జ్ఞాపకాల పందిరి-149

జ్ఞాపకాల పందిరి-149

పుస్తకాలు ఫుల్లు..! చదవడం నిల్లు..!!

ఈ రోజున ‘పుస్తకాలు చదివేవాళ్ళు తక్కువైనారు’ అన్న పదం జనంలో వైరల్ అవుతున్నది. ‘టివి, మొబైల్ ప్రభావమే దీనికి కారణం’ అనేవాళ్లూ లేకపోలేదు. అలా అని వీటిని తీసి పక్కన పెట్టలేము. వీటికి తోడు ఆధునిక విద్యా విధానంలో విద్యార్థీ విద్యార్థినిలు పాఠ్య గ్రంథాలకు మాత్రమే పరిమితమై, మామూలు పుస్తకాల జోలికి పోడం లేదన్నది కూడా ఆలోచించ వలసినదే!

తల్లిదండ్రులు కూడా ఈ రకమైన పిల్లల ఆలోచనలను ప్రోత్సహించడం కూడా కాదనలేము. ఏది ఏమైనా ఎక్కువ శాతం పిల్లలు పాఠ్యగ్రంథాలు తప్ప, కథలు, నవలలు, మహాత్ముల జీవిత చరిత్రలు, కవిత్వం అసలు చదవడం లేదన్నది అర్థమవుతున్నది. పాఠశాలల్లో, కళాశాలల్లో ఒకప్పుడు తప్పనిసరిగా వారంలో ఒక రోజు ‘లైబ్రరీ పిరియడ్’ ఉండేది. అక్కడ ఇష్టమైన పుస్తకం చదువుకునే వెసులుబాటు ఉండేది. అలా ‘చదవడం’ అనే అలవాటు జీవితంలో స్థిరపడిపోయేది. ఇప్పుడు ఎన్ని పాఠశాలలు, కళాశాలలు గ్రంథాలయాలు నడిపిస్తున్నది, ‘లైబ్రరీ పిరియడ్’ అమలు చేస్తున్నదీ చెప్పేట్లుగా లేదు. ఆ అంశాన్ని ఎవరూ పెద్దగా పట్టించుకోక పోవడం బాధాకరం. అప్పట్లో ఏదైనా పోటీలలో గెలిచిన వారికి, ఇచ్చే బహుమతులు పుస్తకాల రూపంలో ఉండేవి, అవి నీతి బోధకాలు, జీవిత చరిత్రలు, సైంటిస్టులు, మహాపురుషుల అనుభవాలు, నవలలు, కథలు, నదులు-పర్వతాలు, ఇలా ఆయా వయసు వారు అర్థం చేసుకునే పుస్తకాలు అయివుండేవి. అలాగే కొన్ని పుస్తకాలను దృష్టిలో పెట్టుకుని వ్యాసరచన పోటీలు నిర్వహించేవారు.

ఆ విధంగా కూడా విద్యార్థులు పాఠ్య గ్రంథేతర పుస్తకాలు కూడా చదివి అర్థం చేసుకునే పరిస్థితులు ఉండేవి. ఆదివారాల్లోనూ, ఇతర సెలవుల్లోనూ, పిల్లలు గ్రంథాలయాలకు వెళ్లి పిల్లల పుస్తకాలు – చందమామ, బాలమిత్ర, బాలరంజని, బాలజ్యోతి వంటి పుస్తకాలు చదువుకునేవారు. కొంతమంది తల్లిదండ్రులు తమ పిల్లల కోసం చందాలు కట్టి పత్రికలు తెప్పించుకునేవారు. అలా చదవడం అనే అలవాటు తప్పనిసరిగా పిల్లలకు అబ్బేది. ఇవన్నీ టి.వి, మొబైల్ వంటి సాధనాలు జనం మధ్యలోకి రాని రోజుల సంగతి.

ఆదివారం, ‘సెకండ్ హ్యాండ్’ పుస్తకాలతో హైదరాబాద్ లోని సుల్తాన్ బజార్, అబిడ్స్ ఫుట్‌పాత్‌లు పుస్తకాలలో నిండి ఉండేవి. అక్కడ అరుదైన, విలువైన కొన్ని పుస్తకాలు చాలా తక్కువ ధరకు దొరికేవి. పుస్తక ప్రేమికులు, నిత్య పుస్తక చదువరులు, రచయితలతో ఆ పుస్తకాల షాపులు కిటకిటలాడేవి.

రచయిత చిరు గ్రంథాలయం

రచయితల దగ్గర, పుస్తక ఆవిష్కరణ సభల్లో, ఉచితంగా తీసుకుని, మర్నాడే అమ్మేసిన పుస్తకాలు కూడా ఫుట్‌పాత్ పుస్తకాల షాపుల్లో దర్శనమిచ్చేవి. చాలా మందికి పుస్తకాలు కొనుక్కుని చదివే అలవాటు ఉండేది. ఈ అలవాటు ఎంతో మంది రచయితలు తమ స్వంత పుస్తకాలను ముద్రించుకోవడానికి ప్రోత్సాహకరంగా ఉండేది. ఏటేటా నిర్వహించే బుక్ ఎగ్జిబిషన్ లలో విపరీతంగా పుస్తకాలు కొనుక్కుని చదివి ఇంట్లోనే మినీ గ్రంథాలయాన్ని తయారు చేసుకునేవారు.

