జ్ఞాపకాల పందిరి-124 | సంచిక - తెలుగు సాహిత్య వేదిక

జ్ఞాపకాల పందిరి-124

ఓటెవరికి..!?

ఐదు సంవత్సరాలకొకసారి ఎన్నికలు జరుపుకుని మనకు ఇష్టమైన నాయకులను మనం ఎన్నుకోవడం రాజ్యాంగం మనకు కలిగించిన ఒక సదవకాశం. ఎన్నికల సమయంలోనే ‘ఓటు’ (vote) అనే మాట అందరి నోళ్ళల్లోనూ నానుతుంది. నాయకుల నోళ్ళల్లో వింత వింతగా నాట్యం చేస్తుంది. వార్తాపత్రికలు, టెలివిజన్ ఛానళ్లు ఎన్నకలకు ముందు, తర్వాత అదే మాట పదే పదే వల్లె వేస్తుంటాయి. ఎన్నికలు పూర్తికాగానే నాయకుల నోరు పడిపోతుంది. మళ్ళీ అయిదు సంవత్సరాలవరకూ వారి నోరు, ఓటు అన్నమాట పలకదు.

ఓటు అనేది, ఓటు హక్కు వున్న ప్రతి పౌరుడి ప్రాథమిక హాక్కు. అది కూడా స్వేచ్ఛగా, తమకు ఇష్టమైనవారికి, ఎవరి ఒత్తిడి లేకుండా, ఎవరి ప్రభావం పడకుండా, ఏ పార్టీ ప్రమేయంతో సంబంధం లేకుండా ఓటు వేసి గెలిపించుకునే వెసులుబాటు మనకు భారత రాజ్యాంగం కల్పించింది. ఎవరి ప్రలోభానికీ లొంగకుండా జరిగిన భారతదేశ ఎన్నికల చరిత్రలో మొదటి ఎన్నికలు సజావుగానే సాగినట్టు నాటి ఎన్నికల ఫలితాలు స్పష్టం చేశాయి. తర్వాతి కాలంలో ‘ఓటరు’ క్రమంగా, తాను ఓటు వేసే స్వేచ్ఛను కోల్పోతూ వచ్చాడు.

దీనికి అనేక కారణాలు వున్నాయి. అధికారం రుచి మరిగిన పార్టీలు/నాయకుల నియంతృత్వ ధోరణి పెరిగింది. అమాయక/పేద ఓటరును, రకరకాల తాయిలాలూ ఎర చూపి వశపరచుకోవటం మొదలయింది. ప్రాంతాలవారీగా ఆ ప్రాంతనాయకులు ప్రజలను వశపరుచుకొని, ఎప్పటికీ తామే ఎన్నికలలో గెలిచే వ్యూహాలు మొదలయ్యాయి. క్రమంగా ఓటరు పరిస్థితి దిగజారుతూ వస్తున్నది. అలా అని, అందరినీ అదే జాబితాలో చేర్చవలసిన అవసరం లేదు, కొద్దిమంది మంచివారు, నీతిమంతులు అసలు లేకపోలేదు. కానీ వారంతా ఈనాడు సముద్రంలో నీటిబొట్టంత!

ప్రస్తుతం ఎన్నికలు ఒక ప్రహసనంగా మారిపోయాయి. కండబలం, ధనబలం రాజ్యమేలుతున్నాయనే చెప్పాలి. లేకుంటే, ఎన్నికల్లో గూండాయిజం అవసరం రాదు. ఎన్నికలప్పుడు అభ్యర్ధికి కోట్ల కొద్దీ డబ్బు ఖర్చు కాదు! రౌడీలు, గూండాలు, దోపిడీదారులు, రాజ్యాలు ఏలే పరిస్థితి రాదు. మన ప్రజాస్వామ్య దేశంలో ఇలాంటి ఎన్నికల దుస్థితిని ఎవరూ ఊహించి వుండరు.

