నిశ్శబ్దం
అరుదైన
నిశ్శబ్దం
ఒక కొత్త అనుభూతి
అన్నిటిలో ప్రవహిస్తూ
సూక్ష్మాతి సూక్ష్మంగా
సహజమైన జీవనదిలా
ఇంకా
విత్తులా మొలకెత్తుతూ
శూన్యాన్ని పెకిలించుకుంటూ
ఎంతో
ఓపిగ్గా
గోడకు పాకే తీగలా
చిగురిస్తూ
ఆకుల మధ్య పువ్వులా
పుప్పొడులను రాల్చుకుంటూ
సంతోషాన్ని పొదువుకుంటూ
అస్తిత్వాన్ని నిలబెట్టుకుంటూ
ఇంకా
బ్రతికిన ఆనందం
తడి వాక్యాలుగా
మెరుస్తూ మురిపిస్తుంటాయి,
అచ్చు నీలా..
లక్ష్మీ కందిమళ్ళ గారి నివాసం కర్నూలు. గృహిణి, కవయిత్రి, రచయిత్రి.
ప్రవృత్తి: కథలు కవితలు రాయడం.
ఇంత వరకు రాసిన కథలు, కవితలు వివిధ పత్రికలలో ప్రచురితమయ్యాయి.
ఉగాది పురష్కారం 2019 కర్నూలు కలెక్టరు గారి చేతులమీదుగా అందినది.
మొదటి కవితా సంపుటి “రెప్పచాటు రాగం”.