జ్ఞాపకాల పందిరి-68

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

సీనియర్ మిత్రులు..!!

చదువుకున్న రోజులు చాలా గొప్పవి. తిరిగి రమ్మంటే రానివి. తలుచుకుని ఆనందించాలి తప్ప మరో మార్గం లేదు. చాలామంది ఎప్పటి స్నేహితులను అప్పుడే మరచిపోతుంటారు. మరిచిపోక పోయినా అలాంటి వాటికి పెద్దగా ప్రాధాన్యత నియ్యరు. గతం గతః అన్నట్టు ఉంటుంది వాళ్ళ ధోరణి. అలాంటి వారి ఆలోచనలు, ప్రాధాన్యతలు వేరుగా వుంటాయి. వాళ్ళు ప్రస్తుతానికి ఎక్కువ ప్రాధాన్యత నిస్తారు. మనస్తత్వాలు, వ్యక్తిత్వాలు అందరివీ ఒకేలా ఊహించుకోవడం కూడా పొరపాటేనేమో! ఎక్కడో కొందరిలో అవి కలవవచ్చునేమోగానీ ఎక్కువశాతం భిన్న వ్యక్తిత్వాలు మాత్రమే కనిపిస్తుంటాయి. దానిని తప్పుగా మనం భావించలేము. జిహ్వకో రుచి అన్నట్టుగా సమాజంలో భిన్న మనస్తత్వాల గలవాళ్ళు వ్యక్తిత్వాలు గలవాళ్ళు మాత్రమే మనకు కనిపిస్తుంటారు. అలా అని వాళ్ళను తప్పు పట్టలేము, ఎవరి జీవితాలు వాళ్ళవి. అభిరుచులను బట్టి అవసరాలను బట్టి, తమ చుట్టూవున్న పరిస్థితులను బట్టి, ఇంటి వాతావారణాన్ని బట్టి వారి.. వారి జీవనశైలిని ఏర్పరచుకోవడం మానవ సహాజం. అందరికీ ఒకే రకమైన జీవనశైలిని ఊహించలేము, అది సాధ్యం కాని పని.

ఇక రెండవ రకం వ్యక్తులు అతి తక్కువ శాతం మంది వుండేవాళ్ళు, సున్నిత హృదయులు. ప్రతి సంఘటన వారికి అవసరమైనదీ, ముఖ్యమైనదీనూ. గతాన్ని ఎప్పటికప్పుడు, లేదా సందర్భం వచ్చినప్పుడు తప్పక జరిగిన విషయాలను ఒకమారు నెమరు వేసుకుంటారు. ఇది వీరిలోని ప్రత్యేకత, ప్రత్యేక వ్యక్తిత్వమూనూ. వీళ్ళు ఒకసారి పరిచయం అయినవాళ్ళని అసలు మరచిపోరు. జరిగిన సంఘటనలు, ఎదురైన సమస్యలు వీరి మస్తిష్కం నుండి ఎటూ జారిపోవు. అవి తలచుకుని మానసికానందం పొందడం వీరికి అలవాటు. కొన్ని బాధపడే విషయాలు కూడా ఉంటాయి అది వేరే విషయం!

నా మటుకు నేను నాకు వూహ తెలిసినప్పటినుంచీ ఒకసారి పరిచయం అయితే మరిచిపోవడం అనేది జరగదు. మొబైల్స్ యుగం ప్రారంభం అయినప్పటినుంచీ ఫోటోలు తీసుకుని వాటిని భద్రపరుచుకోవడం కూడా మొదలు అయింది. చూసేవాళ్ళకి ఇది వింత అనిపించవచ్చు. చాటు మాటుగా ‘పిచ్చి’ అనుకున్నా ఆశ్చర్య పోనక్కరలేదు. కొందరికి జన్మతః ఈ అభిరుచి ఉండవచ్చు. కొందరు ఇతరులను స్నేహితులను చూసి నేర్చుకొనవచ్చును. నా దృష్టిలో ఇది ఒక మంచి అలవాటు. స్నేహితులను, బంధువులను, శ్రేయోభిలాషులను ఏదో ఒక రూపంలో గుర్తు చేసుకోవడం ఆనందాన్ని కలిగిస్తుంది. చదువుకునే రోజుల్లో అనేకమంది స్నేహితులవుతారు. చివరికి మిగిలేది మాత్రం బహుకొద్దిమంది మాత్రమే! ఇక్కడ నా సహాధ్యాయులైన స్నేహితుల గురించి కాదు, నాకు సీనియర్లు అయి వుండి నన్ను స్నేహితుడిగా అక్కున చేర్చుకున్న వారి గురించి వివరిస్తాను.

సీనియర్లు అంటే జూనియర్లను ఏడిపిస్తారనీ, ఆటపట్టిస్తారని, ముప్పు తిప్పలు పెడుతుంటారని, ‘రేగింగ్’ పేరుతో భయం సృష్టిస్తుంటారని తరచుగా వింటుంటాము. అంతెందుకు మా సమీప బంధువు స్వర్గీయ వర్ధనపు బ్రహ్మానందరావు గారు, రేగింగ్ కారణం వల్ల అప్పట్లో మెడిసిన్‌లో సీటు వదులుకొని వచ్చేసిన ఉదంతం పెద్దవాళ్ళు చెప్పగా నాకు ఇప్పటికీ గుర్తు వుంది. అయితే ఇక్కడ చెప్పొచ్చేదేమిటంటే నా సీనియర్లు నన్ను అమితంగా ప్రేమించారు, సోదరుడిలా చూసారు. నాకు మంచి స్నేహితులుగా శ్రేయోభిలాషులుగా మారారు. అందుకే వారిని మరచిపోవడం అన్నది జరిగే పనికాదు. ఇంకొక ముఖ్య విషయం ఏమిటంటే మా విద్యార్థీ విద్యార్థినులలో, కులం మతం ప్రాంతం, హోదా ప్రస్తావన ఎప్పుడూ రాలేదు. ఈ జాడ్యం మాకు చదువు చెప్పిన పెద్దలలో ఉండేదేమో నాకు తెలియదు. వున్నా ఆశ్చర్యపోనక్కరలేదు. మేము మాత్రం ఎప్పుడూ వాటి జోలికి పోలేదు, ఆ అవసరం రాలేదు కూడా!

నాకు నా సీనియర్ స్నేహితుల్లో అప్పటినుండి ఇప్పటివరకూ మిత్రత్వానికి విలువనిచ్చి మంచి స్నేహితుడుగా కొనసాగుతున్న పెద్దలు డా. మదన్ మోహన్ గారు. ప్రేమగా అందరూ ఆయన్ని ‘మదన్’ అని పిలుస్తారు. నన్ను ఆయన ఎందుకో గాని ‘బావగారూ!’ అని సంబోధిస్తారు. ఆ పిలుపు నాకు ఆనందం కలిగించడమే కాదు, ఒళ్ళంతా గిలిగింతలు పెడుతుంది కూడా. అనంతపురంకు చెందిన డా. మదన్ మోహన్ గారు ఉస్మానియా మెడికల్ కాలేజీ హాస్టల్ లోనే ఉండేవారు.

