ఎంతో ప్రత్యేక శ్రద్ధ తో మిమ్మలి సృష్టించాడని నేను భావిస్తుంటాను. మీకు నా హృదయ పూర్వక అభినందనలు అమృతాజీ 💐💐
–మన్నెం శారద
హైదరాబాద్

Log in to Reply
1. 20.1
  
  డా. కె.ఎల్ వి ప్రసాద్
  April 1, 2022 at 10:03 pm
  ధన్యవాదాలు మీకు.
  
  Log in to Reply
21

డా. కె.ఎల్ వి ప్రసాద్
April 1, 2022 at 10:04 pm
మీకు తెలుగు భాష మీద మంచి పట్టు వుంది మేడం గారూ.చాలా మంచి విషయాలు చెప్పారు.
–నక్కా విజయరామరాజు

Log in to Reply
1. 21.1
  
  డా. కె.ఎల్ వి ప్రసాద్
  April 1, 2022 at 10:05 pm
  ధన్యవాదాలండీ.
  
  Log in to Reply
22

డా. కె.ఎల్ వి ప్రసాద్
April 1, 2022 at 10:06 pm
మీ మనోభావాలు చాలా చక్కగా వివరించారు. నిజమేనండీ, మాతృభాషకు ప్రాధాన్యత ఇవ్వకపోవటం తప్పే. ఇప్పటికే సరిదిద్దుకోలేని
–బార్గవి.రఘురాం.

Log in to Reply
1. 22.1
  
  డా. కె.ఎల్ వి ప్రసాద్
  April 1, 2022 at 10:07 pm
  ధన్యవాదాలండీ.
  
  Log in to Reply
23

వసంతలక్ష్మి అయ్యగారి
April 2, 2022 at 2:16 am
మహోన్నతమైనభావాల ఖని అమృతలతగారు .
విలక్షణమైన వ్యక్తిత్వం… అనుకరించడం అంత సులువుకాదని నా అభిప్రాయం .
ఆలోచనలు అనాయాసంగా ఆచరణలో పెట్టేలే అసామాన్య మహిళ.మాన్యులైన అమృతలతగారి సేవలు అనన్యసామాన్యం .

Log in to Reply
1. 23.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  April 2, 2022 at 5:52 am
  ధన్యవాదాలండీ
  
  Log in to Reply
24

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
April 2, 2022 at 5:51 am
వారు సాహితీకారులు కావడమే కాకుండా సాహిత్యానికి వెన్ను దన్నుగా నిలుస్తూ ఇతర సాహితీకారులని ప్రోత్సహించడం శ్రీమతి అమృత లత గారి వంటి వారికే సాధ్యం.వారిలాంటి సహృదయిని పరిచయం చేస్తూ వారి అంతరంగాన్ని చక్కని ప్రశ్నలతో బయటపెట్టి మా అందరికీ అందించిన డాక్టర్ గారు మీకు ధన్యవాదాలు. ఒక విజయవంతమైన స్త్రీ బలమైన అంతరంగాన్ని దర్శించడం ఎంతో స్ఫూర్తిదాయకంగా ఉంది.వారు చేస్తున్న సాహితీ సేవకు వారికి శుభాభివాదాలు. ఉపయుక్తమైన ఇంటర్వ్యూ ను అందించిన ఇరువురికీ,సంచికకు ధన్యవాదాలు💐💐💐🙏
–నాగజ్యోతి శేఖర్
కవయిత్రి
కాకినాడ.

Log in to Reply
1. 24.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  April 2, 2022 at 5:52 am
  అమ్మా
  మీ స్పందనకు ధన్యవాదాలు
  
  Log in to Reply
25

డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
April 2, 2022 at 5:56 am
అమృతలతతో మీ ముఖాముఖి బాగుంది. ఆవిడ అభినందన సంచికలో నా వ్యాసము కూడ ఉంది.
–డా.శ్రీరంగస్వామీ
హన్మకొండ.

