గొంతు విప్పిన గువ్వ – 11 Gontu Vippina Guvva 11 | సంచిక

గొంతు విప్పిన గువ్వ – 11

ఒక స్త్రీ సంపూర్ణ జీవన సంఘర్షణలను, ఆమె జీవనయానంలో ఎదురైన విభిన్న సంఘటనలను నేపథ్యంగా చిట్టి పొట్టి కథల సమాహారాన్ని ధారావాహికగా అందిస్తున్నారు ఝాన్సీ కొప్పిశెట్టి. ఉత్తమ పురుషలో సాగే ఈ ‘గొంతు విప్పిన గువ్వ’ పాఠకుని దృష్టికోణాన్ని అంచనాలను తారుమారు చేస్తూ విభ్రాంతికి లోను చేస్తుంది.

స్వర బంధం

People of opposite sex get attracted to each other just as opposite poles attract…

నిజమే…

స్త్రీ పురుషులు ఒకరి పట్ల ఒకరు ఆకర్షితులవటం ప్రకృతి సహజమే. అయితే ఎఫ్బీలో స్త్రీ పేరుతో వున్న ప్రొఫైల్ పట్ల మగాళ్ళ క్యూరియాసిటి చిత్రంగా అనిపిస్తుంది నాకు. ఇక్కడ ఆరోగ్యకర ఆకర్షణ శాతం చాలా తక్కువ. స్నేహం పేరుతో మాట కలపాలని ఉబలాట పడేవారూ, మాట కలిశాక కలవాలని ప్రయత్నిoచేవారూ, ఏదో సాహితీ సందర్భంలో కలిశాక స్నేహం కోసం అర్రులు చాచేవారూ కోకొల్లలు. కొందరిని మంచి స్నేహితుల పరిగణనలోకి తీసుకున్నాక స్నేహాన్ని మించిన మరేదో బంధాన్ని కాంక్షిoచే వారూ తారసపడ్డ సందర్భాలూ వున్నాయి.

చాలామంది మిత్రులు ఒకే స్కూలు విద్యార్థులవటం నాకు ఆశ్చర్యం గొలిపే విషయం.

అప్రోచ్ అయ్యే విధానంలోనే కొద్దిపాటి తేడా.

చిత్రంగా అందరి గోల్ ఒకటే.. ఫైనల్‌గా అందరి అభ్యర్ధన ఒక్కటే..

‘సౌజన్యా, మీతో స్నేహాన్ని మించిన బంధాన్ని కోరుకుంటున్నాను..’

పాట ఒకటే… రాగాల్లోనే తేడా..

ఒంటరి పురుషుడు ఆ పాట పాడినా కనీసం కోరస్‌గా గొంతు కలిపే విషయంలో పునరాలోచించే అవకాశముంటుంది. దురదృష్టమేమిటంటే భార్యలతో సంసారం చేస్తూ స్నేహం మాటున సరిగమలు ఆలాపించటం మరీ విడ్డూరం.

పైగా ఆ స్నేహాన్ని మించిన బంధాన్ని కోరుకోవటానికి చెప్పే కారణాలు ఇంకా విచిత్రంగా వుంటాయి.

ఆ కారణాల్లో మళ్ళీ పాపం అమాయకులైన భార్యలనే సమిధలను చేస్తారు.

కొందరు భార్యలను దైవ చింతనలో నిమగ్నo చేస్తే, మరి కొందరు ఫ్రిజిడిటిలో బిగించేస్తారు. మరికొందరు సెక్స్ ఫోబియా అంటగడతారు.

ఈ కారణాలేమీ నిజానికి నిజo కావలసిన అవసరం లేదు. అలవాటుగా చెప్పే అబద్ధాలే కావచ్చు.