డా.వి.మదన్ మోహన్ (బెంగుళూరు)తో రచయిత

నాకంటే ఈ డాక్టర్ గారు రెండేళ్లు సీనియర్. సీనియర్ అన్న అహంభావం ఏమాత్రం ఆయనలో కనిపించేది కాదు. మంచి తెలివైనవాడు, అద్భుతమైన మెరిక లాంటి దంత వైద్యుడు కూడా. ఈ నాటికి ప్రతిరోజూ వాట్స్‌ఆప్ మాధ్యమం ద్వారా శుభోదయం చెప్పుకోవడం మాకు అలవాటు. ప్రస్తుతం ఆయన బెంగుళూరులో నివశిస్తున్నారు. మేము తరచుగా కలుసుకోకపోయినా వాట్సాప్ ద్వారా ప్రతిరోజూ పలకరించుకునే సదుపాయం కలిసి వచ్చింది. ప్రతిభావంతుడైన డాక్టర్ మదన్ మోహన్ నాకు ఇష్టమైన వ్యక్తులలో ముఖ్యుడు. ఆయన అంటే నాకు అపారమైన గౌరవం కూడా! పోస్టు గ్రాడ్యుయేషన్ చేయకుండానే, చికిత్సావిధానాలాలో వారిని మించిన మేధావి డా. మదన్ మోహన్.

డా.రఘనాధ రెడ్డి కుటుంబం, అమెరికా

నా సీనియర్లలో మరో విశిష్టమైన వ్యక్తి, అమెరికాలో స్థిరపడిన దంతవైద్యులు, సహృదయులు డా. రఘునాథ రెడ్డి. మిత్రలోకంలో ‘రఘు’గా, ‘రఘు రెడ్డి’గా ప్రసిద్ధులు. వీరు దంతవైద్యంలో నాకు జూనియర్ అయిన రాధారెడ్డిని వివాహమాడారు. ఇద్దరు అమెరికాలో స్థిరపడి అక్కడే దంత వైద్యశాలను ప్రారంభించి, వారితో పాటు మరికొంతమంది దంత వైద్యులకు, దంతవైద్య సేవలు అందించే అవకాశాలు కల్పిస్తున్నారు. సీనియర్ అన్న అహంభావం ఏమాత్రం లేని డా. రెడ్డి గారు ఎంతో ఆప్యాయంగా పలకరిస్తుండేవారు. నేను వరంగల్ వచ్చిన తరువాత పదమూడు సంవత్సరాలు వరుసగా అధ్యక్షడిగా కొనసాగుతున్న సందర్భంలో, ప్రతి సంవత్సరం మూడు రోజులపాటు జరిగే నాటకోత్సవాలకు వారి పేరుమీద రెండు సార్లు పదివేలు చొప్పున ప్రాయోజకులుగా సొమ్ము అందించిన సహృదయులు వారు. నాకు చెక్కు పంపిస్తూ రెడ్డిగారు రాసిన మాటలు నాకు ఇంకా గుర్తుకు వున్నాయి. “ఇక్కడ వుండి నేను ఎలాగూ ఏమీ చేయలేకపోతున్నాను. నువ్వు అక్కడ చేస్తున్న మంచి పనికి ఈ సొమ్ము ఉపయోగించు” అని రాశారు. నాకు ఆ మాటలు ఎంతో సంతోషాన్ని కలిగించాయి. సాహిత్య సాంస్కృతిక రంగాలలో మరింత ఉత్సాహంగా పనిచేయడానికి ఉత్ప్రేరకాలుగా పనిచేసాయి. ఇదిఎప్పటికీ మరచిపోలేని విషయం. తరచుగా మాట్లాడుకోపోయినా ఫేస్‌బుక్‌లో నేను రాసే అంశాలకు అప్పుడప్పుడూ స్పందిస్తూ కామెంట్లు పెడుతుంటారు. ఆ విధంగా స్నేహం ఇంకా హాయిగా కొనసాగుతున్నది.

డాక్టర్ కృపాకర్, రఘునాథ రెడ్డి, మదన్ మోహన్ గార్లు ముగ్గురూ సహాధ్యాయులే. కృపాకర్ గారు కూడా అమెరికా దేశం లో స్థిరపడి ఆనందమయ జీవితాన్ని గడుపుతున్నారు. అప్పుడప్పుడూ ఫోన్ చేయడం, వాట్స్‌అప్‌లో చాట్ చేస్తుంటారు. ఈ డాక్టర్ గారిలో మరొక ముఖ్యమైన విశేషం ఏమిటంటే,వీరు మాకు దంత వైద్య శాస్త్రంలో పాఠాలు చెప్పిన ప్రొఫెసర్ సి. డి. రెడ్డి గారికి అల్లుడు. మా ప్రొఫెసర్ గారి అమ్మాయి (డా. కృపాకర్ గారి భార్య) పెళ్లి కాక ముందు హైదరాబాద్ లోని రవీంద్ర భారతిలో నాట్యప్రదర్శన ఆరేంగేట్రం చేసినప్పుడు, నటరాజ రామకృష్ణ, సినారే ప్రభృతుల సమక్షంలో మాట్లాడే అవకాశం నాకు లభించింది. మొట్టమొదటిసారి రవీంద్ర భారతిలో మాట్లాడే అవకాశం అందివచ్చిన శుభ సందర్భం అది నాకు.

ఈ జాబితా లోని వారే డా. కృష్ణ ప్రసాద్ గారు. చదువుకునేటప్పుడు వీరు కూడా చాలా ప్రోత్సాహకరంగా ఉండేవారు. అప్పుడప్పుడు ఫేస్‌బుక్‌లో దర్శనం ఇస్తుంటారు. వీరు ప్రస్తుతం ఎక్కడ వుంటున్నారన్నది ఇదమిద్దంగా తెలియదు. కానీ వారి సహృదయత, స్నేహశీలత బహు గొప్పవి. నేను నిత్యం తలుచుకునే నా సీనియర్లలో వీరు కూడా ముఖ్యులే. మా కుటుంబ స్నేహితురాలు శ్రీమతి ప్రభావతి గారికి డా. కృష్ణ ప్రసాద్ అతి దగ్గరి బంధువులు కావడం విశేషం!