నేటి పరిస్థితుల్లో పుసకాలు చదవకపోవడానికీ, పుస్తకాలు స్వయంగా కొనకపోవడానికి మరోకారణం, ముద్రణా వ్యయం పెరగడం, తద్వారా పుస్తకాల రేటు పెరగడం కూడా! ఈ నేపథ్యంలో రచయిత తన పుస్తకాన్ని ముద్రించు కోవడానికి సందేహించవలసిన పరిస్థితి ఏర్పడుతున్నది. పుస్తకం వేసుకోవాలని ఆశపడేవారు, వేల రూపాయలు ఖర్చుపెట్టి పుస్తకాలు ముద్రించుకుని, దాని ఆవిష్కరణ మహోత్సవానికి మరింత వదిలించుకుని, చివరకు పుస్తకాలు ఉచితంగా పంచుకోవడం, మిగిలినవి ఇంట్లో స్టాకు పెట్టుకోవడం తప్ప వాటిని అమ్ముకునే అవకాశాలు రావడం లేదు.

రచయిత చిరు గ్రంథాలయం

ఇక, మరో వైపు మరోరకం పరిస్థితి. కొందరు పుస్తక సేకరణే ధ్యేయంగా పెట్టుకుంటారు. ఇంట్లో వాటికోసం ప్రత్యేకమైన షెల్ఫ్‌లు తయారు చేసుకుంటారు. చదవాలనే ఆరాటంతో, చదువుతున్నారని నలుగురి చేత అనిపించుకోవడం కోసం ప్రతి సాహిత్య కార్యక్రమానికి (పుస్తకావిష్కరణల్లో) హాజరు అవుతుంటారు. ఎట్లాగూ అక్కడ పుస్తకాల పంచడం అనే కార్యక్రమం ఉంటుంది కనుక, అక్కడ ఉచితమే కాబట్టి ఒకటికి రెండు పుస్తకాలు తీసుకుని, ఇంటిలోని పుస్తకాల షెల్ఫ్‌లో భద్రపరుస్తారు. పేజీ తిప్పి చూసిన దాఖలాలు అసలు వుండవు. మరికొంతమంది భాష మీద వున్న మక్కువతో, తాము చదవక పోయినా, పిల్లల కోసం లేదా తమ తరవాతి తరం కోసం విపరీతంగా పుస్తకాలు సేకరిస్తారు.

కొత్త పుస్తకాలు శీర్షికన వివిధ పత్రికలలో ప్రకటించే ప్రతి పుస్తకం ఉచితంగానే, డబ్బులు కట్టో తెప్పించుకుని దాచిపెడతారు. పొరపాటున కూడా అందులో ఒక్క పుస్తకమూ చదివి వుండరు. ఇక పిల్లలు మాత్రం ఏమి చదువుతారు? ఇంటికి వచ్చిన వారి పొగడ్తలకు, అందంగా అలంకరిస్తారు తప్ప పుస్తకాలు చదివే ప్రయత్నం అసలు చేయరు. కొందరు మిత్రులతో పుస్తక ప్రదర్శనలకు వెళతారు. మొహమాటానికో, ఇతరుల ఒత్తిడితోనో, పుస్తక ప్రియుడినని చెప్పుకోవడం కోసమో, ఖర్చు పెట్టి చాలా పుస్తకాలు కొనేసి, షెల్ఫ్‌లో దాచుకుని వాటిని చూస్తూ ఆనందిస్తారు, చదవడం మాత్రం అసలు జరగదు. దీని వల్లనే మన మాతృభాషను మన పిల్లలు పెద్దగా పట్టించుకోవడం లేదేమో అనిపిస్తుంది. మనం చదవాలి, పిల్లలు చదివే అనుకూల పరిస్థితులు కల్పించాలి. అప్పుడే పిల్లల్లో ఈ అలవాటు క్రమేపి వృద్ధి చెంది జీవితాంతం కొనసాగుతుంది. టివి, రేడియో, సినిమా సాకులు చెప్పకుండా, దేని సమయం దానికి కేటాయించాలి.

రచయిత ప్రస్తుతం కొని చదువుతున్న పుస్తకం

పుస్తకాలు సేకరిస్తున్నవారంతా చదవడం లేదని నేను అనను. చాలామంది తమ చేతిలోకి ఏ కొత్త పుస్తకం వచ్చినా, అది చదివిన తర్వాతనే షెల్ఫ్‌లో సర్దుకుంటారు. నిజానికి ఇది చాలా మంచి అలవాటు. తర్వాత చదువుదాం అనుకుంటే అది అలానే పెండింగ్ పడిపోతుంది, పుస్తకాలు మాత్రం పేరుకు పోతుంటాయి.

