జ్ఞాపకాల పందిరి-78

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

ఇల్లాలి ముచ్చట్లు..!!

ఇల్లు చూసి ఇల్లాలిని చూడమన్నారు పెద్దలు. ఇక్కడ ఇది కేవలం లోకోక్తి మాత్రమే కాదు, ఆలోచించదగ్గ విషయం కూడా. ఇంటి వాతావరణం, శుచీ శుభ్రత, గృహ అలంకరణ, పొందికగా వస్తువులను ఆకర్షణీయంగా సర్దిపెట్టుకోవడం, వంటిల్లు పరిశుభ్రత వంటి విషయాలు చూడగానే, ఆ ఇంటి ఇల్లాలి అలవాట్లు, అభిరుచులు, జీవన శైలి యిట్టే అర్థం అయిపోతాయి. అందుకే ఆ నానుడి అంత ప్రచారంలోకి వచ్చివుంటుంది. ఎంతటి బిజీగా వుండే స్త్రీమూర్తులైనా, చివరకు ఉద్యోగినులైనా, ఇంటి విషయంలో అశ్రద్ధ చేయరు. వారు కోరుకున్నట్టుగా ఇంటిని తీర్చిదిద్దుకుంటారు. అందువల్లనే ఇంటిని చూడగానే ఆ ఇంటి మహిళా అభిరుచిని, మంచి లక్షణాలను యిట్టే లెక్కగట్టవచ్చు. కొన్ని కుటుంబాలలో ఇంటి యజమాని,లేదా పురుషుడు ఇంటి విషయంలో పూర్తి బాధ్యతను తీసుకుని, ఇంటి ఇల్లాలికి పేరు ప్రతిష్ఠలు తెస్తుంటారు. ఇవి చాలా కొద్దిమందికే వర్తిస్తుంది. అందుచేత ఇలాంటి వారు ప్రత్యేకం. పరిశుభ్రత అలంకరణ విషయాలలోనే కాకుండా, ఆర్థిక వనరులను సక్రమంగా సమర్థవంతంగా సద్వినియోగం చేసుకునే స్త్రీమూర్తులు కూడా వుంటారు. అవగాహన గల ఇంటి ఇల్లాలు ప్రతి చిన్న విషయాన్నీ నిశితంగా ఆలోచించి, కుటుంబానికి కేంద్రబిందువు అవుతుంది.

బాల్యంలో అరుణ (ఎడమ)

తల్లి తండ్రులు.. చెల్లెలు తమ్ముళ్లతో అరుణ (నిలబడ్డవారిలో కుడి)

కొన్ని సందర్భాలలో ఇల్లాలిని చూసి ఇంటి పరిస్థితిని చెప్పవచ్చు. ఇటువంటి గృహిణులైనా, ఉద్యోగులైనా, తమ అలంకరణలు, ఆడంబరాలమీద ఉన్న మోజు ఇతర విషయాల మీద ఉండదు. ముఖ్యంగా ఇల్లు శుభ్రంగా ఉంచరు. కనీసం ఇంట్లో పనిమనుష్యుల చేత చేయించుకునే ఓపిక, శ్రద్ధ వీరికి ఉండవు. విప్పిన బట్టలు ఎక్కడివి అక్కడే ఉంచుతారు. వస్తువులు క్రమబద్ధంగా వుంచుకోరు. ఉతికిన బట్టలు ఓ పట్టాన మడత పెట్టుకుని జాగ్రత్త పెట్టుకోరు. చదివేసిన పేపర్లు చిందర వందరగా పడి ఉంటాయి. నిద్రలేచిన తర్వాత దుప్పట్లు మడత పెట్టుకోరు. అన్నింటికీ ఒకరిమీద ఆధారపడవలసిందే! ఇలా రెండు రకాల స్త్రీమూర్తులు మనకు కనిపిస్తారు. ఈ విషయంలో కొందరు మంచి వైపు మారతారు. మరికొందరు తాము చేసిందే కరెక్ట్ అని జీవితాంతమూ వాదిస్తూనే వుంటారు. అటువంటివాళ్ళను ఎవరూ మార్చలేరు. అయితే తమని తమ పిల్లలు అనుకరిస్తారని, పిల్లలు పెద్దయ్యాక వాళ్ళను అసలు మార్చలేమన్న జీవిత సత్యం వారు ఎరుగరు. వాళ్ళ మంచికైనా చెడ్డకైనా తల్లిదండ్రుల పెంపకమే కారణమన్న విషయం తల్లిదండ్రులకు తట్టకపోతే అది అలా కొనసాగుతూనే ఉంటుంది. ఈ అంశం చర్చించాలంటే చాలా విషయాలు మన ముందుకు వస్తాయి. కానీ ఇప్పుడు మనం చర్చించుకునే విషయానికి ఇంతకు మించిన విశ్లేషణ అవసరం లేదనుకుంటాను.

