జ్ఞాపకాల పందిరి-80

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

సహృదయ మూర్తి శ్రీ కృష్ణమూర్తి …!!

జీవితంలో కొన్ని పరిచయాలూ, స్నేహాలూ అనుకోని రీతిలో మనకి ఎదురువచ్చి అవి చిరస్థాయిగా నిలిచిపోతాయి. అలాంటి పరిచయాలు ఇరువైపులా ప్రత్యేకతను సంతరించుకుని ఉంటే అవి మరింత సన్నిహితంగా స్వచ్ఛమైన బంధంగా పెనవేసుకుపోతాయి. దీనికి ప్రధాన కారణం ఇరువైపులా ఒకే ఆలోచనా, ఒకే రకమైన మనస్తత్వం కలిగివుండడం కావచ్చు. లేదా ఒకరి అవసరం మరొకరికి తప్పనిసరి కావచ్చు. కాకుంటే ఒకరు మరొకరిమీద తప్పనిసరిగా ఆధారపడవలసి అవసరం కావచ్చు, ఏదైనా ఒకరి భావాలమీద మరొకరికి మంచి నమ్మకం వున్నప్పుడే ఆ పరిచయాలు, తద్వారా ఏర్పడిన స్నేహాలూ సజీవంగా కలకాలం నిలిచిపోతాయి.

అయితే ప్రస్తుత సమాజంలో ఇవి బహు తక్కువ. స్వార్ధం, నేను – నాదీ అన్న అహంభావం, డబ్బుంటే అన్నీ సమకూరుతాయని తప్పుడు ఆలోచనా, ఈర్ష్య ఇలాంటివన్నీ కలిసి మనిషికి మనిషికి మధ్య దూరం పెంచుకుంటున్నారు. దీనిని ఇప్పుడు ఎవరూ ఏమీ చేయలేరు, కాల మహిమ అంతే!

అలా అని ఇప్పుడు సమాజం అంతా ఇలానే మారిపోయిందా? అంటే చెప్పలేము. ఎక్కడో వేళ్ళమీద లెక్కపెట్టదగ్గవారు బహుకొద్ది మంది కనిపిస్తారు. అందరి జీవితాల్లోనూ ఎక్కడో ఒకచోట మంచి పరిచయాలు తటస్థపడుతూనే ఉంటాయి. నా జీవితం దీనికి అతీతం కాదు. అందుకే నా జీవితం లోని ఒక అనుభవాన్ని మీ ముందు వుంచుతాను. ఈ నా అనుభవం చాలామంది గతాన్ని గుర్తు చేసే అవకాశం కూడా వుంది, అందుకే మరి పదండి ముందుకు.

1994లో నాకు మహబూబాబాద్ ప్రభుత్వ ఆసుపత్రి నుండి జనగాం ఆసుపత్రికి బదిలీ అయింది. నా శ్రీమతికి హన్మకొండ బదిలీ కావడం వల్ల నివాసం హన్మకొండలో ఖాయం చేసుకోవలసి వచ్చింది. నేను హన్మకొండ నుండి జనగాంకు అప్ అండ్ డౌన్ చేస్తుండేవాడిని. సాయంత్రం తీరిక గానే ఉండేది. మహబూబాబాద్‌లో ఉండగా ప్రైవేట్ ప్రాక్టీస్ చేసిన అనుభవం ఉండడం వల్ల, దానికోసం సమకూర్చుకున్న పరికరాలు ఉండడం మూలానా, హన్మకొండలో ప్రైవేట్ ప్రాక్టీస్ పెట్టాలని నిర్ణయం తీసుకున్నాను. అయితే హన్మకొండలో ప్రాక్టీస్ చేయడం అనుకున్నంత సులభం ఏమీ కాదు! షట్టరుకు అద్దె చాలా అవుతుంది, ప్రాక్టీస్ ఎలావుంటుందో చెప్పలేము. అయినా సాహసం చేద్దామనుకున్నాను. అందుకే షట్టర్ కోసం ప్రయత్నాలు ప్రారంభించాను. తెలిసిన వాళ్లకి చెప్పాను. అది అంత సులభంగా సాధ్యమయ్యే పరిస్థితి కనపడలేదు. అయినా నా ప్రయత్నలు మానలేదు. ఒకరోజు హన్మకొండ సర్క్యూట్ గెస్ట్ హౌస్ రోడ్డులోని డా. రాజయ్యగారి హాస్పటల్‌కు వెళ్లాను. ఆయన పిల్లల వైద్య నిపుణుడు (తెలంగాణా రాష్ట్రం ఏర్పడిన తర్వాత, కాంగ్రెసు పార్టీ నుండి కండువా మార్చి, టి.ఆర్.ఎస్. పార్టీలో చేరి స్టేషన్ ఘనాపూర్ నియోజకవర్గం నుండి శాసన సభ్యుడిగా గెలిచి, ఉప ముఖ్యమంత్రిగా పని చేసి, ముఖ్యమంత్రి ఆగ్రహానికి గురియై పదవిని కోల్పోయి తిరిగి శాసన సభ్యుడిగా కొనసాగుతున్న మహానుభావుడు). ఆయనకు నా విషయం, అవసరం చెప్పాను.