ఎన్నికల సంస్కరణలలో గొప్ప సాహసిగా, క్రమశిక్షణ గల ఎన్నికల అధికారిగా శ్రీ శేషన్ భారత ప్రజల మనస్సుల్లో నిలిచిపోయారు. అది ఒక చరిత్ర. తర్వాత పరిస్థితి మరింత దిగజారిపోయింది అనడంలో ఎలాంటి సందేహమూ లేదు. పార్టీలకు, నాయకులకూ, పదవీ వ్యామోహకులకు ఒక కిటుకు అర్థమైంది. అది వారికి ఆయుధమైంది (ఓటును, ఆయుధంగా ఉపయోగించు కోవలసినవారు, నిర్వీర్యం అయిపోయారు).

ఆ కిటుకు ఏమిటంటే, అసలు ఓటును తప్పక ఉపయోగించుకునేవారెవరు? ఓటును ఒక సాధారణ అంశంగా తీసి పారేసేవారు ఎవరు? పల్లెల్లో ఓటింగ్ ఎక్కువ ఉంటుందా? పట్నాలలో ఎక్కువ ఉంటుందా? విద్యావంతులు, ఉద్యోగులు ఎక్కువమంది ఓటింగ్‌లో పాల్గొంటారా? నిరక్షరాస్యులు, కూలినాలి చేసుకునే పేదవారు ఎక్కువ పాల్గొంటారా? అన్నది విశ్లేషించి ఒక నిర్ణయానికి వచ్చేసారు.

విద్యావంతుల వల్ల, ఉద్యోగుల వల్ల పెద్దగా ప్రయోజనం లేదని తేలిపోయింది. తాత్కాలిక తాయిలాలకు లొంగదీసుకునే వెసులుబాటు నాయకులకు కలిగింది. ఇక ప్రభుత్వాలు నడుపుతున్నవాళ్ళు, ‘ఉచితాల’కు శ్రీకారం చుట్టారు. పేదవారి నాడి తెలుసుకుని, చివరిక్షణంలో డబ్బు – మద్యం, చీరలు, ఇతర బహుమతులు ఓటర్లకు అందించే ప్రయత్నాలు మొదలయ్యాయి. ప్రజాధనంతో, ముఖ్యమంత్రుల పేరుతో (అది వారి సొంత జేబునుండి ఇస్తున్నట్టు) అనేక తాత్కాలిక స్కీమ్‌లు మొదలయ్యాయి. కూలీనాలీ చేసుకునేవాళ్ళు పని చేయడం మానేసి బద్ధకిస్టులుగా నిర్వీర్యులైనారు. ప్రజానాయకులను ప్రశ్నించే అర్హతను కోల్పోయారు. చౌకబారు స్కీములతో, రాష్ట్రాలు అప్పులు పాలుకావడం మొదలయింది. అభివృద్ధి కుంటుపడిపోతున్నది.

ఇకపోతే రెండవదిగా, ప్రతిపక్ష పార్టీలు ఆయా ప్రజల అండదండలతో ఎన్నికలలో గెలుపొంది, తర్వాత అధికారపార్టీ వారి ఆకర్షణకు లోనై, క్షణాల్లో కండువాలు మార్చేయడం ద్వారా, ప్రజలను మోసం చేయడమే కాదు, ప్రతిపక్షాలు అనేవి శాసనసభల్లో లేకుండా పోతున్నాయి. అందుచేత అవకతవక పరిపాలనలను ప్రశ్నించేవారు కరువైనారు. ఆ విధంగా ‘ఓటు’ తన విలువను కోల్పోయి క్రమంగా ప్రజలలో నిరాశ-నిస్పృహలకు కారణం అవుతున్నది. ఓటు విలువ సామాన్య ప్రజానీకానికి అర్థం అయ్యేవరకు పరిస్థితి మరింత దిగజారి రాష్ట్రాల ఆర్థిక పరిస్థితులు చిన్నాభిన్నం అయ్యే ప్రమాదం లేకపోలేదు. ఉచితాలు, ఎప్పటికీ తాత్కాలికమేనని, ఇవి పేద ప్రజలను మరింత పేదవారిగా మార్చడానికి పనికి వస్తాయని, ఆయా వర్గాలు తెలుసుకునేవరకు పరిస్థితులు ఇలా ప్రమాద ఘంటికలు మ్రోగిస్తూనే ఉంటాయి. అలాగే ఓటింగ్ యంత్రాల పనితీరు కూడా ఈ మధ్యకాలంలో ప్రశ్నార్థకమైంది. ప్రజలలో ఉత్పన్నమవుతున్న అనుమానానాలకు సరైన సమాధానం చెప్పగల అధికార గణం కరువైయింది.

