2018 దసరా కవితల పోటీకి వచ్చిన కవిత.
నీటి చుక్కలన్నీ మింటకెగసి
మబ్బుల్లో దాగి పోతున్నాయి….!
కఠినమైన మబ్బులేమో
కురవని చినుకులను మోసుకుంటూ….
తరలి పోతున్నాయి ఏ తీరాలకో….!
ఎదురు చూస్తోంది నేలతల్లి…
ఒళ్ళంతా పగిలిన గాయాలతో….
చినుకు సవ్వడికై….!
కరిగిపోని మబ్బులు ససేమిరా అంటున్నాయి…
ఓ చిన్న చిరుగాలైనా స్పర్శించనిదే
మేమెలా కురవమని ప్రశ్నిస్తూ….!
మరిప్పుడు ఎక్కడికెళ్ళాలి ….
చల్లని చిరుగాలి కోసం
పచ్చదనాన్ని కోల్పోయి
బీడు భూమిగా మిగిలిన నేలతల్లి….!
జలం కావాలంటే
మనం…మనం చేయి కలిపి
వనాలు పెంచాలి…!
అప్పుడే ఆ వన దేవత ఒడిలో
సేద తీరుతుంది పుడమితల్లి…!!