మా పెద్దన్నయ్య స్వర్గీయ కె. కె. మీనన్ దగ్గర నా బాల్యం గడిచినందువల్ల, ఆయన స్వయంగా రచయిత కావడంవల్ల, ఇంటినిండా పుస్తకాలు, పత్రికలూ మొత్తం సాహిత్య వాతావరణం నా చుట్టూ ఉండడం వల్ల చిన్నతనంలోనే నాకు పుస్తకాల విషయంలో ఎక్కువ మక్కువ ఏర్పడింది. పుస్తకాలు సేకరించాలనే అభిలాష కూడా ఎక్కువైంది. ఉద్యోగంలో ప్రవేశించిన తర్వాత మంచి పుస్తకాలు అనుకున్నవి కొంటుండేవాడిని, ముఖ్యంగా రీడర్స్ డైజెస్ట్ వాళ్ళు వేసే పుస్తకాలు కొనేవాడిని. తర్వాత రచయితగా నిలదొక్కుకున్న తర్వాత ఇతర సాహితీ మిత్రులు వేసుకున్న పుస్తకాలు నాకూ అందేవి, అలా పుస్తకాలు బాగానే సేకరించగలిగాను, కానీ దురదృష్టావశాత్తు అన్ని పుస్తకాలూ చదవలేక పోయాను, ఇప్పుడు చదవాలన్న నా జీవితకాలం సరిపోయేట్టు లేదు. ఏదైనా వడి.. వడిగా చదివే అలవాటు నాకు లేకపోవడం కూడా నా దురదృష్టం.

రచయిత ఇప్పుడు చదువుతున్న మరో పుస్తకం

ఇప్పుడైతే కొత్తగా వచ్చిన పుస్తకాలు వెంటనే చదివే ప్రయత్నం చేస్తున్నాను, అయినా నా చదువు అంత తృప్తిగా లేదు. మా పెద్దన్నయ్య పుస్తకాలు, పుస్తకాల పట్ల ఆయన సంతానానికి పెద్దగా అభిరుచి లేనందువల్ల ఆయన మరణానంతరం హైదరాబాద్ లోని ‘సుందరయ్య విజ్ఞాన కేంద్రం’కు విరాళం ఇచ్చేసారు.

ఇక నా పుస్తకాల విషయంలో, నా ముద్దుల మనవరాలి (ఇప్పుడు ఆరేళ్ళు నిండాయి) మీద గట్టి నమ్మకం కుదిరింది. ఈ వయసులోనే నా మనవరాలు ఆన్షి, మాతృభాష మీద బాగా మక్కువ చూపిస్తున్నది. తాత మీద, తాత రచనల మీద ఆమెకు ఇప్పటినుండే ఆమెకు అభిమానం మెండుగా వుంది. అందుకే ఆ చిన్నారి మీద అపారమైన నమ్మకం నాకు.

రచయిత పుస్తకాలకు తదుపరి యజమాని మనవరాలు చి.ఆన్షి.నల్లి.

చివరిగా చెప్పొచ్చేదేమిటంటే, చేతికందిన పుస్తకం వెంటనే చదవండి. చదవకుండా పుస్తకాలను కేవలం అందంగా ఇంట్లో అలంకరించుకోవడానికి మాత్రమే వాడకండి. పుస్తకాలు చదివే అలవాటు మనకుంటే, తప్పకుండా మన పిల్లలకూ అలవాటు అవుతుంది. పుస్తకాలు చదవడం కేవలం జ్ఞాన సంపదకు మాత్రమే కాదు, మెదడులో చురుకుదనం కోసం పుస్తకపఠనం చాలా అవసరం అన్నది గ్రహించాలి. జీవితం గురించిన అవగాహన కలగాలంటే పుస్తక పఠనం తప్పనిసరి!

‘చిరిగిన చొక్కా అయినా వేసుకో.. కానీ

ఓ.. మంచి పుస్తకం కొనుక్కో..!’

-కందుకూరి వీరేశలింగం పంతులు

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

Sagar
February 12, 2023 at 7:22 am
నిర్మొహమాటంగా చెప్పాలంటే భవిష్యత్తులో గ్రంధాలాయాల ఉనికే
ప్రశ్నర్ధకం అవడం ఖాయం సర్. ఎందుకంటే పుస్తకాన్ని చదివే ఓపికే లేని మనిషికి గ్రంధాలయానికి వెళ్లే ఓపిక ఉంటుంది అనుకోవడం హాస్యాస్పదమే. ఇక మీరు చెప్పినట్లు ఎప్పటి పుస్తకాలు అప్పుడు చదవడమే సరైన లక్షణం. మంచి వ్యాసం అందించినందుకు మీకు ధన్యవాదములు సర్.

Log in to Reply
1. 1.1
  
  డా కె.ఎల్.వి.ప్రసాద్
  February 12, 2023 at 7:48 am
  సాగర్
  నీ స్పందనకు ధన్యవాదాలు .
  నాకైతే నమ్మకం ఉంది.
  