ఇప్పుడు ఓటరు పరిస్థితి అయోమయంలో పడింది. ఎవరికి ఓటు వేయాలి?అని. ఎవరు సమర్థులు? ఎవరు అసమర్ధులు? అని. తాము ఓటు వేస్తున్న ఎలక్ట్రానిక్ యంత్రాలు సరిగా పని చేస్తున్నాయా? లేదా? అని. ప్రజాస్వామ్యబద్ధంగా తమ ఓటు ఎంతవరకూ ప్రయోజనకారిగా ఉంటుందన్నది? సమాజంలో త్వరలో ఒకమార్పు వచ్చి పై ప్రశ్న లన్నింటికీ సరైన సమాధానం దొరుకుతుందని ఆశించడంలో తప్పు లేదనుకుంటాను.

ఈ ఓటు గురించి నా అనుభవం ఒకటి చెప్పి ఈ వ్యాసానికి ముగింపు పలుకుతాను. నేను హైదరాబాద్‌లో విద్యార్థిగా వున్నప్పుడు మొదటిసారి నా పేరు ఓటరుగా నమోదు చేయించుకున్నాను. నేను అప్పుడు మా అన్నయ్య దగ్గర ఉండేవాడిని. అందుచేత కాకతీయనగర్ కాలనీ (నియోజకవర్గం పేరు గుర్తులేదు) చిరునామాతో నా ఓటు రికార్డుల్లో నమోదు అయింది. ఎన్నికల సమయంలో, నేను, మా అన్నయ్య, వదిన, ఓటు వేయడానికి వెళ్ళాము. చాలా సేపు క్యూలో నిలబడిన తర్వాత మాకు ఓటు వేసే చాన్సు వచ్చి లోపలికి వెళ్ళాము. మమ్ములను ఆశ్చర్య పరచిన విషయం ఏమిటంటే మా ఓట్లు మూడూ అప్పటికే ఎవరో వేసేసారు. తర్వాత వివిధ సందర్భాల్లో నా ఓటు హక్కు వినియోగించుకున్నాననుకోండి, అది వేరే విషయం!

అయితే నేటి ఓటరు మదిలో తలెత్తుతున్న సందేహాలు ఏమిటంటే, ఓటు ఎవరికి వేయాలి? ఓటు వేసి గెలిపించిన వ్యక్తి అదే పార్టీలో ఉంటాడనే గ్యారంటీ ఉంటుందా? తరచుగా కండువాలు మార్చే నాయకులకు క్రమశిక్షణ చర్యలు ఎందుకు ఉండడం లేదు?ఈ సందేహాలకు సమాధానం కాలమే చెప్పాలి. అయితే ఓటు వున్న ప్రతి పౌరుడు తన అమూల్యమైన ఓటు వేసేటప్పుడు పార్టీలకు, కులాలకు, మతాలకు, బంధుత్వాలకు స్వంత ప్రయోజనాలకు ప్రాధాన్యత నివ్వకుండా, ఆ వ్యక్తి వ్యక్తిత్వానికి, మంచితనానికి, సేవాగుణానికి ప్రాధాన్యతనిచ్చి, నియోజకవర్గ అభివృద్ధికి కంకణం కట్టుకోగల వ్యక్తికి ఓటు వేసే ప్రయత్నం చేయాలి.

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
August 21, 2022 at 6:54 am
సంచిక-అంతర్జాల పత్రిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు
—–డా కె.ఎల్.వి.ప్రసాద్
హన్మకొండ జిల్లా.

Log in to Reply
2

sagar
August 21, 2022 at 7:33 am
ఇందులో మొదటి ముద్దాయి ఓటరే కదా సర్ ? తాయిలాలకు లొంగకుండా ఓటువేస్తే తప్పుచేసిన నాయకుడిని ప్రశ్నించే హక్కు ఉంటుంది. తాయిలాలకు లొంగినతరువాత అతనికి ఆ హక్కు లేదు కదా? ఇక పార్టీలు మారే వారి విషయంలో పార్టీ ఫిరాయింపు నిరోదక చట్టం పటిష్టంగ ఉంటే తప్ప నేటి నాయకులకు బుద్ధిరాదు. సమకాలీన అంశంపై మంచి వ్యాసం ప్రచురించినందుకు ధన్యవాదములు మరియు శుభాకాంక్షలు సర్.