పిల్లలతో రచయిత, శ్రీమతి అరుణ

పిల్లలతో రచయిత, శ్రీమతి అరుణ

సందర్భానుసారంగా ఇక్కడ నా స్వంత అనుభవాన్ని మీతో పంచుకోవడానికి ఆశపడుతున్నాను. ఆడపిల్ల (మన ఆడపిల్ల అయినా సరే) పెళ్ళి కాకముందు తన పుట్టింటి జీవన శైలికి అలవాటు పడివుంటుంది. కట్టు, బొట్టు, వస్త్రధారణ, ఆహారపు అలవాట్లు, ఇతర గృహసంబంధమైన అలవాట్లు ఒక పద్దతిలో ఉంటాయి. అలాగే పిల్లలకు చిన్న చిన్న పనులు చెప్పి చేయించడం లాంటి అలవాట్లు కూడా! పెళ్ళై అత్తగారింటికి వచ్చిన తర్వాత అన్నీ పుట్టింటి మాదిరిగా ఉండాలనే లేదు. అది అవగాహన లేని పిల్లలు, త్వరగా అక్కడి వాతావరణానికి అనుకూలంగా మారిపోరు (అందరికీ అది సాధ్యం కాదు కూడా). అందువల్ల అత్తారింటి పెద్దలు గబుక్కున మాట్లాడే మాట “ఇలాగేనా మీ తల్లిదండ్రులు నేర్పింది?” అనేస్తారు. అది సున్నిత మనస్కులైన ఆడపిల్లలు తట్టుకోలేరు.

శ్రీమతి అరుణ

కొందరు తమ పిల్లలకు (ఆడైనా, మగైనా) అసలు చిన్న పనులు కూడా చెప్పకుండా అల్లారు ముద్దుగా (అలా వాళ్ళు అనుకుంటారు) పెంచుతారు. ఇది భవిష్యత్తులో ఇబ్బదులు మోసుకొస్తుందని అసలే ఊహించరు. సమస్య ఇక్కడ మొదలవుతుంది. అర్థం చేసుకోకుంటే చిలికి చిలికి గాలివాన అవుతుంది.

బ్యాంక్ ఉద్యోగినిగా

నా జన్మ స్థలం తూర్పు గోదావరి జిల్లా, మల్కీపురం మండలం (ఒకప్పుడు రాజోలు తాలూకా) దిండి అనే గ్రామం. పెరిగింది, చదివింది, హైదరాబాద్ (ఇంటర్మీడియెట్ మాత్రం నాగార్జున సాగర్). నా శ్రీమతి పుట్టి పెరిగింది, విజయవాడ, చదువుసంధ్యలు, విజయవాడ – గుంటూరు. పెళ్ళై కాపురం పెట్టింది మాత్రం ఉద్యోగ రీత్యా ‘మహబూబాబాద్’ (అప్పటి తాలూకా, ఇప్పుడు జిల్లా)లో. పెద్దల ఎవరి సహకారం లేకుండానే వైవాహిక జీవితం ప్రారంభమైంది.