డాక్టర్ జి.నాగేశ్వరరావు, సీనియర్ డెంటల్ సర్జన్, హైదరాబాద్

నాకంటే ఒక సంవత్సరం సీనియర్ దంత వైద్య విద్యార్థులతో నాకు చనువు ఎక్కువగా ఉన్నమాట వాస్తవం. అయితే ఇప్పటివరకు స్నేహం కొనసాగిస్తున్నవారు బహుకొద్ది మంది మాత్రమే! అందులో అతి ఎక్కువ చనువు స్నేహం, ఆత్మీయతతో సహృదయతను మూటగట్టుకొని స్నేహాన్ని అందిస్తున్న ప్రియమిత్రుడు డా. జి. నాగేశ్వర రావు. చదువుకునే సమయం కంటే ఆ తర్వాతి కాలంలో అతి సన్నిహితుడైన మిత్రులలో ఈయన ఒకడు. కొద్ది రోజులు మాత్రమే ప్రభుత్వ రంగంలో పనిచేసి ఆ తర్వాత ప్రైవేట్ ప్రాక్టీస్ ప్రారంభించి (హైదరాబాద్ విద్యానగర్ లోని శంకర్‌మఠ్ పైన) అందులో సఫలీకృతుడై ఇప్పటికీ చక్కని దంత వైద్య సేవలు అందిస్తున్న మంచి దంత వైద్యుడు డా. నాగేశ్వరరావు. నన్ను ఎంతో ఆప్యాయంగా ‘కెఎల్వీ’ అనే డా. రావుని, ప్రేమగా నేను ‘కామ్రేడ్’ అంటాను. అలా పిలవడానికి మరో ముఖ్య కారణం వారి కుటుంబం అంతా వామపక్ష భావజాలం గలవారై ఉండడమే. నేను తరచుగా కలుసుకునే మిత్రులలో ఈయన ఒకడు. ఆధునిక దంత వైద్యాన్ని ఆకళింపు జేసుకుని, నూతన పోకడలను అధ్యయనం చేసి మంచి వైద్యం అందించే ఈ దంత వైద్యుడు ‘డా. జి. ఎన్. రావు’ గా ప్రసిద్ధుడు. పేదగా పుట్టినా, పేదవాడిగా మరణించకూడదన్నది పెద్దల సూక్తి. దానికి శ్రేష్ఠమైన ఉదాహరణ డా. జి. ఎన్. రావు అనడంలో ఎలాంటి సందేహము లేదు. ఆయన కష్టపడి పేదరికాన్ని జయించి ఎవరూ ఊహించని స్థాయికి చేరుకోవడం నాకు ఎంతో ఆనందం అనిపిస్తుంది. దీని వెనుక ఆయన శ్రమ ఏమాత్రం వెల కట్టలేనిది. ఎప్పుడయినా ఫోన్‌లో మాట్లాడుకున్నప్పుడు సరదాగా ఒకరినొకరు ఏడిపించుకోవడం, తిట్టుకోవడం మా ఇద్దరి ప్రేమకు పరాకాష్ట!

డా.ముక్కామల పార్థసారథి, ఏలూరు

నా మరో మంచి మిత్రుడు, (డా. జి. ఎన్. రావుకి సహాధ్యాయి) డా. ముక్కామల పార్థసారథి. ఈయన ప్రైవేట్ ప్రాక్టీషనర్‌గా,పశ్చిమ గోదావరి జిల్లాలో స్థిరపడి మంచి పేరు ప్రఖ్యాతులు సంపాదించారు. అప్పట్లో ఏలూరులో అత్యాధునిక దంత వైద్యసేవలు అందించిన దంత వైద్యులు వీరే! డా. పార్ధసారధి ప్రముఖ సినిమా పెద్దలు రామినీడు గారి అల్లుడు. ఈయన పెళ్లి ఏలూరులో జరిగింది. ఆ సందర్భంగా పెళ్ళిలో సినిమా సీనియర్ నటుడు అల్లు రామలింగయ్యగారిని, సినీ హీరో శ్రీ మురళీ మోహన్ గారినీ అతి దగ్గరగా చూసే అవకాశం కలిగింది. ఇది మరచిపోలేని మధుర ఘట్టం.

చదువుకునే రోజుల్లో డా. కిషోర్,డా. రామచంద్రారెడ్డి (ఇప్పుడు లేరు) డా. పార్థసారథి, డా. చాంగ్ ప్రభుతులు ఒక బృందంగా ఇతరులతో కలసి మంచి బృందంగా ఉండేవారు. వీళ్ళందరూ నన్ను అధికంగా ప్రేమించేవారు. పార్థసారథిని ఏదో నిక్ నేమ్ పెట్టి ఏడిపిస్తుండేవారు. నేను ఒప్పుకునేవాడిని కాదు. ఈ బృందం కాన్ఫరెన్సులకి వెళ్లినా, విహార యాత్రలకు వెళ్లినా నన్ను తప్పక తీసుకువెళ్ళేవారు. అలాంటప్పుడు డా. పార్థసారథి నన్ను ఎంతో ప్రేమతో అభిమానంతో చూసేవాడు. వీరందరితో అమృత్‍సర్, సిమ్లా కాన్ఫరెన్స్‌కు వెళ్లి, ఇతర ప్రాంతాలను కూడా దర్శించే అవకాశం నాకు కలిగింది. డా. పార్థసారథి కూడా నన్ను ఎంతో ఆప్యాయంగా ‘బావగారూ’ అని పిలిచేవాడు. హాయిగా ఏలూరులో స్థిరపడ్డ డా. పార్థసారథి నేనూ క్రమం తప్పకుండా వాట్స్‌అప్‌లో ఇప్పటికీ శుభోదయంతో పలకరించుకోవడం ఎంతో ఆనందం అనిపిస్తుంది. అప్పుడప్పుడూ మేము కాన్ఫరెన్సుల్లో కలుసుకునేవాళ్ళం. ఇప్పుడు వయసు దృష్ట్యాను, ఇతర కారణాల వల్లనూ అవి తగ్గిపోయాయి, అదే విధంగా మా కలయికా తగ్గిపోయింది. డా. పార్థసారథి ఎప్పటికీ గుర్తుంచుకోదగ్గ మంచి స్నేహితుడు అనడంలో ఎలాంటి సందేహము లేదు.