Log in to Reply
1. 25.1
  
  డా.కె.ఎల్.డా కె.ఎల్.వి.ప్రసాద్వి డాక్టర్ .ప్రసాద్
  April 2, 2022 at 5:56 am
  ధన్యోస్మి
  
  Log in to Reply
26

డా. కె.ఎల్ వి ప్రసాద్
April 2, 2022 at 9:04 am
మీ జీవితం ఎందరికో ఆదర్శం మేడం
–జ్వలిత. డి.జ్వలిత

Log in to Reply
1. 26.1
  
  డా. కె.ఎల్ వి ప్రసాద్
  April 2, 2022 at 9:05 am
  ధన్యవాదాలండీ
  
  Log in to Reply
27

డా. కె.ఎల్ వి ప్రసాద్
April 2, 2022 at 9:07 am
చాలా బాగుంది మీ ఇంటర్వ్యూ
అమృత లతగారూ! చక్కని ప్రశ్నలు,
పొందికైన సమాధానాలు.అభినందనలు
–రాజ్యలక్ష్మి. వి

Log in to Reply
1. 27.1
  
  డా. కె.ఎల్ వి ప్రసాద్
  April 2, 2022 at 9:07 am
  కృతజ్ఞతలు మీకు
  
  Log in to Reply
28

డా. కె.ఎల్ వి ప్రసాద్
April 2, 2022 at 9:09 am
ప్రతీ అంశాన్ని చక్కగా చెప్పావు.నీ అంతరంగం ,నీ ఆలోచన విధానం అందరికీ స్ఫూర్తి. 🙏🙏🙏
–విజయరావు.

Log in to Reply
1. 28.1
  
  డా. కె.ఎల్ వి ప్రసాద్
  April 2, 2022 at 9:09 am
  ధన్యోస్మి
  
  Log in to Reply
29

డా. కె.ఎల్ వి ప్రసాద్
April 2, 2022 at 9:11 am
మీ భావ వ్యక్తీకరణ చాల బాగుంది అమృతలత గారు …
–శ్రీ నివాసరెడ్డి

Log in to Reply
1. 29.1
  
  డా. కె.ఎల్ వి ప్రసాద్
  April 2, 2022 at 9:11 am
  ధన్యవాదాలండీ
  
  Log in to Reply
30

డా. కె.ఎల్ వి ప్రసాద్
April 2, 2022 at 3:01 pm
అమృత లతగారు, ఈ రోజు మీ అంతరంగ ఆవిష్కరణ చదివాను. మా బాబు వచ్చాడు. అలాగై ఆలశ్యమైంది చదవడం. మీ అభిప్రాయాలు ఆదర్శనీయం! మీ నాయకత్వంలొ జరిగిన సాధనలు అసమానవైనవి. భాష గురించి కానీ, హెచ్చు తక్కువల గురించికానీ, ఎక్కడపుడ్తామనేది మనచేతుల్లో ఉన్నదా , ఆత్మచరిత్రలు విజేతలేకాదు, పరాజితులది రావాలి. Failures are the stepping stones. సాహిత్యం లొ భాష, యాసలగురించి చాలా చక్కగా చెప్పారు. బాల్యంనుంచి మీకు సాహిత్యాభిలాష ఎలా వృక్షమై పెరిగింది, అవార్డుల రూపంలొ మీరు గుర్తిస్తున్నది, గౌరవిస్తున్నది అపూర్వం.. పత్రికను నడిపారు. అన్ని రంగాలలోను మీకు కౌశల్యము. మీరు చేస్తున్న కార్యక్రమాలు, కార్యాలు ఆదర్శనీయం. మీకు ఆయురారోగ్యాలు,సుఖసంతోషాలు ప్రసాదించాలని ప్రార్థిస్తూ, మీ గురించి చాలా విషయాలు తెలిశాయి. We are all proud of you Amrutha Lathagaru!!!😍
–సుశీల నాగరాజ

Log in to Reply
1. 30.1
  
  డా. కె.ఎల్ వి ప్రసాద్
  April 2, 2022 at 3:01 pm
  ధన్యవాదాలండీ.
  