జీవితంలానే సందె పొద్దు వాలుతున్న ఈ సంధ్య వేళలో స్నేహాన్ని మించిన బంధాన్ని ఆశించే మిత్రుల అవలోకనంలో నేనుండగా, నేనెప్పుడూ కలవని, నన్నెప్పుడూ కలవాలని ప్రయత్నించని ఓ మిత్రుడు నా ఆలోచనల్లోకి వచ్చాడు. దురదృష్టవశాత్తూ అతని అద్వితీయమైన సహాయం పొందీ అతనిని నేనింతవరకూ కలవలేక పోయాను. ఇప్పటికీ మా మధ్యనున్న స్వరస్నేహం పదేళ్ళయినా ఫోనులో వీనుల విందుకే పరిమితమయిపోయింది. అసలు ఈ శేష జీవితంలో ఎప్పటికయినా అతనిని కలవగలనో లేదో తెలియదు. ఎందుకనో అసలు ఎప్పటికీ కలవకపోవటమే ఈ అపూర్వ అనుబంధానికి అపురూపతను ఆపాదిస్తుందని నాకనిపిస్తుంది ఒక్కోసారి.

అవి నేను కమాండెంటుకి పియేగా పని చేసే రోజులు. నూటికి తొంభై శాతం మంది నన్ను వినటం తప్ప చూసి ఎరుగరు. మా సెక్రటేరియట్, అందులో నా క్యాబిన్ అందరికీ అవుట్ ఆఫ్ రీచ్. కనీసం మా సెక్రటేరియట్ ఎదురుగా నడవటానికి కూడా అందరూ జంకుతారు. ఫోనులో నా గొంతుతోనే నన్ను చాలామంది గుర్తించేవారు. గువ్వ గొంతు వినటమే తప్ప చూసిందెవరూ లేరు. నా గొంతు శ్రావ్యంగా వుంటుందని, నా మాట లైవ్లీగా, అథారిటేటివ్‌గా, కాన్పిడెంట్‌గా వుంటుందని దాదాపుగా అందరూ ప్రశంసిస్తుండేవారు.

నాతోనే కాకుండా మా బాసుతోనూ “యు హావ్ ఎ వెరీ స్వీట్ వాయిస్డ్ పియే” అంటుండేవారు.

రెండేళ్ళకో బాసు మారుతున్నా నా స్వరాన్ని ప్రశంసించే వాళ్ళ మెచ్చుకోలులో మార్పేమీ వుండేది కాదు. నాలుగు రోజులు సెలవు పెడితే నా స్థానంలో మరో అమ్మాయి కూర్చుంటే ఆమె గొంతు విని ఎప్పుడూ వుండే అమ్మాయి లేదా అని అడిగేవారు. అలా నా గొంతుతో నేను ప్రాచుర్యం పొందాను.

బ్రిగేడియర్ సంధు కమాండెంటుగా వున్న పద్దెనిమిది నెలల కాలంలో ఒకరి కాల్ తరచూ వస్తుండేది.

“హలో, దిస్ ఈజ్ కల్నల్ వారణాసి.. మే ఐ స్పీక్ టు బ్రిగేడియర్ సంధు”

వారణాసి ఏమిటి కాశీ రామేశ్వరంలా అనుకున్నాను మొదట్లో.

తరువాత అది ఇంటి పేరయి వుంటుoదనుకున్నాను. ఆ ఇంటి పేరును బట్టి తెలుగువారై వుండవచ్చనుకున్నాను.. ఇంకా చెప్పాలంటే బహూశా బ్రాహ్మలై వుండవచ్చని నిర్ధారించుకున్నాను. అయినా తెలుగులో మాటాడే సాహసం చేయలేను.

ఆ వారణాసికి మా బాసుకి మధ్య మంచి స్నేహo. సాయంత్రాలు, వారాంతాలు ఎక్కువగా కలుస్తూంటారనుకుంటా. ఒక రోజున బాసు వారణాసికి ఒక మెస్సేజి ఇమ్మన్నారు. వారణాసి సీట్లో లేక రెస్పాన్స్ లేదు. అర్జంటు సమాచారం కావటంతో బాసు వారణాసి మొబైల్ నంబరిచ్చి ట్రై చేయమన్నారు. సదరు వారణాసి పలకలేదు. ఆఫీసు టైం అయిపోయింది. బాసు వెళ్ళిపోతూ సాయంత్రం లోపు మెస్సేజీ వారణాసికి చేరాలంటూ ఆర్డరు వేసేసి వెళ్ళిపోయారు. ఆ నంబరు నా మొబైల్‌లో సేవ్ చేసుకుని మొత్తానికి ఆరు లోపు కబురు అందించగలిగాను.

