జ్ఞాపకాల పందిరి-173 | సంచిక - తెలుగు సాహిత్య వేదిక

జ్ఞాపకాల పందిరి-173

[“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే..!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.]

సాహితీ క్షేత్రంలో.. మరో మైలురాయి

సాధారణంగా మనం కానీ, చరిత్రకారులు కానీ, క్రీస్తు పూర్వం లేదా క్రీస్తు శకము అని చెప్పుకుంటుంటాం. చరిత్రలు రాసుకుంటాం. ఇప్పుడు మనం ‘కరోనా’కు పూర్వం, ‘కరోనా’కు తర్వాత, అన్న పదాలను, జరిగిన/జరుగుతున్న సంఘటనలను గురించి చెప్పుకునేటప్పుడు వాడవలసిన పరిస్థితి ఇప్పుడు ఏర్పడుతున్నది. దానికి కారణం, కరోనా యావత్ ప్రపంచాన్నీ ఎలా గడగడలాడించిందో అందరికి తెలిసిందే. నిత్య సాధారణ జీవితం ఎలా స్తంభించిపోయిందో అందరికీ ఎరుకనే. ఈ విషయంలో సాహిత్యరంగం కూడా అతీతం కాదు. సభలు సమావేశాలు నిలిచిపోయాయి. పుస్తక ప్రచురణ నిలిచిపోయింది. రచయితలూ, కవుల రచనా వ్యాసంగానికి అంతరాయం కలిగింది, కారణం వాటిని ప్రచురించే పత్రికలు చాలా మటుకు నిలిచిపోయాయి. ఇలాంటి పరిస్థితులలో ఎటూ తోచని పరిస్థితి ఏర్పడింది. అందరూ కేవలం ఇళ్లకే పరిమితం కావలసిన పరిస్థితి ఏర్పడింది. సాహిత్య సభలు సమావేశాలు లేకుండా పోయాయి. ఇలాంటి పరిస్థితిలో వినోదానికి సినిమాలు గాని, ఇతర సాంస్కృతిక కార్యక్రమాలు, పెళ్లిళ్లు, శుభకార్యాలు అనేవి ఆలోచించడానికి వీలులేకుండా పోయాయి. అదొక నిశ్శబ్ద కాలం. ప్రజలకు బహు గడ్డుకాలం. అప్పుడు కొన్ని ఆన్‌లైన్ కార్యక్రమాలు, ఎవరి ఇంట్లో వుండి వారు నిర్వహించుకున్నా, అది కృత్రిమంగానే అనిపించేది. ‘జూమ్ మీటింగ్’ అనే కొత్త పదం (నాలాంటి వారికి) వెలుగు లోనికి వచ్చింది. కొందరికి ఆ పద్దతి సౌకర్యంగా ఉండడం మూలాన, ఇప్పుడు పరిస్థితులు చక్కబడ్డా జూమ్ పద్దతిని వినియోగిస్తున్నాయి, కొన్ని సాహిత్య సంస్థలు.

కరోనాకు ముందు, వరంగల్/హన్మకొండలో, ఎక్కడ సాహిత్య కార్యక్రమం జరిగినా తప్పకుండా అక్కడ నా హాజరు ఉండేది. ముఖ్యంగా, నేను అత్యధిక కాలం అధ్యక్షుడిగా పని చేసిన ‘సహృదయ సాహిత్య సాంస్కృతిక సంస్థ’ నిర్వహించే ప్రతి కార్యక్రమానికి తప్పక హాజరయ్యేవాడిని. రచనా వ్యాసంగము, సాహిత్య కార్యక్రమాలతో సమయం నాకు చక్కగా అడిచిపోయేది. కరోనా కాలం వీటన్నింటికి దూరం కావలసి వచ్చింది. ఫోన్‌లో మాట్లాడుకోవడం తప్ప బంధువులను, స్నేహితులను కలుసుకోలేని పరిస్థితి. తర్వాత కరోనా తోక ముడిచింది, పరిస్థితులు చక్కబడ్డాయి. బహిరంగ సాహిత్య, సాంస్కృతిక కార్యక్రమాలు మొదలయ్యాయి.