కూతురు నిహారతో

పెళ్ళి కూతురు… కుమార్తె నిహారతో

నా శ్రీమతి మరీ అతి గారాబంతో కాపోయినా కొంచెం గారాబం, క్రమశిక్షణతో పెరిగిన అమ్మాయి. ఇది నిజంగా మా ఆనందమయ జీవితానికి బాగా పనికి వచ్చింది. అయితే మొదట్లో ఇంటికి ఎవరు (బంధువులు కాదు లెండి )వచ్చినా, లోపలికి వెళ్లిపోయేది. అవసరం అయితే తప్ప అనవసరంగా మాట్లాడేది కాదు. నాకు స్నేహితులు – బంధువులు కావాలి. బయటకు వెళ్ళే పని ఉండేది కాదు. అయితే ఆమెలో చిన్న చిన్న మార్పులు తీసుకొచ్చే ప్రయత్నం చేసాను. ఆమె నాకు సహకరించింది. దానితో మేము అనుకున్న జీవితానికి శ్రీకారం చుట్టగలిగాం. నెల జీతం రాగానే బ్యాంకుల్లో వాయిదాలు కట్టే పని పూర్తి అయిన తరువాత మిగిలిన డబ్బు ఆమె చేతిలో పెట్టేవాడిని. నెలకు సరిపడా అవసరాలు వాటితో సమర్థవంతంగా సర్దుబాటు చేసేది. అనవసర ఖర్చులు అసలు చేసేది కాదు. చీరలు గానీ, బంగారం గానీ కొనమని వేధించేది కాదు. నేను ఎంతో బలవంతం చేస్తే తప్ప ఏమీ తనకు తాను కొనుక్కునేది కాదు. అన్నింటికీ మించి, తన తరఫు బంధువులను ఎంత ప్రేమగా చూసేదో, నా తరఫు బంధువులను అంతకు మించి అభిమానంగా ఆదరించేది. గృహిణిలో ఈ లక్షణం నాకు చాలా ఇష్టం. ఇక్కడ నా శ్రీమతి గొప్పతనం చెప్పి పాఠకులను విసిగించడం నా ఉద్దేశం కాదు. భార్యకు భర్త, భర్తకు భార్య ఒకరికొకరు సహాయం చేసుకున్నప్పుడు, ఒకరినొకరు అర్ధం చేసుకున్నప్పుడు, సమస్యలు ఎదురైనప్పుడు పంతాలు -పట్టింపులకు పోకుండా ఒకరికొకరు సర్దుకుపోయినప్పుడు ఆ కుటుంబం నిత్య సౌభాగ్యంతో సుఖసంతోషాలతో తులతూగుతుంది. వారి సంతానం అభివృద్ధి పథంలో పయనిస్తుంది. నా విషయంలో అదే జరిగిందని నేను భావిస్తాను.

రచయిత మొదటి కథల పుస్తకం అంకితం సందర్భంగా

మా పెళ్ళైన కొత్తలో, నా శ్రీమతి బి.ఎస్.సి, బి.ఎడ్, కావడం మూలాన మహబూబాబాద్ స్థానిక ఫాతిమా హైస్కూల్‌లో కొంత కాలం సైన్స్ అసిస్టెంట్‌గా పనిచేయడం, ఆ తర్వాత స్టేట్ బ్యాంకు ఆఫ్ హైదరాబాద్ (ఎస్.బి.ఐ -ఇప్పుడు) లో క్లర్కుగా ఉద్యోగం మహబూబాబాద్ లోనే రావడం మూలాన ఆమెకు కూడా స్నేహితులు పెరిగారు. బయటి ప్రపంచం తెలియవచ్చింది. అది నాకు కలిసి వచ్చింది.

రచయిత పుట్టిన రోజున

పిల్లల చదువు పర్యవేక్షణ నావల్ల కాదని తేలిపోయాక, ఆ బాధ్యత కూడా నా శ్రీమతికి అప్పగించాను. ఆ రకంగా ఆమెకు పని భారం ఎక్కువ అయింది. అయినా ఆమె ఓపిగ్గా నెట్టుకొచ్చింది. అదే విధంగా మా ఇద్దరు పిల్లలు కూడా మమ్ములను ఏ రూపంలోనూ ఇబ్బంది పెట్టలేదు. అందువల్ల నేను, నా శ్రీమతి ఎప్పుడూ గర్వంగానే ఫీల్ అవుతాము. మేము చాలా అదృష్టవంతులు గానే భావిస్తాం. పిల్లలు మంచిగా సెటిల్ అయినారు. నేను రిటైర్ అయినాను, నా శ్రీమతి నాలుగు సంవత్సరాలు ముందస్తుగానే స్వచ్ఛంద పదవీ విరమణ చేసింది.

మాకు ఆస్తులు కూడబెట్టాలన్న కోరిక పెద్దగా లేకున్నా, మేము కష్టపడి సంపాదించుకున్న దానిలో మిగిలిన దానితో, బాంక్ లోన్ సహకారంతో మేము బాగానే తృప్తిగా బ్రతుకుతున్నాం.