అప్పటి నుండీ వాళ్ళ బిజీ స్కెడ్యూల్డ్ స్నేహానికి వారధిలా నేను అటూ ఇటూ సందేశాలు రాత్రనక పగలనక చేరవేస్తుండే దానిని. బాసు బదిలీ అయి వెళ్ళిపోయారు. నా వ్యక్తిగత కారణాల వలన నేను స్వచ్చంద పదవీ విరమణ తీసుకుని ఉద్యోగ పర్వానికి మంగళ హారతి పాడేసి విదేశం వెళ్ళిపోయాను.

విదేశంలో వుండగా మా అమ్మాయి వివాహం నిశ్చయమయ్యింది. నేను విదేశంలో.. పెళ్ళి ఇండియాలో. పైగా పెళ్ళికి వ్యవధి చాలా తక్కువగా వుంది. హైదరాబాదులో పెళ్ళి ఏర్పాట్లు ఎలా చేయగలుగుతానన్న మీమాంసలో నాకు నిద్ర కరువయ్యింది.

పంజాబి పెళ్ళికొడుకు గురుద్వారాలో పెళ్ళి కావాలన్నాడు. ఆఫీసులో పని చేసే రోజుల్లో మా ఆఫీసు అధీనంలో వున్న గురుద్వారా నుండి గురు సాహెబ్ గారు మా బాసు దర్శనార్థం రావటం తప్పించి గురుద్వారా మొహం నేనెన్నడూ చూసి ఎరుగను.

గురుద్వారాల గురించి గూగుల్ చేస్తే మా సెంటరు గురుద్వారాయే అతి సుందర ఆహ్లాదకర నిర్మలమైన వాతావరణంతో విశాలమైన కార్ పార్క్ వున్న మేటి రిలీజియస్ ఇన్‌స్టిట్యూట్ అని తెలిసింది.

అప్పటి బాసు ఎవరో అతని పేరేమిటో కూడా తెలియదు. ఆర్మీ వాళ్ళు రెండేసి సంవత్సరాలకి పోస్టింగ్ వెళ్ళిపోతుంటారు. నా సెక్రటేరియట్ స్టాఫ్ ఎవరో తెలియదు. సమయం తక్కువగా వుంది. ముందుగా అర్జంటుగా గురుద్వారా బుక్ చేయాలి. నాకు చేతులూ కాళ్ళూ ఆడలేదు. మొబైలులో నంబర్లు స్క్రోల్ చేస్తే వారణాసి నంబరు కనిపించింది. మొహమాటపడుతూనే వణుకుతున్న వేళ్ళతో నంబరు ప్రయత్నించాను.

అసలు అతనికి నేను గుర్తున్నానో లేదో. ఫోనులో మాటాడటం తప్ప ఎప్పుడూ కలవనేలేదు.

నేను ‘హలో’ అనగానే అవతలి నుండి “వాట్ ఎ సర్‌ప్రైజ్ పియే మేడం…ఎలా వున్నారు..” అన్నారు.

నేను సర్‌ప్రైజ్ అయ్యాను.

“ఇన్నేళ్ళయినా ‘హలో’ అన్న రెండక్షరాలకే ఎలా గుర్తు పట్టారు నన్ను” అడిగాను ఆశ్చర్యంగా.

“యువర్ యూనిక్ వాయిస్” అన్నారు సంభ్రమంగా.

మళ్ళీ తనే వెంటనే “హౌ కాన్ ఐ హెల్ప్ యూ…” అని అడిగారు.

తనూ రిటైర్ అయ్యానని హైదరాబాదులోనే స్థిరపడ్డానని చెప్పారు.

నేను అమ్మాయి పెళ్ళి విషయం, గురుద్వారాలో చేయాలనుకోవటం గురించి చెప్పాను. నా పేరు మీద గురుద్వారాను కేటాయించటం కష్టమని, తను తన పేరు మీద బుక్ చేస్తానన్నారు. సత్వరమే పెళ్ళి వివరాలు, వధూవరుల పేర్లు, ఇతర విషయాలు తెలుసుకుని తనే డబ్బు కట్టి బుక్ చేసేసారు.