వెంటనే ఆయన స్పందించి, షట్టర్ దొరికే వరకూ తన నర్సింగ్ హోమ్‌లో ఒక గది ఉచితంగా వాడుకొమ్మని చెప్పారు. నర్సింగ్ హోమ్ నిర్వహణ చూస్తున్న శ్రీనివాస్‌ను పిలిచి గదిని కేటాయించవలసిందిగా ఆదేశించారు. నాకు చాలా సంతోషం అనిపించింది. మరునాడు పరికరాలు అన్నీ రాజయ్య గారి నర్సింగ్ హోమ్‌కు చేర్చి క్లినిక్ ప్రారంభించాను. పెద్దగా ప్రాక్టీస్ ఉండేది కాదు. అయినా అధైర్యపడకుండా నడిపిస్తున్నాను. నెల రోజులు గడిచింది. డా. రాజయ్య గారు ‘అయిదు వందలు అద్దె’ ఇమ్మని కంపౌండర్‌ను నా దగ్గరికి పంపారు.

నేను అది విని ఆశ్చర్యపోయాను. అయినా అలా వసతి ఉచితంగా ఆశించడం కూడా కరెక్ట్ కాదని మనసులో అనుకుని నెల నెల అద్దె ఇవ్వడం మొదలు పెట్టాను. నా పరిస్థితి ఆ నర్సింగ్ హోమ్‌లో పనిచేసే ల్యాబ్ అసిస్టెంట్ గుర్తించి, ఒక రోజు ఒక కొత్త వ్యక్తితో నా క్లినిక్ గదికి వచ్చాడు.

అతను ఒక మెడికల్ షాపు నడుపుకుంటున్నాడు. అక్కడ నేను నా క్లినికి ఉచితంగా నడుపుకోవచ్చని, మిగిలిన అన్ని పనులు తానే చూసుకుంటానని హామీ ఇచ్చాడు. అతని ఆఫర్ నాకు నచ్చింది. అతని పేరే కృష్ణమూర్తి. ఇక ఎలాంటి ఆలోచన లేకుండా తక్షణమే నా క్లినిక్ అతని మెడికల్ షాపు దగ్గరికి మార్చేసాను. ‘సంరక్ష డెంటల్ క్లినిక్’ అని నామకరణం చేసాను. కృష్ణమూర్తి సహకారంతో నేను చాలా సంతోషంగా ప్రాక్టీస్ చేసేవాడిని. అప్పుడప్పుడు చిన్న చిన్న ఇంట్లో పనులు కూడా చేసిపెట్టేవాడు. నా పిల్లలను బాగా ఇష్టపడేవాడు. పేద కుటుంబం నుండి వచ్చిన కృష్ణమూర్తి ఎంతో వినయవిధేయలతో ఉండేవాడు.