సభా వేదిక రవీంద్ర భారతి,హైదరాబాద్

అనుకోకుండా మా అమ్మాయి వరంగల్ నుండి హైద్రాబాద్ ఆకాశవాణి కేంద్రానికి బదిలీ కావడంతో, నా మకాం సికింద్రాబాద్ మార్చక (పూర్తిగా కాదు) తప్పలేదు. ఇక్కడ నా రచనా వ్యాసంగాన్ని కొనసాగించగలిగినా, సాహిత్య కార్యక్రమాలకు ఆనకట్ట పడింది. కారణం దూరాభారాలే ఈ మహానగరంలో. నా పరిస్థితి గమనించిన మా అమ్మాయి రవాణా సౌకర్యం ఏర్పాటు చేస్తుండంతో హైదరాబాద్‍లో కూడా సాహిత్య కార్యక్రమాలకు హాజరయ్యే వెసులుబాటు కలిగింది.

ఓల్గా.. గారి ప్రారంభోపన్యాసం.

అలా ఈ మధ్య అంటే 22 జులైన రవీంద్ర భారతిలో జరిగిన ఒక సాహిత్య కార్యక్రమానికి వెళ్లాను. ఆ రోజు రెండు పుస్తకాల ఆవిష్కరణ కార్యక్రమం అది. ఆ పుస్తకాల రచయిత్రి/కవయిత్రి, నాకు మంచి స్నేహితురాలు శ్రీమతి ఝాన్సీ కొప్పిశెట్టి (ఆస్ట్రేలియా). ఈ మధ్యకాలంలో నాకు అత్యంత తృప్తిని కలిగించిన కార్యక్రమం ఇది. ఝాన్సీగారి సాహిత్య చరిత్రకు ఇది మూడో మైలురాయి! కరెక్ట్‌గా చెప్పాలంటే మూడో అడుగు! ఇప్పటికే ఝాన్సీగారి పుస్తకావిష్కరణలు రెండు జరిగాయి. ఆ రెండింటికి కూడా హాజరయ్యే అవకాశం నాకు కలిగింది. ఈ మూడవ పుస్తకావిష్కరణల కార్యక్రమం రవీంద్రభారతిలో జరిగింది.

రెండు పుస్తకాల ఆవిష్కరణ కార్యక్రమం లోని ఆ రెండు పుస్తకాలూ 1) ఎడారి చినుకు 2) చీకటి వెన్నెల.

‘ఎడారి చినుకు’ ఝాన్సీ గారు రాసిన మొదటి దీర్ఘ కవిత. రెండవది కథల పుస్తకం. వేదికపై అతిథులంతా రచయిత్రులు/కవయిత్రులు కావడం ఈ కార్యక్రమ ప్రత్యేకతగా అనిపించింది. అంతమాత్రమే కాదు, అతిథులను సన్మానించడంలో కూడా ప్రత్యేకతను సంతరించుకుంది. శాలువాలకు, బొకేలకు బదులు ఖరీదైన చీరలతో సన్మానించడమే ఆ ప్రత్యేకత. ప్రత్యేకతలకు మారు పేరు శ్రీమతి కొప్పిశెట్టి అనిపించింది.

వర్షం వస్తున్నా హాలంతా నిండిపోవడం కూడా ఈ కవయిత్రి ప్రత్యేకత అనిపించక మానదు. స్త్రీవాద సాహిత్యంలో అగ్రగామి అయిన శ్రీమతి ఓల్గా గారు సభకు అధ్యక్షత వహించడం, కేంద్ర సాహిత్య అకాడమీ యువ పురస్కార గ్రహీత, సినీ గీత రచయిత్రి శ్రీమతి చైతన్య పింగళి, ‘ఎడారి చినుకు’ దీర్ఘ కవిత పరిచయం చేసిన వారిలో ఒకరు కావడం ప్రత్యేక ఆకర్షణగా సభకు నిండుతనం కలిగినట్లైంది.

పుస్తకావిష్కరణలో సినీ గేయ రచయిత్రి శ్రీమతి చైతన్య పింగళి

కవయిత్రి /రచయిత్రి, తన స్పందన తెలియజేసే ముందు, వారికి సాహిత్య పరంగా అనేక రకాలుగా సహకరించిన కొద్దిమంది పెద్దలు గుడిపాటి, రజాహుస్సేన్ వంటి వారిని వేదిక మీదికి పిలిచి ప్రత్యేకంగా సన్మానించడం, అందులో నేనూ ఉండడం, ఝాన్సీ గారు నా గురించి నాలుగు మంచిమాటలు చెప్పడం నాకు ఎంతో సంతోషం అనిపించింది.

ఆ..ఆనంద క్షణాలు..

నా విషయంలో ఇది నాకు ఊహించని ఆశ్చర్యం కలిగించిన విషయమే మరి!