డబ్బు పంపటానికి బ్యాంకు వివరాలు అడిగితే పెళ్ళిలో ఇద్డురుగానిలే అన్నారు. తన వ్యక్తిగత పలుకుబడిని ఉపయోగించి మంచి కేటరింగ్ తదితర ఏర్పాట్లన్నీ చేసేసారు. నేను ఇండియాలో లేకుండానే పెళ్ళి ఏర్పాట్లన్నీ దిగ్విజయంగా జరిగిపోయాయి.

కేవలం నా స్వర పరిచయంతో అతి క్లిష్టమైన ఆడపిల్ల పెళ్ళి ఏర్పాట్లు ఘనంగా జరిగాయి. పెళ్ళి నిమిత్తమే వచ్చిన నేను రెండు వారాలే ఇండియాలో వున్నాను. సరిగ్గా నేను ల్యాండ్ అయిన రోజునే వారి స్వగ్రామంలో తల్లిగారు పోవటంతో ఆదరా బాదరా వారణాసి నన్ను కలవకుండానే వెళ్ళిపోయారు.

అంతటి మాతృమూర్తి వియోగ దుఃఖంలోనూ ఫోను చేసి గురుద్వారాలో ఆచరించాల్సిన ఫార్మాలిటీలు, మ్యారేజ్ సర్టిఫికేట్ ఎలా తీసుకోవాలో అన్నీ వివరించి చెప్పారు. వారణాసి తన తల్లిగారి పదమూడో రోజు కార్యక్రమం పూర్తయినప్పటికీ కొన్ని ఆస్తిపాస్తుల లావాదేవీలతో స్వగ్రామంలో వుండిపోయారు.

నేను దిగ్విజయంగా అమ్మాయి వివాహం ముగించుకుని విదేశం వెళ్ళిపోయాను.

చాలాకాలం వరకూ వారణాసిని నేను నా బాకీ చెల్లింపు కోసం రోజూ బ్యాంకు వివరాలు అడుగుతూ వచ్చాను. అతను మాట దాటేస్తూ వచ్చారు. నేను పట్టుబడితే ఆఖరికి తను ఖర్చు చేసిన ఆ డబ్బు ఆడపిల్లకు తన తరపున పెళ్ళికానుక అని తేల్చేసారు. అది నాపై అభిమానమో, అతని ఔదార్యమో నాకు అంతు పట్టలేదు. కేవలం స్వర పరిచయానికే ఇంత హృదయవైశాల్యం ఎలా సాధ్యమని నేను ఆశ్చర్యపోయాను.

ఇప్పటికీ ఫోనులో మా స్వరస్నేహం కొనసాగుతూనే వుంది. ఈ జన్మకు వీలవుతుందో లేదో తెలీని అతని దర్శనభాగ్యం కోసం చకోరంలా ఎదురుచూస్తూనే వున్నాను. స్నేహాన్ని మించిన బంధాన్ని ఆశించే కొందరు మిత్రుల మాటలు విన్నప్పుడల్లా కనీసం ఎప్పుడూ నన్ను కలవాలనుకోని, అన్ని బంధాలను మించిన అతని అపూర్వ స్నేహబంధం గుర్తొస్తుంది నాకు…

(మళ్ళీ కలుద్దాం)

ఝాన్సీ కొప్పిశెట్టి

ఈ రోజుల్లో హైటెక్ వేగంతో నవలలు, కథలు, కవిత్వం, సమీక్షలు రాస్తున్న రచయితల్లో శ్రీమతి ఝాన్సీ కొప్పిశెట్టి ముందు వరుసలో ఉంటారు. ఇప్పటి పాఠకులకు ఝాన్సీగారు కొత్త రచయిత్రి కానీ ఆవిడ యుక్త వయసులోనే రచించిన కథలు, కవితలు వివిధ పత్రికలలో వెలువడ్డాయి. కొన్ని వ్యక్తిగత కారణాల వలన మధ్యలో వారి రచనా వ్యాసంగానికి గండి పడింది. తిరిగి గత రెండేళ్ళుగా మళ్ళీ కలం పట్టిన ఝాన్సీగారి అనేక కథలు కవితలు వివిధ పత్రికల్లో అచ్చయ్యాయి. వీరి కథలు, కవితలు ప్రతిలిపిలో అనేక బహుమతులు గెలుచుకున్నాయి. వీరు హైదరాబాదుకు చెందిన వారైనప్పటికీ ప్రస్తుత నివాసం ఆస్ట్రేలియా. తెలుగు సాహిత్యం పట్ల అమిత ప్రేమ ఉన్న ఝాన్సీగారు ఆంగ్లంలో కూడా పట్టభద్రులు. 2019లో ముద్రితమైన ‘అనాచ్చాదిత కథ’ అనే వీరి తొలినవల అసంఖ్యాక పాఠకుల అభిమానం చూరగొని అంపశయ్య నవీన్ గారి ప్రత్యేక బహుమతిని పొందినది. వీరి రెండో నవల ‘విరోధాభాస’.