శ్రీ చెన్న కృష్ణమూర్తి

నా దగ్గరికి వచ్చిన ప్రతి మెడికల్ రిఫ్రజంటేటివ్, నా కోసం ఇంకా మంచి సెంటర్‌లో క్లినిక్ కోసం షట్టర్ చూస్తామని, ఆమోదం తెలపమనేవారు. నేను వాళ్లకి ‘వద్దు’ అని చెప్పేవాడిని. నా కోసం కృష్ణమూర్తి అంత త్యాగం చేసినప్పుడు, అతనిని వదిలి వెళ్లడం న్యాయం కాదనిపించేది. అలా ఒకరి కోసం ఒకరం వేరు కాకుండా ఒకేచోట వున్నాం. లాభ నష్టాలవైపు అసలు దృష్టి మళ్లించలేదు.

పిల్లల విషయంలో ఎక్కువగా ఆలోచించేవాడు. కూతురి భవిష్యత్తు గురించి కలలు కనేవాడు. మా పిల్లలు మాదిరిగానే తన పిల్లలు కూడా గొప్పగా చదువుకోవాలని ఆశపడేవాడు. తన కుటుంబ సమస్యలు నాతో అప్పుడప్పుడు చెప్పి బాధపడుతుండేవాడు. అతను మెడికల్ షాపు నడపడం ఇంట్లోవాళ్ళకి ఇష్టంలేదని చెబుతుండేవారు. అన్ని రకాలుగా ఆదుకుంటున్న మందుల దుకాణం ఇంట్లో వాళ్ళు ఎందుకు వద్దంటున్నారోనని బాధపడుతుండేవాడు.

అలా కొన్ని నాకు కూడా చెప్పని సమస్యలతో మానసిక వ్యథకు లోనయ్యాడు. దానికి తోడు అతనితోపాటు పయనిస్తున్న మధుమేహ వ్యాధి. తత్ఫలితంగా ఒకసారి గుండెపోటుకు గురి అయ్యాడు. నిమ్స్‌లో నాకు తెలిసినవారితో చెప్పి వైద్యం చేయించాను. తర్వాత చాలా కాలం బాగానే పనిచేశాడు. కానీ అతని ఇంటి సమస్యలు అతనిని మరింత మనోవ్యథకు గురిచేశాయి. మధుమేహం నియంత్రణకు రాలేదు. మానసికంగా కృష్ణమూర్తి కృంగిపోయాడు. సమస్యల సుడిగుండంలో పడి కుమిలిపోయాడు. నాకు తెలియకుండా ఎన్నో రాత్రులు కేవలం అల్పాహారం తీసుకుని క్లినిక్ లోనే పడుకున్నాడని తెలిసింది.

కృష్ణమూర్తి కుటుంబం

2013, డిసెంబర్‌లో మా అమ్మాయి పెళ్లి నిశ్చయించుకున్నాము. కృష్ణమూర్తి తెగ సంతోష పడిపోయాడు. చాలా పనుల్లో తనకు తానై వచ్చి సహాయం చేసాడు. మా బాబు అమెరికా నుండి స్వెట్టర్ పంపిస్తే పదిమందికి చెప్పి తెగ మురిసిపోయేవాడు. అమెరికా వెళుతూ మా అబ్బాయి అతనితో “అంకుల్ డాడీని జాగ్రత్తగా చూసుకోండి” అన్న మాటలు పడే పడే నాకు చెప్పి గర్వపడేవాడు. మాతో, మా కుటుంబంతో అంతగా మమేకమై పోయిన వ్యక్తి, మంచి స్నేహితుడు, శ్రేయోభిలాషి సహృదయుడైన కృష్ణమూర్తి మా అమ్మాయి పెళ్లి చూడకుండానే కానరాని లోకాలకు కదలి వెళ్ళిపోయాడు. అప్పటి నా బాధను చెప్పడానికి ఇక్కడ అక్షరాలు చాలవు. మనసు మూగదై పోతుంది. దుఃఖం పొంగి పొర్లుతుంది.