  Log in to Reply
2

డా కె.ఎల్.వి.ప్రసాద్
February 12, 2023 at 7:46 am
పుస్తక అధ్యయన ప్రాముఖ్యతను.. కొన్న పుస్తకాలను.. కొత్తగా వచ్చే పుస్తకాలను చదవాల్సిన అవసరాన్ని చక్కగా చెప్పారు..
—–వెంకట్రమ నరసయ్య
ఈనాడు
మహబుబాబాద్.

Log in to Reply
1. 2.1
  
  డా కె.ఎల్.వి.ప్రసాద్
  February 12, 2023 at 7:49 am
  మిత్రమా
  ధన్యవాదాలు.
  
  Log in to Reply
3

డా కె.ఎల్.వి.ప్రసాద్
February 12, 2023 at 7:52 am
It’s a nice motivation essay to encourage reading skill for future generations
–D.Rajasekhar
Kakinada.

Log in to Reply
1. 3.1
  
  డా కె.ఎల్.వి.ప్రసాద్
  February 12, 2023 at 7:52 am
  Sekhar
  Thank you.
  
  Log in to Reply
4

డా కె.ఎల్.వి.ప్రసాద్
February 12, 2023 at 8:10 am
👏👏👏💐🙏నిజమే నండీ… ఒకప్పుడు నేను పుస్తకాలు చదవటమే మరో పనుండేది కాదు… నేను రచనలు చెయ్యటం మొదలెట్టిన తరువాత… Raanu… రాను చదవటంపై ఆసక్తి తగ్గిపోయింది… !
ఇప్పుడు అస్సలు చదవాలనిపించటం లేదు… !!
—కోరాడ నరసింహారావు
విశాఖపట్నం.

Log in to Reply
1. 4.1
  
  డా కె.ఎల్.వి.ప్రసాద్
  February 12, 2023 at 8:11 am
  కోరాడ వారూ
  ధన్యవాదాలండీ
  
  Log in to Reply
5

sunianu6688@gmail.com
February 12, 2023 at 9:39 am
చాలా బాగా చెప్పారు sir! నాకు కూడా పుస్తక సేకరణ మీద చాలా ఆసక్తి ఉంది. ఈ మధ్య ఉద్యోగ భాధ్యత ల వలన ఎక్కువగా చద వలేకపోతున్నందుకు చాలా భాధగా ఉంది. నేను కాలేజీ లో చదివేటప్పుడు లైబ్రరీలో ఎక్కువ సమయం గడిపేదాన్ని. మా లైబ్రేరియన్ మేడమ్ గారు కూడా వచ్చిన ప్రతి పుస్తకం ముందుగా నాకు దాచి ఇచ్చి తర్వాతే లైబ్రరీ లో పెట్టేవారు. మా ఫ్రెండ్స్ కూడా నేను కనబడక పోతే లైబ్రరీ కి వచ్చేవారు. నేను అక్కడే వుంటానని వారి గట్టి నమ్మకం. ఇప్పటికీ నా దగ్గర చాలా మంది రచయిత ల పుస్తకాలు నా దగ్గర వున్నవి. దురదష్టమేమిటనటే నా పిల్లలకి ఎంత అలవాటు చేయాలన్న పుస్తకపఠనం అలవాటు చేయలేక పోయాను. రచయిత గారు చెప్పినట్లు ప్రతి ఒక్కరూ పుస్తక సేకరణ,pusthakapatanam చేస్తే మన భాష కి మనం కా పా డుకున్నవా రం అవుతాం. రచయిత Dr KLV ప్రసాద్ గారికి హదయపూర్వక ధన్యవాదాలు 👌👍🌹

Log in to Reply
1. 5.1
  
  డా కె.ఎల్.వి.ప్రసాద్
  February 12, 2023 at 10:30 am
  చాలా బాగా రాసారు
  ధన్యవాదాలు మీకు.
  
  Log in to Reply
6

Bhujanga rao
February 12, 2023 at 10:25 am
పుస్తక పఠనం ప్రాముఖ్యత గురించి బాగా చెప్పారు. ఇపుడు పిల్లలు ఇంకా మొబైల్ ఫోన్స్ ద్వారా చదవటం వ్రాయటం జరుగుతుంది. స్కూళ్లలో కూడా వాటి వినియోగం ఇంకా కనపడుతుంది ఇది మన పిల్లల దుదృష్టం. పుస్తకాలు చదవటంవల్ల ఇతరులతో సంబంధాలు మెరుగుపడి,ఒత్తిడి తగ్గి మన జ్ఞాపకశక్తి మెరుగు పడుతుంది దానితో మానసికంగా, శారీరకంగా ఆరోగ్యం మెరుగుపడుతుంది.నాకు మాత్రం మీ ద్వారానే పుస్తకాలు చదవడం చాలావరకు అలవాటైంది సర్.చిరిగిన చొక్కా అయిన వేసుకో…కానీ ఓ మంచి పుస్తకం కొనుక్కో కొటేషన్ బాగుంది.డాక్టర్ గారికి హృదయపూర్వక నమస్కారములు🙏.