Log in to Reply
1. 2.1
  
  డా కె.ఎల్.వి.ప్రసాద్
  August 21, 2022 at 8:25 am
  బాగా చెప్పావు సాగర్
  కృతజ్ఞతలు.
  
  Log in to Reply
3

డా కె.ఎల్.వి.ప్రసాద్
August 21, 2022 at 7:55 am
ఎన్నికల విషయంలో నాటి.. నేటి పరిస్థితులను చక్కగా వివరించారు. ముగింపు suggestive గా ఉంది.. ఐతే చివరి లైన్.. ఇది క్లిష్టమైనదేమో.. అనేది అవసరం లేదనేది నా అభిప్రాయం..
—-వెంకటనరసయ్య
ఈనాడు…మహబూబాబాద్.

Log in to Reply
1. 3.1
  
  డా కె.ఎల్.వి.ప్రసాద్
  August 21, 2022 at 8:26 am
  మిత్రమా
  మీ సూచన బావుంది
  హృదయపూర్వక ధన్యవాదాలు.
  
  Log in to Reply
4

పుట్టి. నాగలక్ష్మి
August 21, 2022 at 8:01 am
ప్రస్తుత ఎన్నికల రాజకీయాల ముచ్చట సమకాలీన సమస్యలకు అద్దం పట్టింది.. ఓటు, ఓటర్లను గురించి నిజాలు చక్కగా వివరించారు.. 👍🙏🏻

Log in to Reply
1. 4.1
  
  డా కె.ఎల్.వి.ప్రసాద్
  August 21, 2022 at 8:27 am
  ధన్యవాదాలండీ.
  
  Log in to Reply
5

గీతాచార్య
August 21, 2022 at 8:09 am
చాలా లోతుగా విశ్లేషించాల్సిన అంశం. మంచి పాయింట్లు లేవనెత్తారు. మార్పు అన్నది ప్రజల వైపు నుంచీనే రావాలి

Log in to Reply
1. 5.1
  
  డా కె.ఎల్.వి.ప్రసాద్
  August 21, 2022 at 4:52 pm
  ధన్యవాదాలండీ
  
  Log in to Reply
6

Shyamkumar chagal
August 21, 2022 at 8:20 am
మన దేశంలో జరుగుతున్న ఓటు నోటు ఎన్నికల ప్రహసనం గురించి వివరించిన తీరు చాలా బాగుంది.
ఇందులో ప్రస్తావించిన ప్రతి విషయం అతి ముఖ్యమైనది. మొదట్లో జరిగిన ఎన్నికల నుంచి ఇప్పటి వరకు జరుగుతున్న బాధాకరమైన మార్పు మనకు తెలిసినదే అయినా ప్రస్తుతం దాని చదువుతుంటే మన దేశం యొక్క దౌర్భాగ్య స్థితిని చూసి ప్రతి ఒక్కరూ కంటనీరు పెట్టుకోవాల్సిందే. దేశంలో చదువుకున్న వారి సంఖ్య పెరిగే వరకు మార్పు వచ్చే పరిస్థితి కనబడటం లేదు.
ప్రతి వారం ఒక కొత్త విషయాన్ని మన దృష్టికి తీసుకు వస్తున్న రచయిత డాక్టర్ కే ఎల్ వి ప్రసాద్ గారికి అభినందనలు.
ప్రతి వారం ఒక కొత్త విషయాన్ని రాయడానికి ఎలా ఎన్నుకుంటున్నారు అన్నది నాకర్థం కావట్లేదు కానీ అది రచయిత గారి గొప్పతనం అని చెప్పాలి.