మనవరాలు ఆన్షితో…

అసలు చెప్పొచ్చేదేమంటే, ఇంటి గృహిణి అవగాహనాపరురాలైతే, క్షమా, ఓర్పు, అర్థం చేసుకునే మనసు గలదైతే, ప్రేమగుణం కలదైతే, ప్రతి చిన్న విషయంలోనూ కయ్యానికి కాలుదువ్వనిదైతే, ఆ సంసారాన్ని స్వర్గ సీమ అనకుండా ఎలా ఉండగలం? ఇంటి యజమాని మగవాడు, మంచివాడైనా, చెడ్డవాడైనా, ఆ గృహం శాంతి సౌభాగ్యాలు, గృహిణి మీదే ఆధారపడి ఉంటాయి. ఈ రోజున నేను – నా పిల్లలూ సుఖశాంతులతో బ్రతుకుతున్నామంటే దానికి ప్రధాన కారణం నా ఇంటి ఇల్లాలే!

సమర్థవంతమైన గృహిణి వున్నప్పుడు, ఆ గృహం స్వర్గసీమ కాకుండా ఎలా ఉంటుంది? భర్త అయినా పిల్లలైనా సుఖశాంతులతో జీవితం గడపడానికి గృహిణి పాత్రే కీలకం! ఆమె సంతోషం మిగతావారి సహకారం మీదే ఆధారపడి ఉంటుంది. అలాంటి కుటుంబాలనే సమాజం కూడా కోరుకుంటుంది. తమకు అసలు కావలసింది ఏమిటో, ఏమి చేస్తే సుఖశాంతులతో బ్రతుకుతామో తెలుసుకున్న కుటుంబం నిత్యం ఆనందంగా, ఆహ్లాదంగా, నవ్వుతూ, త్రుళ్ళుతూ, ఉత్సాహంగా, ఉల్లాసంగా బ్రతక గలుగుతారు.

స్త్రీమూర్తులారా జయహో…!!

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
October 3, 2021 at 7:22 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు.
—-డా కె.ఎల్.వి.ప్రసాద్
హన్మకొండ.

Log in to Reply
2

డా కె.ఎల్.వి.ప్రసాద్
October 3, 2021 at 7:40 am
ఇంటిని సుందరంగా తీర్చిదిద్దడంలో ఇల్లాలి పాత్ర సహజంగానే ఎక్కువ. సంసారంలో పిల్లలను చక్కగా పెంచడంలో చదివించడంలో ఆమె ఎక్కువ శ్రద్ధ తీసుకుంటుంది. ఇద్దరు ఉద్యోగస్థులైనా నేటి రోజుల్లో ఎక్కువ శ్రమతీసుకునేది ఇంటి ఇల్లాలే. ఇంటిని స్వర్ఖసీమగా మార్చేది ఆమె. మీ శ్రీమతి అరుణ గారి గురించి చక్కగా వివరించారు. మీకు అభినందనలు. ఆధునిక యుగంలో బహుముఖ పాత్రలు పోషిస్తున్న మగువలకు వందనాలు.
–జి.శ్రీనివాసాచారి
కాజీపేట.

Log in to Reply
1. 2.1
  
  డా కె.ఎల్.వి.ప్రసాద్
  October 3, 2021 at 7:41 am
  చారిగారూ
  మీ స్పందనకు ధన్యవాదాలు.
  
  Log in to Reply
3

Sagar
October 3, 2021 at 8:27 am
సంసారానికి జోడు చక్రాలైన బార్యాభర్తల సహకారమే సంసారపు బండి సజావుగా నడిచేందుకు అసలైన అవసరంగా మీ స్వీయ అనుభవంతో బాగా వర్ణించారు సర్. ఆ విషయంలో అదృష్టవంతులైన మీకు, మేడం కు హృదయపూర్వక అభినందనలు.

Log in to Reply
1. 3.1
  
  డా కె.ఎల్.వి.ప్రసాద్
  October 3, 2021 at 9:01 am
  ధన్యవాదాలండీ
  
  Log in to Reply
4

డా కె.ఎల్.వి.ప్రసాద్
October 3, 2021 at 9:23 am
ఇల్లు ,ఇల్లాలు , బాగుంది సర్, మేడం గారి గురించి మీరు ఎప్పుడు పూర్తి వ్యసం రాయలేదు. మీ చదువు, స్నేహితులు, కాలేజ్ రోజులు , ఉద్యోగ పర్వం, ఆఖరికి మీ మనవరాలు, అని అయాక మీ శ్రీమతి గారి మీద.
దీనితో ఒక వృత్తం పూర్తి అయినట్లు.
వచ్చే వారం ఆదివారం కోసం ఎదురుచూస్తూ.
మీ
సత్యనారాయణ

Log in to Reply
1. 4.1
  
  డా కె.ఎల్.వి.ప్రసాద్
  October 3, 2021 at 9:23 am
  ధన్యవాదాలండీ
  డాక్టర్. సత్యనారాయణ గారు.
  