ఝాన్సీ కొప్పిశెట్టి, డా. కె. ఎల్. వి. ప్రసాద్, రజాహుస్సెన్, నాగసూరి తదితరులు

అప్పుడప్పుడు ఇలాంటి సాహిత్య కార్యక్రమాల్లో పాల్గొనడం, అలాగే అనేకమంది సాహితీ మిత్రులను కలుసుకోవడం ఈ వయస్సులో మనిషికి కొంత ఉత్తేజాన్ని, ఉత్సాహాన్నీ కలిగిస్తుందనడంలో ఎలాంటి సందేహం లేదు. ఈ సమావేశంలోనే ఫేస్‍బుక్‌లో కొత్తగా పరిచయం అయిన శ్రీమతి గౌరీ లక్ష్మి అల్లూరి గారినీ, శ్రీమతి సత్యగౌరి మోగంటి గారిని కలిసే అవకాశం రావడం సంతోషం అనిపించింది. మరో మిత్రురాలు ఆలస్యంగా సమావేశానికి హాజరైనా వారిని కలుసుకోలేక పోవడం నిజంగా దురదృష్టమే!వారు ఎవరో కాదు, శ్రీమతి ఉమా సురేష్. కోకా. గారు.

ఝాన్సీ కొప్పిశెట్టి, సినీ గీత రచయిత్రి శ్రీమతి చైతన్య పింగళి (రచయితకు కోడలు వరస) గార్లతో డా. కె. ఎల్. వి. ప్రసాద్

ద్వారపూడి (తూ.గో.జి.) నుండి వచ్చిన కవయిత్రి శ్రీమతి అఫ్సర వలీషా సన్మానిస్తున్న దృశ్యం

తన పుస్తకావిష్కరణ కార్యక్రమంతో మనసుకు గొప్ప అనుభూతిని, తృప్తిని, ఆనందాన్ని కలిగించిన స్నేహమయి శ్రీమతి ఝాన్సీ శ్రీనివాస్ కొప్పిశెట్టికి కృతజ్ఞతలు చెప్పకుండా ఉండలేను.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
July 30, 2023 at 7:34 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక కృత జ్ఞత లు.
—-డా కె.ఎల్.వి.ప్రసాద్
సికింద్రాబాద్.

Log in to Reply
2

Sagar
July 30, 2023 at 7:54 am
మొదట వయసు తో నిమిత్తం లేకుండా ఇలాంటి కార్యక్రమాలకు హాజరవుతున్న మీ ఓపికకు శుభాకాంక్షలు సర్. మీరన్నట్లు ఇలాంటి కార్యక్రమాలు మనిషిని ఉత్సాహం పరుస్తాయి అనడం లో సందేహమే లేదు. ఇంక సాహిత్య రంగం లో తనదైన శైలి దూసుకువెళుతున్న ఝాన్సీ మేడం గారికి హృదయపూర్వక అభినందనలు సర్.

Log in to Reply
1. 2.1
  
  డా కె.ఎల్.వి.ప్రసాద్
  July 30, 2023 at 8:35 am
  నీ స్పందనకు ధన్యవాదాలు సాగర్.
  
  Log in to Reply
3

Satyagowrimoganti
July 30, 2023 at 9:05 am
Nice

Log in to Reply
1. 3.1
  
  డా కె.ఎల్.వి.ప్రసాద్
  July 30, 2023 at 10:22 am
  ధన్యొస్మీ
  
  Log in to Reply
4

Shyamkumar Chagal
July 30, 2023 at 9:21 am
నిజమే BC అంటే బిఫోర్ కరోనా..! మామూలు స్థితికి మళ్లీ జీవితాలు వస్తాయా ?లేదా ?అని ఆలోచనలు భయంకరంగా ఉండేవి. సాటి మనిషి దగ్గరగా వస్తే పెద్దపులిని చూసినట్లుగా భయం కలిగింది. స్నేహం బంధుత్వాలు మానవ సంబంధాలన్నీ మూలన పడ్డాయి. ఒక అతి ముఖ్యమైన అంశాన్ని ఎన్నుకొని దానికి ప్రస్తుతాన్ని జోడించి తనకు నచ్చిన విషయాలను అందంగా మలచి మనం ముందు ఉంచడంలో రచయిత గారు కృతకృత్యులయ్యారని చెప్పాలి. వారికి నా అభినందనలు.