డాక్టర్ కె.వి.బి.ఆనంద్, విశాఖపట్నం

నాకు స్నేహితుడైన మరో మంచి వ్యక్తి, విశాఖపట్టణం వాసి, నాకు సీనియర్ డా. కె. వి. బి. ఆనంద్. నాతో పాటు ప్రభుత్వ సర్వీసులో దంతవైద్యుడిగా పని చేసి పదవీ విరమణ చేసినాడు. ఎక్కువ కాలం అనకాపల్లి లోనే పని చేసి, ఆ ఊరిమీద వున్నఅభిమానం కొద్దీ ప్రమోషన్ సైతం వదులుకుని అనకాపల్లిలోనే రిటైర్ అయినాడు. అప్పట్లో ఆనంద్ ఆంధ్రభూమి వారపత్రిక తప్పక కొని చదివేవాడు. కవిత్వం కూడా రాసేవాడు. కవితా సంపుటి కూడా వేసినట్టు గుర్తు. మేం ఇద్దరం అంత సన్నిహితం కావడానికి ప్రధాన కారణం నేను ఉస్మానియా మెడికల్ కాలేజీ హాస్టల్‌లో వుండక ముందు ఇద్దరం గౌలిగూడాలో అద్దె ఇంట్లో ఉండేవాళ్ళం. ఆ పరిచయమే మా ఇద్దరినీ బాగా దగ్గర చేసింది. అది ఇప్పటికీ కొనసాగడం చాలా సంతోషం అనిపిస్తుంది. మూడు సంవత్సరాల క్రితం విశాఖపట్నం వెళ్ళినప్పుడు,వాళ్ళింట్లో ఇద్దరం కలిసిన తీపి గుర్తులు ఇంకా పచ్చి గానే ఉన్నాయి.

స్వర్గీయ డా.పి.రామచంద్రారెడ్డి, కడప

ఇప్పటికీ నన్ను బాధపెట్టే విషయం నా సీనియర్ రామచంద్రారెడ్డి మరణం. గోవాలో హౌస్ సర్జెన్సీ చేస్తూ పి.జీ. సంపాదించే నేపథ్యంలో, ఒక ప్రమాదంలో మరణించడం అప్పట్లో జీర్ణించుకోలేని అంశం అయింది. నన్ను బాగా ఇష్టపడ్డ సీనియర్ మిత్రులలో ఆయన ఒకరు. నన్ను ఎంతో ఆత్మీయంగా ‘మామగారూ’ అని పిలిచేవాడు. ఎప్పుడో అతని పుట్టిన రోజు సందర్భంగా నేను రాసి ఇచ్చిన కవిత, రెడ్డి ఫేంట్ జేబులో దొరికిందట వాళ్ళ అమ్మగారికి. అది చదివి ఆవిడ భోరున ఏడ్చారన్న విషయం తెలిసి నా మనసు మూగగా రోదించిన సన్నివేశం అసలు మరచిపోలేను. స్వచ్ఛమైన మనస్సుగల స్నేహితుడు దూరం కావడం నన్ను ఇప్పటికీ బాధ పెడుతూనే ఉంటుంది. అలా ఒక సహృదయుడైన మంచి స్నేహితుడిని నేను కోల్పోయాను.

వీరు కాక, డా. వాసిరెడ్డి కిశోర్ కుమార్ (అమెరికా), డా. చాంగ్ (విజయవాడ), డా. హరిప్రసాద రావు (హైదరాబాద్), డా. షేక్ దస్తగిరి (తాడేపల్లి గూడెం)వంటి వారు నాకు మంచి స్నేహితులుగా ఉండేవారు. కానీ ప్రస్తుతం పెద్దగా వారితో సంబంధాలు లేవనే చెప్పాలి. కాలేజీ జీవితం చాలా గొప్పది. ముఖ్యంగా మా హైదరాబాద్ ప్రభుత్వ దంత వైద్య కళాశాల జీవితం సీనియర్ -జూనియర్ అన్న వివక్షత లేకుండా, కుల, మత, భాష, ప్రాంతాలకు అతీతంగా ఆనందంగా గడిపేవాళ్ళం. అవన్నీ చాలా మంచిరోజులు. చీకూ – చింతకు దూరంగా వున్నరోజులు.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా. కె.ఎల్ వి ప్రసాద్
July 25, 2021 at 6:52 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు

Log in to Reply
2

G.N.Rao
July 25, 2021 at 8:04 am
మిత్రమా, నీవు రాసిన గత స్మృతులు చదివి ఏడ్చేశాను… అంతగా కళ్ళ కు కట్టినట్లు రాశావు.గతం అంతా కళ్ళ ముందు తిరిగింది.ఇది రాస్తున్నప్పుడు కూడా కన్నీరు ఆగడంలేదు.
నీ గురించి రాస్తున్నా అని అంటే ఏదో తమాషాగా ఉంటుంది లే అనుకున్నాను.
కానీ ఇంతగా ఏడిపిస్తావనుకోలేదు నేస్తం…
ఉంటాను….మీ ..జి.యన్.రావు

Log in to Reply
1. 2.1
  
  డా.కె.ఎల్.వి.ప్రసాద్
  July 25, 2021 at 8:59 am
  నీ స్పందన కు
  ధన్యవాదాలు.
  
  Log in to Reply
3

డా.కె.ఎల్.వి.ప్రసాద్
July 25, 2021 at 8:08 am
Good memories of your colleagues and friends
—Ravulapati
Sitaramarao
Hyderabad.

Log in to Reply
1. 3.1
  
  డా.కె.ఎల్.వి.ప్రసాద్
  July 25, 2021 at 8:09 am
  Thank you somuch sir.
  
  Log in to Reply
4

డా.కె.ఎల్.వి.ప్రసాద్
July 25, 2021 at 8:11 am
👏👏👏👏👏సార్… మీ
గతస్మృతులు ఆసక్తికరంగా…
మీ స్నేహశీలతను ప్రకటిస్తూ…
చక్కగా ఉన్నవి !మీనన్ గారిగురించో… వారి రచననో
చాలాకాలం క్రితం చదివినట్టు గుర్తు !మంచి మానవ సంబంధాలను కొనసాగించే తీరు…సాధించిన విజయాలు ఆఖరిలో మీగురించి చదివినప్పుడు కూడా….ఆనందాన్ని కలిగించాయి… కోరాడ !

Log in to Reply
1. 4.1
  
  డా.కె.ఎల్.వి.ప్రసాద్
  July 25, 2021 at 8:12 am
  మీ స్పందన కు ధన్యవాదాలండీ.
  
  Log in to Reply
5

Sagar
July 25, 2021 at 8:20 am
అల్లరి అల్లుడు సినిమాలో మరపురావు కాలేజీ రోజులు అనే నాగార్జున పాడడం మీ రచన గుర్తుకు తెస్తుంది. అలాగే దూరమైన మిత్రులను తలుచుకునే టప్పుడు మనసు బాధపడడం కూడ వర్ణనా తీతం. ఇన్ని అనుభవాలను మూటగట్టుకుని సాగిస్తున్న మీ జీవితం అందరికీ ఆచరణీయం. మీకు అభినందనలు మరియు ధన్యవాదములు సర్ .

Log in to Reply
1. 5.1
  
  డా.కె.ఎల్.వి.ప్రసాద్
  July 25, 2021 at 9:00 am
  సాగర్ నీస్పందనకు
  ధన్యవాదాలు.
  
