[శ్రీ పెద్దాడ సత్యప్రసాద్ రచించిన ‘అలగని వెలుగు’ అనే కవితని పాఠకులకి అందిస్తున్నాము.]
వెలుగు అలగదు
అవలకు తొలగదు
ఎన్నటికీ మలిగిపోదు
ఎప్పటికీ చెదిరిపోదు
కనులు మూసుకున్నా
కాంతి పుంజాలు ఆగునా
మనసుని తాకి మరీ
రాగ రంజితం చేయదా
అనురాగ మందిరం చేయదా
స్వచ్ఛమైన ప్రేమకు
మారు రూపే వెలుగు
ఆ దివ్యత్వం ముందు
ఏదైనా దిగదుడుపు
పెద్దాడ సత్యప్రసాద్ విశాఖపట్నం జిల్లా వాస్తవ్యులు, కవిగా, రచయితగా దశాబ్దాల ప్రయాణం. వీరి కధలు, కవితలు వివిధ పత్రికలలో ప్రచురితమవడమే కాక, ఆకాశవాణి విశాఖపట్నం కేంద్రం ద్వారా కూడా ప్రసారం అయ్యాయి. ఇక, వృత్తిగతంగా పాత్రికేయులు. రెండున్నర దశాబ్దాలకు పైగా పాత్రికేయ వృత్తిలో అంకితభావంతో పనిచేస్తున్నారు. రాజకీయ విశ్లేషణలు వీరి ప్రత్యేకత. ప్రస్తుతం ఆకాశవాణి విశాఖపట్నం ప్రాంతీయ వార్తా విభాగంలో న్యూస్ ఎడిటర్‌గా పనిచేస్తున్నారు.