కరోనా తెచ్చింది పెద్ద తంటా
మూతికి మాస్కులేసుకోవాలంటా
చేతులు శుభ్రంగా కడుక్కోవాలంటా
గడప దాటి బయటకి వెళ్ళకూడదంటా
స్నేహితులతో కలిసి ఆడుకోకూడదంటా
ఊసుపోక రోడ్డెక్కితే పోలిసంకుల్ కొడతారంటా
ఏం తోచక బోర్ కొట్టి తాతకి ఫోన్ చేశానంటా..
తాత చెప్పిందేమిటంటారా..
అమ్మకి పనుల్లో సాయం చెయ్యాలంటా
అల్లరి పూర్తిగా మానేయాలంటా
ఎక్కాలు, లెక్కలు నేర్చుకోవాలంటా
బొమ్మలు గీసి, రంగులు వేయాలంటా
అమ్మకు, నాన్నకు చూపించాలంటా
పశుపక్ష్యాదులను ప్రేమించాలంటా
ఉన్నంతలో దానం చెయ్యాలంటా
సామాజిక దూరం పాటించాలంటా..
కరోనాను తరిమి కొట్టాలంటా
స్వీయనిర్భందమే చక్కని మార్గమంటా..
ఇంత మంచి మాటలు చెప్పిన తాత ఎవరంటా..
మన ప్రధాని మోడీ తాతగారంటా!
తాత మాట విందామంటా..
దేశానికి మంచి పేరు తెద్దామంటా!
లక్ష్మీ సుజాత గారు పుట్టింది ఆంధ్రా, పెరిగింది తెలంగాణ.. భద్రాచలం, ఖమ్మం జిల్లా. ఇంటర్ చదివే రోజుల నుండి పలు పత్రికల్లో క్విజ్‌లు, ఆర్టికల్స్, కథలు, కవితలు ప్రచురితమయ్యాయి. వివిధ బాలల పత్రికలలో వీరి బాలల కథలు ప్రచురితమయ్యాయి. తెలుగు వెలుగులో రాసిన కథకు అభిమానుల నుండి ప్రత్యేక ప్రశంసలు పొందారు. అష్టాక్షరి, ధ్యానమాలిక అను మాసపత్రికలకు ఆధ్యాత్మిక వ్యాసాలు రాస్తున్నారు. వివిధ అంతర్జాల పత్రికలలో వీరి కవితలు ప్రచురితమవుతున్నాయి. టేకు ఆకులపై రంగవల్లికలు వేసినందుకు గాను వండర్ బుక్ మరియు తెలుగు బుక్ ఆఫ్ రికార్డ్స్ లో స్థానం సంపాదించుకున్నారు.