Log in to Reply
1. 6.1
  
  డా కె.ఎల్.వి.ప్రసాద్
  August 21, 2022 at 4:53 pm
  ధన్యవాదాలు
  మిత్రమా
  చాలా బాగా రాసారు
  
  Log in to Reply
7

Bhujanga rao
August 21, 2022 at 12:52 pm
జ్ఞాపకాల పందిరి 124 ఎపిసోడ్ ఓటెవరికి..!ప్రజాప్రతినిధుల ఎన్నికల విషయంలో అప్పటి ఇప్పుడున్న పరిస్థితులను చక్కగా వివరించారు. గెలిచాక ఏ పార్టీలో ఉంటాడో తెలియదు.పార్టీ ఫిరాయింపుల చట్టాన్ని పటిష్టంగా అమలు పర్చాలి. అంతే కాకుండా ఎన్నికల సమయంలో ఇచ్చిన వాగ్దానాలు నిలుపుకోకపోయినా ప్రజలు వారిని వెనుకకు పిలుపించే అధికారం (సదుపాయం) మన రాజ్యాంగంలో తప్పనిసరి చేయాలి,ఉచిత తాయిలాలు లేకుండా చేయాలి,అప్పుడే సమాజానికి సేవ చేసినవారు అవుతారు.ఓటర్లు కూడా తమ ఓటు హక్కును వారిచ్చిన ప్రలోభాలకు బానిసలు కాకుండా వారి హక్కును వినియోగించుకున్నప్పుడే సమాజం బాగుపడుతుంది. ప్రతి వారం వినూత్నమైన విషయాలు అందిస్తున్న మీకు ధన్యవాదములు సర్🙏

Log in to Reply
1. 7.1
  
  డా కె.ఎల్.వి.ప్రసాద్
  August 21, 2022 at 4:55 pm
  భుజంగరావు గారూ
  చాలా బాగా విశ్లేషించారు
  కృతజ్ఞతలు మీకు.
  
  Log in to Reply
8

Rajendra Prasad
August 21, 2022 at 10:45 pm
Educated also voting with bias based on community, without rationale. Aligned to parties with no valid reasons. Many rich and salaried class ignore voting. Poor people influenced by money.
యధా ప్రజా! తధా రాజా

– మీ రాజా

Log in to Reply
1. 8.1
  
  డా కె.ఎల్.వి.ప్రసాద్
  August 22, 2022 at 6:28 am
  బాగా చెప్పారు
  ధన్యవాదాలు మీకు.
  
  Log in to Reply
9

డా కె.ఎల్.వి.ప్రసాద్
August 22, 2022 at 6:27 am
రాజకీయాలు కుళ్ళి కంపు కొడుతున్నై !ఆలోచించే ఓటరు అసలు ఓటు వెయ్యటానికే ఇష్టపడటం లేదు !!రాజకీయనాయకులూ మారరు
ఓటరుఇంక మారే అవకాశమే లేదు “! కాలమే ఏదో అద్భుతం చేస్తుంది… వేచి చూడటమే !🙏💐🙏
—-కోదాడ నరసింహారావు
విశాఖపట్నం

Log in to Reply
1. 9.1
  
  డా కె.ఎల్.వి.ప్రసాద్
  August 22, 2022 at 6:28 am
  కోరాడ వారికి
  కృతజ్ఞతలు.
  