Log in to Reply
1. 6.1
  
  డా కె.ఎల్.వి.ప్రసాద్
  February 12, 2023 at 10:31 am
  బాగా చెప్పారు
  భుజంగరావు గారూ
  మీ స్పందనకు ధన్యవాదాలు సర్
  
  Log in to Reply
7

డా కె.ఎల్.వి.ప్రసాద్
February 12, 2023 at 11:35 am
Dr klv Prasad garu in our olden days there is no cell phones,no TV,only Radio is available and also we are listening our parents words, we read magzines balamitra, bommarillu,chandamama,and books and going to libraries, in schools,drawing, craft classes, games periods, now cellphones,TV’s, iphones ect..and they are bussy in school project works,there is no time for reading books, 20%people are reading books now also. So generation changed. That’s my opinion Dr garu,
—-S.Rajeswara rao
Hyderabad.

Log in to Reply
1. 7.1
  
  డా కె.ఎల్.వి.ప్రసాద్
  February 12, 2023 at 11:36 am
  Thank you Rao garu.
  
  Log in to Reply
8

డా కె.ఎల్.వి.ప్రసాద్
February 12, 2023 at 12:28 pm
పుస్తక పఠనం యొక్క ప్రాముఖ్యతను రచయితగారు ఈ వారం ముఖ్యాంశంగా ఎన్నుకొని వివరించిన విధానం చక్కగా ఉంది. ఏదో..టైంపాస్ కి న్యూస్ పేపర్ తిరగవేసినట్లు కాకుండా ఆరోగ్యము మరియు మానసిక పరిరక్షణ కోసం ఉదయం పూట నడక, వ్యాయామము లేదా యోగాసనాలు, ధ్యానము మొదలగు వాటిని నిత్య వ్యాపకంగా కొనసాగించినట్లు అవకాశం ఉన్నవారు తమ తమ అభిరుచికి అనుగుణమైన అంశాలతో కూడిన పుస్తకాలను చదవడం వలన విజ్ఞానంతో పాటు ఆత్మసంతృప్తి కూడా కలుగుతుంది
—–బి.రామకృష్ణ రెడ్డి
సఫిల్గూడ

Log in to Reply
1. 8.1
  
  డా కె.ఎల్.వి.ప్రసాద్
  February 12, 2023 at 12:29 pm
  మీ స్పందనకు
  ధన్యవాదాలు మీకు
  
  Log in to Reply
9

పుట్టి. నాగలక్ష్మి
February 12, 2023 at 1:57 pm
మన బాల్యపు పరిస్థితి ఇప్పుడు లేదు.. నిజం చెప్పాలంటే పాఠశాలలకు పుస్తకాల పంపకం, లైబ్రరీ పీరియడ్ ఇప్పటికీ అమలు జరుగుతున్నాయి.. కాని చరవాణి బానిసలైన పిల్లలు చదవడానికి ఇష్టపడడం లేదు.. ముఖ్యంగా కోడ్ త్సునామీ తర్వాత.. చరవాణి చదువులు.. పిల్లలను పుస్తకాలకి మరింత దూరం చేశాయి.. మీ విశ్లేషణ బావుంది.. మారే పరిస్థితులకోసం ఎదురుచూద్దాం

Log in to Reply
1. 9.1
  
  డా కె.ఎల్.వి.ప్రసాద్
  February 12, 2023 at 5:44 pm
  అవునండీ ధన్యవాదాలు.
  
  Log in to Reply
10

శ్యామ్ కుమార్ చాగల్
February 12, 2023 at 2:48 pm
పిల్లలు చదవటం లేదు, నిజమే, కానీ పెద్దలేమాత్రం చదువుతున్నారు కనక. ఎంతసేపు కొత్త బిచ్చగాడిలాగా పొద్దున్నే లేచి ,ఎఫ్బీ లో,వాట్స్ అప్ లో గుడ్ మార్నింగ్ లు, గొప్ప గొప్ప నీతులు ఫార్వర్డ్ చేయటం తప్ప. పిల్లలను అనటం తప్పే. ఎందుకంటే వాళ్ళు పాఠ్య పుస్తకాలు ముందేసుకుని కూర్చుంటే పెద్దలకు తృప్తి. అదే ఏ కథలో చదివితే మాత్రం వెంటనే పరీక్షల్లో వచ్చిన మార్కులు గుర్తొచ్చి ఆ పెద్దలే తిడతారు.
పుస్తక పఠనం గురించి మనకు పాత జ్ఞాపకాలు తప్ప ఇంకేమీ లేవు.