1

Uma Maheswari Sama
October 18, 2020 at 7:46 am
What a sweet experience Jhansi garu. డబ్బుల కోసం సొంత వారినే దూరంచేసుకోడానికి వెనకాడని ఈ రోజుల్లో వారణాసి గారు… చాలా గొప్ప మనిషి. అఫ్కోర్స్ మీ వ్యక్తిత్వం, ప్రవర్తనలు కూడా గట్టి కారణాలయి ఉండవచ్చు. Your voice is very sweet, no doubt about it. Thanks for sharing a beautiful experience.

Log in to Reply
1. 1.1
  
  Jhansi koppisetty
  October 18, 2020 at 3:10 pm
  Thanks a lot Umagaru…. His great personality is what prompted me to write this episode…
  
  Log in to Reply
2

Sambasivarao Thota
October 18, 2020 at 12:03 pm
Jhansi Garu!
Swatchamaina Snehabandham Chaalaa Sakthi Shaali gaa vuntundi…
Alaanti snehithulu dorikithe,manantha adrushtavanthulu vundaru!
Chaalaa Baagundi mee anubham..👌👌👌
🙏🙏🙏

Log in to Reply
1. 2.1
  
  Jhansi koppisetty
  October 18, 2020 at 3:11 pm
  ధన్యవాదాలు సాంబశివరావు గారూ, మీరన్నది నిజం.. మంచి స్నేహితులు దొరకటం ఒక అదృష్టమే…
  
  Log in to Reply
3

పద్మాకర్ దగ్గుమాటి
October 18, 2020 at 12:14 pm
వారణాసి.. ఎ గ్రేట్ పర్సన్. 👏

Log in to Reply
1. 3.1
  
  Jhansi koppisetty
  October 18, 2020 at 3:12 pm
  Yes Padmakar garu, it’s true… Thank you
  
  Log in to Reply
4

Kopparapu narasimha kumar
October 18, 2020 at 12:54 pm
భలే టెన్షన్ పెట్టారు వారణాసి అంటే కథ కాశీ కి అనుకున్న క్రైం స్టోరీ అనుకున్న అభిమాన స్టోరీ అని చివరలో అర్ధం అయ్యింది మీ వారణాసి వారికి నా నమస్కారం మీ గొంతు వినలేదు కాబట్టి ఆ మాధుర్యం వింటా త్వరలో

Log in to Reply
1. 4.1
  
  Jhansi koppisetty
  October 18, 2020 at 3:12 pm
  హహహ…ధన్యవాదాలండీ🙏🙏🙏
  
  Log in to Reply
5

డా.కె.ఎల్.వి.ప్రసాద్
October 18, 2020 at 1:16 pm
స్నేహం
సహాయం…ఈ రెండు పదాలు జంటగా వాడ దగ్గ సందర్భాలు బహు త క్కువగా వుంటాయి.దీనికి కారణం
ఏమిటంటే,స్నేహితులు అయినంత మాత్రాన అందరూ
అవసరానికి సహాయం చేస్తారని చెప్పలేము .స్నేహం
లేకుండా,అదికూడా భౌతికంగా స్టానికంగా లేకపోయినా అటువంటి వారికి సహాయం చేసే వారు నిజంగా గొప్పవారు.ఇక్కడ వారణాసి గారు అలాంటి వారే !ఇలాంటి వ్య క్తులు బహు అరుదుగా కనిపిస్తారు.
మీ జ్నాపకాల్లో ఆయన ఇంకా మిగిలి వుండడం కూడా
మీ గొప్పతనమే.!
అయితే స్నేహం చేసేవారు అంతా యెదో ఆశించి చేస్తారని
అనుకోవడం సమంజసం కాదేమో!
సమాజం లో భిన్న మన స్త త్వా లు గల వాళ్లు వుంటారు.ఎవరినీ అంత త్వరగా అంచనా వేయ లేము.ఇది మాత్రం వాస్తవం ‘ వారణాసి’ గారు మాత్రం చిర స్మరణీయుడు.

