ఏంటో కరోనాట
సైజ్ చూస్తే జీరో
కానీ యావత్తు భూగోళాన్నే
గడగడలాడిస్తోందిగా
అమెరికా పెద్దన్న
చైనా చిన్నన్న
ఇరాక్ ఇరుగన్న
పాక్ పొరుగన్న
జపాన్ జంపన్న
ఫ్రాన్స్ ఫాషనన్న
స్పెయిన్ స్టైలన్న
ఎవరన్నా వదలడంలేదుగా
గొప్పొలన్నా విడవదుగా
కరోనా అంటేనే కలవరం
మందు కనిపెట్టలేక
పనిపట్టలేకపోతున్నారుగా
దేవుడు ఉన్నాడనుకోవాలా
మానవుడు ఏం కాదనుకోవాలా
ఏది ఏమైనా కరోనా
చెడు ఎంత చేసిందో
అంత మంచీ చేసింది
మనిషి మనిషిని కలిపింది
అతని స్థితి ఏంటో కూడా తెలిపింది
పెద్దాడ సత్యప్రసాద్ విశాఖపట్నం జిల్లా వాస్తవ్యులు, కవిగా, రచయితగా దశాబ్దాల ప్రయాణం. వీరి కధలు, కవితలు వివిధ పత్రికలలో ప్రచురితమవడమే కాక, ఆకాశవాణి విశాఖపట్నం కేంద్రం ద్వారా కూడా ప్రసారం అయ్యాయి. ఇక, వృత్తిగతంగా పాత్రికేయులు. రెండున్నర దశాబ్దాలకు పైగా పాత్రికేయ వృత్తిలో అంకితభావంతో పనిచేస్తున్నారు. రాజకీయ విశ్లేషణలు వీరి ప్రత్యేకత. ప్రస్తుతం ఆకాశవాణి విశాఖపట్నం ప్రాంతీయ వార్తా విభాగంలో న్యూస్ ఎడిటర్‌గా పనిచేస్తున్నారు.