  Log in to Reply
5

డా కె.ఎల్.వి.ప్రసాద్
October 3, 2021 at 9:59 am
అనుకూలవతి యైన భార్య….
గౌరవాభిమానాలుగల పిల్లలు
పూర్వ జన్మ సుకృతం 👏👏👏👏🙏🌷🙏🌹🙏💐🙏
—-కోరాడ నరసింహారావు
విశాఖపట్నం.

Log in to Reply
1. 5.1
  
  డా కె.ఎల్.వి.ప్రసాద్
  October 3, 2021 at 10:00 am
  ధన్యవాదాలండీ
  
  Log in to Reply
6

డా కె.ఎల్.వి.ప్రసాద్
October 3, 2021 at 10:56 am
Great appreciation of not only one’s own wife but all the wives in general 👏
—–Ravulapati
Sitaramarao
Hyderabad.

Log in to Reply
1. 6.1
  
  డా కె.ఎల్.వి.ప్రసాద్
  October 3, 2021 at 10:57 am
  Thank you somuch sir
  
  Log in to Reply
7

Sambasiva+Rao+Thota
October 3, 2021 at 10:59 am
Prasad Garu!
Intiki Illaale Devatha Antaaru..
Aa naanudi mee ardhaangi vishayamlo niroopithamaindi…
Dhanyavaadaalandi 🙏

Log in to Reply
1. 7.1
  
  డా కె.ఎల్.వి.ప్రసాద్
  October 3, 2021 at 11:32 am
  ధన్యవాదాలండీ
  సాంబశివ రావు గారూ.
  
  Log in to Reply
8

Dr. O. Nageswara Rao
October 3, 2021 at 11:58 am
Superrrrrrrrrrr…..
Superrrrrrrrrrr….. Eb
🙏🙏🙏🙏🙏🙏🙏
Ellle kada swarga Seema
Happy family Happy Home
Congratulations 🎊🎊🎊🎊🎉🎉🎊🎊🎊🎊👍👍👍👍👍👍

Log in to Reply
9

Dr. O. Nageswara Raogeswara Rao
October 3, 2021 at 12:02 pm
Superrrrrrrrrrr…..
Superrrrrrrrrrr….. Eb
🙏🙏🙏🙏🙏🙏🙏
Ellle kada swarga Seema
Happy family Happy Home
Congratulations 🎊🎊🎊🎊🎉🎉🎊🎊🎊🎊👍👍👍👍👍👍

Log in to Reply
1. 9.1
  
  డా కె.ఎల్.వి.ప్రసాద్
  October 3, 2021 at 2:34 pm
  Thank you
  Dr.Rao.
  
  Log in to Reply
10

G. Shobha rani
October 3, 2021 at 12:47 pm
Intiki deepam illalu. Aa deepa kanthula kiranale pillalu antaru kada sir. Meedy happy family. Rachana sooooooper sir. 🙏

Log in to Reply
1. 10.1
  
  డా కె.ఎల్.వి.ప్రసాద్
  October 3, 2021 at 2:33 pm
  ధన్యవాదాలండీ
  
  Log in to Reply
11

డా కె.ఎల్.వి.ప్రసాద్
October 3, 2021 at 2:40 pm
మీ మంచి తనం మీకు కలిసి వచ్చింది
—-నిధి(బ్రహ్మచారి)
హన్మకొండ.

Log in to Reply
1. 11.1
  
  డా.కె.ఎల్.వి.ప్రసాద్
  October 3, 2021 at 2:40 pm
  ధన్యవాదాలండీ
  
  Log in to Reply
12

డా.కె.ఎల్.వి.ప్రసాద్
October 3, 2021 at 3:43 pm
Very happy to know about your wife Klv garu.

💐💐💐💐Dr.Anne Aruna
Hyderabad.

Log in to Reply
1. 12.1
  
  డా.కె.ఎల్.వి.ప్రసాద్
  October 3, 2021 at 3:44 pm
  Thank you
  Dr.Aruna.
  
