[నెల్లుట్ల సునీత గారి ‘అంతర్వాహినికి హారతి’ అనే రచనను అందిస్తున్నాము.]
ఖగోళంలో గమనం
చంద్రాది గతులలో
గురు సంచారం
త్రివేణి సంగమలో
అంతర్వాహిణికి పుష్కరం
పన్నెండు వత్సరాలకు వైభవం
అమృత బిందువులతో
పుణ్యస్నానం సర్వ పాప హరణం
శక్తి నింపే జీవన సారం
మహోన్నత ఘట్టంతో
పునీతమవును జీవితం
ముక్తేశ్వర దర్శనంతో
తరించున భక్తకోటి
వరప్రదాయని జ్ఞాన స్వరూపిణి
వీణపాణి నదీమ తల్లిని
భక్తి పారవశ్యంతో
పూజించే సంస్కృతి
పితృదేవతల తర్పణ ఆరాధనలు
లోక రక్షణకై యజ్ఞయాగాదులు
సంస్కృతులు ఉట్టిపడిన
త్రిలింగ క్షేత్రం
ఆధ్యాత్మిక శోభతో విలసిల్లేను
కాలేశ్వరం
ప్రాణికోటి మనుగడకు
జలమే ఆధారం
నదులను ప్రకృతిని పూజించే
సనాతన మార్గం
వేద ఋషులు నొసిగిన
మన హిందు సంప్రదాయం
జీవన్మోక్తికి భక్తి మార్గమే సుగమం
శ్రీమతి నెల్లుట్ల సునీత కథా రచయిత్రి, కవయిత్రి, సంపాదకురాలు. నూతన సాహిత్య ప్రక్రియ సున్నితం సరళ శతకం రూపకర్త్రి. విమెన్ రైటర్స్ అసోసియట్ వ్యవస్థాపకురాలు, సాహితీ బృందావన విహార జాతీయ వేదిక వ్యవస్థాపకురాలు.
ఉమ్మడి నల్గొండ జిల్లాలోని పాతర్ల పహాడ్ జన్మించిన సునీత గారి ప్రస్తుత నివాసం ఖమ్మం. యం. ఎ., యం.ఎడ్ (M A M.ed) చదివి, ఓ ప్రైవేటు విద్యా సంస్థలో తెలుగు అధ్యాపకురాలుగా పని చేస్తున్నారు.
సామాజిక, ఆధ్యాత్మిక వ్యాసాలు, కవితలు, కథలు, బాల గేయాలు, పాటలు, బాలల కథలు, మినీ నవల, సున్నితాలు, హైకూలు, నానీలు, పలు ప్రక్రియలలో పరిచయం ఉంది.
సేవలతో పాటు సాహిత్య సేవలు తెలుగు భాష కోసం సేవలందిస్తూ ఉత్తమ రచనలకు సన్మానాలు, అవార్డులు, నగదు బహుమతులు గెలుచుకున్నారు. యూఎస్ఏ ఎఫ్ఎం రేడియోలో కెనడా ఎఫ్ఎం రేడియోలో కవితలు ప్రసారమయ్యాయి. పలు యూట్యూబ్ ఛానల్స్‌లో పాటలు, కవితలు, కథలు ప్రసారమయ్యాయి. పత్రికలలో కథలు, కవితలు, సంకలనాలలో ప్రచురితమయ్యాయి. పలు పుస్తకాలకు ముందుమాటలు రాశారు. వివిధ సాహితీ సంస్థలు నిర్వహించిన కవిత పోటీలకు న్యాయ నిర్ణయితగా వ్యవహరించారు.