[శ్రీమతి శాంతిశ్రీ బెనర్జీ రచించిన ‘ఆఖరి క్షణాలు’ అనే కవితని పాఠకులకు అందిస్తున్నాము.]
వార్ధక్యం పైన బడినా పర్లేదు బాగా చూసుకుంటామన్న భరోసాను విశ్వసించి ఆత్మీయ ప్రాణిని హోమ్లో విడిచి పెట్టాం మూడు రోజులు మాత్రమే! పని మీద మరో ఊరు పయనమవగా మూడవ రోజు ఉదయాన వచ్చింది ఫోన్ కాల్ జీవి కోమాలోకి వెళ్ళిందని వచ్చి తీసుకెళ్ళమని ఆఘమేఘాల మీద ఆత్రంగా చేరుకుని నిద్రావస్థలో ఉన్న దేహాన్ని డాక్టర్ల కప్పగించగా టెస్టులన్నీ చేసి ఇంజెక్షన్లు పొడిచి సెలైన్లు ఎక్కించి బోలెడంత చార్జ్ చేసి ఇక లాభం లేదు వృద్ధురాలు మరి అన్నారు! ఆశ వదుల్కోలేక ప్రయత్నం సాగించమని ప్రాధేయపడగా నాల్గవ రోజున ఎప్పుడైనా పోవచ్చు ఇంటికి తీసుకెళ్ళమని ఎమోషన్లెస్గా నిక్కచ్చిగా చెప్పారు పెద్ద పెద్ద మొత్తాలు కట్టించుకుని వదిలారు
ఇంట్లో ——— క్షణమొక యుగంలా గడిపాం నిరీక్షణలో మధ్య మధ్య కదుల్తూ ఆక్రోశంతో ఆర్తితో అరిచే అవస్థ చూడలేక తల్లడిల్లి పోయాం అంత వేదన లోనూ మేం తాగించిన సూపు కళ్ళు మూసుకుని ఆత్రంగా చప్పరించడం మా పిలుపుకు స్పందించడం చూసి కొంత సంతృప్తి పడ్డాం —
చివరికి ఆత్మ శాంతించింది జీవం నిర్జీవమైంది శరీరం బాధా విముక్తమైంది పదిహేనేళ్ల ఋణానుబంధం తెగిపోయింది గాలిపటంలా!
పరిపూర్ణ జీవనయానంలో ప్రేమానురాగాలు పంచింది తోడు నీడగా నిలిచింది కుటుంబ వ్యక్తిలా మెలిగింది అసూయా ద్వేషాలతో మగ్గే మనుష్యుల కంటే నిష్కల్మష మూగజీవి మా ఒబ్లీయే మిన్న అని భావించే మా మనసుల్లో మరపురాని స్మృతులు మిగిల్చి వెళ్లిపోయింది!
శాంతిశ్రీ బెనర్జీ గుంటూరులో పుట్టి పెరిగారు. ఎమ్.ఏ. వరకు వారి విద్యాభ్యాసం అక్కడే జరిగింది. జవహర్లాల్ నెహ్రూ యూనివర్సిటీ, ఢిల్లీలో ఎమ్.ఫిల్. చేశారు. తీన్మూర్తి భవన్, డిల్లీలో నెహ్రూకు సంబంధించిన ‘సెలెక్టెడ్ వర్క్స్ ఆఫ్ జవహర్లాల్ నెహ్రూ’ ప్రాజెక్ట్లో అసోసియేట్ ఎడిటర్గా పనిచేసి వాలంటరీ రిటైర్మెంట్ తీసుకున్నారు. అప్పటినుండి కథలు, కవితలు, వ్యాసాలు, ట్రావెలాగ్స్ రాస్తున్నారు. ప్రస్తుతం హైదరాబాద్లో ఉంటున్నారు. 2022 జూలైలో వారి కథా సంపుటి ‘మానుషి’, కవితా సంపుటి ‘ఆలంబన’ వచ్చాయి.
You must be logged in to post a comment.
చెప్పాలని వుంది….
లేత మనస్సులు
ఎడారి కోయిల
నానాటి బ్రతుకు నాటకము
మందు కంటే మత్తెక్కించేవి
సంగీత ప్రపంచానికి అమూల్యమైన ఆభరణం-లత-22
మహతి-42
వేంపల్లి రెడ్డి నాగరాజు నాలుగు మినీ కథలు-38
భారతీయులకు హెచ్చరిక-7
జ్ఞాపకాల పందిరి-18
ఇది హరిప్రసాద్ గారి స్పందన: *👏👏 Keep moving the story..*
ఇది హరిప్రసాద్ గారి స్పందన: *Best wishes to you & your friends and supporters..🙌*
ఇది హరిప్రసాద్ గారి స్పందన: * Your episodes are going very nice .👍*
ఇది హరిప్రసాద్ గారి స్పందన: *Your story is moving consistently. keep it up 👍.*
ఇది జబీనా గారి స్పందన: * Prasuna ne vidyardi jivetam gurtu pettukoni yenta baga rasavamma 👌👏 *
All rights reserved - Sanchika®