  Log in to Reply
6

డా.కె.ఎల్.వి.ప్రసాద్
July 25, 2021 at 8:24 am
Baba garu,
I appreciate your gratitude & nostalgic reminders of our golden days( college days). It was very much true what ever you have mentioned. We used to live like siblings with no knowledge of religion caste or creed. I am really happy to have a friend like. I do not know if I can get ever get one like you. I was the person who banned ragging in our college. If you remember during my final year there was a batch admitted & we just had a get together in the huge hall where we used play Table tennis.I was responsible to take Dr.Partha into my Clinic train him & get him started in practice. Krishna Prasad my room mate is now in Muskat planning to retire by December
Thank you very much
Madan

Log in to Reply
7

డా.కె.ఎల్.వి.ప్రసాద్
July 25, 2021 at 8:25 am
Thank you somuch
Dr.Madan hi.

Log in to Reply
8

ఎన్.వి.ఎన్.చారి
July 25, 2021 at 9:35 am
నాటిమిత్రు జ్ఞాపకాలు తేనెపట్టులాంటివి అనుభవాల తేనెను కవలిసినంత జుర్రుకోవచ్చు మీరు త్రాగడమేగాకా వాటి రుచులను అందరికీ పంచుతున్నారు. దీనివల్ల ప్రస్తుత సమస్యలను దారిమళ్ళించవచ్చు. మానసికవత్తిడిని తగ్గించుకోనూ వచ్చు శుభం.

Log in to Reply
1. 8.1
  
  డా.కె.ఎల్.వి.ప్రసాద్
  July 25, 2021 at 10:41 am
  ధన్యవాదాలండీ
  డా.చారి గారూ
  
  Log in to Reply
9

డి.వి.శేషాచార్య
July 25, 2021 at 10:33 am
ఎవరితోనైనా స్నేహం చేయడం సులభమే, కానీ ఎక్కువ కాలం నిలుపుకోగలగడమే కష్టం అంటారు.
విశాలమైన మీ స్నేహ ప్రపంచం లోని ప్రతి స్నేహితుణ్ణి స్మరించుకునే మీ సహృదయతకు అభినందనలు.

Log in to Reply
1. 9.1
  
  డా.కె.ఎల్.వి.ప్రసాద్
  July 25, 2021 at 10:40 am
  శేషాచారి గారూ
  మీ మీ స్పందన కు ధన్యవాదాలండీ.
  
  Log in to Reply
10

డా.కె.ఎల్.వి.ప్రసాద్
July 25, 2021 at 10:38 am
Dr. klv garu.

Dental college lo rojulu
friends

koddi sepu andaru

chala daggraga
kalisinattu feeling kaligindi.

Happy to see to days gnapakala pandiri.
——Dr.Aruna.anne
Hyderabad

Log in to Reply
1. 10.1
  
  డా.కె.ఎల్.వి.ప్రసాద్
  July 25, 2021 at 10:39 am
  Thank you
  Dr.Aruna.
  
  Log in to Reply
11

డా.కె.ఎల్.వి.ప్రసాద్
July 25, 2021 at 10:47 am
ఎల్.వి.ప్రసాద్. కానేటి
Meeru Rasina Gnapapakala Pandiri Sheershika episode 68 chala adbuthanaga unnadi Dr. L. V. Prasad , kaneti garu. Kallaku addinattuga… Chakkaga andariki easy ga ardamayye simple Telugu Bhahalo Rasaru sir… Meeku Hrudaya poorvaka joharlu….

Log in to Reply
1. 11.1
  
  డా.కె.ఎల్.వి.ప్రసాద్
  July 25, 2021 at 10:48 am
  Dr.Ashok kumar garu
  Thank you somuch sir.
  
  Log in to Reply
12

డా.కె.ఎల్.వి.ప్రసాద్
July 25, 2021 at 11:13 am
So nice.Good to share your memories .Challani vyasam ilaantivi chaduthunte naa college days gurthukosthunnayi sirabhinandanalu💐
—–Dr.D.Sujatha
Vijayawada.

Log in to Reply
1. 12.1
  
  డా.కె.ఎల్.వి.ప్రసాద్
  July 25, 2021 at 11:14 am
  Thank you Dr.
  
  Log in to Reply
13

Sambasiva+Rao+Thota
July 25, 2021 at 3:30 pm
Prasad Garu!
Snehithulanu kalakaalam gurthunchukoni vaaritho sathsambandhaalanu konasaaginchdam meelo vunna Uttama lakshanam….
Dhanyavaadaalandi 🙏

Log in to Reply
1. 13.1
  
  డా.కె.ఎల్.వి.ప్రసాద్
  July 25, 2021 at 4:49 pm
  ధన్యవాదాలు
  సాంబశివరావు గారు
  
  Log in to Reply
14

డా.కె.ఎల్.వి.ప్రసాద్
July 25, 2021 at 4:47 pm
అప్పటి స్నేహితులను అప్పటి మధుర క్షణాలను గుర్తు పెట్టుకుని యిప్పుడు వ్రాయడం చాలా గొప్ప అనుభూతి కలిగింది చా లా బాగా వ్రా సా రు సెన్సిటివ్ గా వున్నవారే యిలా రాయగలరు మమ్మల్నీ కూడా ఆరోజుల్లో కి తీసుకెళ్లారు
చలాధన్యవాడాలు
—-విజయలక్ష్మి. కస్తూరి
హైదరాబాద్ (కడప)

Log in to Reply
1. 14.1
  
  డా.కె.ఎల్.వి.ప్రసాద్
  July 25, 2021 at 4:48 pm
  ధన్యవాదాలండీ
  
  Log in to Reply
15

డా.కె.ఎల్.వి.ప్రసాద్
July 25, 2021 at 4:52 pm
స్నేహమయ ప్రపంచంలో సహాద్ధ్యాయులే ఎక్కువ ఉంటారు.మీరు దానికి భిన్నంగా మీ సీనియర్స్ అందరితో ఉన్న అవినాభావ సంబంధాలు చాలా అపురూపంగా అనిపించాయి.గొప్ప స్నేహితులను కలిగిఉండడం ఎంతో భాగ్యం.ఇందరిని ఆకర్షించిన మీ వ్యక్తిత్వం గొప్ప ఆదర్శనీయం సర్.చాలా ఆర్ద్రత గల జ్ఞాపకాల్ని పంచుకున్నారు.ధన్యవాదాలు సర్💐💐💐🙏
—-నాగజ్యోతి శేఖర్
కాకినాడ.

Log in to Reply
1. 15.1
  
  డా.కె.ఎల్.వి.ప్రసాద్
  July 25, 2021 at 4:53 pm
  అమ్మా
  మీ స్పందన కు ధన్యవాదాలండీ.
  