  Log in to Reply
10

డా కె.ఎల్.వి.ప్రసాద్
August 22, 2022 at 9:28 am
వ్యాఖ్యానించటానికి ఏమీలేదుఎందుకంటే విభేదించవలసిన అంశాలేవీలేవు.
ఓటు వేయటం విషయంలో పల్లెవాసులేనయమేమో .ఓటర్ల జాబాతాలో పేరులేకపోతే తను చచ్చిపోయినట్టే అనుకుంటడు.తప్పనిసరిగా ఓటువేయాలనుకుంటడు .దానిని ప్రభావపరచే డబ్బు సంగతి అట్ల ఉంచండి. చదువుకున్న వాడు లేదా మేధావినని అనుకునేవాడు ఓటువిషయంలో చాలా నిర్లిప్తంగ వుంటున్నడు.ఆ ఎవడొస్తే ఏంది అందరూ దొంగలే దానికోసం అంతదూరం పోయి రావాలె ఎవడోవెధవ ఎన్నికైతడు కానీ మనంచేసేదేంలేదనే పద్ధతిలో ఆలోచిస్తున్నడు.
శేషన్ ఎలక్షన్ కమీషన్కు అధికారాలేవున్నయో చూపించిండు .రాజకీయుల లాగులు తడిపిండు.తరువాత ఆయనను నియమించిన పార్టీయే అధికారాలకు కత్తెర వేసింది.ఏరాజకీయపార్టీకి సంస్కరణలు అక్కరలేదు.ఎట్లాగో అట్లా పవర్ కు రావాలె అంతే. అసలు ఎన్నికల సిస్టమ్ లో మార్పు రావాలేమో.ఓటర్ల సంఖ్యలో కనీసంశయాభైశాతం అన్న ఓట్లు వస్తేనే గెలిచినట్టు అని.ఇప్పుడున్న సింపుల్ మెజారిటీ కాదు .పది ఓట్లలో నిలబడ్డ అభ్యర్థులలో ఎవడు ఎక్కువ ఓట్లు తెచ్చుకుంటే వాడే ఎన్నిక ఔతుండె.పోలైన ఎనిమిది ఓట్లలోనిలబడ్డ నలుగురిలోమూడు ఓట్లు వచ్చిన వాడు ఎన్నికౌతున్నడు మిగిలిన ఐదూ మిగిలాన నలుగురూ పంచుకుంటున్నరు .అందుకే ఓటర్ల సంఖ్యలో కనీసం సగమైనా ఓట్లు తెచ్చుకున్నవాడే గెలిచానట్టని వుంటే బాగుంటదేమో!?
దీనికీ తలపండిన రాజకీయులు ఏంఉపాయం కనిపెడతారో ? శతకోటిదరిద్రానికి అనంతకోటి ఉపాయాల లాగా.
నిర్బంధ ఓటింగ్ పెట్టవచ్చు.అప్పుడు ఈనిర్బంధమేమిటనే ప్రశ్నలు మొదలైతయేమో….
ఏమో…..
—-నాగిల్ల రామశాస్త్రి
హన్మకొండ.

Log in to Reply
1. 10.1
  
  డా కె.ఎల్.వి.ప్రసాద్
  August 22, 2022 at 9:29 am
  ధన్యవాదాలండీ
  శాస్త్రి గారు.
  
  Log in to Reply
11

డా కె.ఎల్.వి.ప్రసాద్
August 22, 2022 at 5:13 pm
ఓటు గూర్చి మంచి విశ్లేషణాత్మక వ్యాసం సర్.నిజమే మన ప్రాథమిక హక్కు అయిన ఓటు ని విజ్ఞత తో ఉపయోగించుకుని సరైన నాయకుల్ని ఎన్నుకోవాల్సిన గురుతర బాధ్యతను చక్కగా గుర్తు చేశారు.మన తలరాత మన చేతుల్లోనే అనే హెచ్చరిక సమయానుకూలంగా తెలియపర్చారు ధన్యవాదాలు సర్🙏💐
—-‘నాగజ్యోతి శేఖర్
కాకినాడ.

Log in to Reply
1. 11.1
  
  డా కె.ఎల్.వి.ప్రసాద్
  August 22, 2022 at 5:14 pm
  అమ్మా
  మీ స్పందనకు ధన్యవాదాలు.
  
  Log in to Reply
12

డా కె.ఎల్.వి.ప్రసాద్
August 22, 2022 at 9:52 pm
“ఈ దేశంలో మొట్టమొదటి అవినీతిపరుడు ఓటరు .వాడు మారితే కానీ దేశము బాగుపడదు. ” ఈ కొటేషన్ ఈ మధ్య కాలంలో ఎక్కడో చదివినట్లు గుర్తు… భారతదేశంలో నిజాయితీ ,నిబద్ధత ,ఆశ్రిత పక్షపాతం , కుల మత మరియు ప్రాంతీయతను ఆధారంగా చేసుకుని తమ మడుగను సాగిస్తున్న నాయకులకు మనము కొమ్ముకాస్తున్నంతవరకు మీరు ఆశించిన మార్పు దుర్లభం . మహనీయుడు మన రాజ్యాంగ సృష్టికర్త అంబేద్కర్ గారు భారత రాజ్యాంగం రూపొందించినప్పుడు కాలానుగుణంగా వచ్చే మార్పులకు అనుగుణంగా సవరణలకు అవకాశం కల్పించినప్పటికీ ,చేసిన సవరణలను అమలు పరచటంలో ప్రభుత్వాలు విఫలం అవుతున్నాయి .అందుకు కారణం భారత శిక్షాస్మృతి సవరణలకు అనుగుణంగా లేని ఒక పవిత్ర గ్రంథముగా భావించడం వలన నేమో !
ఏది ఏమైనప్పటికీ ప్రస్తుత రాజకీయ వ్యవస్థ గురించి మనలాంటి పౌరులు ఆలోచించటం ,చర్చించడం ,దానికి ఇటువంటి వేదికలో స్థానం కల్పించటం సమంజసం కాదేమో !ఆలోచించండి…( ఇది నా వ్యక్తిగత అభిప్రాయం మాత్రమే)
—బి.రామకృష్ణా రెడ్డి
అమెరికా.