కృష్ణమూర్తి నిష్క్రమణతో నాలో తెలియని లోటు ప్రత్యక్షంగా కనిపిస్తూ వచ్చింది. ఇక క్లినిక్‌కు, ప్రాక్టీస్‌కూ గుడబై చెప్పాలనుకున్నాను. అదే పని చేసాను. నా దగ్గర వున్న పరికరాలు, ఫర్నిచర్, టివి, వగైరా అన్నీ స్థానిక సెంటినరీ బాప్టిస్ట్ చర్చికు అనుబంధంగా వున్న ఆసుపత్రికి ఉచితంగా ఇచ్చేసాను.

కృష్ణమూర్తి లాంటి సహృదయులు బహు అరుదు. అతని పరిచయం దేవుడు నాకిచ్చిన గొప్ప వరంగా నేను భావిస్తాను. నేను ఒక డాక్టర్‌గా అతను మెడికల్ షాపు యజమానిగా ఎప్పుడూ ఎటువంటి భేషజాలకూ పోలేదు. మా మిత్రత్వం చాలా మందికి ఆశ్చర్యం కలిగించేది. అయినా నాకంటే అతనిలోనే ఎక్కువ సహృదయత కనిపించేది. కృష్ణమూర్తి జ్ఞాపకాలు ఎన్నటికీ మరువలేనివి.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా.కె.ఎల్.వి.ప్రసాద్
October 17, 2021 at 7:10 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు
—డా కె.ఎల్.వి.ప్రసాద్
హన్మకొండ.

Log in to Reply
2

Sagar
October 17, 2021 at 7:23 am
జీవితంలో తారసపడే అలాంటి ఆణిముత్యాల లాంటి వ్యక్తులు దొరకడం మీ అదృష్టం. కాకపోతే అమ్మాయి పెళ్ళిపనులన్నీ చేసే ఆ మంచి వ్యక్తి పెళ్ళి చూడకుండానే పోవడం బాధాకరం. కానీ విధిని మనం మార్చలేము కదా సర్ . మంచి వ్యక్తిత్వాన్ని, వ్యక్తిని అక్షరీకరించిన మీకు అభినందనలు మరియు ధన్యవాదములు.

Log in to Reply
1. 2.1
  
  డా.కె.ఎల్.వి.ప్రసాద్
  October 17, 2021 at 10:31 am
  సాగర్
  నీ స్పందన కు ధన్యవాదాలు.
  
  Log in to Reply
3

డా.కె.ఎల్.వి.ప్రసాద్
October 17, 2021 at 7:45 am
ఈ 80వ సంచిక గుండె తడి పెట్టించేదిగా వున్నది డాక్టరు గారూ!
అందుకే అన్నారు మంచి స్నేహితులు దొరకటం కూడా అదృష్టమేనని.సంస్కృతంలో ఒక సామెత వంటిదున్నది. ‘సతాం సిద్ధిస్సంగేకథమపి పుణ్యేన భవతి.’
అని ఎంతో పుణ్యం ఛేసుకుంటే తప్ప మంచి వారి స్నేహం లభించదు అని .
మీరు బాగా పుణ్యం చేసుకుని ఉంటారు.కృష్ణమూర్తికూడా.
–‘రామశాస్త్రి

Log in to Reply
1. 3.1
  
  డా.కె.ఎల్.వి.ప్రసాద్
  October 17, 2021 at 7:45 am
  మీ స్పందన కు ధన్యవాదాలండీ
  శాస్త్రి గారు.
  
  Log in to Reply
4

డా.కె.ఎల్.వి.ప్రసాద్
October 17, 2021 at 7:51 am
జ్ఞాపకాల పందిరి-80 లో శ్రీ కృష్ణమూర్తి గారు సామాన్యుడిలా కనిపించే అసామాన్యుడనిపించింది. చక్కటి కథనంతో సాగింది మీ రచన. మీ మెడికల్ ప్రాక్టీస్ కు అండగా నిలిచిన సహృదయుడు.
—-జి.శ్రీ నివాసాచారి
కాజీపేట.