  Log in to Reply
16

Bhujanga rao
July 25, 2021 at 7:44 pm
జ్ఞాపకాల పందిరి ఈ ఎపిసోడ్ ఆసక్తిగా సాగింది.డెంటల్ కాలేజ్ మరియు అప్పటి స్నేహితుల మధురానుభూతులు గుర్తుపెట్టుకొని,ఇప్పటివరకు మీరు వారితో స్నేహం నిలుపుకోవడం, వారి వివరాలు ఫొటోలతో సవివరంగా మాతో పంచుకోవడం మీకే చెల్లింది హ్యాట్సాఫ్ డాక్టర్ గారు.అలాగే దూరమైన మిత్రులను తలుచుకొని మీ బాధ, మరియు ఇన్ని అనుభవాలు జ్ఞాపకాల పందిరిలో మాకు అందించిన మీకు అభినందనలు మరియు ధన్యవాదములు సర్.

Log in to Reply
1. 16.1
  
  డా.కె.ఎల్.వి.ప్రసాద్
  July 25, 2021 at 8:44 pm
  భుజంగరావు గారూ
  మీ స్పందన కు ధన్యవాదాలండీ.
  
  Log in to Reply
17

Rajendra+Prasad
July 25, 2021 at 7:55 pm
జిహ్వ కో రుచి అయినా, స్నేహితులతో కలిసి జీవించిన మధుర అనుభూతులు ఫోటోలతో సహా భద్రపరచటం అన్ని జిహ్వలకు ఉండాల్సిన రుచి. ఈ విషయంలో మీ కున్న అభిరుచి హర్షణీయం , ఆదర్శనీయం.
రాజేంద్రప్రసాద్ శ్రేయోభిలాషి

Log in to Reply
1. 17.1
  
  డా.కె.ఎల్.వి.ప్రసాద్
  July 25, 2021 at 8:43 pm
  .ధన్యవాదాలండీ
  ప్రసాద్ గారు.
  
  Log in to Reply
18

Dr. O. Nageswara Rao
July 26, 2021 at 1:25 am
Fantastic experience with yourn our senior Dentis , it’s really very good rememberence like Live interview with all our friends n seniors.
It’s very good opportunity to see all their faces n greatness of their updated Life style n development.
Hearty congratulations Brother for sparing lot time good purpose.
Thank you Drklv.

Log in to Reply
1. 18.1
  
  డా.కె.ఎల్.వి.ప్రసాద్
  July 26, 2021 at 5:51 am
  సోదరా
  నీ స్పందన కు ధన్యవాదాలు.
  
  Log in to Reply
19

డా.కె.ఎల్.వి.ప్రసాద్
July 26, 2021 at 5:49 am
స్నేహ మేరా జీవితం స్నేహమేరా శాశ్వతము అంటూ మీరు స్నేహితుల విశిష్టతను, వారి యొక్క avunathyanni చక్కగా వివరించారు. మీరు స్నేహితులకు ఇచ్చే విలువ గొప్పది. ఒక్క మాటలో చెప్పాలంటే మీకు మీరే సాటి 🙏
—-ప్రొఫెసర్ రవికుమార్
నిట్-వరంగల్.

Log in to Reply
1. 19.1
  
  డా.కె.ఎల్.వి.ప్రసాద్
  July 26, 2021 at 5:50 am
  సోదరా
  మీ అభిమానానికి
  కృతజ్ఞతలు.
  
  Log in to Reply
20

డా.కె.ఎల్.వి.ప్రసాద్
July 26, 2021 at 7:57 am
డా.కే.ఎల్ .వి బావగారు చాలా బాగా రాసారు మంచి కామెంట్ చేశారు అందరు గురించి చాలా రోజుల తర్వాత స్నేహితులందరినీ చూసినట్టుగా ఫీలయ్యాను థాంక్యూ వెరీమచ్ బావగారు

ఇంకా ముగ్గురు గురించి మర్చిపోయారు అన్నపూర్ణ కమలాదేవి ఆంజనీ శర్మ మీకు పరిచయం లేదా? మన కాలేజీ లో ఉన్న మా బ్యాచ్ లో ఉన్న ముగ్గురు ఆడపిల్లలు వారే!
చాలా రోజుల తర్వాత మన పాత స్నేహితులు అందరికీ ఫోటోలు దగ్గరగా చూడటం జరిగింది చాలా సంతోషం వేసింది నా సంతోషానికి ఇవాళ హద్దులు లేకుండా పోయాయి బావగారు
అలాగే తరచూ మాతో సంభాషించడానికి ప్రయత్నించండి.
——-డా.ఎమ్.పార్ధసారధి
సీనియర్ డెంటల్ సర్జన్
ఏలూరు ,ప.గో.జి.

Log in to Reply
1. 20.1
  
  డా.కె.ఎల్.వి.ప్రసాద్
  July 26, 2021 at 7:57 am
  మీ స్పందన కు ధన్యవాదాలండీ
  
  Log in to Reply
21

Murali Mohan
July 26, 2021 at 10:30 am
మన కాలేజీ జ్ఞాపకాలను చాలా బాగా రాశారు కే ఎల్ వి గారు. ధన్యవాదాలు.

డా మురళీ మోహన్
మీ జూనియర్

Log in to Reply
1. 21.1
  
  డా.కె.ఎల్.వి.ప్రసాద్
  July 26, 2021 at 12:58 pm
  కృతజ్ఞతలు
  డాక్టర్ గారూ.
  
  Log in to Reply
22

డా.కె.ఎల్.వి.ప్రసాద్
July 26, 2021 at 12:56 pm
డాక్టర్ గారు నమస్కారం.
     “అనుబంధం ఆత్మీయత అంతా ఒక బూటకం” అని ఒక సినీ గేయ రచయిత సెలవిచ్చినట్లు సంబంధ బాంధవ్యాలు అన్నీ కూడా ఒక వ్యాపార ధోరణిలో పయనిస్తున్న నేటి సమాజంలో, మీతో కలిసి పని చేసిన, అలాగే మీతో సన్నిహితంగా ఉన్న వ్యక్తులను మరువకుండా వారితో ఉన్న అనుబంధాలను జ్ఞాపకం చేసుకుంటూ ఏదో ఒక రూపంలో వారితో కలవాలి …అనే మీ ఆశయం మహోన్నతమైనది. ఇటువంటి సద్గుణం మీలాంటి బహుకొద్ది మందిలోమాత్రమే ఉంటుంది.
      “పాత ఒక రోత కొత్త ఒక వింత” అనే ధోరణిలో సాగుతున్నాయి నేటి స్నేహాలు, బంధుత్వాలు. ఆ తరం వారిలో ఉన్న ఆత్మీయ పలకరింపులు మనసుకు హత్తుకు పోయే విధంగా శాశ్వతంగా ఉంటాయి. కానీ ఇప్పటి మనుషుల్లో ఈ భావం చాలా వరకు అసహజంగా ,తాత్కాలికంగా మరియు ఒక మొక్కుబడి లా కనిపిస్తుంటాయి.
[ ]      ధన్యవాదాలు.
బి.రామకృష్ణా రెడ్డి
సికింద్రాబాద్.