  Log in to Reply
13

డా.కె.ఎల్.వి.ప్రసాద్
October 3, 2021 at 4:48 pm
గృహిణి పాత్ర గురించి చాలా చక్కగా వివరించారు అందులో అలాంటి గృహిణి దొరకడం మీ అదృష్టం
—-విజయలక్ష్మి. కస్తూరి
హైదరాబాద్

Log in to Reply
1. 13.1
  
  డా.కె.ఎల్.వి.ప్రసాద్
  October 3, 2021 at 4:48 pm
  ధన్యవాదాలండీ.
  
  Log in to Reply
14

Rajendra+Prasad
October 3, 2021 at 4:58 pm
I completely agree with you sir. Wife plays a major and important role in shaping children character, career and nourishment physical and behavioural. You are blessed that Aruna ma’am did play it fruitfully and you must be she built the home for you all

– Rajendra Prasad

Log in to Reply
1. 14.1
  
  డా.కె.ఎల్.వి.ప్రసాద్
  October 3, 2021 at 5:24 pm
  Yes,its true
  Thank you prasad garu.
  
  Log in to Reply
15

Shyam kumar chagal . MA astrology. Hyd
October 3, 2021 at 5:15 pm
శ్రీమతి అరుణ గారి గురించి సంచిక పత్రిక ద్వారా మన అందరికీ పరిచయం చేసిన డాక్టర్ కె ఎల్ వి ప్రసాద్ గారికి నా అభినందనలు. అనుకూలవతి అయిన భార్య దొరకడం మగాడికి చాలా అదృష్టం. అందులో విభిన్న ప్రవృత్తులు విభిన్న కళలకు ఆలవాలమైన మగవాడి మనసు తగ్గట్టుగా జీవితం కొనసాగించడం అన్నది నిజంగా అభినందనీయమే. ఉద్యోగం చేస్తూ కూడా ఇల్లు పిల్లల సంరక్షణ బాధ్యతలను విజయంతో నడిపించడం అన్నది అరుణ గారి గొప్పతనమే. మగవాడి విజయం వెనుక ఒక ఆడది ఉంటుంది అని అంటారు. . డాక్టర్ కె ఎల్ వి ప్రసాద్ గారి విజయ ప్రస్థానం లో వెనక మరియు ముందు కూడా ఉన్నట్లుగా తెలుస్తోంది. నిజం చెప్పాలంటే భార్య సహకారం గురించి ఎన్ని పుస్తకాలు రాసినప్పటికీ తక్కువే. , ఎంత పొగిడినా తక్కువే. సుఖంగా సంతోషంగా ఆనందంగా గడుపుతున్న కుటుంబాల కారణం కూడా భార్య సహకారమే. ఎంత గొప్ప వ్యక్తి కి కూడ ఇంట్లో భార్య సహకారం లేకుండా సంపూర్ణ విజయం లభించలేదు. డాక్టర్ కే ఎల్ వి ప్రసాద్ ,అరుణ గారి యొక్క కుటుంబం సుఖ సంతోషాలతో ఎప్పుడూ ఇలాగే పరిఢవిల్లుతూ వుండాలని కోరుతున్నాను. అరుణ గారికి నా మనస్ఫూర్తిగ హృదయపూర్వక అభినందనలు.

Log in to Reply
16

డా.కె.ఎల్.వి.ప్రసాద్
October 3, 2021 at 5:23 pm
ధన్యోస్మి
మిత్రమా…….

Log in to Reply
17

ఎన్.వి.ఎన్.చారి
October 3, 2021 at 6:19 pm
ఇల్లాలు లోనే ఇల్లు ఉంది అంటే ఇంటికి రాణి ఆమె
చదువుకున్న యువతి గృహం ఒక విశ్వవిద్యాలయం అంటారు రాజాజి. కుటుంబాన్ని తీర్చిదిద్ది ఉన్నతంగా తయారుచేస్తుంది. చదువుకోని వాళ్ళలో కూడా
ఉత్తమలక్షణాలుంటై. స్వాతంత్ర్య పోరాటంలో నిజాం
వ్యతిరేక పోరాటంలోనూ ఎందరో నిరక్ష రాస్య మహిళలు కదిలారు కదలించారు. వ్యాసం స్వీయ అనుభవమైనా స్పూర్తిదాయకం

Log in to Reply
1. 17.1
  
  డా.కె.ఎల్.వి.ప్రసాద్
  October 3, 2021 at 9:53 pm
  ధన్యవాదాలండీ.
  