ఎందుకో గానీ నా కూతురు , కొడుకు మాత్రం ఇప్పటికీ వివిధ రకాలయిన పుస్తకాలు కొని చదివేస్తూ వుంటారు. అవి చాలా మంచి రచనలు.వాటిని చదివే ఓపిక నాకు లేదని పించింది.
లైబ్రరీ తలుపులు తీసే సమయానికంటే ముందే నేను, స్నేహితుల తో వెళ్లి తలుపు పక్కన కూర్చొని వాచ్మాన్ గురించి ఎదురు చూసే వాళ్ళం.
కొన్ని సారూ పుస్తకాలిచ్చి స్నేహం చేసే వాళ్ళం. మరీ ముఖ్యంగా అమ్మాయిలకు.
పుస్తకాల సేకరణ విషయానికొస్తే సేకరణ తేలికే కానీ అవి దాచుకోవటానికి బీరువాలు, అల్మిరాలు సమకూర్చుకోవడం కష్టం ఎందుకంటే వాటిని ఫ్రీ గా ఎవరూ ఇవ్వరుగా.
పుస్తకావిష్కరణ.!! చాలా వరకూ అదొక ప్రణాళిక లేని కార్యక్రమం. కొన్ని చోట్ల కనీసం ఆహుతుల్ని పలకరించేవారు వుండరు. పిలిచినవారు చాలా బిజీ గ వుంటారు. కొన్ని సార్లు మంచి నీరు ఇచ్చే సౌకర్యం కూడా ఉండదు. కొందరు టీ ఇస్తారనుకోండి.
నాకొకటి అర్థం కాలేదు, వచ్చిన వారందరూ ప్రేమ తో ,అభిమానం తో ఎంతో దూరం నుండీ వస్తారు కదా వారికి సాదా సీదా భోజనాలయిన పెట్టొచ్చుగా. పుస్తక ప్రచురణకయ్యే ఖర్చులో అదే మూలకు కాదు నిజం చెప్పమంటే.

పుస్తక సేకరణ , ముందు గదిలో ఒక అలంకార వస్తువుగా వాటిని పెడుతున్నారు తప్ప, రచయిత గారు అన్నట్లుగా చదివి కాదు.
పుస్తక ప్రచురణ అనేది ఒక, రచయిత కు పూర్తి చేయవలసిన యజ్ఞం లాంటిది.
ప్రస్తుతం లైబ్రరీ అనేది పోటీ పరీక్షలకు కావలిసిన పుస్తకాలిచ్చే కేంద్రంగా మారిపోయింది. అసలు నిజం చెప్పాలంటే చదవటం చాలా తేలికైన పని , అన్నింటికంటే . అయితే చదవటానికి కావలిసింది సమయం కాదు అభిలాష.
నిజానికి మన రచయితలందరూ ఇఒకప్పటి గొప్ప పాఠకులే . అయితే ఇక్కడ విచిత్రం ఏమిటంటే , వీరు మంచి రచయితలుగా మారిన తర్వాత అసలు చదవరు. చాలా గొప్పవారిగా మారిపోయిన అహంభావం అనేది ప్రవేశించి
ఇతర రచనలు తక్కువ గా చూసి, చదవం మానేస్తారు. దానికి వారు చెప్పేది “ఆబ్బె సమయం ఎక్కడుంది ?” అని.

కాలేజీల్లో బహుమతి గా పుస్తకం వస్తే ఎంత ఆనందం పడే వాళ్ళమో మనకే తెలుసు.
ఇంట్లో పుస్తకాల లభ్యత , పెద్దవాళ్ళు చదవటం అనేదే తర్వాతి తరానికి చదవటం లో ఆసక్తిని రేపుతుందనేది సత్యం.

మంచి విషయాన్ని మన ముందుంచిన రచయిత మరియు సంపాదకులకు నా నమస్సుమాంజలి.

Log in to Reply
1. 10.1
  
  డా కె.ఎల్.వి.ప్రసాద్
  February 12, 2023 at 5:43 pm
  మిత్రమా
  నీ సుదీర్ఘ స్పందనకు
  హృదయ పూర్వక కృతజ్ఞతలు.
  
  Log in to Reply
11

డా కె.ఎల్.వి.ప్రసాద్
February 12, 2023 at 5:35 pm
Already read. Simply superb. Vastavanni kallaku kattinattugaa chepparu ade rachincharu
—-‘mrs Leela.chagal
Nizamabad.

Log in to Reply
1. 11.1
  
  డా కె.ఎల్.వి.ప్రసాద్
  February 12, 2023 at 5:37 pm
  Thank you Leela.
  
  Log in to Reply
12

డా కె.ఎల్.వి.ప్రసాద్
February 12, 2023 at 8:30 pm
జ్ఞాపకాల పందిరి 149 ..పుస్తకాలు చదవడం గురించి రాశారు. ఈ కాలంలో పాఠ్యపుస్తకాలు చదవడానికే విద్యార్థులకు సమయం సరిపోవడంలేదు. దానివల్ల మిగతా పుస్తకాలు చదవడానికి సమయం దొరకడంలేదు. మీరు చెప్పినట్టుగా, పిల్లలు చందమామ, బాలమిత్ర వంటి నీతికథల పుస్తకాలు చదివేవారు. నేను సైతం చిన్నప్పుడు చదివాను. చరవాణి, టివి ప్రవేశంతో పుస్తక పఠనం తగ్గింది. చక్కటి కథనం. అభినందనలు.
—–జి.శ్రీనివాసాచారి
ఖాజీపేట

Log in to Reply
1. 12.1
  
  డా కె.ఎల్.వి.ప్రసాద్
  February 12, 2023 at 8:30 pm
  చారిగారూ
  మీ స్పందనకు ధన్యవాదాలు సర్.
  