Log in to Reply
1. 22.1
  
  డా.కె.ఎల్.వి.ప్రసాద్
  July 26, 2021 at 12:57 pm
  రెడ్డి గారూ
  మీ స్పందన కు ధన్యవాదాలండీ.
  
  Log in to Reply
23

డా.కె.ఎల్.వి.ప్రసాద్
July 26, 2021 at 1:32 pm
Marala okka saari venakki vella..all good memories of sweet friendly loving colleagues and seniors …it’s very inspiring..maintaining good relationship with all and getting back same reciprocating in turn..good God.. how do you remember all these
Events with out missing any..salute dear brother..appreciated. good narration asusual 💐💐👏👌
—-Dr.Jhansi nirmala.Nalli
Canada.

Log in to Reply
1. 23.1
  
  డా.కె.ఎల్.వి.ప్రసాద్
  July 26, 2021 at 1:33 pm
  Thank you Doctor
  For your response.
  
  Log in to Reply
24

Shyam
July 26, 2021 at 8:47 pm
డాక్టర్ కే ఎల్ వి ప్రసాద్ గారి జీవితంలో ఎంత మంది వ్యక్తులు వారితో పరిచయాలు చాలా గొప్పవి. ముఖ్యంగా వారిని గుర్తుపెట్టుకొని వారి గురించి ఇంత విపులంగా రాయడం అన్నది అందరితో సాధ్యమయ్యే పని కాదు. ప్రతి ఒక్కరి జీవితంలో వారివారి ఉద్యోగ కాలంలో ఎన్నో ఎంతో మంది కలుస్తుంటారు. వారితో స్నేహపూర్వకంగా ఉండటం మరియు స్నేహం పెంపొందించుకోవడం ఎల్లప్పుడూ గుర్తు పెట్టుకోవడం అన్నది డాక్టర్ కె ఎల్ వి గారి యొక్క గొప్పతనం.
డాక్టర్ జి నాగేశ్వరావు గారి జీవితం మరియు సక్సెస్ ఎంతో మందికి ఆదర్శనీయం. ఈ మధ్య కాలంలో వైద్యులు చాలావరకూ వైద్యం లో కాకుండా డబ్బు సంపాదన లో ఎత్తైన శిఖరాలు చేరుకోవడం చూస్తున్నాము. అందుకు భిన్నంగా డాక్టర్ కె.వి ప్రసాద్ మరియు ఆయన మిత్రులు అందరూ కూడా మానవతా దృక్పథంతో ప్రేమగా స్నేహంగా జీవితం కొనసాగించడం అన్నది ఆచరణీయం. ఇటువంటి వ్యక్తుల గురించి ఈ యొక్క మాధ్యమం ద్వారా ఎంతోమందికి పరిచయం చేస్తున్నందుకు నా యొక్క కృతజ్ఞతలు.

Log in to Reply
1. 24.1
  
  డా.కె.ఎల్.వి.ప్రసాద్
  July 27, 2021 at 6:43 am
  మిత్రమా
  నీ హృదయపూర్వక స్పందనకు
  హృదయపూర్వక ధన్యవాదాలు.
  
  Log in to Reply
25

డా.కె.ఎల్.వి.ప్రసాద్
July 27, 2021 at 7:44 am
మనసుకు నచ్చిన స్వచ్ఛమైన సుమధుర జ్ఞాపకాలను ఇప్పటికీ సజీవంగా మీ జ్ఞాపకాల పందిరిలో దాచి మాకు అందిస్తూ వాటిని తాజా చేసుకుంటున్న తీరు అభినందనీయం సార్ 🙏👏🙏👏🙏మీ గొప్ప వ్యక్తిత్వమే మిమ్మల్ని మీ సీనియర్లు కూడా ప్రేమించేలా చేసింది. మీ జ్ఞాపకాల ద్వారా ఓ మనిషి కి ఉండవలసిన మంచి వ్యక్తిత్వం ఎంత చక్కని చిక్కని స్నేహాలను అల్లుకుంటుందో ప్రత్యక్షంగా చదువు తుంటే మీ లాంటి గొప్ప మనిషి తో మా పరిచయానికి మనసు సంతోషం తో ఉప్పొంగి పోతుంది సార్. చాలా ఆర్ద్రత కలిగిన ఓ మంచి స్నేహ పూరిత వ్యాసాన్ని చదివిన సంతృప్తి కలిగింది. హృదయపూర్వక శుభాకాంక్షలు శుభాభినందనలు సార్ మీకు. మీ అందరి స్నేహ బంధం కలకాలం సుఖసంతోషాలతో వాడని తీగ వలె ఉండాలని మనస్ఫూర్తిగా కోరుకుంటున్నాను సార్ 🙏💐🙏💐🙏💐🙏💐🙏
మొహమ్మద్ .అఫ్సర వలీషా
ద్వారపూడి (తూ గో జి)

Log in to Reply
1. 25.1
  
  డా.కె.ఎల్.వి.ప్రసాద్
  July 27, 2021 at 7:45 am
  అమ్మాయి
  నీ హృదయపూర్వక స్పందనకు ధన్యవాదాలు
  
  Log in to Reply
26

డా.కె.ఎల్.వి.ప్రసాద్
July 27, 2021 at 12:32 pm
ఎవరి జీవితం లో నైనా స్నేహితులది ముఖ్య పాత్ర. నిరంతరంగా స్నేహం కొనసాగించగలగడం గొప్ప విషయం.ఇరువైపులకూ వర్తించే సూత్రం. అటువంటి స్నేహితులు లభించటం అదృష్టమే.మిమ్మల్ని మీ స్నేహితులనూ అభినందించక తప్పదు.బంధుత్వాలకంటే స్నేహం గొప్పది ఇది నేను పరిశోధించి చెప్తున్నదిగాదు .పెద్దలు చెప్పిందే..ఒక విషయాన్ని సాధారణీకరించి( generelise చేసి)మీ జ్ఞాపకాలకు అన్వయించి చెప్పటం బాగా చేస్తరు మీరు .అంతమంది స్నేహితుల పేర్లు గుర్తుంచుకొని వారి ఫోటో
లుకూడా భద్రపరచుకోవటం మీశ్రద్ధను చెప్తున్నది68వ సంచిక అన్ని సంచికల వలెనే బాగున్నది సర్!
,నాగిళ్ళ రామశాస్త్రి
హన్మకొండ.