Log in to Reply
6

Jhansi koppisetty
October 18, 2020 at 3:16 pm
మీ అమూల్యమైన స్పందనకు ధన్యవాదాలండీ… స్నేహితులు అందరూ ఏదో ఆశిస్తారనుకోవటం తప్పే… బట్ ప్రతీ రూల్ కీ ఎక్సప్షన్ వున్నట్టే స్నేహితుల్లోనూ ఎక్సెప్షన్స్ వుంటాయి… నా అనుభవంలో అన్ని రకాల స్నేహితులను చూసాను….

Log in to Reply
7

Jhansi koppisetty
October 18, 2020 at 3:17 pm
చాలా అద్భుత సన్నివేశ గుచ్చాలు మీ పరిచయాలు, అందులో మీ వ్యాఖ్యానం మహా అద్భుతం..

…..Saleem Mohammad

Log in to Reply
8

Jhansi koppisetty
October 18, 2020 at 3:19 pm
మానవత్వం, మంచితనాల మీద నమ్మకం పెంచే మీ స్వీయానుభవం. పంచినందుకు ధన్యవాదాలు

… Uma Sama

Log in to Reply
9

Jhansi koppisetty
October 18, 2020 at 3:20 pm
Enta bagundo ee episode,again👏👏👏👏

…..Raj Kumari

Log in to Reply
10

Jhansi koppisetty
October 18, 2020 at 3:21 pm
జీవితం లో అలాంటి అపురూప బంధం ఒక వరం

….శిరీష శ్రీభాష్యం

Log in to Reply
11

Jhansi koppisetty
October 18, 2020 at 3:22 pm
ఒక వరం మీకు ….

….Rama devi Yenumala

Log in to Reply
12

Jhansi koppisetty
October 18, 2020 at 3:24 pm
నిజానికి నిజం కాకపోని
అలవాటుగా చెప్పే..అబద్దాల
మధ్య.. మిత్రుల కోసం..
ఎదురుచూపులు..

…Ramesh Chennupati

Log in to Reply
13

Sagar
October 18, 2020 at 4:36 pm
ఈరోజుల్లో కూడ స్నేహానికి అంత విలువ ఇస్తున్న ఆ వారణాసిగారికి అనేక వందనములు మేడమ్ . ఏదో ఒకరోజు ఖచ్చితంగా మీ రు ఇద్దరు ముఖాముఖి కలుసుకోవాలని మనస్పూర్తిగా కోరుకుంటున్నాను. ఆపైవాడు మీ ఇద్దరికి ప్రత్యక్ష పరిచయం కలగచేయాలని ప్రార్ధిస్తున్నాను మేడం.

Log in to Reply
1. 13.1
  
  Jhansi koppisetty
  October 19, 2020 at 1:05 pm
  మీ సహృదయ స్పందనకు ధన్యవాదాలండీ సాగర్ గారూ….
  
  Log in to Reply
14

సీరామ్
October 18, 2020 at 6:16 pm
కొన్ని బంధాల పరిమళం
కంటికి కనిపడనిదీ
మనసునెన్నటికీ వీడనిదీ..సరైన
ఆఘ్రూణింపే అసలు సిసలు అభివ్యక్తి

Log in to Reply
1. 14.1
  
  Jhansi koppisetty
  October 19, 2020 at 1:04 pm
  Wonderful comment Ramgaru…thanq
  
  Log in to Reply
15

Gauthami
October 18, 2020 at 6:39 pm
He fall in love with your voice. ఇక ఆ స్నేహభావన, ఔదార్యము అది పూర్వజన్మదో బంధము voice తో reconnect అయ్యింది. Nice experience.