  Log in to Reply
31

డా. కె.ఎల్ వి ప్రసాద్
April 2, 2022 at 3:03 pm
అమృత లత గారి ఇంటర్వ్యూ చదివాను.
చాలా బాగుంది.
అభినందనలు అమృత లత గారు, ప్రసాద్ గారు.
–భానుమతి. గంటి

Log in to Reply
1. 31.1
  
  డా. కె.ఎల్ వి ప్రసాద్
  April 2, 2022 at 3:04 pm
  ధన్యవాదాలండీ.
  
  Log in to Reply
32

డా. కె.ఎల్ వి ప్రసాద్
April 2, 2022 at 3:07 pm
I happy new year Amrutha garu , feel so happy whenever I see your achievements, let God give you enough strength and good health to still do many more good things…be..shining..for ever ,let God help you in all aspects.
–Shobha jadav.

Log in to Reply
1. 32.1
  
  డా. కె.ఎల్ వి ప్రసాద్
  April 2, 2022 at 3:07 pm
  ధన్యవాదాలండీ.
  
  Log in to Reply
33

లక్ష్మీ రాఘవ
April 2, 2022 at 4:45 pm
ఆమె జవాబులలో ఎన్నో ప్రశ్నలకి సమాధానాలు దొరుకుతాయి! స్త్రీకి పురుషుదొక్కడే సమస్యకాదు…. , ఎక్కడ పుట్టాము అన్నది ముఖ్యం కాదు …ఇలా చెప్పుకుంటూ పోతే ప్రతి విషయం లో ఆమె కు వున్న అవగాహన …ఒహ్ ..అద్భుతం! అభినందనలు మీ ఇరువురికీ. ధన్యవాదాలు సంచిక వారికీ 🙏🙏

Log in to Reply
1. 33.1
  
  డా.కె.ఎల్వి ప్రసాద్
  April 5, 2022 at 8:54 am
  మీకు
  ధన్యవాదాలు
  
  Log in to Reply
34

పుట్టి. నాగలక్ష్మి
April 3, 2022 at 10:47 pm
భాష-యాసలు, వివిధ సాహితీ ప్రక్రియలు, విద్యా మాధ్యమాలు, అవార్డులను నిర్ణయించే విధివిధానాలు,
సాహిత్యంలో వివిధ వర్గాల వాదాల వల్ల సమాజంలో పెరిగే వైషమ్యాలు, స్త్రీ కి పురుషుడొక్కడే.. కాక చాలా సమస్యలనే.. పై విషయాలపై నిష్పక్షపాతముగా.. అభిప్రాయాలను వెలువరించిన..అపురూపమైన వ్యక్తి, అమృతమూర్తి..డా.అమృతలతగారితో.. చక్కటి ఇంటర్వూని అందించిన డా. కె. యల్వీ. ప్రసాద్ గారికి, ప్రచురించిన సంచిక వారికి అభినందనలు మరియు ధన్యవాదాలు. 🙏🏻🙏🏻🙏🏻

Log in to Reply
1. 34.1
  
  డా.కె.ఎల్వి ప్రసాద్
  April 5, 2022 at 8:53 am
  ధన్యవాదాలండీ
  మేడం గారూ.
  
  Log in to Reply
35

డా. కె.ఎల్ వి ప్రసాద్
April 4, 2022 at 5:35 am
మీ ఇంటర్వూ ద్వారా కొత్త రచయుత్రులకు మంచి సూచనలు అందజేసారు మేడమ్ !పట్టు చీరలు పరాయు భాషతో తల్లి మెత్తటి చీర మాతృభాషతో పోల్చడం బావుంది!ఎవరు ఏ ఇంట్లో పుడుతారో తెలియని మనకి కుల మత పిచ్చి ఎందుకు అని బాగా చెప్పారు !రచనలలో యాస బావుండదు పాత్రలకే యాస పరిమితం అయుతే బావుంటుంది అన్న సూచన బావుంది!
—విజయభారతి

Log in to Reply
1. 35.1
  
  డా.కె.ఎల్వి ప్రసాద్
  April 4, 2022 at 5:39 am
  థాంక్యూ విజయ భారతీ !
  —-అమృత లత
  