  Log in to Reply
13

డా కె.ఎల్.వి.ప్రసాద్
February 12, 2023 at 8:33 pm
ఈ వారం చాలా మంచి విజ్ఞాన దాయక విషయాన్ని జ్ఞాపకాల పందిరి లో దాచి అందరి దృష్టికి తేవడం చాలా ఆనందకరం సార్. ఒకప్పుడు ఇంట్లో నన్ను పుస్తకాల పురుగు అనేవారు. మా నాన్న గారు శ్రీశైలం ఇరిగేషన్ డిపార్ట్మెంట్ లో పని చేసేటప్పుడు ఆఫీసర్ల కు కాలనీ లా కట్టి అన్నీ సదుపాయాలతో పాటు లైబ్రరీ కూడా ఉండేది. నేనప్పుడు ఇంటర్ చదివే రోజులు. అమ్మకు నవల్స్ వార మాస పత్రికలు చదివే విపరీతమైన అలవాటు. ఆ అలవాటు తో నేనూ అన్నీ పుస్తకాలు చదివేదాన్ని . ఆదివారం వస్తే సంతోషం మరిన్ని పుస్తకాలు చదవచ్చని. ఒక మంచి రచయిత పుస్తకం చదివితే మిగిల్చే ఆ అనుభూతి అనిర్వచనీయమైనది. ఆ సంతోషం, ఉత్సాహం అనుభవించిన వారికే తెలుస్తుంది. జర్నీ లో ఏది మర్చిపోయినా పుస్తకాలు మాత్రం మర్చి పోయే దాన్ని కాదు. ఇప్పుడు ఓ చిన్న బాధ బాధ్యత ల వలయంలో చిక్కు కుని వాటికి దూరమవుతున్నానని , అయినా ఖాళీ దొరికితే మాత్రం చదవడానికి ముందు నా ఓటంటాను. అందమైన మీ చక్కని గ్రంథాలయాన్ని చూపించారు సార్. ముద్దుల ఆన్షి ముమ్మాటికి మీ వారసురాలే . చాలా చాలా మంచి విషయంతో వ్రాసిన ఆర్టికల్ అద్భుతంగా ఉంది సార్. హృదయపూర్వక శుభాకాంక్షలు శుభాభినందనలు మీకు. మీ మరో విలువైన జ్ఞాపకము కోసం ఎదురు చూస్తూ సెలవు
👏👌💐👏👌💐👏👌💐👏👌💐🙏🙏🙏🙏

మొహమ్మద్ .అఫ్సర వలీషా
ద్వారపూడి (తూ గో జి)

Log in to Reply
1. 13.1
  
  డా కె.ఎల్.వి.ప్రసాద్
  February 12, 2023 at 8:33 pm
  అమ్మా…
  నీ స్పందనకు ధన్యవాదాలు .
  
  Log in to Reply
14

డా కె.ఎల్.వి.ప్రసాద్
February 12, 2023 at 10:30 pm
మస్తకానికి పుస్తకాన్ని మించిన నేస్తం మరోటి లేదు.ఈ నిజం మీ తరం నుండి ఇప్పటి తరం వరకూ గ్రహించిన ప్రతి వారం పుస్తకం ద్వారా పొందే ఆనందాన్ని అనుభవిస్తూనే ఉన్నాం సర్.ఆ అభిరుచి ఏర్పడడమే అభివృద్ధి కి నాంది అని నా నమ్మకం.నేటి తరం పై మాత్రం ఆ ఆశలు అంతంత మాత్రంగానే ఉన్నాయి.సెల్ఫోన్ పుస్తకానికి బద్ధ విరోధై కూర్చుంది. పుస్తకాలు సేకరించడం కన్నా వాటిని వెంటనే చదవాలి అనే స్పృహ కలిగి ఉండడం ముఖ్యం అని మీరు చెప్పింది సత్యం.మీ బాల్యం పుస్తకాల నడుమ వికశించడం దానికి వారసురాలిగా మీ ముద్దుల మనమరాలు ఎదగడం ఎంతో హర్షించదగ్గ విషయం సర్.మంచి పుస్తకమంటి అంశాన్ని ప్రస్తావించారు ధన్యవాదాలు సర్🙏💐💐💐
నాగజ్యోతి శేఖర్
కాకినాడ.

Log in to Reply
1. 14.1
  
  డా కె.ఎల్.వి.ప్రసాద్
  February 12, 2023 at 10:31 pm
  అమ్మా మీ స్పందనకు ధన్యవాదాలు .
  