Log in to Reply
1. 26.1
  
  డా.కె.ఎల్.వి.ప్రసాద్
  July 27, 2021 at 12:33 pm
  కృతజ్ఞతలు
  శాస్త్రి గారు.
  
  Log in to Reply
27

డా.కె.ఎల్.వి.ప్రసాద్
July 27, 2021 at 4:10 pm
🙏🙏

Sir mee jnapakala pandiri lo puchinavi yenni rangula pulo.

yentho istam tho jnapakam unchukuni ,photos tho saha dachukuni, anubhuthulu nemaru vesikuntu unna mee sneham chala goppaga undi sir.mee snehithulu kuda adrustavanthulu.

Chaduthu unte Jnapakalu meeve ayina naku kuda teliyani usharu, anandam , kaluguthondi.

Idantha urike rasinadi kadu.manasu tho anubhuthi chenduthu ,mimmulani abinandisthu rasina matalu.

🙏🙏🙏🙏
శ్రీమతి సుజనా పంత్
భీమారం
హనంకొండ.

Log in to Reply
28

డా.కె.ఎల్.వి.ప్రసాద్
July 27, 2021 at 4:11 pm
మేడం ధన్యవాదాలండీ

Log in to Reply
29

డా.కె.ఎల్.వి.ప్రసాద్
July 27, 2021 at 8:23 pm
Good evening sir 🙏e week jnapakala pandiri chala bagundi snehaniki nirvachanamu chepparu me jnapaka shakthi ki hats off snehithulalo kevalamu doctors ne chupettalani anukunnara sir school friends lo oka iddarini parichayam Chester bagundedemo sir 👍🙏
ప్రమోద్.కు సుమ
హైదరాబాద్.

Log in to Reply
1. 29.1
  
  డా.కె.ఎల్.వి.ప్రసాద్
  July 27, 2021 at 8:23 pm
  స్పందనకు ధన్యవాదాలు
  
  Log in to Reply
30

డా.కె.ఎల్.వి.ప్రసాద్
July 27, 2021 at 9:49 pm
జ్ఞాపకాల పందిరి 68 లో చదువుకున్న రోజులు గొప్పవని, తిరిగి రమ్మంటే రావని చెప్పడం బాగుంది. చదువుకునే రోజులలలోని మిత్రులను గుర్తుపెట్టుకొని తరుచుగా పలకరించడం, వారితో స్నేహసంబంధాలను కొనసాగించడం మీ స్నేహశీలతకు దర్పణం. అభినందనలు.
—–జి.శ్రీ నివాసాచారి
కాజీపేట

Log in to Reply
1. 30.1
  
  డా.కె.ఎల్.వి.ప్రసాద్
  July 27, 2021 at 9:49 pm
  ధన్యవాదాలండీ
  
  Log in to Reply
31

డా.కె.ఎల్.వి.ప్రసాద్
July 28, 2021 at 4:38 am
శుభోదయం సార్. 🙏 మీ ఙాపకాలపందిరి మిత్రుల అనుభవాలతో చాల బాగుంది. నేనూ మిత్రులంటే చాల ఇష్టపడతాను. మంచిచెడుల భాగస్వామ్యానికి, కలిసి గడిపిన మధురక్షణాలకు ఊపిరినిచ్చేది స్నేహబంధమేనని నా ప్రగాఢ విశ్వాసం. ఒక ఉపాధ్యాయినిగా నేను శిష్యసమూహాన్ని కూడా మిత్రుల జాబితాలో చేర్చుకొని తరచూ ఫోన్లు, మెసేజ్ లతో సత్సంబంధాలు కొనసాగిస్తూ ఆనందపడుతుంటాను.మీ ఙాపకాలపందిరితో నాకు సంతోషం కలిగిస్తూ, నా సంతోషాన్ని కూడ పంచుకునే అవకాశం కల్పించిన మీకు శతదా వందనాలు. 😊🙏
—డా.ఆకునూరి విద్యా దేవి
హన్మకొండ.

Log in to Reply
1. 31.1
  
  డా.కె.ఎల్.వి.ప్రసాద్
  July 28, 2021 at 4:39 am
  అమ్మా
  మీ స్పందన కు ధన్యవాదాలండీ.
  
  Log in to Reply
32

డా.కె.ఎల్.వి.ప్రసాద్
July 28, 2021 at 4:49 am
మీరు వ్రాసిన మీ స్నేహితులలో Dr .G.N . Rao garu నా మిత్రడు కూడా అని చెప్పుటకు నేను గర్వపడుతున్నాను. 40 సంవత్సరాలు పైగా మేముమిత్రులము. అయన స్వభావము జీవనశైలి చూచి తొలి పరిచాయములో మీరు ప్రవేటు ప్రాక్టీసు పెడితే చాలా పైకి వస్తారు అని వక్కాణిచి చెప్పిన మొదటి వ్యక్తినని ఆయన చేప్పు తూ వుంటారు. అటువంటి స్నేహితుడు నాకుండదము నా అదృష్టముగా భావిస్తున్నాను. ఆయన ఆప్యాయత గురించి ఎంత చూపినా తక్కువే అనుపిస్తుంది. నన్ను వారి ఒకకుటుంబ సభ్యునిగా ఆదరిస్తారని చెప్పుటకు నేను ఎంతో ఆనందపడుచతున్నాను. నా మనసులోని మాట చెప్పుటకు యీఅవకాశము ఇచ్చి నదులకు నా ధన్యవాదాల.
🌾🌷🌾
I.M.Nath
Friend of Dr.GN Rao.
Hyderabad

Log in to Reply
1. 32.1
  
  డా.కె.ఎల్.వి.ప్రసాద్
  July 28, 2021 at 4:50 am
  మీ స్పందన కు ధన్యవాదాలండీ
  
  Log in to Reply
33

Raghu I Reddy
August 9, 2021 at 9:19 pm
గౌరవనీయులయిన KLV గారికి ,
జ్ఞాపకాల పందిరి అంటే మీరేదో కవిత రాసారు అనుకున్నాను. కానీ ఈ విధంగా పాతరోజులను, పాత మిత్రులను జ్ఞప్తికి తెస్తారనుకోలేదు. మీపరిచయ శైలి ని చూస్తుంటే తిరిగి 1975 లోకి పోయినట్లుంది. ఈ 50 ఏళ్ల రకరకాల కాలేజీ జీవనం లో ఎంతో మంది పరిచయమౌతారు. కానీ వాళ్ళు జ్ఞాపకాల పుటల్లో ఉండిపోతారు. వాళ్ళని తిరిగి నిద్ర లేపి నాకు కొత్తగా పరిచయము చేసినందుకు నీకు ఎనలేని ధన్యవాదాలు. ఈ పరిచయ పరిమళాలు శాశ్వతంగా ఉండాలని కోరుతూ
మీ రఘునాథ రెడ్డి.

Log in to Reply