Log in to Reply
1. 4.1
  
  డా.కె.ఎల్.వి.ప్రసాద్
  October 17, 2021 at 7:51 am
  ధన్యోస్మి.
  
  Log in to Reply
5

Bhujanga rao
October 17, 2021 at 8:28 am
ఈ ఎపిసోడ్ ఆసాంతం సహృదయుడైన చిరునవ్వులు చిందించే శ్రీ కృష్ణమూర్తి గారి పరిచయం,వారితో మీ స్నేహబంధం మరియు వారితో మీకున్న అనుభవాన్ని చక్కగా వివరించారు.వారి గురించి చదువుతుంటే అన్నీ మనసులో గుర్తుకు వస్తున్నాయి.వారితో నాకు కూడా మంచి సంబంధాలు ఉండేవి. ఎవరినైనా చిరునవ్వుతో స్వాగతించేవారు. మీ అమ్మాయి పెళ్లి అన్నిపనుల్ని చేసే మంచి వ్యక్తి పెళ్లి చూడకుండానే ఈ లోకంలోనుండి వెళ్లిపోవడం చాలా బాధాకరం.తను నమ్ముకున్న వృతినే దైవంగా భావించేవారు, అంకితభావంతో, మంచి నిబద్ధత కలిగిన కృష్ణమూర్తి గారిని పరిచయం చేసిన మీకు ధన్యవాదములు సర్ మరియు హృదయపూర్వక నమస్కారాలు.

Log in to Reply
1. 5.1
  
  డా.కె.ఎల్.వి.ప్రసాద్
  October 17, 2021 at 10:31 am
  ధన్యవాదాలండీ.
  
  Log in to Reply
6

Shyam kumar chagal . MA astrology. Hyd
October 17, 2021 at 9:06 am
మన హితం కోరే వారి స్నేహితులు అంటారు కొన్ని మార్లు మన పరిచయాలను కూడా స్నేహితునిగా స్నేహంగా భావిస్తుంటాం. కొందరు స్నేహపూర్వకంగా వ్యాపారం చేస్తుంటారు మరికొందరు మంచితనం నటిస్తూ లాభాలు తీసుకుంటారు మన నుండి. అలా కాకుండా ఇరువైపుల కష్టనష్టాల లో ఒకరికొకరు చేయూతనిచ్చి కుంటూ జీవనం కొనసాగించడం స్నేహానికి పరమావధి. డాక్టర్
కేఎల్ వి ప్రసాద్ గారికి కొన్ని స్నేహాలు చేదు నిచ్చినప్పటికీ ఎన్నో స్నేహాలు మధురానుభూతిని మిగిల్చాయి. కృష్ణమూర్తి తో కలిగిన అనుబంధం ప్రేమ ఇవన్నీ కూడా పూర్వజన్మసుకృతం అయి ఉంటాయి. కృష్ణమూర్తి గారు ఇంత త్వరగా పరమపదించడం అన్నది చాలా బాధాకరం. వీలైనప్పుడల్లా సందర్భానికి తగ్గట్టుగా కృష్ణ మూర్తి గురించి డాక్టర్ కె ఎల్ వి ప్రసాద్ గారు చెబుతుంటారు. ప్రస్తుతం రచనా మాధ్యమంలో అతని గురించి మనందరికీ తెలియజేయడమైనది. మనం ఈ లోకంలో లేనప్పుడు మన గురించి ఏ కొందరు మన విషయం చర్చించుకున్నా మా జన్మ సార్థకం అయినట్లే.

Log in to Reply
1. 6.1
  
  డా.కె.ఎల్.వి.ప్రసాద్
  October 17, 2021 at 10:30 am
  ధన్యవాదాలు శ్యామ్.
  