  Log in to Reply
36

డా.కె.ఎల్వి ప్రసాద్
April 5, 2022 at 8:59 am
మేడమ్! మీ ఇంటర్వ్యూ.. ఇంటర్వ్యూలా లేదు.డా.ప్రసాద్ గారి ప్రశ్నలకు.. బళ్ళో పిల్లల ప్రశ్నలకు జవాబులు చెప్పి వాళ్ళని ఎజుకేట్ చేసినట్టుఉంది
–పుట్టి నాగ లక్ష్మీ

Log in to Reply
1. 36.1
  
  డా.కె.ఎల్వి ప్రసాద్
  April 5, 2022 at 9:00 am
  ప్రశ్నలని బట్టి సమాధానం ఇవ్వాల్సి వస్తుంది నాగమణి గారూ .. మనం ఏదో క్యాజువల్ గా రోజులు గడిపేస్తుంటాం .. మన మనసుని తరచి చూసుకోలేం .. కొన్ని సార్లు మనం మనకే అర్థం కాము ..
  
  డాక్టర్ కె.ఎల్. వి . ప్రసాద్ గారు ఆ ప్రశ్నలు నన్ను అడగకుండా వుంటే .. నా నుండి ఆ సమాధానాలు వచ్చేవి కావు, నా మనసులో వున్నదేమిటో నాకూ తెలిసేది కాదు ..
  
  ఇంటర్వ్యూలలో సంధించే ప్రశ్నలు
  హుందాగా వుండాలి. అలాంటి ప్రశ్నలే అడిగారు ఆయన.
  
  ఇంటర్వ్యూలంటే గుర్తొచ్చింది … టీవీలలో కొన్ని ఇంటర్వ్యూలు చూస్తుంటాం ..
  
  ఇంటర్వ్యూలో పాల్గొనేవాళ్ళు అక్కడికేదో దొంగలయినట్టూ , తామేదో పోలీస్ వాళ్ళై , వాళ్ళని ఇంటరాగేట్ చేస్తున్నట్టూ …
  గుచ్చి గుచ్చి ప్రశ్నలు అడుగుతూ ..
  వాటికి సమాధానాలు రాబట్టాలని చూస్తారు కొంతమంది ఇంటర్వ్యూ చేసేవాళ్ళు.
  
  అలాంటివి వినడానికి శ్రోతలకే చీదరపుడుతుంది, ఇక చెప్పేవాళ్ళకి ఇంకెంత ఇబ్బందిగా వుంటుందో అర్థం చేసుకోవచ్చు !
  
  ప్రశ్నలు ట్విస్టింగ్ గా , సమాధానం ఏం చెప్తారా అన్న ఆసక్తి రేపేలా వుండాలి తప్ప , చెప్పేవాళ్ళని ఇబ్బంది పెట్టేవిగా వుండకూడదు ..
  –అమృత లత.
  
  Log in to Reply
  1. 36.1.1
    
    డా.కె.ఎల్వి ప్రసాద్
    April 5, 2022 at 9:02 am
    Amrutha Latha అదే మేడమ్! ప్రసాద్ గారు అడగడం.. మీరు సమాధానాలు ఇవ్వడం.. రెండూ గొప్పగా హుందాగా ఉన్నాయని.. పిల్లలకు కూడా అర్థమయేంత వివరంగా ఉందని నా ఉద్దేశం.. టి. వి. లలో కొన్ని ఇంటర్వ్యూ లు మీరు చెప్పిన పంథాలోనే ఉంటాయి.. ధన్యవాదాలు మేడమ్ గారూ!
    
    —–నాగలక్ష్మి. పుట్టి.
    
    Log in to Reply
37

డా.కె.ఎల్వి ప్రసాద్
April 5, 2022 at 9:05 am
మంచి ప్రశ్నలు వేసి సమాధానాలు రాబట్టారు . మిమ్మల్ని ఎందరో ఎన్ని సార్లు ఇంటర్వ్యూ చేసినా కొత్త రకంగా జవాబులిస్తారు . సరళంగా , క్లుప్తంగా ఉంటూనే డొంక తిరుగుడు లేకుండా సూటిగా సమాధానం చెప్తారు . Hats off madam!
–నెల్లుట్ల రమాదేవి

Log in to Reply
1. 37.1
  
  డా.కె.ఎల్వి ప్రసాద్
  April 5, 2022 at 9:06 am
  థాంక్స్ రమ
  –అమృత లత.
  