Log in to Reply
1. 4.1
  
  డా కె.ఎల్.వి.ప్రసాద్
  July 30, 2023 at 10:22 am
  కృత జ్ఞత లు మిత్రమా…
  
  Log in to Reply
5

Bhujanga rao
July 30, 2023 at 9:03 pm
నిజమే సర్ కరోనా కాలం ఉహించుకుంటే ఇప్పటికి భయమే. స్నేహ బంధాలు,మనవసంబంధాలు దూరం అయి తల్లి చనిపోతే కూతురు అల్లుడు పోలేని పరిస్థితి.ఆ స్థితి నుండి మాములు స్థితికి రావడం మంచి పరిణామమే. ఇపుడు మీరు వచ్చిన అవకాశాలను సద్వినియోగం చేసుకుని అన్ని కార్యక్రమాలలో ఉత్సహంగా పాల్గోని ఆనందిస్తున్న మీకు శుభాకాంక్షలు మరియు సహృదయ సాహిత్య,సాంస్కృతిక సంస్థకు సుదీర్ఘ కాలం అధ్యక్షుడుగా పని చేసిన మీకు ధన్యవాదములు సర్🙏

Log in to Reply
1. 5.1
  
  డా కె.ఎల్.వి.ప్రసాద్
  July 30, 2023 at 9:19 pm
  రావు గారూ
  మీ స్పందనకు ధన్యవాదాలు సర్.
  
  Log in to Reply
6

డా కె.ఎల్.వి.ప్రసాద్
July 30, 2023 at 9:17 pm
కోవిడ్ కాలం అందరినీ అవస్థల పాలు చేసిందనటంలో లెండవ మాటకు అవకాశం లేదు..ఆ తిప్పలు అందరికీ అనుభవంలోనివే.భాగ్యనగరంలో మీరు సమావేశాలకు హాజరుకాగలగటం మీకు కలిగిన అవకాశం. మీ కు భయం లేకపోవటం ( వైద్యులు కదా).
భయమే రాజ్యంచేసింది ఆకాలంలో
—-రామ శాస్త్రి
హనంకొండ.

Log in to Reply
1. 6.1
  
  డా కె.ఎల్.వి.ప్రసాద్
  July 30, 2023 at 9:18 pm
  మీ స్పందనకు ధన్యవాదాలు సర్.
  
  Log in to Reply
7

డా కె.ఎల్.వి.ప్రసాద్
July 30, 2023 at 9:22 pm
ధన్యవాదాలు డాక్టరు గారూ, నిజానికి నాకు పలువురి నుండీ ఆకాశమంత సాహితీ సహాయసహకారాలు అందుతున్నాయి.. ఏదో ఆవగింజంత చిరుబహుమానాల రూపంలో తిరిగి ఇవ్వగల అవకాశం రావటం కూడా ఓ ఆదృష్టంగా భావిస్తున్నాను🙏🙏
—-ఝాన్సీ కొప్పిశెట్టి
హైదరాబాద్.

Log in to Reply
8

Rajendra Prasad
July 30, 2023 at 11:15 pm
Photos are good. Among mamy women writers, you look special . Such programs give revival to the writing spirit.

Log in to Reply
1. 8.1
  
  డా కె.ఎల్.వి.ప్రసాద్
  July 31, 2023 at 8:59 am
  Thank you prasad garu.
  
  Log in to Reply
9

sunianu6688@gmail.com
July 31, 2023 at 8:04 am
రచయిత Dr KLV prasad Garu ఉపయోగించిన కరోనా ముందు, తర్వాత అనే పదాలు నవ్వు తెప్పించిన వాస్తవాలు. కొంతమంది మేము ఎదిగితే చాలు ప్రక్కవారి సంగతి మాకు ఎందుకు అనుకునే సమాజం మనది. కానీ Dr KLV prasad Garu అందర్నీ ప్రోతహించడం లోనే KLV గారి గొప్పతనం తెలుస్తుంది. ఇలాంటి ప్రోగ్రామ్స్ కి హాజరు అవ్వడమే కాక వాటి విశేషాలను మనకీ అందించడం చాలా సంతోషకరం. రచయిత్రి jhonsi koppisetty గారికీ, ఓల్గా గారికీ మిగతా మహిళామణులు అందరికీ నా హృదయపూర్వక ధన్యవాదాలు 👌👍🙏🌹💐

Log in to Reply
1. 9.1
  
  డా కె.ఎల్.వి.ప్రసాద్
  July 31, 2023 at 8:59 am
  అమ్మా..
  మీ స్పందనకు ధన్యవాదాలు .
  