  Log in to Reply
7

డా.కె.ఎల్.వి.ప్రసాద్
October 17, 2021 at 9:11 am
స్నేహం విలువ(స్నేహమంటే)తెలియనివారు తెలియకుండానే స్నేహాన్నిబ్రతికించుతారు అదిఆతనిలోని మంచితనంకావచ్చూలేదా అదే స్నేహమూకావచ్చూ అనుబందమూకావచ్చుఏదిఏమైనా మంచిమనసున్న మంచిమనిషిని దేవుడు నీకిచ్చాడు దానిని నీవు గుర్తుచేసుకున్నందుకు (మంచిమిత్రుణ్ణి)నీకుచాలా ఆనందంకలిగిఉంటుంది నాకు మీమిత్రద్వయాన్ని పరిచాయించేసినందుకు ధన్య వాదాలుఅన్నయ్యా కొన్నిఅనుభవాలు (కొందరి)చదువుతుంటే(చెబుతుంటే)వినబుద్దేస్తుందిచెబుతుంటే కన్నా చదువుతుంటే ఆభావాలు మీరనుభవించిన ఆనందం నాతో పంచుకున్నందుకు ధన్యవాదాలు🙏🙏🙏🙏💐💐
——కృష్ణ మూర్తి. కానేటి
హైదరాబాద్.

Log in to Reply
1. 7.1
  
  డా.కె.ఎల్.వి.ప్రసాద్
  October 17, 2021 at 9:43 am
  తమ్ముడూ
  నీ స్పందన కు ధన్యవాదాలు
  
  Log in to Reply
8

డి. వి. శేషాచార్య
October 17, 2021 at 10:43 am
కృష్ణమూర్తి నిజంగా పరమ సహృదయుడు. అతనిని స్మరించుకోవడం ఎంతైనా అవసరం. మీతో పాటు మీ మిత్రుల హృదయాల్లోనూ నిలిచిపోయిన అమరజీవి.
కౌటుంబిక సమస్యల సుడిగుండంలో చిక్కుకొని విసిగి వేసారి అసువులు బాసిన అమృత హృదయుడు. కృష్ణమూర్తి గారికి మా అశ్రునివాళి.

Log in to Reply
1. 8.1
  
  డా.కె.ఎల్.వి.ప్రసాద్
  October 17, 2021 at 12:26 pm
  నిజమే మిత్రమా
  ధన్యవాదములు.
  
  Log in to Reply
9

డా.కె.ఎల్.వి.ప్రసాద్
October 17, 2021 at 12:25 pm
నమస్కారం.కృతజ్ఞత అనేది గొప్ప మనసున్నోళ్ళకే సాధ్యం.అది మీకు ఉంది..మీ మనసుకు తగిన కృష్ణమూర్తి కూడా..వారు లేరనడం బాధేసింది.వారితో ఉండే అనుబంధాన్ని,అదేవిధంగా నేటికీ మారని రాజయ్య మనస్తత్వాన్ని తెలుసుకోగలిగాను.
బాగుంది సార్.💐
—-డా.మల్లికార్జున్
హన్మకొండ.

Log in to Reply
1. 9.1
  
  డా.కె.ఎల్.వి.ప్రసాద్
  October 17, 2021 at 12:25 pm
  ధన్యవాదాలండీ.
  
  Log in to Reply
10

Sambasiva+Rao+Thota
October 17, 2021 at 1:48 pm
Prasad Garu!
Jeevithamlo manchi snehithulu dorakadam nizamgaa oka adrushtam ..
Baadhaakaram ayinaa Manchi jnaapakam..
Dhanyavaadaalandi 🙏

Log in to Reply
1. 10.1
  
  డా.కె.ఎల్.వి.ప్రసాద్
  October 17, 2021 at 9:26 pm
  మీ స్పందన కు ధన్యవాదాలండీ
  
  Log in to Reply
11

Rajendra+Prasad
October 17, 2021 at 6:58 pm
My belief that the help&support comes not only from rich but can also from poor also is vidicated by your experience. Help from poor is selfless.
– Rajendra Prasad

Log in to Reply
1. 11.1
  
  డా.కె.ఎల్.వి.ప్రసాద్
  October 17, 2021 at 9:25 pm
  Yes
  Prasad garu.Thank you.
  