  Log in to Reply
38

డా కె.ఎల్.వి.ప్రసాద్ హన్మకొండ
April 8, 2022 at 4:24 pm
డా. ప్రసాద్ గారి పుణ్యమాని మీ గురించి, మీ వ్యక్తిత్వం గురించి క్షుణ్ణంగా తెలుసుకునే అదృష్టం కలిగింది. మీ సాషిత్యాభిలాష అంచెలంచెలుగా ఎదిగిన తీరు, మీ సాహిత్య సేవ అద్భుతం. అనేక ప్రశ్నలకు మీరు వెలుబుచ్చిన జవాబులు అభినందనీయం.. మీ జవాబుల్లో నన్ను నేను చూసుకున్నాను. అన్నింటినీ మించిన గొప్ప విషయం మీ సహృదయం, డౌన్ టు ఎర్త్ మనస్తత్వం… నేను బుక్స్ పంపిన వెంటనే అనతికాలంలో చదివేసి సమీక్షలు రాసేసిన మీరు నాకెప్పుడూ అద్భుతాశ్చర్యమే… ఎంతో సాహిత్యాపేక్ష, సహృదయము వుంటే తప్ప అది సాధ్యం కాదు. ఈ ఇంటర్వ్యూలో మీరు వెలిబుచ్చిన అభిప్రాయాలతో మీపైన నా గౌరవం రెట్టింపయ్యింది…మీకు డా.ప్రసాద్ గారికి హృదయ పూర్వక అభినందనలు💐💐💐
–ఝాన్సీ కొప్పిశెట్టి
ఆస్ట్రేలియా.

Log in to Reply
1. 38.1
  
  డా కె.ఎల్.వి.ప్రసాద్ హన్మకొండ
  April 8, 2022 at 4:26 pm
  చిన్నప్పుడే తల్లిదండ్రులను పోగొట్టుకుని , దిశా నిర్దేశం చేసేవాళ్ళు లేని వాళ్లకి … కేవలం సాహిత్యం ఒక్కటే దిక్సూచిలా పనిచేస్తుంది.
  
  తోబుట్టువులు నడత నేర్పితే .. సాహిత్యం నడక నేర్పుతుంది… ఎంత దూరమైనా పరిగెత్తగల చేవనిస్తుంది.
  ఏది మంచో , ఏది చెడో తెలుసుకునే వివేచననిస్తుంది.
  
  అయితే మనసు అల్లకల్లోలం అయినపుడు మాత్రం .. నాకు నచ్చిన పాటలో , ఆ పాటలు ఆలపించిన గాయనీ గాయకుల గొంతుల తాలూకు మాధుర్యమో ,
  ఆ పాటల వెనకాల వున్న రచయితల భావనలో ,
  నా కళ్ళని కట్టిపడేసే నృత్యాలో, చిత్రాలో , శిల్పాలో ,
  కొన్నిసార్లు … మీలాంటి వాళ్ళ ప్రశంసలో నన్ను సేదతీరుస్తుంటాయి..
  
  అందుకే నాకు సాహితీ వేత్తలన్నా , కళాకారులన్నా ఎనలేని గౌరవం ఝాన్సీ గారూ !—–అమృత లత
  నిజామాబాద్.
  
  Log in to Reply
39

Shyam Kumar Chagal. నిజామాబాద్
April 8, 2022 at 10:41 pm
ఇంటర్వ్యూ లో ప్రశ్నలు అద్భుతంగా వున్నాయి..జవాబు లు ఇంకా మహా అద్భుతంగా వున్నాయి.

Shyam Kumar Chagal
నిజామాబాద్

Log in to Reply
1. 39.1
  
  ఎల్.వి.ప్రసాద్. కానేటి.
  April 10, 2022 at 8:01 pm
  ధన్యవాదాలు మిత్రమా
  
  Log in to Reply