Log in to Reply
1. 12.1
  
  డా కె.ఎల్.వి.ప్రసాద్
  August 22, 2022 at 10:00 pm
  ధన్యవాదాలండీ
  
  Log in to Reply
13

మొహమ్మద్ .అఫ్సర వలీషా
August 23, 2022 at 7:35 am
సమాజంలో ప్రతి ఒక్కరికి కాకపోయినా చాలా మందికి మాత్రం ఇది అర్థం కాని సందిగ్ధంలో పడేస్తుంది. ఎన్ని కల సమయం వచ్చేసరికి ఓటు ఎవరికి వేయాలని. ఎవరికి వారు కొత్త కండువాలతో కుప్పి గంతులేస్తుంటే ఎవరిది సరైన పాలన అనే సందేహం తప్పకుండా వస్తున్నది.ప్రజల పాలన కంటే తమ స్థానాల సుస్థిరత్వ మే సురక్షితంగా చూసుకోవడం లో నిమగ్నమై ఉన్నారు. చాలా బాధగా ఉంది సార్. చాలా మంచి విషయం వ్రాశారు మీ జ్ఞాపకాల పందిరిలో. హృదయపూర్వక శుభాకాంక్షలు శుభాభినందనలు సార్ మీకు 👏👌💐🙏👏👌💐🙏👏👌💐🙏👏👌💐🙏💐
మొహమ్మద్ అఫ్సర వలీషా
ద్వారపూడి (తూ. గో. జి)

Log in to Reply
1. 13.1
  
  డా కె.ఎల్.వి.ప్రసాద్
  August 23, 2022 at 9:09 am
  అమ్మా
  నీ స్పందనకు ధన్యవాదాలు.
  
  Log in to Reply
14

డా కె.ఎల్.వి.ప్రసాద్
August 23, 2022 at 2:38 pm
ఆలోచన రేకెత్తిస్తుంది . మంచి వ్యాసం. సకాలంలో అభినందనలు సార్ 💐
—–డా.డి.సుజాత
విజయవాడ.

Log in to Reply
1. 14.1
  
  డా కె.ఎల్.వి.ప్రసాద్
  August 24, 2022 at 6:37 am
  ధన్యవాదాలండీ.
  
  Log in to Reply
15

డా కె.ఎల్.వి.ప్రసాద్
August 24, 2022 at 6:38 am
జ్ఞాపకాల పందిరి 124లో ఓటు గురించి చక్కగా వివరించారు. మీరు చెప్పినట్టుగా అధికారం కోసం ఓటర్లను ప్రలోభాలకు గురి చేస్తున్నారు. సాధ్యం కాని వాగ్దానాలు చేస్తున్నారు. నాయకులు ఒక పార్టీ గుర్తుపై గెలిచి అధికార పార్టీలో చేరుతున్నారు. ఈ మధ్య జరిగిన హుజురాబాద్ ఉప ఎన్నికలో మాకు డబ్బులు ఇస్తేనే ఓటు వేస్తామని కొందరు ఓటర్లు అడిగినట్లుగా వార్తలు వెలువడ్డాయి. కొన్ని నియోజకవర్గాలలో ఓటర్ల లిస్టులో కొందరి పేర్లను కారణాలు ఏమి లేకుండా తీసివేస్తున్నారు. ఎన్నికల్లో ఎన్నో మాయలు,ఎన్నో కుతంత్రాలు. చక్కటి కథనంతో సాగింది. అభినందనలు.
—జి శ్రీనివాసాచారి
కాజీపేట.

Log in to Reply
1. 15.1
  
  డా కె.ఎల్.వి.ప్రసాద్
  August 24, 2022 at 6:39 am
  ధన్యవాదాలండీ
  
  Log in to Reply