  Log in to Reply
12

ఎన్.వి.ఎన్.చారి
October 17, 2021 at 8:15 pm
కొన్ని స్నేహాలు అలానే ఉంటాయి
ఋణానుబంధరూపేణా బంధాలు ముడివడతాయి
కృష్ణమూర్తి డబ్బుకు పేదగానీ మనసుకు కాదు అని నిరూపించాడు. మీసహృదయతకు సహృదయున్ని దరి చేర్చింది

Log in to Reply
1. 12.1
  
  డా.కె.ఎల్.వి.ప్రసాద్
  October 17, 2021 at 9:23 pm
  ధన్యవాదాలండీ
  చారిగారూ
  
  Log in to Reply
13

డా.కె.ఎల్.వి.ప్రసాద్
October 17, 2021 at 9:22 pm
కొందరి పరిచయాలు అలామారిపోయి,
అపుడపుడు గురుతుకు వచ్చి,మనసును అలా మెలిపెడుతూ ఉంటాఇ.
—-డి.చంద్ల శేఖర్
హైదరాబాద్.

Log in to Reply
1. 13.1
  
  డా.కె.ఎల్.వి.ప్రసాద్
  October 17, 2021 at 9:22 pm
  జోగం
  నీ స్పందన కు ధన్యవాదాలు.
  
  Log in to Reply
14

మొహమ్మద్+అఫ్సర+వలీషా
October 18, 2021 at 1:58 am
మనసును పిండే బాధతో వ్రాసిన మీ 80 వ వ్యాసం చాలా వేదన భరితంగా ఉంది సార్.అందరూ సరి సమానమనే మీ ఆత్మీయత చాటుకున్నారు. కృష్ణ మూర్తి గారి లాంటి గొప్ప మనిషి తో మీ స్నేహం మధ్యలోనే ఆగి పోవడం చాలా బాధగా అనిపించింది సార్. మీ మనసులో అతని స్థానం ఎప్పటికీ చిరస్మరణీయం సార్. 80వ ఎపిసోడ్ కు హృదయపూర్వక శుభాకాంక్షలు శుభాభినందనలు సార్ మీకు. 💐🙏💐🙏💐🙏💐🙏💐🙏💐🙏
మొహమ్మద్. అఫ్సర వలీషా
ద్వారపూడి (తూ గో జి )

Log in to Reply
1. 14.1
  
  డా.కె.ఎల్.వి.ప్రసాద్
  October 18, 2021 at 6:18 am
  అమ్మా
  నీ స్పందన కు
  హృదయపూర్వక ధన్యవాదాలు.
  
  Log in to Reply
15

డా.కె.ఎల్.వి.ప్రసాద్
October 18, 2021 at 7:14 am
80 సంచికల జ్ఞాపకాలకు అభివాదం సర్.స్థాయితో సంబంధం లేకుండా కొన్ని హృదయాలు అలా పెనవేసుకు పోతాయి.సహృదయుడైన అలాంటి మిత్రుణ్ణి జ్ఞాపకం చేస్తూ కళ్ళల్లో తడి చేరేలా చేశారు సర్.ఈ రోజుల్లో అలాంటి కల్మషం లేని వ్యక్తులు అరుదు అటువంటి వారు దూరం కావడం చాలా బాధాకరమైనప్పటికీ మీ హృదయంలో శాశ్వత స్థానం సంపాదించుకోగలగడడం వారి అదృష్టం.మంచి మనస్సున్న కృష్ణమూర్తి గారి గూర్చి పంచుకొని కొంత మనిషితనం నింపుకోమని సందేశమిచ్చినందుకు ధన్యవాదాలు సర్💐💐💐
🙏
—–నాగజ్యోతి శేఖర్
కాకినాడ.