  Log in to Reply
15

డా కె.ఎల్.వి.ప్రసాద్
February 14, 2023 at 7:42 am
149 వ సంచిక.
నేను చదివిన మా ఊరి హడిలో ( 7వతరగతివరకే వుండె) లైబ్రరీ ఇన్ చాల్జ్ గా షణ్ముఖాచారిసర్ వుండేవాడు .ఆరోజుల్లో చందమామ,బాల,వంటిపత్రికలు రాగానే నేనే తీసుకునేవాడిని.వేరేపుస్తకాలు అప్పట్లో నాకు పరిచయం లేదు.మాఊరిలో రంగారావుగారని ఒకవతన్ దార్ ఉండేవాడు ఆయనదగ్గర,చాలాపుస్తకాలుండేవి.1952 ప్రాంతంలో మాఅమ్మ గారు,చనిపోయింది.మాయింట్లో భారత,భాగవతాలు ఉండేవి కాని అవ్వి మాయాతలనాటివి లేదా మానాన్న గారి తాతలనాటివి కాగితాలు మ్యినిఫోల్డ్ కాగితాలవలె గోధుమరంగులో వుఅండేవి కమ్మలు తిప్పటం కష్టంగావుండేది.అచ్చు ఇప్పటిలా కాక ఈచివరినుంచి ఆచివరివరకు అచ్చువేసి వుండేది పద్యం లోని లైను లైనుకు ఒక నిలువు గీత పద్యంచివరన రెండు నిలువు గీతలుండేవి.మానాన్నశగారువమనశ్శాంతికోసం మహాభారతమంతా అప్పుడు చదివిండు మానాన్న దోస్తు నర్సయ్య పటేలు రోజూవచ్చి కూర్చునేవాడు పగలు .తాను చదివి ఆయనకు చెప్పేవాడు మానాయన. అయితే రంగారావు గారిదగ్గరనుంచి ప్స్తకాలు తేవటం నావంతు.రంగారావు మామ ఇగో రామచంద్రయ్యా తీస్కపోయిన పుస్తకం తెస్తేనే ఇంకొక పుస్తకం ఇచ్చూడు ఆ .అని కచ్చితంగా ఒకపుస్తకం ఇస్తేనే ఇంకో పుస్తకం ఇచ్చేది.అట్ల మానాయన మహాభారతం చదివి నర్సయ్య పటేలుకు చెప్పుతుంటేవనేనూ వినేవాడిని పెద్దగా తెలిసేదిగాదు గాని మొత్తం భారతం మానాయన చదువగా విన్న. మా ఆర్థికపరిస్థితి పుస్తకాలు కొనటానికిఅనువుగా లేకుండె చదువుకునే రోజులల్ల హనుమకొండల డిటెక్టివ్ పుస్తకాలు బాగ చదివేవాణ్ణి.డిగ్రీకి వచ్చినాంకనే సాహిత్యానికి సంబంధించి కాశీభజిలీకథలు ప్రబంధ్లు వంటివి చదివినశమాగురువులు జీవీఎస్వగారి ప్రభావంతో .
మిత్రమండలి వేరు వేరు పుస్తకాలు చదివే అలవాటు చేసింది.ఏమి చదివినానో కాని సంపాదించిన జ్ఞానం అంతంత మాత్రమే.
మన చూట్టున్న వ్తావరణంకూడా మనమీద ప్రభావం వేస్తదని మిరన్నది నిజమే ఇప్పుడు పాఠ్య పుస్తకాలు అదికూడా ఇంప్ర్టెంట్ అని టిక్కులువపెట్టినవేశచదువుతున్నరు పిల్లలు.
లైబ్రరీ నార్వహించటం లో మిరన్న విషయాలు సరైనవే .
అస్తు.
—రామశాస్త్రి

Log in to Reply
1. 15.1
  
  డా కె.ఎల్.వి.ప్రసాద్
  February 14, 2023 at 7:43 am
  మీ జ్ణానాం అంతంత మాత్రం కానే కాదు.మీ జ్ఞాపకశక్తి అమోఘం.ఇది నేను చాలా ఆలస్యం గా తెలుసుకున్నాను.గొప్పవాళ్ళు ఎప్పుడూ తమని తాము టగ్గించుకుంటారు.అదే మీ గొప్పతనం.మీ పరిచయం నాకు గొప్ప విజ్ఞానం.ఇది ముఖ స్తుతి కాదు శాస్త్రి గారూ.ధన్యవాదాలు.
  
  Log in to Reply
16

డా కె.ఎల్.వి.ప్రసాద్
February 15, 2023 at 6:43 am
Baagundi sir but now digital system has come that’s why printing of books are need basis only.
But like physical books only.
–KJ srinivas
Hyderabad.

Log in to Reply
1. 16.1
  
  డా కె.ఎల్.వి.ప్రసాద్
  February 15, 2023 at 6:44 am
  Ofcourse Srinivas garu.
  
  Log in to Reply