Log in to Reply
1. 15.1
  
  Jhansi koppisetty
  October 19, 2020 at 1:03 pm
  Thanks andi Gautamigaru…
  
  Log in to Reply
16

Jhansi koppisetty
October 19, 2020 at 9:38 am
ఇలాంటి స్నేహ బంధం ఎక్కడో అపురూపంగా దొరుకుతుంది. అరుదైన స్నేహం దొరకడం కన్నా అదృష్టం ఏముంది.ఇలాంటి అమలిన స్నేహాలే ఇప్పుడు కావాల్సింది. వయస్సుతో,లింగంతో సంభంధం లేని స్వచ్ఛ మనసుల సంగమం.ఒక్కోసారి మీ గువ్వకులా అదృశ్యంగా స్పర్శకు వచ్చినా అదో జీవితకాలపు మధురానుభూతి.చాలా బావుంది మేడం🙏💐

…..పి నాగజ్యోతి

Log in to Reply
17

Jhansi koppisetty
October 19, 2020 at 9:39 am
ఝాన్సీ ! నిజానికి సర్వసాధారణం గా ఎక్కువ మంది పురుషులు స్త్రీల పట్ల ,అతి తక్కువ మంది స్త్రీలు పురుషుల పట్ల చపలబుద్ధి,మోజు,వ్యామోహం , ఓ క్రేజీ నెస్ చూపిస్తారు. బహుషా ఇది మానవ వ్యక్తిగత ,వ్యక్తిత్వ సంబంధ … ఆంతరంగిక ప్రవృత్తి సహజం ! Basic instincts ! ఇవి పురుష సహజ అంతరేచ్ఛలు ! ఆంతరంగిక శైలులు !

అయితే మన నాగరిక సమాజం మనకి పెళ్ళి ,భార్యభర్తల పరస్పర శృంగార నిబద్ధత – అంకిత భావం,నైతిక విలువలను,సంస్కృతి,సాంప్రదాయాలను ,ధర్మ మార్గాలను ఏర్పరిచింది. ఇవన్నీ man made లేదా society made principles ! ఇవి సభ్య సమాజ బాహ్య ధోరణులు !

ఈ అంతర్బాహ్య ప్రకృతుల మధ్య ఎప్పుడు దాగుడు మూతల వ్యవహారం నడుస్తూనే ఉంది తరతరాలుగా ,యుగయుగాలుగా కూడా !

ఇప్పుడు సుప్రీం కోర్టు కూడా స్త్రీపురుషుల పరస్పర సమ్మతితో నడిచే సంబంధం నేరం కాదని కాని ఆ కారణం చూపి భార్య లేదా భర్త విడాకులు కోరవచ్చని చెప్పింది.
ఈ తీర్పు సహజంగానే వివాదాస్పదమైందనుకో !

శృంగార సంబంధం లేని స్నేహాల్లో కూడా ఏదో ఒక ఆకర్షణ ఉంటుంది. అది వ్యక్తిత్వం వల్లో ,కళాభినివేశం వల్లో, ఆర్ధిక,ఉద్యోగ హోదా వల్లో,మేధో పరమైన ఆకర్షణ వల్లో ఉంటుంది. ఏదో ఒక ఆకర్షణ,ఇష్టం లేకుండా ఊరికే మనుషుల మధ్య interest-ఆసక్తి పెరగదు, స్నేహం పురోగమించదు. కేవలం తోటి మనిషికి చేసే సహాయాల్లా ఈ ప్రత్యేక స్నేహాలుండవు !

…..Keshavadasu Radhika

Log in to Reply
18

Jhansi koppisetty
October 19, 2020 at 9:40 am
పురుషులైనా స్త్రీలైనా..ఒకేలా ఉండరు.అవసరాల ప్రేమలకు అబద్దాలెన్నో..మంచితనానికి జెండర్ కు సంబంధంలేదు.మీ కధనం బాగుంది మేడమ్.

…..Krishna Bikki

Log in to Reply
19

Jhansi koppisetty
October 19, 2020 at 9:42 am
Blessed to have such people in our journey.