Log in to Reply
1. 15.1
  
  డా.కె.ఎల్.వి.ప్రసాద్
  October 18, 2021 at 7:14 am
  అమ్మా
  మీ స్పందనకు ధన్యవాదాలు.
  
  Log in to Reply
16

Dr.Harika
October 18, 2021 at 8:58 am
Good morning sir,
We can learn beautiful things from this story that Genuine Friendship & Give without expecting anything in return.
Sorry to hear the loss of Shri.Krishnamurthy garu and we can understand how really it feels when we loose such people in our life.
Thank you sir for sharing your experiences which inspires us alot.

Log in to Reply
1. 16.1
  
  డా.కె.ఎల్.వి.ప్రసాద్
  October 19, 2021 at 8:13 am
  Amma
  Thank you somuch.
  
  Log in to Reply
17

డా.కె.ఎల్.వి.ప్రసాద్
October 18, 2021 at 9:06 am
Amma
Thank you somuch.

Log in to Reply
18

శీలా సుభద్రా దేవి
October 18, 2021 at 5:58 pm
ఈరోజుల్లో స్నేహాలన్నీ అవసరంకోసమో, అవకాశాలకోసమో,ఆర్థిక సంబంధాలు గానో మారిపోతున్నదశలో మీరు మీ స్నేహితులనీ,స్నేహబంధాలనీ ఈ విధంగా అక్షరబద్ధం చేసిన పాఠకులకు పెంచటం అపురూపమైన విషయం.అభినందనలు ప్రసాద్ గారూ

Log in to Reply
1. 18.1
  
  డా.కె.ఎల్.వి.ప్రసాద్
  October 19, 2021 at 8:13 am
  ధన్యవాదాలండీ
  మీరు చదివి
  స్పందించి నందుకు
  హృదయపూర్వక ధన్యవాదాలు.
  
  Log in to Reply
19

డా.కె.ఎల్.వి.ప్రసాద్
October 19, 2021 at 8:08 am
వాస్తవం సార్. పేదవారికే పెద్దమనసు ఉంటుంది అంటారు. కృష్ణమూర్తి గారి మరణం విచారకరం. 🙏—-డాక్టర్ విద్యాదేవి
హన్మకొండ.

Log in to Reply
1. 19.1
  
  డా.కె.ఎల్.వి.ప్రసాద్
  October 19, 2021 at 8:08 am
  అమ్మా
  ధన్యవాదాలు.
  
  Log in to Reply
20

డా.కె.ఎల్.వి.ప్రసాద్
October 20, 2021 at 11:24 am
మీ జ్ఞా పకాలు
ఇప్పుడే చదివాను
చల్లని
పందిరి కింద
స్వా o త న
పొంది నట్లు ఉంది
మీ
అక్షరం ప్రభాకర్
మానుకోట

Log in to Reply
1. 20.1
  
  డా.కె.ఎల్.వి.ప్రసాద్
  October 20, 2021 at 11:24 am
  ధన్యవాదాలండీ.
  
  Log in to Reply
21

డా.కె.ఎల్.వి.ప్రసాద్
October 21, 2021 at 9:13 am
E jnapakam manasu ni kadilinchindi.
Meeru rase prathi vyasam chadivinmpa chesedi ga nu ,
Untunnadi.
—సుజనా పంత్
భీమారం…

Log in to Reply
1. 21.1
  
  డా.కె.ఎల్.వి.ప్రసాద్
  October 21, 2021 at 9:13 am
  ధన్యవాదాలండీ.
  
  Log in to Reply
22

డా.కె.ఎల్.వి.ప్రసాద్
October 21, 2021 at 10:12 pm
Really it’s so great to remember those who helped is without any reservations and selfish motives. You have shown an example for the young generation what is gratitude.Hatsoff to you🙏👍👌
—-uma shankar
Hyderabad.

Log in to Reply
1. 22.1
  
  డా.కె.ఎల్.వి.ప్రసాద్
  October 21, 2021 at 10:13 pm
  Thank you so .uch sir.
  
  Log in to Reply