  Log in to Reply
18

డా.కె.ఎల్.వి.ప్రసాద్
October 3, 2021 at 9:52 pm
78వసంచిక చదివిన ప్రసాద్ గారూ! పుట్టినింటి నుండి మెట్టినింటికి వచ్చినతరువాత మెట్టినింటి వ్యక్తుల మనస్తత్వాలను అర్థం చేసుకోవటం,అక్కడి వాతావరణానికి తనను తాను సర్దు బాటు చేసుకోవటం మహిళలకు సహజంగా అబ్బుతుందని నా అభిప్రాయం ఎక్కువ శాతం ఈ సర్దు బాటు చేసుకోగలరు.అటువంటి మహిళలే గృహవాతావరణాన్ని సుఖమయం చేస్తరు అట్లా చేయలేని లేదా చేసుకోలేనివారు తమజీవితాలనేకాదు మెట్టినింటినీ నరకప్రాయం చేస్తరు. అదృష్టవంతులే ఎక్కువమంది అనుకుంటున్న.మీరూ అందులో ఒకరు కావటం సంతోషం.నాకూఅందులో స్థానం దొరికిందని చెప్పటానికి ఆనందంగా ఉంది..ఇగో ఎక్కువగా ఉన్న మహిళలే మెట్టినింట సర్దుకుని ఉండలేరు.
—రామశాస్త్రి

Log in to Reply
1. 18.1
  
  డా.కె.ఎల్.వి.ప్రసాద్
  October 3, 2021 at 9:53 pm
  శాస్త్రి గారు
  మీ స్పందనకు ధన్యవాదాలు.
  
  Log in to Reply
19

Bhujanga rao
October 4, 2021 at 10:37 am
జ్ఞాపకాల పందిరి 78 లో ఇంటిని అందంగా తీర్చి దిద్దడంలో మరియు పిల్లల పెంపకంలో తీసుకోవాల్సిన జాగ్రత్తలు మరియు పరిస్థితులకు అనుగుణంగా ఆర్ధిక వనరులను సక్రమంగా,సమర్ధవ తంగా సద్వినియోగం చేసుకుని కుటుంబంలో ముఖ్యమైన ఇల్లాలి పాత్ర మరువలేనిది. నేటి తరానికి సందేశాత్మకమైన వివరణ ఇచ్చారు.ఇంటికి దీపం ఇల్లాలు నానుడి మీ శ్రీమతి గారి విషయంలో నిరూపితమైనది. మీరు చాలా అదృష్టవంతులు సర్. కన్నుకు రెప్ప ఎంత అవసరమో,కుటుంబం చక్కగా ఒడుదొడుకులు లేకుండా నడవడానికి భార్యా భర్తల సహకారం కూడా అంతే ముఖ్యమైనది.ఇల్లాలు లేని ఇల్లు ఎలా ఉంటుందో ఊహకందని విషయం.చక్కని ఫొటోలతో మంచి అనుభవాలు అందిస్తున్న మీకు హృదయపూర్వక నమస్కారములు.

Log in to Reply
1. 19.1
  
  డా.కె.ఎల్.వి.ప్రసాద్
  October 8, 2021 at 6:54 am
  రావుగారు
  ధన్యవాదాలండీ.
  
  Log in to Reply
20

డా.కె.ఎల్.వి.ప్రసాద్
October 8, 2021 at 6:53 am
శుభోదయం సార్. మీ దాంపత్య ఙాపకాలపందిరి అద్భుతంగా ఉంది. నేడు ఇగోలతో జీవితాలు గడుపుతున్న యువదంపతులకు స్ఫూర్తిదాయకమైనది.మీ ఇరువురు కలకాలం పిల్లాపాపలతో ఇలాగే సంతోష , సంతృప్తికరమైన జీవితాన్ని గడపాలని మనసారా ఆశిస్తూ..సోదరి 👌🙏👏😊👍
—-డాక్టర్ విద్యాదేవి. ఆకునూరు
హన్మకొండ

Log in to Reply
1. 20.1
  
  డా.కె.ఎల్.వి.ప్రసాద్
  October 8, 2021 at 6:55 am
  అమ్మా
  మీ స్పందనకు ధన్యవాదాలు.
  
  Log in to Reply