….Vijaya Sridhar

Log in to Reply
20

Jhansi koppisetty
October 19, 2020 at 1:02 pm
నిజంగా ఆపూర్వ మైన స్నేహితుడు
వారణాసి గారు…
ఈ రోజుల్లో అలాంటి వారు చాలా అరుదుగా ఉంటారు మేడం
శుభాకాంక్షలు మీకు
💐💐💐💐💐💐💐💐

……కళావతి

Log in to Reply
21

Jhansi koppisetty
October 19, 2020 at 1:08 pm
ఒక గొప్ప స్నేహబంధం కలిగి ఉన్నందుకు అభినందనలు
ఈ కాలంలో ఇలాంటి వారు వుండడం ఎంతో గొప్ప విషయం అదృష్టం. నిజంగానే మీ వాయిస్ డిఫరెంట్ మరియు స్పెషల్ కూడా …
నాకైతే చాలా నచ్చుతుంది …

……Satya Galla

Log in to Reply
22

చిట్టె మాధవి
October 19, 2020 at 1:40 pm
అవసరమైన స్నేహానికి మేకప్పులెక్కువ..ముసుగులెక్కువ..వారి భార్యలను దోషులను చేసే తెగువ ఇక్కడ చాలా మందికి ఉంది.ఒక్కోసారి విసుగుతో పాటూ వెగటు పుట్టిస్తాది.వారణాసి గారి స్నేహంలో కించిత్ స్వార్థం కూడా లేదు..ఓన్లీ మంచి కొరడమే.ఇలాంటి స్నేహం చాలా అరుదు..డియర్.మీకు అందినందుకు సంతోషం.అలాంటి స్నేహాన్ని జీవితంలో ఒక్కసారన్నా కలవాలి అనిపించినా…ఒక్కోసారి కలవకుండా ఉండటమే ఇంకా అపురూపమే.మంచి విషయాలు పంచుకున్నారు.అభినందనలు డియర్💐

Log in to Reply
1. 22.1
  
  Jhansi koppisetty
  October 19, 2020 at 2:36 pm
  Yes మాధవీ, Thank you డియర్💖….
  
  Log in to Reply
23

Jogeswararao Pallempaati
March 5, 2021 at 6:28 am
అద్భుత స్వరబంధ స్నేహమమ్మా! వినడానికి చిత్రంగా అనిపిస్తుంది కానీ చిన్న చిన్న ప్రత్యేకతలే మనుషుల్ని కట్టిపడెయ్యగలవు అన్నది నేను నమ్ముతాను!
నా స్వరం అస్పష్టం … ఐనా బొంగురు గొంతుతో ఉపాధ్యాయవృత్తి 13 ఏళ్ళు ఎలా చేశానో
నాకు మిరకిల్లా అనిపిస్తుంది! మామూలుగా మాట్లాడుతున్నప్పుడు అలా ఉన్నా, క్లాసులోకి వెళ్ళి
పాఠం మొదలెట్టగానే పిన్ డ్రాప్ సైలెన్స్ తో వినడం పిల్లలకి కూడా అలవాటై … ఇతర టీచర్లు రానప్పుడు మాకు రండి సార్ అంటూ పిల్లలు ఒత్తిడి చెయ్యడం ఆశ్చర్యపరిచేది! ఆలోచిస్తే అనిపించేది రాజబాబు, అల్లురామలింగయ్య, పద్మనాభం, బ్రహ్మానందం లాంటివారు వైవిధ్యమైన కంఠాలతోనే పాపులర్ అయ్యారు ఎవరి స్టైల్లోవారు! ఇక్కడ కేవలం కంఠం కాదు, పిల్లలకి బాగా అర్థమయ్యేలా కాన్సెప్ట్ బేస్డ్ గా పాఠం చెప్పగలగడం … హావభావాలు, బాడీలాంగ్వేజ్ ప్రభావం కలిగించాయ్ … తరువాత పుస్తకం తెరిచి చదువుకోగలగడం జరిగేది! డాక్టర్ల సలహాతో నేను ప్రొఫెషన్ మార్చుకుని మాట్లాడకుండా ఉండే అకౌంట్ సెక్షన్లో చేశాను మరో 13 ఏళ్ళు!
మంచి కథని చదివించి … నా గతాన్ని గుర్తుచేశారమ్మా, నేను ఫోన్లు ఎక్కువ ఇష్టపడని కారణం అదే! అర్జంటు విషయాలైతే తప్ప ఫోన్ వాడకం తక్కువ!

Log in to Reply
1. 23.1
  
  Jhansi koppisetty
  March 6, 2021 at 3:49 pm
  మీ ఆత్మీయ స్పందనకు ధన్యవాదాలండీ జోగేశ్వరరావుగారూ🙏🏻🙏🏻🙏🏻
  
  Log in to Reply