  Log in to Reply
10

మొహమ్మద్ .అఫ్సర వలీషా
August 1, 2023 at 6:10 pm
పరిస్థితులు చక్కబడ్డా మీరన్నట్లు చాలా సాహితీ సంస్థలు జూమ్ మీటింగులు పెట్టు కుంటున్నారు. నిజంగా అందరినీ ఆప్యాయంగా ఎదురెదురుగా కలుసుకోవడం లో ఉన్న తృప్తి జూమ్ మీటింగులో రాదు సార్ కృత్రిమంగానే అనిపిస్తుంది. అందుకే చాలా సహజంగా అందరు ఆత్మీయ కవుల మధ్య జరిగిన ఝాన్సీ గారి పుస్తకావిష్కరణ మీకు చాలా తృప్తి ని, సంతృప్తి వి కలుగ చేశాయి. నిజంగా మీరన్నట్లు చాలా మంచి కార్యక్రమం. ఓల్గా గారి ప్రసంగంతో పాటు మిగతా కవుల ప్రసంగాలు చాలా బాగా ఆకట్టుకున్నాయి. స్పెషల్ గెస్ట్ రజాహుసేన్ గారి ఆగమనం, మీ గురించి ఝాన్సీ గారి సంతృప్త వాక్యాలు, ఝాన్సీ గారు బహుమతులు అంద చేయడం, దేవుని దయ తో నేను ఆ ప్రోగ్రామ్ కు రావడం అన్నీ సంతోషాలు సార్. ఇంత మంచి ప్రోగ్రామ్ ను ఆనందంగా ఎంజాయ్ చేయడం చాలా సంతోషం సార్. మీ మరో సంతోషం తో వ్రాసే జ్ఞాపకాల పందిరి కోసం ఎదురు చూస్తుంటాం సార్. మంచి ఆనందకర క్షణాలను వ్రాసిన మీకు నా హృదయపూర్వక శుభాకాంక్షలు శుభాభినందనలు సార్ నమస్తే 💐🙏💐🙏💐🙏💐🙏💐🙏💐

మొహమ్మద్. అఫ్సర వలీషా
ద్వారపూడి (కోనసీమ జిల్లా)

Log in to Reply
1. 10.1
  
  డా కె.ఎల్.వి.ప్రసాద్
  August 1, 2023 at 9:47 pm
  అమ్మా ధన్యవాదాలు మీకు.
  
  Log in to Reply
11

డా కె.ఎల్.వి.ప్రసాద్
August 1, 2023 at 6:16 pm
అమ్మా
మీ స్పందనకు ధన్యవాదాలు.

Log in to Reply
12

డా కె.ఎల్.వి.ప్రసాద్
August 1, 2023 at 9:45 pm
కరోనా సమయంలో అందరం ఇళ్లలో బందీలయాం. అంతకు ముందు మన రచయితలం వివిధ సాహితీ కార్యక్రమాలు, సమావేశాలకు హాజరయేవాళ్ళం.హాయిగా ఆస్వాదించి, మనవాళ్లతో గడిపి ఆహ్లాదంతో ఇళ్ళకు చేరేవాళ్ళం.కాని కరోనా సమయంలో జూమ్ మీటింగ్ లో పాల్గొని ఊరడిల్లాం.అందరం panic అయాం.ఇప్పుడు సాహిత్య కార్యక్రమాలకు వెళుతున్నాం.. పైవిధంగా గుర్తుచేశారు. బావుంది..
రచయిత్రి శ్రీమతి కొప్పిశెట్టి ఝాన్సీ గారి గ్రంథాల ఆవిష్కరణ గురించిన సమాచారం సవివరంగా అందించారు..ఝాన్సీ గారికి అభినందనలు.. మీకు ధన్యవాదాలు🙏
—-పుట్టి నాగ లక్ష్మి
హైదరాబాద్.

Log in to Reply
1. 12.1
  
  డా కె.ఎల్.వి.ప్రసాద్
  August 1, 2023 at 9:46 pm
  ధన్యవాదాలు మీకు.
  
  Log in to Reply
13

డా కె.ఎల్.వి.ప్రసాద్
August 2, 2023 at 6:01 am
మీ జ్ఞాపకాల పందిరిని పెనవేసుకున్న ఎన్నెన్నో విశేషాలతో… ఎందరెందరో గొప్పవ్యక్తుల్లో ఒకరైన, ఝాన్సీ కొప్పిశెట్టి గారి పురస్కార సభ విశాఖ పౌరగ్రంధాలయంలో జరగబోవటం ఆ రకంగా, వారినీ, మిమ్ములనూ నేను కలుసుకోగలిగే అదృష్టవం నాకు కలుగబోతున్నందుకు ఆనందంగా ఉంది !
… ధన్యవాదములతో…
మీ కోరాడ.

Log in to Reply
1. 13.1
  
  డా కె.ఎల్.వి.ప్రసాద్
  August 2, 2023 at 6:01 am
  మీ స్పందనకు ధన్యవాదాలు సర్
  
  Log in to Reply